رجاءت وصيف

[عمر مروى]

هلالنا الحبيب حالف يهدي كاسو
لي جارو الوصيف لو مره يسعد ناسو
خمسه سنين طويله كاتم على أنفاسو
خلاهو يعرف ساسو وين من راسو
في ساعة الجد وراهو تمام مقاسو
هلالنا قال الليله أنا ده مروجا
حنّ على النجمة وجاها جاري يتوجا
في مقبرتو قال حرام ما بخارجا
إلا تسعد ناسا ولو مره تفرحا
والله العظيم خايفين عليهو من العين
حارسنو بي ياسين ومعاها المعوذتين
قالوا كفاهم شايلنو خمسه سنين
حرمونا منو خلانا متشابين
الليله فكوهو لينا ونحنا ما مصدقين
خمسه سنين وإنت شلت الكاس
يجرو وراك ودايرين يبقو ناس
خمسه سنين وإنت قلت خلاص
إنا اتوجت بطل وشبعت من الممتاز
فرحو بالكاس مع إنو جاي بتعادل
وقاموا يشكروك وقالوا الهلال اتنازل
قال ليهم سنه واحده وفيها ما بجادل
ألعبوا مع الكبار والفضايح بتتواصل
إنت يا هلالنا والله إنت عظيم
اتنازلت عن حقك وهديتو ليهم تكريم
فرحو فاكرينك إنك إنت عقيم
إنت لعبت نضيف وهم لعبوا بالتحكيم
عملو المشاكل لا ليها أول وآخر
ظلموك في لعباتك والظلم كان ظاهر
في مدني حرموك بي تحكيمهم الجائر
الوالي قال ليهم لو ما جبتو الكاس
أنا بمشي لي شداد بعمل ليهو نافوره
وما حاجيب وارغو مع إنو ماسوره
لا حادفع بالدولار لا حأبني مقصورة
كليتشي الرخيص النفسو بقت ضعيفه
أدوهو كم دولار عشان يسعد النجمه
معاهو التحكيم واللعبه ما شريفه
بنشكيهو مع الوصيف للكاف والفيفا
والله نشهد ليكم ما إنتو ناس إنجاز
أبطال علينا سنين بتشيلو في الممتاز
وأنا لو شلتو مره دي دلاله على الإعجاز
وأنا حا أبقى ديمه وصيف وأنا ديمه تحتك يا هلال
وانتو يا هلالاب اعفو لينا الكاس
مافي كان حل غير التحكيم يا ناس

[الفراش الحائر]

مرحب بعمر مروى
مقاتل جديد فى صفوف سيد البلد
وشد حيلك معانا