هل اولاد المغتربين حناكيش؟؟؟؟؟ ادونا رأيكم...!!

[عفراء]

السلام عليكم ورحمة الله وبركاته
[blink] الاخ صلاح شكرا على موضوعك هذا بس عايذا اقول ليك نحنا مش حناكيش
بس البئية الاتربينا فيها غير عن البئية الفى السودان غير كدا هنا فى الغربة كل حاجة سهلة
والكل بتعامل بى رقة انا السنة الفاتت مشيت السودان وكنت احاول انى ماظهر انى مغتربة
لاكن كنت لو مشيت الدكان وطلبتا حاجة الكل بعاين لى بستغراب ناس السودان بقول علينا حناكيش
يعنى فى السودان لو قلت لى زول لوسمحتا بقول عليك حنكوش [/blink]

[هتان]

كدي نتفق اول شي علي معني كلمه حنكوش
فالحنكوش هو

[هتان]

الاخت عفراء
تعبير لو سمحت غير في قاموس التعامل السوداني

[الليبي]

والله غايتو امكن كل المغتربين حناكيش الا ناس ليبيا والله ديل احييييييييييييييييييييييييييييييينا منهم

[nourelsalam]

الاخوة والاخوات الاعضاء فى منتدى انا سودانى
الاخ صلاح
السلام عليكم ورحمة الله وبركاتة
قصة تسمية الحناكيش دى بقت مصيبة كبيرة لان الكثير من الفتيات والعيال حتى لو ماطلعوا من السودان برضو بمثلوا ليك فيها انهم حناكيش يعنى تلقى فى بنات الواحدة ماطلعت من السودان ولا شبر واحد وتتخفف فى دمها وتمثل ليك جنس تمثيل وحاتك تقول دى لا شافت شمس ولاشافت مطر وشافت ضبان قبل كدة ولا شافت كتاحة والواحدة تقول ليك بوش دة شنو انا بعرف بوش رئيس امريكا وبس
ووحاتك الواحدة تكون بتاكل بوش تلاتة وجبات والكتاحة هى عايشة فيها ليل ونهار والضبان برضو بتعرفوا تمام التمام ولكن هذة دواعى الحنكشة ومايسمى بى البر ستجيا وهى تطلق على الكثير من المفصومين فى السودان وهم الاشخاص من الجنسين والذين يعيشون فى وهم انهم اولاد عز وواولاد المصرين البيض
انا شخصيا بحس بانو البلد البعيش فيها البنى ادم فى الكثير من الاحيان يتاثر بيها وفى تصرفاتة واعرف كثيرا من الذين هم فى دول الخليج والسعودية عندما يحضرون الى السودان فى عطلة او اجازة ويكون 75% من الاجازة نبذ وشتيمة ومقارنات بين البلدان التى يعيشون فيها وبين السودان الوطن الجريح الوطن الام
الوطن ومن انجب الاباء والاجداد والامهات
وتجد من يقول ليك ايش هذا وايش لونك وايش وايش مع العلم اننا فى الكثير من الدول الخليجية والعربية والسعودية ينظر الينا بنظرة فيها الافتراء والتكبر والعجرفة واننا بنى ادمين اقل من هولاء العرب المستعربة مع العلم اننا نحن من علمنا هولاء الاعراب ابجديات الحروف والقراءة والكتابة وحتى كرة القدم
واعيب جدا على البكثير من الاباء والامهات من عرزوا روح كريهية السودان فى نفوس الاطفال والعيال بكثرة نقدهم للاوضاع فى السودان وبعيدا عن السياسة تجد الكثير منمن قدر لهم بالهجرة الى خارج السودان
تجدهم يلعنون ويشتمون ويقللون من الكثير من الاشياء فى السودان حتى ينغرس هذا الاحساس فى نفوس الكثير من العيال ويكرهون حتى ذكر اسم السودان فمابالك بعطلات واجازات الى السودان
ولكن فى السنوات الاخيرة كتب الله على هولاء العيال ان يرجعوا الى السودان غصبا عنهم وبدون ارداتهم لظروف الدراسة لان الكثير من الدول الخليجية والسعودية ابت ان يدرس ابناء الاجانب فى جامعتهم
والله فى عون السودان بالكم الهائل من الحناكيش العائدين مرغمين على العودة للدراسة
وتذكرت الان قصة جزاء سمنار وهو من بنى احسن قصر لملك وكان جزاة ان رماة الملك من اعلاء القصر حتى لايبنى غيرة الى اى احد وهو نفس الشى اكل اهل الخليج والسعودية لحوم الاباء المغتربين
ورموا العضم منهم وهم الابناء والعيال خارج تلكم البلدان
وهذا هو فى نظرى جزاء سنمار بعينة والتاريخ يعيد نفسة نفس الوطن ونفس البلد والتى تعلم الابناء كرهيتها هى نفس البلد التى احتضنتهم مرة اخرى وصارت لهم خير ام وعون واب فى حين مازال الملاين من الاباء والطيور المهاجرة خارج الوطن والامهات
الحنكشة بدات فى الاندثار والتلاشى وبدا الحناكيش فى اكل البوش والتعود على الكتاحة وقطع الكهرباء والمشى كدراى والنوم فى السهلات وروية الذباب والضبان كما يحلو لى ان اطلق على الذباب
والبقية فى العدد القادم
تحياتى
نور الاسلام

[دلوعة الامارات]

الصراحة أولاد المغتربين ماحناكيش أولاد السودان هم الحناكيش والحمد لله أن السودان تطورت وبقى فيها حناكيش وبلييييييز ما تزعلو لأن ده الحاصل وبعدين الغيرة بتقتل صاحبها

[تونقا 2]

مشكور يا عمنا على الموضوع
يا جماعه هسى انا مغترب لى سنين عديده اموت واعرف كيف تتم عمليه الحنكشه دى
والله يا عمنا زى ما قلت ناس مقفولين وكارهين اليوم الخلاهم يغتربو ناس يا اخوانا
الشقق عملت ليهم نفسيات اطفال لا حول ولا قوه لهم الواحد عمره سبعه تلقاهو ما بيعرف
يتكلم بنات مابعرفن شى الواحده عمرها خمسه عشره سنه ما بتعرف تمعل غير البيض
قال حنكشه قال واما عن طبيعه الاكل والشرب ده شى عادى كل ياكل بى مزاجو الله
يذيد ويبارك والله يا ناس ديل ناس مقفولين وما يدرو عن الحياه شى ولمن ينزلو لاهلم
او يدرسو بعانو الكثير من المشاكل مثل التاقلم مع المجتمع الغير .
وفاقد الشى لا يعطيه
وتعالو النسعلكم حنـــــكوش ده بالحاء ولا بالساء

[جذاب وما كذاب]

[frame="7 80"]والله يا اخونا انا راي اانو الحكايه لا اغتراب ولا هم يحزنون
الحكايه في النهايه تربيه وما اكتر
الدليل علي الكلام ده انو بتلقي ناس جو السودان كان سالتو السوق العربي ده شنو حيقوليك
هيه هيه يه انا شفته مامي جايباهو من المول دايره تتطبخ بيهو (زيت العربي)
يعني الحكايه في النهايه تربيه وتنشيه[/frame]

[الغريبة]

شكرا على البوست الرائع الذى يطرح قضية مهمة فى مجتمعنا السودانى
اولياء امور اولاد المغتربين بيلقوا الجنسيات الاخرى فى مكان ما عايشين
وطبعا مع معاشرتهم تتغير طريقة التعامل مع كلا سواء الناس او الماكولات ...
وبتتنقل التربية طبعا للابناء اللى ما بيكونوا اساسا ما ماخدين اى فكرة عن السودان
وطبعا بيكبروا وبيعاشوا اجناس اخرى من البشر...
اما المقيمين فى السودان عندهم فكرة انو الناس الكبار خاصة الحبوبات عندهم معرفة اكتر
فيتعلموا منهم ..
طبعا البيتعلموهوا ناس السودان مرفوض او غير مقبول بالنسبة للجنسيات الاخرى اللى
اتعلموا منها اولاد المغتربين..من هنا بتبدا نفطة الخلاف

[صلاح يحيى سليمان]

الاخوة الكرام.....!

حقيقة انا اسف جدا لعدم تمكنى من المرور على الموضوع والرد على كل المداخلات فى حينها....!
فارجوكم المعذرة.......! اشكر جميع الذين عبروا عن رائهم فى الموضوع...عفراء....هتان....الليبى...
نور الاسلام...دلوعت الامارات..جذاب وما كذاب......تونقا 2 ..... lolaaa...واخيرا الغريبة.....!!!!
حقيقة الموضوع وكما تلاحظون من المداخلات.....يهم المغتربين وايضا فيئة كبيرة من السودانين داخل
الوطن....بس الملاحظ ان نسبة المداخلات للمغتربين اكبر من مداخلات اخوانا فى السودان.....!
عاوزين نعرف آراء الاخوة والاخوات داخل الوطن.....!
هل فى نظركم اولاد المغتربين حناكيش؟؟؟؟وهل تربطون لفظ حنكوش بالمغترب فقط او هنالك حناكيش
فى السودان....تلاحظوهم فى تصرفتهم اليومية وتعلمون انهم غير مغتربين......وما الفرق بين الاتنين؟؟؟؟

مع تحياتى

[mohab ahmed tombel]

لو قلنا حنكوش او حتي هو بنفسه قال اي اناحنكوش بيضحك علي نفسو لانو هو في الاخر سوداني وخاصة الفي منتدي انا سوداني والعبرة بعموم اللفظ

[صلاح يحيى سليمان]

تشكر اخ مهاب....!
وهو فى زول عاقل بقول على نفسوا انا حنكوش؟؟؟؟

مع تحياتى

[shosho]

لالا والله لكن ظلمتوهو المغتربين ما كلهم كده

[صلاح يحيى سليمان]

اخت شوشو الف مرحب بيك معانا فى انا سودانى...وحبابك عشرة....!
من مشاركتك الاولى ...اظن انك مغتربة .....وفعلا كلامك صاح
مصطلح الحنكشة ....مربوط بالمغتربين بدون مبرر...!
لكين السؤال ليه؟؟؟؟؟؟؟؟؟؟؟

مع تحياتى

[سالى]

الصراحه يا استاز مشرف كلمك ده بطابق هنا فى دبى لا طبعن ما كل السودانين فى دبى حنا كيش انا لمن مشيت السودان اول مره 10 ايام صح عجبنى لكين شوفتها مخلفه عن الحيا فى الا مارات الكلام الناس وصبعن لمن اسءل الكلمه دى يعنى شنو اكيد حقو لو لى حنكوشه او دلوعه دبى
لكن ياله كلو من السودانين حلو
وبعدين الحنا كيش الا مر ما بى ادهم الضروف ما سمحت ليهم العيشه فى السودان لكين وين يا فرده مصروم الرجعه

[memo]

مفهوم الحنكشه في السودان هو كل واحد عايش بره السودان هو حنكوش لاكين الكام ده غلط 100% لانو احنا ما حنكيش بلعكس احنا بنمثل السودان في الغربه وبنرفع راس كل سوداني وسودانسه في السودان لاكين انا اقول انو في بعض الناس ما حناكيش لاكين لمن يمشي السودان بيعملو نفسهم خلاص الناس ديلاك بتاعون الدلع والحنكشه لاكين ده طبعا ما كل الناس المغتربين بيعملو كده انشاء الله انا نازل السودان شهر سبعه اشوف الحال كيف بس انا ما حنكووووووووووووش زي ما حظن بعض الناس

[ربوبة]

انا عايشه في قطر وبما انو من كم من يوم بس عرفت معني كلمة حنكوش /حنكوشه وبعد الشرح الوافي لمعناها ونشكركم جزيل الشكر عليه ،حبيت اني اعلق على الموضوع صحيح انو في ناس شايفين نفسهم
ومتعاليين لاكين ده ما بس في السودانيين في كل الاجناس والاعراق وحقيقة انو الناس في السودان بنسبوا
الصفه ده للمغتربين بس وكانهم عايشين في فنادق اربعه نجوم انا بقول ليهم انهم مخطئين في حقنا لاننا هنا بنعاني زيهم ولو كانت المعاناة اقل يكفي اننا بعيدين عن وطنا واهلنا ده براها اكبر معاناه ,وشكرا

.

[wissam]

انا رأي من رأي بت ابوظبي
وشكرا علي الموضوع

[هدندوية مية المية]

انا مرة مشيت السوداااان و في فصل ربيع والامطار غزيرة والباعوض متزايد
المهم مسكتني ليك ملاريا والله قسمتني النص بالنص 00 ولما كنته اقول ما دايرة اكل من اكل السودااان لانوا نفسي مرقت منوووووو يقول البت دي حنكوشة و دلوعة ودايرة اكل ابوظبي (( في الصراحة انا كنته اتذكر اكل ابوظبي وانا عيانه ))

المشكله انو مفهوم ناس السودان عن اولاد المغتربين مفهوم خاطئ مليون في الميه 00
وبعدين احنا ما نتكلم عن كل اولاد المغتربين 00 الناس العندهم الاولاد الممكن تقول عنهم صحي حناكيش ديل الناس الاولادهم اصلوا ما شافوا السوادن 00 يجيبوهم فجاة السودان الناس تفرق معاهم الجو يفرق معاهم الناس 24 ساعة في بيتك لكن هنا ممكن يمر شهر وبيتك ما يخشوا زوووووووول 00 والاهل يكون ليهم استطاعة يجيبوا اولادم السودان ولكن يودوهم تركيا وكندا وتونس و00000الخ
لكن الناس السنويا بجيبوا اولادم اذا اتعاملته مع اولادم بتلقاهم عادين لا دلوعين ولا حناكيش 00 متعدويين على الناس وعلى دخلاتم وزياراتم وعلى البوش والرقشات والمواصلات 000 الخ
(( واخر شي 00 ما اي زول بقولوا بابا ولا ماما حنكوش ولا دلوع 00 بابا وماما مافرقت من امي وابوي ))

[أهتم فيني]

السلام تصدقو ياشباب أني لما أنزل السودان في الأجازه أقوم بي بعض الأعمال ألي أبناء السودان
نفسهم مايعملوهاالناس مفكرين الغربه حلوه لكن أنتو أدرى أحنا ما حناكيش أحنا مبشتنيش