هى مصيبه .. حرام ولا مكروه .. بى علمـ أبهاتهمـ
أو بدون علمهمـ .. دى حاجه بتخصهمـ همـ و عائلاتهمـ ودى ما مشكلتنا .
مشكلتنا فى المكان والزمان ديل ليهمـ إحترامهمـ ,, والجدود زمان علموا أولادهمـ
مبادىء وقـيمـ المكان والزمان لكن للأسف كتير من الأولاد نسو القـيمـ دى و
مشوا ورى حضارة الدول الغربيه البتنادى بالحريه الشخصيه وخلو الباب مفتوح
لأولادهمـ يمشوا على حل شعرهمـ .. عشان كده ما فى أى مراعاه لقـيمـ أو مبادىء
أو حتى للناس البتحمل القيم والمبادىء دى فاستباحوا حرمة الأمكنه والأزمنه ..
سؤال لو .. وأنا بقول لو .. جماعة مصلحة قالت تتصدى للمشكله دى ، يبدوا بى منو ؟؟
البنات المدخنات .. ؟ أمـ
أولياء الأمور .. ؟ أمـ
أصحاب محلات الشيشه .؟ أمـ
المدارس ..؟ أمـ
البلديات ..؟
أمـ ال...................... والله مشكله كبيره جدا جدا ومتفرعه .. الله يكون فى العون بس
فى زاوية تانى كدة .. هى الشيشة حلال ولا حرام
بعدين .. فيها شنو البنات لمن يشربو شيشة .. ولا المشكلة فى المكان .. مافى البنات ..
يعنى نفترض مثلآ .. بت شربت الشيشة فى بيتهم
دى يعنى .. شنو !!؟ وبت شربتها فى مكان اممممممممم .. ممكن نقول عليهو مخصص لى كدة
هناك بت محترمة .. وهنا غير محترمة ..
السلام عليكم جميعا ..الأخ مجدي عكاشة يبدو لي الأمور عندك مختلطة شوية اول حاجة نخلي موضوع الشيشة على جنبة ونشوف موضوع الضحك بأسلوب ما لطيف وإيحاءاته من البت لما تكون تكون بت... نحن مسلمين والمرجعية عندنا إذا للدين يعني البت اساسا في الزمن ده" مجاراةً للتطور" مضطرة تطلع وتختلط فالإختلاط اصلا عنده اسس لازم بالتالي تلزم حدودا، نرجع للشيشة انا ما حأفـتي لأني ما متأكدة من حرمتها لكن أظن في فتاوي بتحرمها، وإذا كانت مكروهة يعني منو البكرها : مكروهة من الله سبحانه وتعالى ، فنقوم نقول : ايوة هي مكروهة لكن ما محرمة إذا ما مشكلة!!، يعني الله بكره الحاجة دي، معناها نعملا وكمان بكل جرأة تحت شعار المساواة نحللها للبنات ، أصلا منو القال انها مقبولة من الولد ؟ يعني انا لما اشوف اولاد قاعدين في الشيشة وبتضحكو ومضيعين وقتهم بستنكر عليهم الموضوع زي ما بستنكرو على البنات. يعني الصح صح والغلط غلط...وياريت تتقبلو مروري
فى زاوية تانى كدة .. هى الشيشة حلال ولا حرام
بعدين .. فيها شنو البنات لمن يشربو شيشة .. ولا المشكلة فى المكان .. مافى البنات ..
يعنى نفترض مثلآ .. بت شربت الشيشة فى بيتهم
دى يعنى .. شنو !!؟ وبت شربتها فى مكان اممممممممم .. ممكن نقول عليهو مخصص لى كدة
هناك بت محترمة .. وهنا غير محترمة ..
السلام عليكم جميعا ..الأخ مجدي عكاشة يبدو لي الأمور عندك مختلطة شوية اول حاجة نخلي موضوع الشيشة على جنبة ونشوف موضوع الضحك بأسلوب ما لطيف وإيحاءاته من البت لما تكون تكون بت... نحن مسلمين والمرجعية عندنا إذا للدين يعني البت اساسا في الزمن ده" مجاراةً للتطور" مضطرة تطلع وتختلط فالإختلاط اصلا عنده اسس لازم بالتالي تلزم حدودا، نرجع للشيشة انا ما حأفـتي لأني ما متأكدة من حرمتها لكن أظن في فتاوي بتحرمها، وإذا كانت مكروهة يعني منو البكرها : مكروهة من الله سبحانه وتعالى ، فنقوم نقول : ايوة هي مكروهة لكن ما محرمة إذا ما مشكلة!!، يعني الله بكره الحاجة دي، معناها نعملا وكمان بكل جرأة تحت شعار المساواة نحللها للبنات ، أصلا منو القال انها مقبولة من الولد ؟ يعني انا لما اشوف اولاد قاعدين في الشيشة وبتضحكو ومضيعين وقتهم بستنكر عليهم الموضوع زي ما بستنكرو على البنات. يعني الصح صح والغلط غلط...وياريت تتقبلو مروري
سوداء ..
مرحب بيكى يا ستى فى منتدى انا سودانى ..
وحقيقى انا مبسوط جدا من حمودى على البوست الجازب دة ..
واتمنى مشاركتى ما تكون زعلتك شديد ..
عمومآ ..
ندخل فى الموضوع طوالى ..
عن نفسى .. ما معترض فى الشيشة سواء كان للاولاد او البنات ..
وما افتكر الموضوع دة ممكن يدخل فى شكل المساواة بين الرجل والمراة ..
ويا ستى .. المواضيع بتاعت المواساة دى .. انا عندى فيها راى كبير جدا
ان اساسا يستحيل مساواة بين نوعين مختلفين تمامآ فى البنية والتكوين ..!!
يعنى ممكن نكون مساوين لى بعضنا لمن نكمل بعضنا مع احترام الاختلاف ..!!
يعنى فى المجتمع السودانى ممكن نقول ان البت لمن تشرب شيشة او سجارة .. معناتا بتحاول
تقليد السلوك الذكورى .. فى السودان
اذا عاينا للظاهرة دى .. من ناحية انسانية .. بحتة
يعنى مافى اجناس اجناس .. بنلقى ان مافيها مشكلة طالما ما بتدعدى الحرية العامة ..
اما اذا اديناها نظرة مجتمعية بحتة .. بالتأكيد الشيشة للبنات غلط ..!!
انا هنا ما بتناقض مع كلامى بتاع قبيل ..
لا .. انا بناقش الظاهرة من ناحية انسانية ..
وفى فرق .. مابين الظواهر الانسانية والظواهر المجتمعية ..
واكيد يا ستى .. اى مجتمع انسانى بتحكمو العديد من القوانين .. والهى طبعآ
بتكون خليط من الدين والثقافة .. ... الخ
بتشكل فى النهاية طريقة الاقتصاد والسياسة والحكم وقوانين المجتمع ..
لكن .............
فى بعض المناطق الثقافية الموجودة لحدى الليلة فى السودان
فيها المراة بتشرب الشيشة .. وتحديدآ بعد المغرب او فى نهاية العصر
مع حضور نسوى جيد .. وبتبدا القعدة ..!!
مع علم الزوج وباقى الازواج التانين .. لانها عادة ما تقاليد ..!!
والعادة ممكن تتغير لكن التقاليد ثابتة ..
ويا ستى .. الليلة الظاهرة دى موجودة فى السودان بشكل كبير
ومنتشرة .. وكمان مقننة .. حتى محمية من الحكومة ..!!
فى مطعم اسمو الساحة .. بداية نمرة 2 فى الخرطوم ..
مقابلو من الخف النادى الامريكى ..
فيهو شيشة .. مامحدديين نوع الذباين .. لكن مفتوحة
وامشى فى اى وقت .. بتلقى .. البنات قاعدين بيشربو شيشة ..
وما بنات صغار .. كبااار واحتمال بى ازواجهم كمان والله اعلم ..!!
عمومآ يا ستى
ظاهرة الانثى السودانية
ظاهرة جديدة فى مجتمعنا .. انها بتمشى الدكان وبتسوق عربية
وبتشتغل .. وقاعدة تتكلم فى اركان النقاش فى الجامعات
وبالتأكيد بتكون قاعدة فى التشكيل الوزارى .. وهكذ ..
يعنى المراة طالما .. اعتقدت .. ان المنزل فقط هو ما طموحها .. فبالتأكيد ممكن
تعمل حاجات كتيرة .. خالص ..
سواء كان فى الكيان المعرفى ..
او خارج النطاق الاجتماعى للدولة ..
أبونا وعمنا الغالي والحكيم دوما
هامس
لك التحيه وأسمي آيات التهنئه بالعيد السعيد
عبر صفحات منتدانا الغالي
بكل تأكيد انجرف الابناء وأبناؤهم و........................ و.......
عن جادة الطريق
وأصبحوا يلهثون وراء السراب
من أجل تأمين قوت الغد الذي قد لايأتي أبدا
دمت دوما معتركا ومسرحا يرتع وتسرح به الابداعات والمفاجئات
رأيك لم يكن مفاجئا بالنسبة لي
لمعرفتي اللصيقه بأفكارك واطروحاتك التي تنادي دوما للوقفه بقوه والتفكر في المواضيع الهامه جدا
واراك دائما تقف مع الجانب الاخر
وتقف بشده وقوه مدعما بكلمات واسلوب رائع
لكن ياعزيزي هل أنت من مناصري حرية المرأه في أي حاجه؟
هل من حق المرأه لو أتت من مجتمع مباحة به الشيشه أن تفتخر بها
وتتباهي بها أمام الغاشي والماشي؟؟؟؟
وهل تضمن المال الذي تتعاطي ( ولا تشرب) به الشيشه
؟؟؟؟؟؟؟؟؟
اولا الف مرحب بيك في المنتدي
واتمني ان لاتتوقفي عند الباب
الحوش واسع
والاطروحات كثيره جدا
والمجال متاح أمام ابداعك الذي يتستر بين سطور مشاركتك الرائعه
وانه لشرف عظيم ان يكون موضوعي نال شرف أول مشاركه لكي
الشيشة احتلت مكانا حتى لدى البعض من ربات البيوت في جلساتهن الصباحية ، أصبحت هي البديل للكعك والبسكويت والقهوة ...ضاربات بعرض الحائط أثر التدخين على صحتهن وأنوثتهن وجمالهن ....ربما يسايرن العصر ومتغيراته ؟ أم أن هذا ما يسمينه بالمساواة؟
السلام عليكم جميعا حبيت اشاركم الموضوع القوي ده وياريت تتقبلو مروري، الأخ مجدي عكاشة في البداية نخلي موضوع الشيشة على جنبة، بالنسبة للضحك بأسلوب ما لطيف وإيحاءته ولما يطلع من البت، طبعا في الزمن ده البت بحكم التطور والتقدم مضطرة تطلع وتختلط ، لكن بما إننا مسلمين والمرجعية عندنا للدين فالاختلاط ده عندو اسس البت لازم تراعيها وتلزم حدودها، نرجع للشيشة أنا مادايرة افـتي لأني ما متأكدة من حرمتها" لكن أظن في فتاوي بتحرما" لكن إذا كانت مكروهة يعني شنو مكروهة منو البكرها مش يعني مكروهة عند الله كيف يعني نقول:لا هي ما محرمة لكن مكروهة إذا نعملا وكمان نطالب الناس انهم ما يضايقو البنات لما يشيشو بحكم المساواة!!!!! منو القال إنو الشيشة مقبولة للراجل أصلا يعني انا لما اشوف أولاد قاعدين يشيشو ومخليين اشغالم ومضيعين وقتهم بستنكر عليهم زي ما بستنكر على البنات لأنو الصح صح والغلط غلط.....مشكور يا حمودي على الموضوع الجذاب
تقليد السلوك الذكورى من المرأة ..
بداية من لبس البنطلون .. حتى شرب الشيشة ..
بالمناسبة .. دة سلوك معاش حاليآ ..
انا ما بتكلم عن حرية المراة يا حمودى .. او التهليل لكل مباح ..
بالعكس تمامآ .. انا بنادى بالحرية اينعم .. لكن ماحرية لبرالية بالمفاهيم القديمة .
بنادى بى حرية تنتهى مع حرية الاخرين ..
يعنى اذا فى بت لبست بنطلون فى سوق .. هنا انتهكت حرمت السلفى القاعد فى السوق برضو ..!!
واذا فى زول شرب شيشة فى مكان عام .. برضو انتهك حرمة زول .. بيتضرر من ريحت البتاعة دي
واذا تم اى فعل بيضر شخص .. او بيتعرض لى حريتو حتى ان كانت حرية نفسية ..
فبرضو برفض السلوك دة ..
بالتالى يا سادة ..
انا بنادى لى مجتمع ممتناسق ذهنيآ ..
يعنى .. مجتمع ما بيمسك العصاية من النص ..!!؟
يعنى البت تفعل وتفعل وتفعل .. لم تشرب شيشة نقول لأ .............؟
بالاضافة لى نقطة مهمه جدا .. نحن الرجال الليلة
لمن الواحد فينا يعلق فى سلوك بتاع بت .. اقرب وصف ممكن نلقاه ( متخلف ) او ( رجعى )
او دة من ايااام ( زمان ) ..
بالتأكيد دة ما بيعنى انى اكون راجل .. سطحى .. او موافق على كل شيء ..
اذا مفترض اكون راجل متوازن مع الغير .. الغير الهم غريبين عنى ثقافيآ ..
طيب نحن بنحمل فى طياتنا دين واحد ..
واذا هبشنا الدين وبقينا نفتش فى الحرام والحلال .. صدقونى .. حنصل لى نتيجة عكسية تماما ..
من هنا ..
انا بعاين من منظور انسانى زى ما قلت ..
طالما البت بتشرب شيشة فى مكان مخصص للشيشة .. إذآ لا ضرر ولا ضرار فى ذلك ..
مع العلم انها بت راشدة وعارفة هى بتسوى فى شنو ...!!؟
بالاضافة لى نقطة .. الصح صح والغلط غلط زى ما قلتو ..
هنا بعمل لى حركة صغيرة فى قصة الغلط غلط والصح صح
دى ؟
نعمل استفتاء .. هل الشيشة للرجال فقط ..
وهل لبس البناطلين للرجال فقط ..
وهل المكياج .. للبنات بس ..!!؟
وهل الاختلاط فى اماكن عامة ... دة شى طبيعي .. يعنى ما حرام ..!!؟
واتمنى .. نحول النقاش لى نقطة مهمه ..
تقليد السلوك الذكورى من قبل النساء عمومآ ..
السلوك بما يتضمن اللبس والحلاقة بتاعت الشعر .. والعمل .. والتفكير ..
ما تخلونا نهبش الكورة .. يعنى فى بنات سودانيات بيلعبو كورة قدم ..!!؟
مجدي عكاشة ...مشكورة، واتأكد إنو مافي حاجة زعلتني بالعكس كلامك قوي وجاذب.......كلامك منطقي لكن واضح انو اختلافنا في مسألة الشيشة نفسها لأني بستنكرها على الجنسين وإنت على العكس مني، ده معناها في شوية توافق في آراءنا بالذات في قصة الناحية الإنسانية
طبعا انا أحرجت لما لقيت نفسي رسلت المشاركة مرتين معليش يا جماعة، بغض النظر. مجدي عكاشة رجعت لي تاني يا هلا ، لكن واضح إنوماشاء الله الأفـق بتاعك واسع جداً فأنا حاحاول القط بعض الحاجات الفهمتها ، أنا بقول إنو البت لما تعمل أي حاجة من الحاجات الي ذكرتها يعني تفعل وتفعل فهي بتلاقي طوالي انتقاد مش بس الشيشة أي شي غلط او اي شي غريب على المجتمع، إحتمال لأني بت بركز على الحاجات البتخص البنات وبالتالي بكون عندي فيها راي واضح فحنرجع تاني لقصة الصح صح يعني اي تصرف غلط نعملو دي حاجة كويسة انو نلاقي استنكار حتى لو كان الاستنكار ده بسبب غرابة الحاجة وجدتها"انها جديدة يعني على المجتمع" ما بسبب صحتها او غلطها، لكن انا برجع تاني وأقول نخلي الحلال والحرام هو اللي يحكم تقاليد مجتمعنا الإسلامي، كدة حنحصلرعلى مجتمع مثالي
بالتأكيد التقاليد شى اثرى او تاريخي .. وجاية من كلمة تقليد او يقلد .. وبالتأكيد
بنقلد فى الاباء والاجداد .. حتى اصبحت تقاليد مخلدة فى كل مجموعة اثنية محددة ...!!
العادات ..
هى العادة اليومية للفرد .. يعنى ممكن الوالد تكون العادة بتعتو كذا .. الابن يختلف منها
عشان كدة بنقول عليها مجموع العادات والتقاليد .. هى البتكون نوع الشخصية للفرد ..
ومفترض العادة ما تختل كتيير من التقاليد عشان ما يحصل تغليف لنوع الثقافة زى ماهو حاصل
يعنى سودانى .. امريكى فى سلوكى ...!!
طيب ..
المفاهيم الانسانية ياستى .. واضحة تمامآ وما بتحتاج لى نقاش
لكن للاسف بنلقا اغلب الشخصيات بتحمل المفاهيم دى بى شكل عشوائى ..
يعنى الخطأ غالبآ بيكون من مفاهيم البت ..
عشان الثفافة بتاعتها مبدئيآ بتكون ثقافة اعلامية بحتة
والشاب هو العكس بتكون ثقافتو ( استماع ) او اطلاع .. او تجربة حقيقية
يعنى بيحمل ذخيرة محدودة .. بتخلية يحدد شكل هويتو الذهنية والسلوكية لى قدام ..
لكن البت فى اغلب المواقف بتحكمها .. ادوات الاعلام .. والحاجات البتطلع جديدة ..
الليلة ..
نمشى اى مكان ..
لا يقل عن 75% من البنات .. بيقلدو الشاب فى سلوكى ..
حتى فى شرب الشيشة ..!!
السؤال .. لى .....!!؟
هل عشان المراة اساسا بتحس انها مقهورة .. وعايزة تنتصر على الراجل عشان كدة
بقت تتصرف زيو .. ولا اساسا الموضوع نتاج لى فراغ والسلوك الذكورى عبارة عن
مراحل تجربة ...!!؟
طييب نحن نسأل نفسنا سؤال .. قبل ما نحاكم البت البتشرب الشيشة ...!!؟
هى بتشرب الشيشة لى اساسا ..!!؟
تجربة .. ولا فكة زهجة .. ولا حاجة للونسة ..!!؟
بتلبس البنطلون لى اساسا .. مريح فى الحركة .. ولا مريح فى الاستايل ..
ولا الموضة بتحكمها بالجنز .. !!
فى تسائلات .. حقيقة كتيرة واكتر من كدة
بعيد من مجتمعنا السودانى والحكم فيهو .. عشان صراحة
العالم بقا صغير وماشى يصغر .. يعنى مافى حاجة اسمها مجمتع سودانى بعد فترة
حنكون عبارة عن خليط متعولم .. !!
عزيزى حمودى اولاً سلام جميل منك ان تطرح مثل هذا الموضوع رغم اننى لا أستغرب موضوع الشيشة و لكنني استغرب جداً لتفكير معظم السودانين عندما يشاهدو امراً يستنكروه من قبل الفتيات السودانيات يقولواكيد ديل حبشيات وناسين او متناسين ان لكل قاعدة شواذ يعنى كما يوجد الفساد في اديس ابابا يوجد ايضاً في السودان يعني ما كل الي في اديس فاسيدين ولا كل الي في السودان ملائكة ففي كل من البلدين يوجد الصالح و الطالح يعنى حكاية انه البنت السودانية كانت ضرب مثل في العفة والاخلاق هذه حكاية عفا عليها الزمن لا اريد ان اعيب اياً من الشعبين فكل منهم ذو مكانة في الكرة الارضة
obs بنات ارجو عدم سوء فهمى انا لا اعيب فتاة سودانية لا سمح الله ولكننى اعيب كل من يضعون اخطئهم على شماعة الاخرين
، أنا بقول إنو البت لما تعمل أي حاجة من الحاجات الي ذكرتها يعني تفعل وتفعل فهي بتلاقي طوالي انتقاد مش بس الشيشة أي شي غلط او اي شي غريب على المجتمع، إحتمال لأني بت بركز على الحاجات البتخص البنات وبالتالي بكون عندي فيها راي واضح فحنرجع تاني لقصة الصح صح يعني اي تصرف غلط نعملو دي حاجة كويسة انو نلاقي استنكار حتى لو كان الاستنكار ده بسبب غرابة الحاجة وجدتها"انها جديدة يعني على المجتمع" ما بسبب صحتها او غلطها، لكن انا برجع تاني وأقول نخلي الحلال والحرام هو اللي يحكم تقاليد مجتمعنا الإسلامي، كدة حنحصلرعلى مجتمع مثالي