مرات الزول فجاء بنسى
أويسهى من الحاجة الطلبوها منو أوالداير يعملها.
مثال لكدة:
((مرة أخوي طلب مني أعمل عصير برتقال تلاتة كبابي لاصحابو وجبت البرتقال وقشرتوا
لكن بدل ماأرمي الوسخ رميت البرتقال ذاتو جوة كيس الزبالة
وكانت أخر دستة والله أتبهدلت بهدلة المهم المخ جاء
وعملت تبلدي وأخوي سالني وينو البرتقال حكيت ليه القصة
ضحك وقال لي ده زهايمر مبكر ولكن جل من لايسهى ..
((أتمنى أي زول عنده تجربة يكتبها
وخلونا نضحك من زهايمرنا المبكر الله يستر:D ))
في إنتظار مشاركاتكم
طبعاً بيني وبينك الاحداث المتل دي اخوكي شاطر فيها عديل كده .
كدي نحكي ليكي حكايه بسيطه وقريبن ممن حقتك دي .
عزابي واليوم علي ويوم جمعه وفيها سلطه كاربه الجماعه عجبهم الجرجير انا نقعتوا في مويه وقمت بعمل سلطه ناعمه وجيت على الجرجير حيشت القعور كبيتهم في السلطه وباقي الجرجير في كيس الوساخه الغريبه فوق لي ملاح بايت ورحيتوا طاقه .
وديتها ليهم بدون جرجير
لكن فيها غرامه ، على الحله تاني يوم للمره التانيه قمت حشيت بصلي وبديت في حله تانيه ودايماً انا بقع في مثل هذه الامور والعذابه استغلوا الفرصه وعملوا القانون ده البغلط يدبل تاني يوم وانا اشتر كلما اعمل حسابي اقع في الشهر زي 8 مرات كده ما حرام عليهم .
موقف مره بى كثيرا وما زلت اعانى منه واظن ان الكثيرين منا قد مر بهم :
( صديق قديم او زميل دراسه او عمل المهم زول بعرفك حق المعرفه لعلاقه سابقه او منطقه التقيتم فيها وجلستم كثيرا ...فجأه يقابك الزول ده فى حته ويسلم عليك باسمك وبالاحضان ويسالك كيف اخبارك وعامل شنو ويكون عارف تفاصيل كثيره فى حياتك وانت متاكد انو الزول ده بتعرفوا وقابلتو قبل كده لكن الورطه انك ناسى اسمو وما عارف قابلتو وين .....وبعد داك تقعد تتلفت وتنحت فى مخك نحت لما يجيك صداع عشان تنكت اسمو وما تقدر وتقعد تزوق منو بى كيفك يا زول ( بدون اسامى ) وعامل كيف يا زول وتترصد فى كلامو عشان تلقط اى خيط يقودك لى معرفتو او معرفه اسمو وفى الاخر يفاجئك بالسؤال الانت خايف منو ( يا زول انت مسحتنى وله شنو ؟؟) اها بعد ده تقبل ويييييييين؟؟؟؟
مره انا راكب المواصلات وفلس شديد بقيت احسب الكمساري بطلع كم في اليوم لحدي م فتا المحطه ونذلتا وانا ما معاي قروش تاني ورجعتا البيت الساعه 2 بالليل وانا بضحك الشارع كلوا
هههههههههههههههههههههههههههههههههههههههههههههههههههههههههههههههههههه
المهم المخ جاء 
وخجلانة 
يا 
