ياريتني لو??

[saroona]

[gdwl]ياريتني لو اقدر اقول ايه الفي قلبي انا اندفن
كان كاتمو في جواي سنين وعيونك انت علي قسن
خلن زماني الكان سعيد لحظاتو تتبدل محن

داير ابوح ليك واعترف بالشايلو ليك انا من زمان
انا كنت شايل ليك حنين وغرام جميل كاسي الحنان
ولامن تضيق الدنيا بيك انا كنت بديك الامان

ماانت لي كنت العشم كنت المراد شاغل الخيال
ماكان بظن تهجرني يوم بالنسبة لي انا كان محال
ماكنت قايلك يوم تجور تحرمني شوفتك والوصال

قولي ليا بس كيف هان عليك ترميني في بحر الاسي
تحرمني شوفتك ياجميل ولقانا كل يوم بالمسا
مالرقة كان طبعك زمان والليلة قلبك جد قسا

كل الكلام القلتو ليك كان جوة في قلبي اندفن
لكن قساو تك والظروف ومعاها نيران الشجن
خلن زماني الكان سعيد لحظاتو تتبدل محن [/gdwl]

[تنبش]

الله يديك العافية..
على الكلام الجميل ...
والى الامام دائما...

تحياتي....