عرف الشمار

[misse10]

صباحكم فل ياشمشارة ولو ما كنتو شمشارا يبقى جمجارا . تكونوا زي ما تكونوا وانا مالي
المهم انا عندي ليكم مسابقة والجائزة الاولى شمار حااااااااااااااااااااااااااااار حصريا للفائز
والسؤال هو عرف الشمار لغة واصطلاحا

[misse10]

yala ya shaba

[السودانى الاصيل]

طيب نشكر الاخ السائل يبدو انو الخط قطع
طيب الشمار لغة : الشمار لغة هو من شمشر يمشر شمشرة شديدية وتقول العرب
للمتطقسين عن الاخبار شمشاره والشمشار فى الجاهليه هو الذى يضع اذنيه فى
جحر الحيطه عشان اسمع الاخبار وامش سريييييييعا الى ناس الجبنه وافتو ليهم
اما الشمار اصطلاحا :
القوالات بمعنى تكون داير تعرف ناديه طلقوها ليه وعملت شنو ودقاها راجلا اول شئ
والغلطان منو فيهم وحاج سعيد خلى الشغل مالو رفدوهو ولا خلاهو براهو سلمى دى
لابده كدى وعامله فيها مادبه بتحب منو اى فى واحد بتصل عليها دا منو وقال ليها شنو
وتفتح جوالك تتصل رقما مشغول ولا لا و0000000000000000000000000000

ومن امثلة لكبار الشمشارين على نطاق المنتدى زعيمة الشماشرة والناطق الرسمى باسمهم
احسااااااااااااااااااااااااااااااااااااااااااااااااااااااااااااااان مافى زول اعرف
ورئيس نقابة الشمشارين بالمنتدى الاشيييييييييييييتر عكس عقارب الساعه الناس فى وادى وهو
فى وادى بس دا باختصار

[الفراش الحائر]

انتو يا اخوانا فتى السقاى وين ؟؟؟
والله بعرف للحاجات دى جنس عرفه
بروف عديييييييييييييل فيها!!!!
ههههههههههه

[ehdaat]

اولا انا مشتركه جديده لنج ودا طبعا( شمار) حار واسمي اهداءات وسعيدة اكون بينكم
الشمار طبعا جاك تعريفو من السوداني الاصيل واظنو اوفي وماقصر والشمار ايضا
هو( الخبار) والشمار مابيكون شمار الا ااذا كان من نوع العيار التقيل . ودمتم

[اروع ابتسامه]

لغه= شئ ليس له داعي وهو نوع من التسلط والتدخل في امور الغير
اصطلاحا=شئ غير جائز شرعا(تخريمه)

[misse10]

تشكروا جميعا على المرور يا شمشارة يا حلوين و السوداني الاصيل الظاهر انك عملت بحث تخرج بي تعريفاتك دي