سلام شباب وشابات
أحوالكم إن شاء الله كلو تمام التمام
......................
ادخل في الموضوع على طول الموضوع وما فيهو إنو كلو زول يدخل يقول لينا اكتر حاجه بحبها
في السودان شنو وبس
البوست فكرتو بسيطه وخفيفه
طيب أبدأ ليكم انا
انا اكتر حاجه بحبها في السودان
بيتنا ومدرستنا وحلتنا وناس حلتنا واكل الويكة
والكسرة والعصيدة وشرب الموية من الزير
واقعد فى الركوبة وشرب الجبنة
السودان انه البلد الوحيد الذى لاتوجد فيه افضليه مكان على الاخر ---
اننى اعشق كل مافيه ريحته --- النسيم العليل وقت الصباح مع الشاى بالبن والقيمات ----
الشوارع ---- البيوت ---- الحيشان ----- الجلابيه والعمه ---- التوب ---- الحبوبات -----
النيل ---- رائحة الكسرة الممزوجه بى جميع انواع الملاحات -----
اما الحاجه المميزة جدا ---- بحرى الحبيبة وحلة حمد بالتحديد والله غير
بحرى مختلفه عن السودان كله فيها احساس مابحسه فى اى منطقة تانيه فى السودان
بعشقه --------
السلام عليكم اخوتى واخواتى
هذه ثانى مشاركة لى معكم تقبلوا تحياتى
فى العصريه شفع جاريه لى العابا
والشاى فى المغارب زكريات وصبابا
اكتر حاجه بحبها فى السودان
مدينة الابيض حاضرة ولاية شمال كردفان
هذه المدينه اعتقد انها اجمل مدينه فى السودان وبذات فى فصل الخريف حيث الخضره وجمال اشجار التبلدى
سلام شباب وشابات أحوالكم إن شاء الله كلو تمام التمام ................ ادخل في الموضوع على طول الموضوع وما فيهو إنو كلو زول يدخل يقول لينا اكتر حاجه بحبها في السودان شنو وبس البوست فكرتو بسيطه وخفيفه
طيب أبدأ ليكم انا انا اكتر حاجه بحبها في السودان بيتنا ومدرستنا وحلتنا وناس حلتنا واكل الويكة والكسرة والعصيدة وشرب الموية من الزير واقعد فى الركوبة وشرب الجبنة
......
موضوع ممتاز ومتميز يديك العافيه على هذا الطرح
انا اكتر شى بحبها فى السودان اهلى القوبش والبشاشه والطيبه والكرم الماليهم حدود فى اهل السودان الطيبين . وكمان بحيب الحوارى واللمه حقتون ذى الاسره الواحده . بحب الاكل السودانى بى صفه عامه لطزاجتو وقيمة الغزائيه وبحب السودان عشان انا سودانى ما انا سودانى المنتدى انا سودانى فعلا وقولا وماممكن اكون غير وما دائر اكون غير كده
بحب النيل .... غروب الشمس .... الشوارع ... البيوت ... الحيشان
الباصات .... الجيران .... الاهل ... الشوق الشعبي ... لمه الناس الطيبة
الله عليك يابلدي جميلة بكل ما فيك
تسلمي اختي بوست جميل
تحياتي بكل الود
لك التحية
كل ما في السودان ... وكل أهل السودان .... وكل أجواء السودان ........
بحب السودان بكامله ... بكل شيئ فيه ..........
من جلسات القرية وشرب الجبنة وأكل الويكة .......... والفول السوداني المحروق بالقش .... والتسالي ...
والى آخره ........
... والانسان ما يفقتقد حلاوة السودان الا يلسع بنار الغربة ....
... الآن نحن مشتهين .. فقط نلقي نظرة على السودان ما قادرين ...
أكتر حاجه بتحبها في السودان شنو ؟!
....مالك علينا نبكى 
