ليه العرب بعتبرونا كدا

[ابوبكر]

[frame="2 80"]

والله صدقت يا أود ، وليك مني أجمل تحية

[/frame]

[Ali al7alfawi]

لكن ولو ما كان إسمك سودانية نار وشفت صورتك بالتوب أنا الحلفاوي ده كنت سألت وقلت ليك
يا أخت إنت من إيطاليا ولا شنو .........................................
أبكر أخوي ويا نار أسمعوني كويس نحن والله حسع بلدنا بقت مفتوحة وبالجد زمانك كانت مقفلة
شديد وحتى سياح ما عندنا لأنو أنحنا من كرمنا ما كنا بنخلي سياحنا يصرفو جنيه ولكن حسع قاشطينهم
قشط وإيجاراتنا خيالية وبترولنا الماشايفينو حسع حنشوفوا قريب لأنو لو ما دفق من كروش الجبهجية حيدفق من بطن الواطة والبلد شوية شوية راجعة وأول أمبارح هلالنا لعب تمام مع زمالك المصرين والسبعين مليون بتاعنهم شافونا وهسع كتير منهم شغالين عندنا واللبناني الكان قاعد جنبك يا نار ود عمو فاتح ليو محل شاورما وفطاير في نمرة إتنين والصينين والهنود والفلبينين والفلبينيات مالين البلد وحيرجعوا ويقول ليهم عن السودان أما الخليجين فالتفاتيح منهم مثتثمرين في السودان لكن فاراتم ينظروا ساكت في بلدهم وبعدين بالجد كده السودان ده بلد فيو أي حاجة مويه وتربة وعمالة وغبار كمان يعني الطبيعة بأكملا عندنا هنا لكن ناقصنا شوية دولارات والصينين ما مقصرين وربنا يخليهم ويزيد طولهم شوية كده علشان الواحد ما ينزل راسو لما يتكلم معاهم ولأنو أنحنا عايزين تكون رؤوسنا دي فووووووووووووووووق
وهنالك الأن حملة في الخرطوم لتوزيع الفنايل البيضاء على أولاد الفلاتة لكي يلبسوها وحتدي لون جميل في الشارع الخرطومي أسود بي أبيض وباته كده يكون لونا أخضر يعني السياح ممكن طوالي يفتكروا إنهم في إفتتاح كأس العالم بجنوب أفريقيا
وبعدين أولاد خالتي وأنا زاتي بقينا نشتغل وبالجد زمان ما كنا محتاجين نشتغل يعني عاملين فيها أولاد المكتوم وبالمناسبة كل شباب السودان ده عايش زي أولاد نهيان لا شغل لا يحزنون ولكن قررنا أن نكون زي أولاد بوش الكبير ونشتغل في البترول والزراعة والمغتربين أولادنا بقو يجونا وشوية شوية سودانا
راجع وحيكون معروف والمره الجاية لما تركبي الطيارة الجنبك حيقول ليك أوه ماي قارد إنت سودانية
يعني ووووووووب علي إنت سودانية مش كده
وحتقولي ليو والله الحلفاوي صدق كلامو

[رحلة أليمة]

السلام عليكم ورحمة الله وبركاته


أتكلم معكم بصفتي من العرب ولغتنا الموحدة لغة الـ (ض)


الكل يأخذ فكرة عن السودانيين انهم كسالى فقط لا غير


...:::.. تشتهر السودان وشعبها بالاخلاق العالية ...:::...


لكن يوجد من يشوه صورة السودان والسودانيين

واتكلم عن مواقف حصلت لي... هناك سودانيين يذمون في السودان بشكل مستمر وبكل وضوح


وهناك سودانيين يشوهون السودان بالحيل والنصب ... واتكلم عن تجارب امام عيني

بعدما ينالون الثقة التامه يقومون بالنصب ... بحجة الفقر ... ومنها تسقط هيبة السودان



عذرا لم يصل ردي كما كنت اتوقع .. لكن وقتي ضيق


سأعود لاحقاً



تحياتي

رحلة أليمة

[ابوبكر]

والله يا الحلفاوي ردك عجبني جداً وده كمان بعكس مدى تفاءلك بالحياة ورغبتك وثقتك في تطوير البلد وبتمنى انو نتلاقى يوم وتسعدنا بوجودك وروحك الجميلة دي .

[سودانية نار]

عجيب يا حلفاوي ولازم تكون حلفاوي لانو ماي خفة دم ولطافوة زي دي لا عند اهلنا الحلفاويين تسلم
يا طيب

[ابوبكر]

الحقيقة جاي الليلة اكتب في البوست ده وأنا مكتئب جداً والعبرة والله خانقاني وما فضل ليه الا اقوم ... غايتو بس خلونا في موضوعنا ، أنا الليلة أتأكدت تماماً انو أي كلام بقولوا فينا العرب ولا غيرم سببه أنحنا وفهمنا الضيق وافقنا الأضيق منه والجهل المسيطر علي عقولنا .
أي والله نحنا سبب مشاكل السودان وسبب السمعة السيئة الي لحقت بالسودان والسودان برئ مننا تماماً براءة الذئب من دم ابن يعقوب .
عايزين تعرفوا سر المرارة والحسرة الفي كتابتي ده ؟
جداً حا اوريه ليكم .
اولاً : الناس البكتبو في المنتديات ديل ونحنا منهم ، نفتقر لروح التعامل السمحة ولروح النقد الصيلة البناءة الهادفة التي تسعى لأن تصلح لا أن تعكس صورة سيئة عن السودان.
والباقي جاي بس خلوني اتجاوز اللحظات دي.

[رضا السيد]

سودانية نار
اتفق معك بكل ماذهبتى اليه من تساؤلات عن سبب نظرة كل العرب الينا كسودانيين وفى اعتقادى ان ذلك يرجع لعدة اسباب واتفق معك على ان الاعلام السودانى سبب رئيسى فى ذلك ولكن السبب الاهم هى النظرة الفوقية التى يعاملنا بها كل العرب اضافةً لذلك الجهل الفظيع وسط الشعوب العربية بالعالم من حولهم لو سالتيهم عن دولة ذات منتجعات او مصايف او غيرها لعرفوها جيدا ولكن مالهم والدول الغير غنية والتى لا يوجد سبب يجعلهم يدرون عنها شئياً (فى اعتقادهم طبعاً) وصدقتى حين ذكرتى بانك من الممكن ان تعرفى عن لبنان اكثر من الشخص الذى كان يجلس بجانبك .
يطول الحديث فى هذا .
........افريقى ........ عربى......سودانى انا بكل الفخر

[الباشا]

اولاً اشكرالاخت سودانية نار على فتح هذا الموضوع
منو القال ان العرب بيعتبرونا اقل منهم ؟
بالعكس انا مغترب اكثر من 26 سنة خارج السودان كل العالم يشهد ان الشعب السوداني متعلم و ذو كرامة
وبعدين تعالي للخليج منو العلم دول الخليج هل تعلمي يااختي الكريمة ان العرب في الخليج كانو بيستنو موسم العمرة والحج عشان الدكاترة والاساتذة السودانين يعالجوهم ويدرسو على يدهم والكلام دا ما من عندي دا كلام احد الشيوخ في الجزيرة العربية لاكن الان الاية انعكسة ودا الي خلا العالم ينظر لينا بالسبب دا . رغم ذالك مازال الشعب السوداني يحمل معه السمعة الطيبة بسبب تعاملنا الطيب مع باقي الشعوب وبنسبا لنظرتهم لينا بالتدني والاحتقار دا بسبب شريحة معينا من السودانين سافرو الى الخارج وعكسو عن السودان السمعة السيئة .
اطمنك ياأختي الكريمة الشعب السوداني شعب معروف عنو الكرم والجود وأحنا السودانين مهما حصل ما بنطاتي راسنا لزول وبنقول كلمة الحق لو السيف على رقبتنا

[ابو الحسن]

زي ما فلت اخي العزبز نحن السودانيين لنا العزة والشموخ ومحترمين عند العرب وغير العرب لكن بعدض اخوانا هداهم الله هم السبب في ما يحصل للسودانيين في خارج الوطن والسوداني يعتبر من افضل الجاليات في دول الخليج بشهادة الخليجيين انفسهم في كل شئ في الامانة في الاخلاص الا ماندر والنادر لا حكم له لكن ما يتناوله البعض من كسل السودانيين هم المصريين هداهم الله لاننا زاحمناهم في مجال العمل التقني بالذات لكن العارف عز مستريح والواحد اذا فرض نفسه ما زول يقدر عليه وشكرا ليك با ود بلدي

[hesham aljamrey]

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
مشكورة سودانية نار بت جعل
إن الأمر يكمن في ضعف الإعلام سابقاً والحمد لله أصبح الآن عندنا فضائية والآن القائمين على امر التلفزيون يسعون لفصل البث الأرضي عن البث العالم لعكس وجه السودان الصحيح أنظري لبنان كم قناة فضائية لبنانية حديث ولاحصر وفي كل القنوات العربية الأخره والاجنبية ومتواجدين .
بعد عام الفين يمكن قد رأينا سودانيين في قنوات فضائية الطيب عبدالماجد - الزبير نايل - لقمان ألخ
بعد عام 2001 حتى بدأئنا نرى قنوات فضائية سودانية خاصة ( قناة النيل الأزرق ثم تلتها الان قناة زول - قطوف - هارموني )
نحن كسودانيين نجهل كثير و الكثير عن مدن بالوطن وقبائل ، الحمد لله الواحد يمكن يكون من المحظوظين لظروف عمل الوالد ثم عملي السابق بالسودان زرت السودان من أعلي مناطق المحس ( عبري واردوان ) دنقلا إلى مناطق المناصير والشايقية والجعلين إلى بوتسودان وكسلا وخشم القربة والقضارف والأبيض وبارا ونيالا والفاشر وواو وجوبا وبور وتوريت ياي وكايا عند الحدود اليوغندية الزائيرية وبعد ذلك أجهل الكثير عن مناطق النيل الأزرق وحظيرة الدندر والردوم في جنوب دارفور .
السودان مليون ميل مربع ومن الطرائف قيل الذي حدد هذه المساحة زهج من الحساب قام بتقدير المساحة وقال ( مليون ميل وبس ) طلعت ذات مرة رحلة عبر النيل من مدينة كوستي حتى مدينة جوبا فدهشت لطول النيل وعدم إستثمار هذه المياه وشواطي هذا النيل العظيم .
الان في الخليج أصبحوا يشاهدون القناة السودانية ، كثير منهم يعتقدون أن كل السودانيين سمر البشرة وهذا مفهوم يجب إزالته بالتوعية الإعلامية والبث المكثف عن السودان والقبائل والتراث وغيره لذلك كان سؤال اللبناني لك أنت سعودية شك أن تكوني مزيج خليجي بل أنت مزيج النيل بنت بلدي واصلك سودانية.
في المملكة العربية السعودية للسودانيين كجالية مكانتهم وإحترام السعوديين لهم وهم يقرون بالإجماع بأمانة السوداني ( الزول ) برغم من الخدوش التى تسبب فيها الكثير من السودانية الذين قدموا في الفترة الأخيرة ( عبيرا ، منفوحة إلخ ) أحياء بمدينة الرياض.
وأما حكاية السوداني يعصب هنا ضرب مثلا بأن السوداني مثل البيبسي لا ترج ( تهز ) الزجاج لان البيبسي إذا هزيت الزجاج يفور ويتناثر .
وحقيقة نحن بنا حماقة ، وحماقة جعلين وهي برمجة تبرمجنا عليها ومن الطرائف ذات مرة وأنا وصديق لي كنا بمحل كمبيوترات فدخل سعودي وبعد السلام بدء يتناول أطرف الحديث بأن السودانيين يصلون بدون وضوء واقسم بأن كل السودانيين يصلون بدون وضوء وأن الواحد يخرج من بيته والآخر يمارس ( الجنس ) مع زوجته .. هنا صديقي أمتلاء وأحمر وجه وعاوز يضارب فضربة في رجله وسالت السعودي كيف الكلام ده قال والله السودانيين انا أعرفهم شديد يصلون بدون وضوء ..
ويكرر فيها فقلت من السوداني المعاك في الحي البصلي مدون وضوء .. فقال أنتم السودانية تصلون طول الوقت على الرسول صلي الله عليه وسلم وهذه صلاة بدون وضوء .. فتنفس صديقي الصعداء فطلع الرجل يمزح بطريقة رفعت ضغطنا جميعاً . أما الواحد يخرج من بيته والآخر يمارس الجنس مع زوجته
قصده أن هناك شخصين واحد خارج لعمله والأخر جالس في بيته يمارسة حياه مع زوجته
فالحمد لله أن ضبط صاحبي نفسه وذهبناً نضحك طوال ذلك اليوم .. ونحكي لكل أصدقائنا هذا الأمر .
نحن محتاجين أن يكون كل واحد منا عنوان وسفير للوطن وأن نستصحب هذا المعني على الدوام
وسوف يأتي اليوم ليكون السودان ثلة غذاء العالم محط الأنظار والزوار . فوصيتي لك ياسودانية نار
بأن أهل الكويت هم شايفين نفسهم حتى على باقي العرب والسعوديين
ولكن وقت الحاره فروا للسعودية كالأرانب
فكوني بارده ذكية حكيمة في حياتك وبالله التوفيق.
واسف للإطالة ولكم تحياتي - الجمري

[سودانية نار]

تسلم يا جمري
وصيتك ع العين والراس

[أبعاج]

[size=5] [ ]سودانية نار احيي فيك روحك وعزتك السودانية[/size]

[دعاش كردفان]

------------------------

[دعاش كردفان]

اختى الغاليه سودانيه نار
لك التحيه على موضوعك الرائع
وانا بقول ليك سودانا عزة وشهامه ومروءه
وكل العرب عارفه كده كويس
احنا نخلى اليقول يقول لانو رحم الله امرئ
عرف قدر نفسه
ومشكوره اختى مره تانيه
وياريت نشوفك قريب وتنورينا
بمواضيعك الرائعه زى روعتك
وكل سنه وانت طيبه
ودمتى بكل الحب
اختد دائما
دعااااااااااااااااااااش

[ملكه الاحساس]

اكييد نحن واثقين من نفسنا
واكييد كمان ان السودان ذات عراقه واصاله
لكن البغيز ان البجم ديل مش بس ما بيعرفو عن السودان حاجه
لا هم احيانا بيسالونا بيقولو لينا : انتو عندكم مدارس ومساجد
وحاجات تانيه كتيره
عليك الله هسه الواحد يرد يقول ليهم شنو هههه
بالجد حاجه تغيييظ

وانا بخت اللوم كله على التلفزيوون السودانى

[المصرداني]

والله يانار يابتي ولعتيها نار
لكنها نار مطلوبة
فقد آن الآوان كي نعيد النظر في التعامل مع العربان
ولتسرى النار في عروق الأجيال القادمة

عموما

العرب بصفة عامة يحتقرون بعضهم البعض
وذلك ليس نتاج تفوق هذا علي ذاك

ولكن

هو شعور بالأحباط العام لما وصل اليه حال الجميع الذى لا يخفي علي أحد
وهي حلقة من الأسقاطات
العراقي يعتبر أن لا وجود لشئ أسمه كويت
والكويتي يعتبر نفسه أحسن خليجي
البحريني أرقي من القطرى
القطرى يحتقر السعودى
السعودى أشرف من اليمني وأعلم من الأماراتي
كل الخلجات يصفون المصرى بصفات عدة
( هل سمعتم الأغنية السعودية عن المصريين ) روحو u tube
المصرى لازال يصدق أنه كان يحتل السودان
ثم إذا ما ذهبت الي المغرب العربي مرورا بليبيا فسترى ما هو أدهي

ثم بالمناسبة

كيف أستدرجت كل من جزر القومور والصومال وجيبوتي وكذلك موروتانيا إلي الحظيرة العربية؟

[دا شنو]

[size=5] الناس الما بتعرف حاجه عن السودان ما بنلوم عليهم بس زي ما بقرا فى اجمع علي انو الاعلام هو السبب .بس الناس ناسيه او متناسيه انو الزول السوداني ماعندو ثقه في نفسو ..!
كدي لو كلامي دا صاح نحاول نشخص اسباب عدم الثقه المفترضا دي
مع فائق احترامي
وشكرا[/font][/size]

[sma7a]

[size=5] الناس الما بتعرف حاجه عن السودان ما بنلوم عليهم بس زي ما بقرا فى اجمع علي انو الاعلام هو السبب .بس الناس ناسيه او متناسيه انو الزول السوداني ماعندو ثقه في نفسو ..!
كدي لو كلامي دا صاح نحاول نشخص اسباب عدم الثقه المفترضا دي
مع فائق احترامي
وشكرا[/font][/size]

فعلا الكلام دا صاح ميه ميه الاعلام وعدم الثقه بعدين فى نقطه تانيه السودانين فى الدول البره فعلا بتتزللو ما عارفه ليه ويعملو فيها محتاجين ويسو لى السعودى والكويتى راس وقعر يعنى جد انا شفت مواقف بس الله يعن السودانين طبعا الكلام دا ما بنطبق على كل السودانين الخارج . فى ناس عسك تماما فهم وعلم وشايفن نفسهوم واثقين هوم شنو . وشكر ليك على الموضوع الرائع
تقبلى مرورى بت السقاى

[الأمير حسن مختار]

المفروض انو السودانيين ما ينزلوا عشان لقمة العيش والله البلد بخيرها بس مين العندو شجاعة حتى لو اكتفى بالزراعة أرضنا حتطرح ليه الثمار اليانعة من كل لون وصنف ويعيش معزز مكرم مرفوع الرأس فخور بوطنيته ومرتاح البال والجيب دفيان بالمال..
فليدم لنا وطن العزة والشموخ..

[الاصيل22]

اختي سودانية نار
كم بحز في نفسي هذا الغباء من هولاء البشر الذين نعرف عنهم كل كبيرة وصغيرة ليس لانهم عظماء بل لاننا متطلعين علي ثقافة غيرنا وهذة واحدة من مكارمنا
الامر برمتة يرجع للاستهاون بنا لاننا لم ندافع عن انفسنا جيدا انشغلنا بالحروب والمشاكل وتركنا تعريف انفسنا للافراد واتمني ان اجد في اي سفارة سودانية بالخارج كتيب للتعريف بالسودان لا نجد الا كتيبات بسيطة وطباعتها مش ولابد وحتي السفارات احس انو دورها دور الجباية فقط
تركنا امر التعريف للافراد كل يعرف حسب معرفتة مما جعل الصورة غير ثابتة في الاذهان.لغيرنا
كثيرا ما اصطدمت ببعض العرب الذين لا يعرفون عن السودان الا الصيد والغزلان بس
الحل
لابد للاعلام ان يتطلع بمهمتة كاملة
عمل دوريات ومجلات تعرف بالسودان وتنوعة الثقافي والجغرافي
واشكر لكم صبركم علي الوجع .