تلبية لطلب الأخوان ودمضوي وودالتريكي وجميع الهلالاب أكتب لكم هذه القصيدة وأيضَا تجدون قصيدة أخرى بعنوان الديبة أخو حمد بمناسبة فوز الهلال على حي العرب 0:4 فإلى القصيدة الأولى :
عجبوني أولاد الهلال عجــــــبوني وسابــــو الدلال
عجبوني أولاد الهلال وهزيمة النجمة ماأظن محال
قال دبايــــوا قال سوكــــرتا قال بـــــــركــة قـــــال
عجبوني أولاد الهلال فيهم داريو وأهداف الشـــبال
عجبوني أولاد الـهلال صاروخ والتاني من الغزال
عجبوني الليلة جو والمريــخ صــددو
عجبوني الليلة جو ركبو خبلم سرجو
نـشــرب صــافـي ونــــشــرب زلال
وغيرنا في المر مــويـة الـغـربـــــال
تـــوالـي ســادس مـــبــروك حـــلال
يـلــلا غـــنــو مـع نـــــاس وصــــال
عجبوني الليلة جو والمــريــخ صددو
عجبوني الليلة جو ركبو خبلم سرجو
شـــوف الـــمــعــز جـــاوب ســـؤال
قال الهلال جاهــز تــمـام يوم النزال
هيثم القائد الأمـيــن شايـــل النصـال
كلاتشي ورينا الجديد مــــا انت فـال
واحمد العادل هناك بي خصمو مـال
عجبوني الليلة جو والمريــخ صــددو
عجبوني الليلة جو ركبو خبلم سرجو
دبايوا يالديبة العجيب أخــــــــوا حمـــــــد
ذكرنا أيامك الحلوة الزمان الرائعة جـــد
بي أربعات ومرة خمسات تجيب رمــــد
نديها في عين الحسود مهما رصــــــــــد
راجنو داك يوم القاء وأمواجنا مـــــــــــد
غزالنا حالف وقال عديل أهدافي عـــــــد
مرة أهداف باليمين والشمال كيفن تصـد
ويالتريكي وود مضوي بخورنا نـــــــــد
والهلال ياهو الهلال إنت يالعاتي أبـزرد
جمهورك الأمواجو كاسحة تشيل بلــــــد
جمهورك الأمواجو كاسحة تشيل بلــــــد
وإنت يا سيد البلد خلي الحساب دايما ولد
وإنت يا سيد البلد خلي الحساب دايما ولد
يامبارك أصبر شوية وإنتظر يوم الأحد صدقنى تسكت للأبد
ماتنسى تاريخك ياأخوى مريخنا دايماً ياهو الأسد سيد البلد
سفارى الجسور ملك الدفاع الله يحفظو ويحميه من عين الحسد
وطمبل قريب سواها فيكم وحالف بالبيمين إلا الشباك تنقد
وماتنسى السعودى الفتى اليافع منو اليقدر يقيف فى وجه سد
صدقنى يامبارك خلاص مريخنا صار عنوان لى البلد
وخليك قريب ماتبتعد وفى المقبرة تندفنوا جوة فى ود اللحد
الأخ سر الختم عثمان تحية طيبة وشكرًا على القصيدة ولكن يا ناس المريخ ما عندكم كلام معانا يوم الإتنين ونحنا واقفين على الشباب ( يعني على أطراف الأصابع ) وهاك القصيدة دي مع تحياتي لكل أهل كسلا وأخص دفعتي العميد شرطة ابراهيم محمد موسى
الإتـنـيـن قـريـب واقـفـيـن عـلى الـشباب
ناس حجزو مكانـم وناس على الأبواب
تشجيع راقي وأصيل اتلمو كل أصحاب
روابـط فـي الـقـرى قـدام لـقـو الأربــاب
حوافـز لـلنجوم والعرض جـميل منساب
دفـاع صامد أصيـل رابط تـقـول كـراب
هجوم يخـتـف عديل يخـتـف كأنو عُقاب
ديـل نـاس الـغـزال الـسـكـتـو الـكـضـاب
بـي صاروخ سريـع كال الرماد وتراب
والهـيـثـم قـايـدم جـمـهـورو حـيّ حـبـاب
في الإستاد هلال نـمـطر تـشوفو سحاب
نـفـرح بالـتـوالـي الـلـيـهـو نـحـنا أتـراب
وناكـل شـيـة بـس ناكـل لـحـوم وكـبـاب
تسلم أخى مبارك وربنا يديك العافية ويمتعك بالصحة وتحياتك وصلت
وأخونا العميد إبراهيم محد موسى بخير وعافية وبشرفنا بزياراته المتكررة
بس لو سمحت بنسأل من أخبار أخونا العميد مبارك سليمان ياريت نلقى
اخباره معاك
مع عاطرالتحايا والأشواق
الأخ سر الختم عثمان تحية طيبة
أهنئكم بعودة فريق الميرغني كسلا إلى الدوري الممتاز وأرجو أن تنقل تهنئتي نيابة عن الجالية السودانية بألمانيا الإتحادية بون إلى كل أهالي كسلا وإلى مجلس إدارة الميرغني.
بخصوص سؤالك عن الأخ العميد شرطة م مبارك سليمان (سليمان كل شي) قابلته في إجازتي الأخيرة في مارس الماضي وأنه يعمل بإحدى شركات منتجات الألبان حاولت الإتصال على هاتفه في الرقم 912802635 إلا أنه لم يرد إذا عرفت شيئا عن أخباره أرجو إفادتي لك شكري
1 التشجيع المثالي
2 الهتاف العالي الغير إنفعالي
3 التحكيم العادل المتايع لكل صغيرة وكبيرة
4 اللعب النضيف والسلوك الظريف
5 العرض الجميل والفن الأصيل
6 الهلال والمريخ هم من أمدرمان وهي كل السودان فلا مكان للإنفعال فالكل أخوان
7 الإنتصار لأي فريق على الأخر يحقق المنية وليس نهاية الدنيا
8 نقول مبروك للمنتصر وهارد لك للمندحر
9 إذا كسب الهلال كسب التوالي السادس
10 وإذا كسب المريخ أوقف التوالي وأفرح الوالي
11 الوالي والأرباب هم عدلاء وأصحاب
12 جمهور الأحمر الوهاج والأزرق الأمواج الكل للأخر محتاج
13 الإعلام الأمين والرصد السمين بدون ما يهين
14 الإتحاد العام حاضر تمام والكل إحترام
15 الشرطة الساهرة واليد الطاهرة والقوة الظاهرة
16 بعد النهاية أسدل الستار والدوري الممتاز فاز بيهو من فاز
17 الكل إنصراف ممكن تفرحو بدون إنحراف
18 ما نسمع بي إصابة لي لاعب أو حكم أو حامل ربابة
19 ما نسمع بي إساءة لي شرطة أو حكم أو لاعب بي رقم
20 يلا في الختام اللقاء نضيف وفيهو كم حريف وفيهو كم هدفوالجمهور يقيف
أشكرك جزيل الشكر وسوف أقوم بزيارة الأخوة بنادى الميرغنى وتقديم
التهانى لهم نيابة عنكم
وتقبل منا من هنا ومن ارض التاكا وسفوح جبال توتيل عاطر التحايا والأشواق القلبية
الصادقة مع تمنياتى لك بالتوفيق
الليلة كيف ياسعادتك ؟؟؟؟؟؟؟؟؟؟؟؟؟؟؟؟؟؟
الأخ مبارك ياريت تخرج مبارا نظيفة خالية من المشاكل وتمنى أن
لا تخرج الجماهير عن طورها
أتمنى أن تكون قمة حقيقية نرى فيها آخر فنون كرة القدم
ولك الشكر الجزيل
هلالنا العظيم يا حابـــــــس الأنفـــــــــاس
كم غنت سميه وغنى كمـــــال تربــــــاس
ما شفت التمارين والعروض وحمــــــاس
الإتنين عديل داقين هنـــــاك أجـــــــــراس
نزيد فوق التوالي نزيدو عرض وأســـاس
نخلي الناس عديل حا يعلنـــــوا الإفــــلاس
ونحصد كل جوائز ونحصد دهب وألماس
ونرقص ونحتفل زي التقــــول أعــــراس
ونبشر في البرنس سيد الجلـــد والــــراس
والسيرة بتطوف كل القــــرى وفـــــــداس
والأرباب حوافزو تحيـــــر الوســـــــواس
معز فاز بالهدية وأقنــــــع الحــــــــــــراس
ياهو بطل فريقنا شافوهو ناس تكســـــاس
وهتفو يمين هناك ناس منــــى وعبــــــاس
وناس النجمة ناموا وجــــاهم أبكبـــــــــاس
وشافوا الكأس سراب غشاهم الخنـــــــاس
والله يا نهى يا رائعــــــة الإحســـــــــــاس
لو كان بالتمني نديهو ليـــــك الكــــــــــاس
لكن بالغلاب وهلالنا سيـــــد النـــــــــــاس
ولو حصل القدر في هلالنا وقع الفــــــاس
نقول مبروك عليك الأولى بعد أخمـــــاس
نقول مبروك عليك الأولى بعد أخمـــــاس
من احد المعجبين إلى هــــــــــــــلال الملايين
صباحك زين مساك زين وانشأ الله بكاس الممتاز محتفلين احبك مهما يقولوا القائلين يا أللعبك سمح ماشين احبك وما بخاف لومت اللائمين احبك لو تشيل الكأس أو تودي للشينين احبك يا اللعيبتك حلوين وفنانين واللعب النظيف هم بيه مشهورين .
:المارد قاهر الأبطال التحية ليك: (ابتسم فأنت هلالابي )
تبقت سويعات للقاء المرتقب بين عملاقي الكرة السودانية وحصاد موسم ملئ بالتعب والجهد والفوز لمن يكد ويجتهد ويسكب العرق في الميدان لا في صفحات الصحف .
نتمناها قمة في كل شئ لعب واخلاق ونتيجة
نيابة عن الجالية السودانية بألمانيا الاتحادية بون نهنئ المريخ ومجلس إداراته ولاعبيه ومشجعيه بالفوز بالدوري الممتاز ونهدي لهم هذه القصيدة بعنوان بعد السنين بعد الغياب
وإلى القصيدة :
مبروك الكاس عليكم بعد السنين الخمسة
وغير لعب الدفاع ما شفنا فيكم لمســـــة
غيرو مرة ممتاز وجاكم خلســـــــــــــة
لو طمبل سبق مساوي هرش الهرشـــة
جاب هدف التعادل وحبس نفسكم حبسة
وزي ما قلنا أول مبروك قبلنا الدقســـة
وزي ما قلنا أول مبروك قبلنا الدقســـة
الأرباب أخوي الجفلن خلهن أقرع الواردات
وكاس السودان نجيبو وبطونا ما بــــاردات
نلعب كورة جد وهجوم على العارضـــــات
وأكرم ود سليم يكورك مع الفــــــــــــردات
أمسك ما يشوت أمسك كتير حاجـــــــــات
ونختم بي كم هدف وتكتر الصيحـــــــــات
الأرباب أخوي الجفلن خلهن أقرع الواردات
وكاس السودان نجيبو وبطونا ما بــــاردات
نلعب كورة جد وهجوم على العارضـــــات
وأكرم ود سليم يكورك مع الفــــــــــــردات
أمسك ما يشوت أمسك كتير حاجـــــــــات
ونختم بي كم هدف وتكتر الصيحـــــــــات
الاهداف العايز تختم بيها دي يجب ان تعلم جيدا ان لك 19 عام بي تفتش في هدف في شباك المريخ وبالزات في كاس السودان 19 سنه شباك المريخ عصية
هو الهدف دا بيجي بالساهل كدا لدرجة تكتب قبل المباراة بي كم يوم دا دليل قاطع علي التطاول باللسان والفصاحة صبر يرجيك حتي موعد المباراة ماعندك ولو كان الاهداف بي السهوله التي تراها ما كنت وصلت عمر الزهور عمر الغرام وعمر المني وانت صائم من شباك المريخ
