حل وسط ارجوكم

[م / ياسر السلاوي]

اولا السلام لكل اهل المنتدي المنور دايما.انا طبعا دي اول مشاركه ليه في المنتدي واسأل الله انو اكون خفيف علي قلوبكم دايما وربنا يجعل ليه القبول بينكم. طبعا انا اعجبت شديد بأنواع القضايا المطروحه ولكن ....... كالعاده احنا دايما لازم نكون تجمعات وحزازيات بيننا . انا اتولدت وعشت في السعوديه وعاشرت ناس داخل وخارج السودان لانو انا الان في السودان. انا دايما بفكر في المفيد .وهو احنا بدل ما ننتقد بعض ونشوف اخطاء بعض ليه مانستفيد من تجارب الاخرين. يعني انا عمري ما سمعت واحد بيسأل واحد عن تجربته في اي مكان خارجي واستفاد منها شنو والعكس برضوعشان يفيد نفسه وغيرو ويزيد ثقافتوا وكل اللي بيننا انت حنكوش وانا ليه بتعشى فول ليه عشره سنين وانت مع البيتزا وانا مع فلان!!!!!!! معليش طولت عليكم وارجو التفاعل مع الموضوع لانو جد حيوصلنا لحل وسط وووووووسلامات عليكم

[moukhtar]

اخ ياسر الف مرحب بي طلتك البهية على منتدانا المتواضع
ونسأل الله ان لا تكون المشاركة الاخيرة لك
اما بالنسبة لموضعك ده فاخوك عاش نفس الموقف ده لكن قدرت اتعايش واتماشى معاهو لأني عملت بالمثل البقووول العارف عزو مستريح فانت عشان تنخرط فيهم وتعيش وسطهم لا زم تحسسهم انك واحد منهم وتقعد معاهم في الصح وماتحاول تظهر استغرابك الممكن ينفرهم منك او حتى يحسسهم انك مابتقدر تعيش وسطهم .
لكن صدقني ازمة وبتعدي بس عمرك ما تفكر فيها بانها مشكلة عشان ماتبقى ليك مشكلة.

اخووووووووك حبيبو

[السودانى الاصيل]

[

size=6]الاخ ياسر اتمنى ان تذهب اولا وتعلن عن تشريفنا بالانضمام الينا وحتى نتمكن من الترحيب
بك ترحيبا يليق بمقامك السامى

اما بالنسبه للموضوع فهو احساس متعارف عليه فى سوداننا الحبيب اى عائد من الغربه
خاصة السعوديه وخاصة حينما يولد خارج ارض الوطن ويمكث فيها كثيرا يعتبرونه
الاخرين (ود المصارين البيض)
وهذا الشئ تستطيع التغلب عليه فقط بالدخول وسط الناس ومشاركتهم ما ياكلون وما يلبسون
وما يقولون وتحاول بقدر المستطاع التحدث بلهجه سودانيه وانا اعلم كثيرا ما تاتى كلمات من
غير قصد خليجيه والاغلبيه يعتبرونها فخر منك عليهم واظهار الحنكشه وهى لانك عشت كثيرا
وبالتواضع تستطيع كسر هذه العاده لدى اصدقائك فى السودان
اتمنى ان اكون قد تحدثت فى الموضوع المطروح مشكوووووور ومرحبا بك[/size]

[هوبة]

ادخل ليهم من اووووووووووووووووووسع ابوابهم
ومرحب بيك يادو السلاوي

[rfif alhiat]

مرحب بيك في المنتدى

بالنسبة لموضوعك حلو اتمنى التفاعل من الشباب ولك التحية

[م / ياسر السلاوي]

اهلا بيكم انتو كمان وانا جد اتشرف انكم تشاركوني الرأي واتمني انها تكون صداقه منبعها الوطن الواحد العظيم اللي صالو رجالنا وجالو فيه من اجل اسقلالنا وحريتنا التي لا تقدر بثمن والان جا دورنا عشان نكمل المسيره اتمني ليكم التوفيق جميعا وتاني مره اهلا بأصدقائي