لحظة من فضلك,أي هلالابي يرجع ورا.

[طناش]

اخونا : السني
روعة درر كلامك .. لكن ما حطمت الناس الزرق ديل
هههههههههههههههههه
ناس كعوجه وناس مليص الزواغ
وما قصرتا تب
ومبروك لينا الكاس
ونحنا ليهو
وعشره على عشره
والكلام كمل
<<<<<<<<<<<< يا ياسر ,,,
ناس مهند وصهيب ونادر
قالو وروروروروروروورك ابقو السنه الجايه شيلو الكاس
ههههههههههههههه
عموماّ الف الف مبروك لكل مريخابي
اخي: الباشا تلميذ
لك كل التقدير بس خلي روحك رياضيه ووالله انا واحد من الناس اللي فرحان من المستوى
السوداني من كلا الفريقين ولي قداااااااااااام ان شاء الله ...
[img]http://alfrasha.maktoob.com/ups/u/%20%2 ... %20%20.jpg[/img]
يا ياسر الخروف ماشي السلخانه ولا ماشين يفسحووووه في استاد الهلال ,, ههههههههههه

[طناش]

اسف جدا على جرح المريخاب العظماء
ودام الهلال سيد البلد وادعوك لطريق الهداية واتبع الهلال يهديك

<<<<<<<<<<<<<<<<<<<<<<<<<<<<



أتبع الهلال يهديك ..؟!!!!

[Suhaib]

طبعا بعد وصول تهديد من المدير العام السنى لى بايقاف العضوية ولااسف هو من الجماعة الطيبين كنت قد قررت ترك المنتدى نهائيا لكن بوصول ردك احترمك واعتز عن مابدر منى يازوووووووق لكن رجاء عدم زكر ان المريخاب هم صفوة المجتمع لانه بذلك تورية باننا نحن اسياد البلد هم حثالة المجتمع فالامر سيان اذا قال المريخاب هم صفوة المجتمع فما نكون نحن ايسمح لهم ولايسمح لنا بالرد عليهم لكن اذا كان المدير مريخابى ايه نعمل غير نعتز

الاخ الباشا !!!

مرحب بيك معانا ف المنتدي اخ عزيز !!

تعامل الاخ المدير العام معاك فيما بدر من شخصك من كلمات مثل (حثالة المجتمع ) كان غاية ف الحكمة واحترام عضويتك معانا وبعيدا عن مريخيته او وظيفة ادارية داخل المنتدي الكلمات المنسوبة لشخصك في المداخلات اعلاه مرفوضة جملة وتفصيلا باعتبار المنتدي منبر سوداني لا يصح فيه توجيه اساءة الي اي كيان او دولة او اشخاص !!!

لفت نظر الاخ السني لك بتجاوز كلامتك ايطار الاحترام المتبادل بيننا كمريخاب او هلالاب كان بعيدا عن انتماءه الرياضي وموقعه الاداري ارجو ان تفهم هذه النقطة كان بامكانه حظر عضويتك ومسح مداخلاتك دون الرجوع لشخصك ووصفك له بالتهديد ايضا غير مقبول !!

نقدر غيرتك علي فريقك واحيي فيك روحك الرياضية الجميلة وانت تبادر بالاعتزار عن كلماتك الي حين عودة الاخ السني وقبول اعتزارك ايضا !!


وتاني مرحب بيك معانا وسعيدين بوجودك معانا

،،

[موكب فرح]

مشكورين شباب علي المرور.ولك شكر خاص إبن بطوطة يالذيذ. لكن الخروف ده حاناكلو ليك أكل لوكان عنده جدري زاتو.

[Suhaib]

الكاس دا ودانا دوري الابطال والكبار يا بتاع الخروف انت يا بطوط يا متخلف يا وصيف يا متخليني اقول ليك :


كاس السودان بوديك وين ؟؟؟

موكب فرح :

انتي لو عاوزة الفرح سكتك الماشة فيها دي بتخليك تبقي موكب حزن !!

،،

[العربى]

السلام عليكم

يااخوانا الحصل شنو؟

دا شنو البحصل دا؟
والله معاكم حق وليكم حق تفرحوا لانكم غلبتوا الزعيم وسيد البلد





وين كنتوا فى الدورى الممتاز؟

يااخوى السنى سيب الامور مستورة
اثار الفتن والله مابندورة
ماتفرح شديد ماتنخدع للكورة
مايغرك القوون
ولاعبكم الطرطورة
المريخ معروف ومن زمان معرف
ملح اندروس عمرو قصير فى الفورة
والهلال سيد البلد
زول لعب ماهو زول شورة

ولو الله مد فى العمر بنتقابل

[موكب فرح]

هلا بمشرف الرياضة المغلوب شيال الطوب. كل عام وانت بخير والزعيم بألف خير .
ومشكور علي مرورك ياحبيبنا.
تعليق بسيط :
لما الزعيم يتهزم من الهلال وقبل العيد كمان بكون إسمي موكب أحزززززززززززززززززززززان
لكن الزعيم زعييييييييييييييييييييييييييييييييييييييييييييييييييييييييييييم وللابد .

[Abid Ageed]

يا جماعة انا ثقافتي الرياضية ما علي قدر كده . ممكن تشرحوا لي ؟
البطولة الاولي الفي السودان ياتا فيهم كاس السودان ولا كاس الممتاز ؟
يا ريت توروني عشان نناقش معاكم .

مشكوريين

[موكب فرح]

تشكر أخ عابد علي المرور.كاس السودان الاخير كان بين هلال مريخ وطبعا فاز بيه الزعيم >المريخ . وقبله بفترة قليلة كان الممتاز وفاز بيه >الخروف الشايفو فوق ده . طبعا جماعتك كانوا بل صرحوا إن يلموا الكاسين في آخر سنة 2007 لكن علي منو ؟ علي الزعيم . كان غيرهم أشطر.
. بس المشكلة إنهم مابعترفوا بالهزيمة ابدا . دي كل الحكاية ياعابد.

موكب,,,,,,,,,,,,,,,,,,,,,

[Abid Ageed]

تشكر أخ عابد علي المرور.كاس السودان الاخير كان بين هلال مريخ وطبعا فاز بيه الزعيم >المريخ . وقبله بفترة قليلة كان الممتاز وفاز بيه >الخروف الشايفو فوق ده . طبعا جماعتك كانوا بل صرحوا إن يلموا الكاسين في آخر سنة 2007 لكن علي منو ؟ علي الزعيم . كان غيرهم أشطر.
. بس المشكلة إنهم مابعترفوا بالهزيمة ابدا . دي كل الحكاية ياعابد.

موكب,,,,,,,,,,,,,,,,,,,,,

شكرا كتييييييييييييير
لكن ما جاوبت علي سؤالي لحدي الان .
انا عايز اعرف البطولة الاولي ياتا فيهم ؟
معليش اخوك تشابه عليه البقر لأني طولت من متابعة سيستم الدوري في السودان .
وياريت الرد يكون سريع .. رغم انو احساسي بقول انو بطولة كاس السودان هي الاولي
البتيح الفرصة لتمثيل البطل في بطولة الاندية الافريقية ابطال الدوري .
ولو احساسي صادق مبروك للمريخاب وليهم حق انهم يفرحوا الفرحة الكبيرة دي
وهاردلك الهلالاب والجايات اكتر من الرايحات . رغم هلاليتي .

شكرا ليك موكب فرح

[موكب فرح]

لا يا عبيد العكس صحيح. الممتاز أولا ثم كاس السودان .
شكرا للجميع المرور ولي قدام .
أخوكم موكب

[أبو أحمد]

والله يا جماعة المريخ دة عجيب
خالص خالص خالص خالص...
لكن هل معقول إنو الواحد لو ما
كان مريخابى كان ممكن يبقى ...؟
لأ ما قادر أكتبها والله..

[معتز سيد]

ألف مبروك ليكم يا وصيفاب
سبحان الله، فرحتكم خلتنا نسمع من ناس كتيريين، انا شخصياً كنت متخيل انه في المنتدى في واحد مريخابي اسمه Acba7 لكن ما شاء الله الليلة شفناكم كلكم.
وحتى أستاذنا الكبير المشرف انتهز مركزه الإشرافي لفضح مشاركة تم تعديلها
(اعتقد هي خصوصية طالما صاحبها حذفها ، انت كمشرف يجب أن لا تفضحها!!!!)
ولا الرأي شنو؟؟
حلو نحن معاكم، بس خلصوا دوري 64 ونحن بننتظركم قدام

[كابو]

وحتى أستاذنا الكبير المشرف انتهز مركزه الإشرافي لفضح مشاركة تم تعديلها
(اعتقد هي خصوصية طالما صاحبها حذفها ، انت كمشرف يجب أن لا تفضحها!!!!)
ولا الرأي شنو؟؟

الاخ معتز ما فهمت انت قاصد شنو للتكرم بالايضاح اكثر ؟؟؟؟؟؟

[معتز سيد]

الاخ معتز ما فهمت انت قاصد شنو للتكرم بالايضاح اكثر ؟؟؟؟؟؟

أخونا الأستاذ/ كابو
أولاً : أنا مدين لك باعتذار ، لأني لم أقصد المشرف لمنتدى الرياضة ، وهو شخصكم الكريم.
وإنما قصدت أستاذنا / السنى، المشرف العام، وبالرجوع لمشاركته قد أشار بأنه قد (قفش) أحد الهلالاب وهو يقوم بحذف مشاركته بعد المباراة. هذا ما قصدته: إذ أن ما تم حذفه، ترونه انتم المشرفين، ولكن نحن فلا،
فأعتقد انه ما في داعي لاستغلال هذه الميزة في المناكفات.
وأنا ، كل ما اكتبه في إطار المناكفات ، حتى توجيه هذا النقد لأستاذنا السني، قصدت به ذلك ليس إلا.
وأكن لكم جميعاً في إدارة المنتدى، وكل الأعضاء وكل الزوار كل احترام وتقدير.

ويا سيدي ، عندك مشاركتي إن كان في خطأ اعتذر، وواجب علي التعديل، ولك إذن مطلق بالتعديل.

[sunni]

أخونا الأستاذ/ كابو
أولاً : أنا مدين لك باعتذار ، لأني لم أقصد المشرف لمنتدى الرياضة ، وهو شخصكم الكريم.
وإنما قصدت أستاذنا / السنى، المشرف العام، وبالرجوع لمشاركته قد أشار بأنه قد (قفش) أحد الهلالاب وهو يقوم بحذف مشاركته بعد المباراة. هذا ما قصدته: إذ أن ما تم حذفه، ترونه انتم المشرفين، ولكن نحن فلا،
فأعتقد انه ما في داعي لاستغلال هذه الميزة في المناكفات.
وأنا ، كل ما اكتبه في إطار المناكفات ، حتى توجيه هذا النقد لأستاذنا السني، قصدت به ذلك ليس إلا.
وأكن لكم جميعاً في إدارة المنتدى، وكل الأعضاء وكل الزوار كل احترام وتقدير.

ويا سيدي ، عندك مشاركتي إن كان في خطأ اعتذر، وواجب علي التعديل، ولك إذن مطلق بالتعديل.

عزيزي معتز،،،
أرجو منك أن تخاف الله فيما تقول قبل أن تقوله،،، وعشان تفهم ما أقصده،،، قم بطلب أحد الأعضاء أن يقوم بتعديل مشاركة له،، وفي هذه اللحظات أذهب وشاهد في صفحة (المتواجدون الآن) وستجد انها توضح لك بأنه فلان يفعل كذا،، وهي خاصية متوفرة لكل الأعضاء. ولعلمك،، عندما يقوم عضو بحذف أو بتعديل مشاركة، فإنها ستعدل حتى للمدير العام. فليس أنا من يستغل صلاحيات إدارية للخوض في مناكفات رياضية بين أخوان. وكل من كتب كلمة في تلك الأيام، يعلم ما اقصد.
بتمنى منك مرة تانية إنك ما ترمي إتهاماتك جزافاً دون التحقق من ما تقول، كمن إتهمنى ظلما وقتها بأنني هددته بأني سألقي عليه العقوبة، ولم يكن أميناً في مقولته. إذ لم يورد سبب الإنذار بالعقوبة، وهو سرد الفاظ غير مقبولة.
وانتو أساسا الموضوع ده نكتوه من وين؟؟ ما ملاحظين انه إتعدى السنة من بدايته؟؟ وتوقفت المشاركات فيه من شهر يناير 2008 بسبب إنتهاء الحدث ؟؟؟
كلامي ده ما مطالبة بإعتذار، ولا تحذير،، ولكنه تنبيه لقول ذكر في حقي وانا منه بريء

[misse10]

يا حافظ انت شكلك ما متابع . الهلال لاعب في الابطال ومن دور ال32 والمريخ من التمهيدي

[معتز سيد]

طبعاً قبل كل شي مشكور ومقدر اهتمامك بالرد والتوضيح.
وطبعاً واجب علي اعتذار ليك لانه المعلومة القلتها عن الإضافة والحذف انا ما عارفها حقيقة، وكنت فعلاً فهمت من كلامك انك استخدمت ميزة متاحة للمشرفين وغير متاحة للأعضاء، فلك أعتذار يمحو عن نفسك ما سببته لك.
لكن لزم التوضيح انه انت أشرت مرتين في ردك -على ما اعتقد انا- لأحداث سابقة بينك وبين أحد الأعضاء، دي والله أنا ما عندي بيها أي علم حتى هذه اللحظة. أنا كل القاصده مناكفة عادية بينكم (الوصيفاب) وبينا.
أما الرجعنا للبوست دة وهو كان قديم، دة لانه في واحد رجع ليه، فبان لينا الموضوع (وش) بسبب الdate sort.

كل الود والاحترام

[موكب فرح]

يا جماعة الخير السلام عليكم ورحمة الله وبركاته.

تصدقوا وانا بفتح االصفحة الرئيسية للمنتدي عيني وقعت علي العنون بتاع الموضوع ده وبقي لي شعاع

شعاع ,ذي البعرفو وتربطني به صلة. الا ان دخلت هنا وعرفت انا الذي قمت بتنزيله.

الموضوع ده من زمااااااااااااااااااااااااااان وذي ما قال اخونا السني نكتوهو من وين يا جماعة؟؟

لكن بيني بينكم ربنا اراد ان يحي من جديد

تخريمه :

مصائب قوم عند قوم فوائد.

[معتز سيد]

يا جماعة الخير السلام عليكم ورحمة الله وبركاته.

تصدقوا وانا بفتح االصفحة الرئيسية للمنتدي عيني وقعت علي العنون بتاع الموضوع ده وبقي لي شعاع

شعاع ,ذي البعرفو وتربطني به صلة. الا ان دخلت هنا وعرفت انا الذي قمت بتنزيله.

الموضوع ده من زمااااااااااااااااااااااااااان وذي ما قال اخونا السني نكتوهو من وين يا جماعة؟؟

لكن بيني بينكم ربنا اراد ان يحي من جديد

تخريمه :

مصائب قوم عند قوم فوائد.

اخونا موكب فرح ، يعني ما ممكن تفتح ليك بوست جديد وتقول الانت عايزو، هسة مقلبتنا ويادوب اكتشفنا انه دة موضوع قديم.