هل تفتقدون الخرطوم في امسياتكم؟؟؟

[علي ابكرش]

نار وشّبت بيننا ذكريات وأشجان ... بيننا ما كتب الدهر ولم يكتب لتظل حوافر الأيام تعدو في تعاريج الحياة وسككها ... بيننا ما بكيناه من دموع وما نقشناه على كف الصباح من ضحكات ... بيننا ما حدث وما لم يحدث وما لن يحدث ... بيننا الترحال والعذابات الموسمة على مواني السفر الحزين .. بيننا اليأس والأمل ... بيننا النيل يهدهد شوق السنين لوطن حاضر في موكب حزنه الشاهق ... بيننا أن تظل الحروف موت وميلاد وأن تظل الأماني موت وحياة ... أنه السفر والغربة ... أنه الغياب ... عندما تكتب في دفتر حضورك في الوطن كلمة (الخرطوم وداعاً) وتكتب لنفسك شهادة ميلاد جديدة في وطن جديد يتيم النواصي والحدود ... هنا كل الطرق معبدة وكل النفوس معبدة ... مصفحةً ضد الإحساس ... وضد الصحيان ... يا بلسم الروح افتقدناك ... هل تفتقدون حبيبتنا الخرطوم مثلي هذا المساء؟؟ أشتهيها تلك الجميلة الحاضرة ... غنيت وحدي بلا إيقاع، وبوتر حزين، وحيد وصوت مشروخ
غني يا خرطوم
وغني
شدّي أوتار المغني
ضوي من جبهة شهيدك
أمسياتك واطمئني
نحن منك ريح وهبّت
نار وشّبت
في وجوه الخانو اسمك
يا جميلة
ونحن يا ست الحبايب
من ثمارك
في دروب الليل نهارك
وقبل ما يطول انتظارك
نحنا جينا
ديل انحنا
القالو فتنا
وقالو متنا
وقالوا للناس انتهينا
جينا زى ما كنا
حضنك يحتوينا
لما فارسك فينا هبّ
وعبّ حجرك بالمحبة
وبالأماني
صحا نار الثورة ثاني
وجانا داخل
زي شعاع الشمس من كل المداخل
جانا أقدر
ختّ من فوق كتفك ايدو
وهزّ بالمنشور وبشّر
يومها فرهد في عيونك
غصن اخضر
وفرحة اكبر
من شجونك
والسلاسل، ياجميلة
يوما كان ميلاد شهيدك
يلا غني
ولاقي عيدك
ولي ثمارك لقّي ايدك
جيل مكافح حلا جيدك
وفك قيدك
ومن غضبنا الحّرو لافح
يا ما باكر
من زنازين العساكر
نبني مجدك ومهرجانك
وكل قطرة دم عشانك
لي جديدك
يا جميلـــة

[ودالدرديري]

ابكرش..

الا قبح الله وجهها من غربة
لقد فتحت باندياحاتك جرح لم يندمل بعد واظنه لن يفعلها
اخي في الله والوطن والغربة..
هي الخرطوم احبها وتحبني ويحب شاديها فؤادي
هي التي رضعنا من ثديها معنى ان نكون
ولما اصابتنا هذه الغربة في مقتل أرضعتنا الشوق كل ثانية وتعلمنا الا نكون الا لها.
اخي...
يومها حينما ازف الرحيل ونزلت وداعا دمعتين وجدتني في مطار الخرطوم اردد:-

قام تااااني واحد فينا فات والشــــوق نزف
وا ضيعة الأمل اللي مابانت ملامحو ولا إتعرف
فات لمداين الغربة شال زادو المعاه
كوم اغنيات واحساس جميل واحلام ترف
ومن قبل مايكون فات خلاص نزلت وداعا دمعتين
ولمحت في كل الدروب الشوق نزف

وقد كان يا أخي .....
لمحت في كل الدروب الشوق نزف

والى هذه اللحظة يظل واقفا مبنيا على مجهول الايام القادمات القاتمات
رد الله غربتك وغربتنا جميعا سالمين غانمين
ويديك العافية





وليييييييييييييييييييييي قدام

[lowly73]

ابو علوه تسلم يا عسل

بس والله قلبت علينا المواجع وقعدته

يديك العافيه

ما تقول انا اسي بسمع في قطار الشوق

وتحت تحت كدا

قاعد ابكي

[حزن السنين]

اخي الرائع علي مشكور علي كلام دا يا رائع

و الي الامام دوماً ،،،،،،،،،

[hamza]

يا جمال النيل...........

والخرطوم بالليل.............

زاهب الي الخرطوم في اجازة سنوية غدا انشاء اللة وكلما زهبت وجدتها مزدانة واكثر اشراقا بين احضان النيلين متوسدة فاتحة زراعيها لتضم كل الوان الطيف وتغني.......
ألوان الزهور - زانت أرضها وأصبح بعضها ينافس بعضها
وشدت في روضها أسراب من طيور وغمرت جوها أنفاس من عطور
تسكر غير كؤوس من خمر النفوس
لا شك هي عروس النيل وحدها
في المقرن تشوف الأشجار صفوف ... والنيل حولها كالعابد يطوف
تشرب من زلال من خمر حلال... ويعم الجلال طولها وعرضها
فغناها الجميل يحرس أرض النيل بالروض والنخيل يسقيك سلسبيلا ، جيلا بعد جيل في بكرة وأصيل يزدان كل يوم بالرقي والعلوم والسودان عموم عارف مجدها...
((شكرا اخ علي كلمات جميلة))

[علي ابكرش]

والدرديري
شكرا علي ترحيبك الدافي وحروفك الندية
للخرطوم لها ما تشاء في حلنا..ولها منا منتهي الاشتهاء والزكريات الشاهقة ..
الخرطوم ممتعة وسماواتها لاتزال بكرة كؤوس ولياليها الحالمة
شكرا علي مرورك يا غالي

[علي ابكرش]

lowly73
الجميل روائع التحايا
نشتاق تلك الجميله حد الجنون
ونحس مراره الحرمان
فقط احيانا نقدر على الغناء وبصوت مبوح فى هذا الزمن التعس
يا جمال النيل والخرطوم بالليل
جميله تلك المدينه الانثى فى كل الاوقات

[علي ابكرش]

حزن السنين
مشكور علي مرورك يارائع

[مهند عبد الرحمن]

اخي علي بالجد للخرطوم وحشة ولوعة لا يعرف معناها الا من ابتعد عنها نسأل الله ان يرد غربتنا جميعا وان نلتقي في حدائقها الوارفة الظليلة
شكرا على البوست وشكرا لجميع من شارك فيه
ودمتم

[علي ابكرش]

hamza
مشكور علي السرد الرائع منك ياغالي

[علي ابكرش]

مشكور علي مرورك ياغلي

[جذاب وما كذاب]

[frame="7 80"]يا ســـــــــــــــــــلام يا اب كرش
والله بالحيل مشتاقين ليه
بالذات امبارح كان عندنا حفله بمناسبه تخريج بعض الطلبه السودانين
بالجد كان احساس غريب ما تقدر تفهم بالظبط

تسلم ابو علوه [/frame]

[sarona]

نفتقد الخرطوم في كل لحظة حلوة تمر بينا ...

hamza ترجع بالسلامة وبلغ الخرطوم سلامي....

اخ على ...مشكوووووووور ...

..

[انقرضى]

انا والله فى قلب السودان النابض لكنكم ذكرتمونى الغربه قاتلها الله رد الله غربتكم جميعا واسكنكم بين اهليكم واحبائكم

[ودالدسـوقي]

.



ما زلت اذكر عندما جاء الرحيل
وصاح في عيني الارق
و تعثرت انفاسنا بين الضلوع
وعاد يشطرنا القلق
ورأيت عمري في يديك
رياح صيف عابث
ورماد احلام وشيئا من ورق
هذا انا
عمري ورق
حلمي ورق
طفل صغير في جحيم الموج
حاصره الغرق

.




وتعجـز كـلمـاتي عن التعـبير عـن شـوقي لوطـني الحبيب
ووجـدت لسـاني ينطـق بحـركة لااراديــه

عـارفـني مـنـك

وبين خضم الشـوق وتلال الحـنين
اخـذتني اغفاءة خفيفة فسمعت صوت مغنية شعـبية تقـول:

مالك عـلي ياعـلي

.