مســـــــــــــــــــدار + مســــــــــــــدار

[هامس]

]انا سوداني جد كل البلد عارفاني
لا بحمل ظلم لا بظلم معاي جيراني
بسند للضعيف وللعدو حنضل مر بتلقاني
باكل للجمر الملهلب وقتين يفور بركاني

عافى منك ولد العمـ إت أصيل سودانى

جميل خصالك نفخر بيها أسمى معانى

دابى الكرـ ـ ـ منو يفر البعيد والدانى

لى بطن رجلو ـ ـ مابشوفا العدو الجانى

[هامس]

عوفيتم
انا كنت وين؟
رديتو فيني الروح بالكلام الزين
يعافيكم ويحفضكم المولى المتين
وتاني جرو النم وصحو في الناس الحنين

من تكيت علي شهد الكلام
مسدار ورا مسدار منكم آكرام
عمنا ود يس موفور الاحترام
ود اونسة جنى المرغني وود الدرديري الهمام

هومي انفرضي ورؤوف
هامس وعصام جنى المخلوف
ويليز وكل زولا ولوف
لكم التحية تعظيما وقوف

صٌـح قولك النمـ برد الروح الحنين
فى العشق والهوى يقطع القلب بالأنين
علً متل السيف وقت الحاره سنيييين
عريض بحرو شمس الهدايه حبنا ليو دفين
ـــــــــــــــ ـ ـ ـ ـ ـ ـ ـــــــــــــــــــ
بغرى شهد المنتدى الف مليون ـ ـ سلامـــ
متل اللبن صافى قليبنا لا حقد لا ضلامـــ
نعشق حروفو أحمد أخوى تجمعنا به الأيامــــ
أونسه المرغنى الدرديرى أهل الحوش الكرامـ
ــــــــــــ ـ ـ ـ ـ ـ ـ ــــــــــــــــــ
هومى وإنقرضى وعصام و رؤوفــ
ركازة المنتدى هم ـ ماشايلنو خوفــــ
فى الجاى من الأيام معاهم ويلز الولوف
ليك إنتا شمس ـ مليون سلام وقـوف

(همسه) جدعه واحده وبس ؟ يديك العافيه

[ودالدرديري]

ياناس الكلام شوفولنا إيهـ الحاصل
السهر الشديد من يوم أمس متواصل
جربت الحبوب وتكنو تحصيل حاصل
لى هالساعة نوم مافي ولسه مواصل

!!!!!

[حبوبة]

ياناس الكلام شوفولنا إيهـ الحاصل
السهر الشديد من يوم أمس متواصل
جربت الحبوب وتكنو تحصيل حاصل
لى هالساعة نوم مافي ولسه مواصل

!!!!!

كدي بيني وبينك قول لي شن سويت
ما اظنو شيتا يجيب لك من المولى الوعيد
تكون باريت دروب الريد (وع المولى ماسميت)
أو زعلتها والعليك من حبيبك كيد

[حبوبة]

جمعة مباركة للناس الكمل وليك يا هامس
ِِ
شكلك حامي حمى وحقيقة فارس
طعمك سوداني خااالص
شاحداه الحفيظ الحارس
يرضاك...... واشوفك دنيا وآخرة للعافية لابس

[ودالدرديري]

كدي بيني وبينك قول لي شن سويت
ما اظنو شيتا يجيب لك من المولى الوعيد
تكون باريت دروب الريد (وع المولى ماسميت)
أو زعلتها والعليك من حبيبك كيد

على طاري الدروب باريت دروب الريد
وان كان هو السبب ان شاءالله سهري يزيد
هيمان بي غزال شاقيني شوقو شدييييييد
دعواتكم معاي ياناس نتمو الريد

[حبوبة]

[quote="ودالدرديري"]

على طاري الدروب باريت دروب الريد
وان كان هو السبب ان شاءالله سهري يزيد
هيمان بي غزال شاقيني شوقو شدييييييد
دعواتكم معاي ياناس نتمو الريد

[/QUOTEp]


آفو تاري الجنى جمر الريد جواه موقود
ممكون تب ومن حر شوقو مورود
سيدي اكريم ,,, ينتم مرادو ويتلم بالمريود
ترحم سهادو وحرقة فؤادو,,,, ربي ياذا الجود

:D [الشباب ينموا وانا بتسدر الزغرود] أبشر بالخير

[هامس]

جمعة مباركة للناس الكمل وليك يا هامس
ِِ
شكلك حامي حمى وحقيقة فارس
طعمك سوداني خااالص
شاحداه الحفيظ الحارس
يرضاك...... واشوفك دنيا وآخرة للعافية لابس

لو ما كنت سودانى وأهل الحًاااره ديل أسمح ناس
يرحم سلفنا من الجدود مغروس طعمنا فينا أساس
أفخرى شمسو تاريخ تهراقا لى سوريا حكمـ ساس
يعافيك الكريم فى غربتك ـ يحفظك من جنى الخًناس

[هامس]

على طاري الدروب باريت دروب الريد
وان كان هو السبب ان شاءالله سهري يزيد
هيمان بي غزال شاقيني شوقو شدييييييد
دعواتكم معاي ياناس نتمو الريد

ودالشيخ درب الريد فى الزمن ده قاسى شديد
بدورلو فارسا ركيب ما بلين قليبو ـ ـ ـ حديد
الغزال إن رادك لى روحك برسل شوقو بريد
وإن دارك لى شيتا تانى نصيحتى منو أبقى بعيد
أسأل مجرب أخوى ما تسأل زولا فيهو ـ ـ جديد

[هامس]

على طاري الدروب باريت دروب الريد
وان كان هو السبب ان شاءالله سهري يزيد
هيمان بي غزال شاقيني شوقو شدييييييد
دعواتكم معاي ياناس نتمو الريد

بى سهمـ العيون ود الشيخ التعب أضناكا
قـلل منامـ عينيك طول السهاد أشقاكا
قلبك رهيف ترا ياريت السكون يغشاكا
أريتو الغزال القمز تلاقيهو ـ ـ ـ ويلقاكا

[حبوبة]

لو ما كنت سودانى وأهل الحًاااره ديل أسمح ناس
يرحم سلفنا من الجدود مغروس طعمنا فينا أساس
أفخرى شمسو تاريخ تهراقا لى سوريا حكمـ ساس
يعافيك الكريم فى غربتك ـ يحفظك من جنى الخًناس

كتبت ومسحت ... حردت ورجعت ... قعدت ووقف
قلبي ابتسم ... دمعي ارتسم ... وقلمي فكر يشف
كلمك زين ... يراعك حنين ... (اتحصن فشان للعين تكف)
حقيقة يابسام ... مالاقا لي كلام ... للجواي يصف
أحسبك روعة ... نضمك لوعة ... ماني قدك ياجناي
طيب الدعا ... بالعفو والشفعة ... مع التحايا وسمح مناي

يديك العافية

[هامس]

كتبت ومسحت ... حردت ورجعت ... قعدت ووقف
قلبي ابتسم ... دمعي ارتسم ... وقلمي فكر يشف
كلمك زين ... يراعك حنين ... (اتحصن فشان للعين تكف)
حقيقة يابسام ... مالاقا لي كلام ... للجواي يصف
أحسبك روعة ... نضمك لوعة ... ماني قدك ياجناي
طيب الدعا ... بالعفو والشفعة ... مع التحايا وسمح مناي

يديك العافية

شمس الهدايه إسما جميل سمحاـ ـ كمل وصف
جواك نضيف كل الحروف مابتوصفك لا لام لا ألف
زاهيه حروفك نقية سخيه بيها وليها القلب شغف
شاحدو الكريمـ من شرور الفانيه ـ ـ يحفظك يكف

جيت أقول قول صديقى وديمه قولو وافى
برسل الأشواق تحايا وليكمـ الأرواح ـ قوافى

[mohamed merghanh]

ياناس الكلام شوفولنا إيهـ الحاصل
السهر الشديد من يوم أمس متواصل
جربت الحبوب وتكنو تحصيل حاصل
لى هالساعة نوم مافي ولسه مواصل

!!!!!

ود الدرديري اخوي ان شاء الله مشرق يومك
من كل خير وسعادة عايش مكبّر كومك
حليل لمّة صحابنا الكان تعوم بي عومك
وجمعنا لمّا انفضّ ياهو المطيّر نومك

[mohamed merghanh]

على طاري الدروب باريت دروب الريد
وان كان هو السبب ان شاءالله سهري يزيد
هيمان بي غزال شاقيني شوقو شدييييييد
دعواتكم معاي ياناس نتمو الريد

الريد من قديم بهدل تلوب وفوارس
وكل القصّو دربو ياما لاقو كوارث
معاهم جملة قلبي مصيرو حيكون وارث
كشف الغطا الرقراق وبرد الليالي قوارس

[ود أونسه]

حباب ود مرغني فـــارس فـــوارس الحته

روحنــــا دوام معــاكم لكن بعيدـــــه الجته

بارين ام قـــدود فترنـــــــا حيلنـــــا انبته

نجري جري الوحوش والعوجه زيره مغته





جنا الدرديري لا بتسال ولا بتمر ولا بتفاصل

مشتاقين كتير بقت شوفتنا ليك فواصـــــل

انجـــاطت امورنا حابلنــــــــــــاخلط النابل

ان ابت الظروف بالمسج الهوين واصـــــل


يا هامسنا زيد همـســـك وزيدنا مسره

ارحل في ديار مســــــدار اخد لك فره

انضم في الجمال سامي المعـاني اتحره

انشد في الخـــــدار نم لينا سولك جره


اهل مســـــــدار جميع شوقكم ملانا ودفق

ساكن في الضلوع زاد حر لهيبـــو وشفق

عرف طالبين دياركم خفف زفيرو اترفق

زهت اللحظه فرحــه جاراها هلل وصفق

[mohamed merghanh]

[quote="ود أونسه"]

حباب ود مرغني فـــارس فـــوارس الحته

روحنــــا دوام معــاكم لكن بعيدـــــه الجته

بارين ام قـــدود فترنـــــــا حيلنـــــا انبته

نجري جري الوحوش والعوجه زيره مغته[quote="ود أونسه"]

سلام ود اونسة اخوي وراك عضمنا انفتّ
جافينا دار مسدارنا والله ممّا فتّ
لمّن أجيهو بشوق وألقاهو خافت خفتة
العبرة تقفل حلقي والحالة قاسية وزفتة


[quote="ود أونسه"]

اهل مســـــــدار جميع شوقكم ملانا ودفق

ساكن في الضلوع زاد حر لهيبـــو وشفق

عرف طالبين دياركم خفف زفيرو اترفق

زهت اللحظه فرحــه جاراها هلل وصفق[quote="ود أونسه"]

أهل مسدار جميع شوقكم ملهلب صدري
ساكن في الضلوع يا اخويا لو ما بتدري
لبست توب صبرا ماهو باين قدري
وأصلو الصبر معدوم هرب زمان من بدري

[انقرضى]

سلام يا ناس منى ليكم الف تحيه
بالمسدار تمام الليله عاقد النيه
اسمعكم كلام فى الليله والدقشيه
وسعوا للصدور ما تقولوا اف وبريه

[mohamed merghanh]

علي الرجوع عازمين قبّال تجينا رسالة
واصلنا معروفين في الدنيا مانا فسالة
ماليانا الشهامة وعزة نفس وبسالة
بس قولو للفايتين ما تبقو فينا كسالي

[الاغبش]

الدنيا ام قدود فتت ضهوروكبادنا
ما خلت لينا عقل شوت كمان افكارنا
حنيت للمسدار ونقرة طارنا
كيفكم اهلي ردو ما يطول انتظارنا

[ود أونسه]

دوحتنا القبيــــل كان الخـدار كاسيها

مرتع للقمـــاري الراحله تنجـــم فيها

اهملنــاها من سقيــا ومراشـا وجيها

عقبنا العنكبوت ناسج خيوطو عليها