الجامعات في السوادن ..

[Just a G!rl]

السلام عليكم ..

ياجماعة أنا ممتحنة السنة دي شهـــادة من الامارات وعاوزة بس أعرف معلومات عن الجامعات في السودان بشكــل عاام لانو ماعندي أي فكرة عن الجامعات هناك ..

Just a G!rl >>

[Just a G!rl]

ياخوانا شنــو الحكــاية جاوبونا ..

[suDaNeSe BoOoY]

هاي............
كيف الحال.
انا ممكن اقوليكي عن اقوى الجامعات في السودان.
وهي:الجزيرة-الخرطوم-السودان-افريقيا العالمية-جوبا-التقانة.
وطبعا كل جامعةمن ديل لها تخصص يميزها عن الجامعات التانية.
كل الجامعات دي جامعات حكومية.

وفي جامعات تانية بتكون بالقروش.
مثلا:جامعةكمبيوتر مان تخصص كمبيوتر بس.
جامعه مامون حميدة تخصص طب.

وشكرا............................دي المعلومات العندي....................................

[Just a G!rl]

sudanese boy
شكـــــــراً على المعلومــات ..

[المقدام]

لو تحددي من اي ناحيه ممكن نساعدك

[انا كوول]

و الله انا احتي امتحنت السنة الفاتت برضو من الامارات و سافرت هسي بعد العيد .....
لكن اقوى الجامعات اللي بيدخلوها الناس ..
الجزيرة .. مدني
التقانه .. أم درمان
السودان ... الخرطوم

ده بالنسبة لي انا لانهم اتخرجو منها اخواني الكبار

[همسة عطر]

هنالك جامعة ممتازة أذكر منها :

جامعة الرباط الوطني
وجامعة أم درمان الإسلامية

نتمنى لك التوفيق ودمتم في خير ونعمة

[م / ياسر السلاوي]

الجامعات في السودان......طيب انتي بس حددلي لمجال اوالمجالات اللي انتي شايفه نفسك فيهم وانا بديكي معلومات عن الجامعات اللي فيها مجالاتك وامكانياتها بس بستني منك الامعلومات وانا بساعدك وبديك صوره عنها.... وبالتوفيق

[الحريف]

هاااااااااااى
انا مقيم فى العاصمه لكنى ادرس فى جامعه خارج العاصمه
لكن ممكن اديك فكره عن الجامعات السودانيه ونبدا
بالجامعات الحكومييه
فى مجال الطب
1\ الخرطوم
2/الجزئره
فى مجال الهندسه
1/السودان
2/وادى النيل
فى مجال القانون
1/النيلين2/امدرمان الاسلاميه
ودى طبعا تعتمد على الدرجه التى حصلتا عليها وهى تشترط ان تكون درجه عاليه
اما الجامعات الخاصه : وهى تعمد على المال اولا وليس على الدرجه مثل
فى مجال الكمبيوتر والهندسه
1/كمبيوترمان
فى مجال الطب
1/ الاحفاد
وهناك جامعات اخرى لها تخصصات اخرى مثل الاهليه والامام الهادى

على العموم اجتهدى فى التخصص التى تدرسى به وستجدى الجامعه التى تناسب مغدراتك
ولكى من كل التوفيق والتقدم بازن الله ونحن فى انتظارك بارض المليون ميل مربع

[ahmedBolbol]

السلام عليكم ورحمة الله وبركاته
والله يااختى نصيه اياك تدرسى فى السودان لانو بالجد الدراسة فى السودان
انتهت وكانت زمااااااااااااااااااااان انتى بتدرسى فى الامارات دى براها نعمة
كبيره شدى حيلك واجتهدى وجيبى نسبة كبيره اخدى منحة من الدولة وادرسى
فى الجامعة الامريكية دبى او الشارقة احسن ليك الف الف الف مرة من السودان
انا اختى ممتحة معاك السنة دى والله مستحيل اخليها تتدرس بالسودان
انا درست بجامعة السودان هندسة طيران والله الشهادة الا جيت دعمتهات
من كلية الامارات للطيران حتى قدرت اشتقل الدراسة فى السوان
بقت مسخرة كل الجامعات الخاصة والحكومية وناهيك بعد تتخرجى
خدمة وطنية وكلام فاضى شيلى الفكرة دى من راسك وواصلى دراستك هنا
ده من وجهة نظري.....
وماتنسى كمان اشيلو منك عشرة درجات وكدة اكيد حتدرسى بالفلوس وفلوس
لفلوس احسن تدرسى فى الامارات وتكونى مع اهلك والله السودان تعب ومرمطة

[قمر ام درمان]

ياالاخ الحريف هل راجعت ماكتبت ياا لطالب الجامعي ؟؟؟
اربعة اخطاء املائية .. انتبهوا ياجماعة .. اللغة الام خلاص
راحت وامكن اللغة الانجليزية كمان .. حاجة مؤسفة ..

[m!ss Sudan]

السلام عليكم ورحمة الله وبركاته
والله يااختى نصيه اياك تدرسى فى السودان لانو بالجد الدراسة فى السودان
انتهت وكانت زمااااااااااااااااااااان انتى بتدرسى فى الامارات دى براها نعمة
كبيره شدى حيلك واجتهدى وجيبى نسبة كبيره اخدى منحة من الدولة وادرسى
فى الجامعة الامريكية دبى او الشارقة احسن ليك الف الف الف مرة من السودان
انا اختى ممتحة معاك السنة دى والله مستحيل اخليها تتدرس بالسودان
انا درست بجامعة السودان هندسة طيران والله الشهادة الا جيت دعمتهات
من كلية الامارات للطيران حتى قدرت اشتقل الدراسة فى السوان
بقت مسخرة كل الجامعات الخاصة والحكومية وناهيك بعد تتخرجى
خدمة وطنية وكلام فاضى شيلى الفكرة دى من راسك وواصلى دراستك هنا
ده من وجهة نظري.....
وماتنسى كمان اشيلو منك عشرة درجات وكدة اكيد حتدرسى بالفلوس وفلوس
لفلوس احسن تدرسى فى الامارات وتكونى مع اهلك والله السودان تعب ومرمطة

خووووووووووووووفتنــــى بكلامك ده

وانا خاتة فى بالى انـى امتحن هنااك وأقرى الجامعة هنااك

حيرتنى عديل كده


انا اخترتا 3 جامعات وهى

1) الجزيرة

2) التقانة

3) السودان

انشاء الله خيير