الطائرة الدفار

[زوز]

يا اعزائي .......
رأيكم شنو ما دام نحنا ناس بيت واحد ..نمارس النقد الذاتي على ( حاجاتنا ) ودا من باب المصلحة ليس الا ... على الاقل عشان نشوف مع بعض الممكن يبقى شنو ...؟
وح نبدأ بناقلنا الوطني ( سودانطير ) او سودانير ....
رأيكم شنو في ( مواعيدها المظبوطة) وانتظام رحلاتها ومستوى خدماتها ...... وسعيها لراحة المسافر .... ومعاملة الطاقم .........( انا متأكد انو كتير مننا ما قرب منها لوجود خطوط اخرى ..) المهم نقدر نقول انها الطائرة الدفار ؟؟ خصوصا انو في احدى الرحلات سرى صوت عبر الاذاعة الداخلية صائحا: يا جماعة امسكوا الشفع عشان نديكم العشاء...) وقبل كدة حطت في احد المطارات الدولية العربية وكانت الرحلة اللي قبل الهبوط في المطار الدولي دا جاية من احد اقاصي المطارات داخل السودان .. وبنفس الطاقم .... وبعد تلك الرحلة ماشة تجيب الحجاج ....!!!!وليييييه هي الطائرة الوحيدة اللي بيركبوها السودانيين بس؟؟؟؟ بخلاف الخطوط الاخرى؟؟؟؟؟ يلا خلونا نتفاعل ...

[ام ريتاج]

بصراااااحه موتنيييييي من الضحك .عاارف لييييييييييه لانووووووو والله المصطلح ده بنستخدمه كتير . وما تنسى الشماعه اياام الاجازاااااات والدفره في المطباات الجوييييييه والله انا متاكده انو كتير جدا الكابتن يكون فكر فيهااااا. بس شكله يخاف الناس ما تقدر لانه تكوون الفيهم كملت من السهر في المطار يومين وطبعا عندنا زاد الطين بله رييييييييييحة البتاااان اللي تدوخ واالله لما تركب الطيااااره تكووون سطلت من ريحتن ا.... بدون تعليق ودا طبعا كله من يوم ما فصلواااا سوداااااانطير مع .........
بس بعد ده كله واللللله ماااااا اقدر اسافر بخطوط غيرررهااااا ما بعرف لييه اكون مطمنه جدااااا؟

[ابراهيم الجيو]

سأتيك للسرد قريباً عزيزي زوزو,,,, فهذا هو مجالي,,
دمت بود,,,

[استارو]

اخى وصديقى المتالق
زوز
تحياتى لك على ماتسرده من مواضيع هادفة وقابل للطرح
نحن مشاكلنا كتير برآ وبحرآ وجوآ و000
يمكن الواحد املو كبير تقدم طيرانا دا بالذاد ماملين فيه
بالجد قنعنا من السفر بالسودانيه والكل عارف
( تتعددو الاسباب والموت واحدو)
ونتمنا بس قول امين
تقبل تحياتى
وننتظر جديدك

[جذاب وما كذاب]

[frame="7 80"]والله طيرانا ده عامل زي عربات الكشه بتاعت السوق العربي

الا لا وراكم الشر ولا وراكم التعليق فوق المطارات
الطايره بتبقي زي ناس الهايس الخايفين من ناس المرور بسبب الايصالات والقطع
من طرف .
طياره بخمسه (جوكيه) ركشه بس
غايتو الله يدي العافيه [/frame]

[حازم جمال]

يا جماعه طياراتنا دى زمان كنا بنركبا وبنقول ما بتتخطف لانو الخاطف ما اهبل عشان يخطف طياره عضه مافيها بنزين مافيها ويقول دى بتقع بى لكن الظاهر الزمن دا الهبل كترو وحتى سوداطير طياراتا بتتخطف
لى ما تكون فى مقاطه لهذه الخطوط التعيسه من جميع المغتربين ونخليها تشتغل فلى مطار دنقلا بس
خاصه بعد الخصخصه دعوتى دى ما حتكون عدم وطنيه
مع تحيات زول جلس فى المطار 18 ساعه

[زوز]

احبائي المتفاعلين استارو وحازم جمال وجذاب ......
لكم ودي وانتم تتحفونا بآرائكم وتعليقاتكم .......وشاكر ليكم المرور المفرح دا..
[overline]اما عزيزي ابراهيم الجيو[/overline] ....انا في انتظار سردك المتخصص ..عسى ان ينصلح حال سودانطير..

[احسان]

والله يازوز انا مابعرف الطائر الدفار بس اعرفو بقول ليك على تعليقى عليهو ماشى

[حنضله]

والله عزيزى كل ما بوسعنا قوله هو ربى يكون فى عون المسافرين

[unknown]

ههههههههههههههههههههههههههه

الحمدلله ماحصل لي الشرف لسه
بس الباين كدا
انو الحاله صعبه فيها

من الجمله دي

يا جماعة امسكوا الشفع

لاحول ولاقوة الا بالله

[جذاب وما كذاب]

[frame="7 80"]اانتو عارفين باقي يكتبوا جوه الطايره
(العفش داخل الطائره علي مسؤليه صاحبه)[/frame]

[العربى]

يا ابو الزوز
احكى ليك موقف مر على وانا فى مطار ابوظبى كان مواعيد الدفار السودانى ( ومتاسف) الساعة 10 مساء وكان جنبى واحد مصرى مسافر السودان بالسودانية يدخل ويطلع ويطلع ويدخل والسودانية متاخرة ...
واحد سودانى سالو طيارتك جات
رد المصرى لا ياعمى والله المدلعة لسة ماقاتش هو فى حد بحاسبها تروح وتجى على كيفها...
لكن الحساب جاء سريع من ادارة المطار و حولوها المطار رقم 2
لانها بتتاخر بالايام وتخلى الركاب مقاطيع فى صالة المغادرة ...