الزمن الصعب

[mohager]

روح.. عدي وفوت وشيل الهم والكربة
كل الاسي والخوف وكل اوجاع الغربة
لملم كل ايامك قاسية ومرة وصعبة
شيل العبرة واهة وحت ذكراك الجدبة
روح يا زمنا فاقد الرفقة وصالح الصحبة
حتي القمر الكان فيك ضاع بين الضجة وجلبة
شال نورو الكان بنشوفو نمسح بو الخوف والرهبة
نسقي بو شتول امالنا كان نرسي ونصبر حبة
********

العشم الكان فيك انك تسأل وتشوف الحاصل
ما اظنو تكون ما عارف لكنك اكيد متجاهل
افرض انك ما عارف بشرح ليك انا بالكامل
المطر الكان ساقينا صباح ومسا كان هاطل
يغسل لغبار اسفارنا ويدفعنا عشان ما نواصل
بقي خيرو علينا قليل والزرع البسقيو زابل
والحال مقلوب من بعدو والفرح الكان بقي راحل
والدنيا يا تشيل وتلقن في دروسا فروض ونوافل
احترت في حالي البي والنكد اليوت متواغل
الناس من حولي تجافي والهم يوت طالع ونازل
لا قادرة ابثك شكوي لا راضي انت تواصل

[loayabdalla]

كلماتك جميله ومعبره تسلمى يارائعه ونتمنى المزيد

[mohager]

شكرا كتيييييييييييييييييييييييييييييييييييييييييييييييييييييير لؤي عبدالله علي قراءتك وتعليقك علي المشاركة
الله يخليك وتسلم انشا الله

[$Big boss$]

[align=center]بسم الله الرحمن الرحيم
تسلمي يا غاليه على الكلام احلو ده
بانتظار جديدك[/align][/b]
[align=center]دمت بود[/align][/b]

[mohager]

لم يكن لجمال وحلاوة هذه الكلمات معني لو لا جمال ذوقك الشعري big boss
شكرا علي انك مريت علي المشاركة
يديك العافية تسلمي يا boss

[gadora_968]

كلمات جميلة ورائعة
شكرا ليك

[mohager]

وهي بمرورك تزداد جمال وروعة مشكووووووووووووووووووووووووور gadora