يا ناس سوداني انتو عندكم ناسات

[أصلي]

السلام عليكم
انا زعلان عديل كده وقررت اسحب عضويتي
شاركت بموضوعين كافى البلاء مافى زول عبرنى انشاءالله يقول لي موضوعك تافه
اكتشفت انو عندكم ناسات بتعلقو على مواضيعم
كان على الاقل تشجعونى.
والسلام..............
اخوكم سابقاً أصلي

[فجر]

انت جعلى اصلى والاشنو
بجد ضحكتنى زعلان عشان نزلت موضوعين انت عارف انا فى بداياتى نزلت كام موضوع وما فى زول عبرنى زى ما قلت عيييييييييييييييييك وبعدين شنو اخوكم سابقا يعنى لوسحبت عضويتك نحنا ما بنبقى اخواتك بجد انت شرير
عموما ياسيدى ما تزعل ممكن الناس قرت موضوعك بس انشغلت عن التعليق وممكن يكون فى ناس لسه ما قروا الموضوع انت ما تستعجل
ودايما يكون الهدف من كتابتك للموضوع ان الناس تستفيد مش تعلق
عموما ياسيدى ولا تزعل انا بامشى اقرا مواضيعك بنفسى واعلق ليك عليها اه داير شنوة تانى :D كلوا والا زعلك
بالجمبه كده اى شى يزعلك تانى تعال واتناقش معانا مش تسحب عضويتك طوالى وتقوم جااااااى
وياريت تقبل ردى على موضوعك ده يا زعيل اقصد يا اصيل

[أصلي]

السلام عليكم
والله اكلتى راسى عديل كده وخجلتينى وانا بعتزر واسحب الموضوع.....

[فجر]

السلام عليكم
والله اكلتى راسى عديل كده وخجلتينى وانا بعتزر واسحب الموضوع.....

مافى بين الاخوان اسف واعمل حسابك عضويه انا سودانى ما ساهله عشان تنازل عنها كده
ويديك العافيه

[أصلي]

بقم

[حموودى]

انتو الاتنين
عسسسسسسسسسسسسسسسل


ياود قوم خش علي الراكوبه والاصدقاء والسودان العام
لفلف في المنتديات وحاول شوف الناس بتكتب كيف؟؟
شوف المشاكل وحاول اعمل حلول
شوف الاعضاء الكويسين وحاول ساعدم







انته لسه قاعد؟؟؟؟؟؟؟؟؟؟





.

[zaina]

والله يااصلى بالغت عديل كده لانو ماتتعود انو اى موضوع حتكتبه حيردوا عليه ودى ما معناها انو موضوعك ما عجب الاعضاء ولكن العافيه درجات واما بخصوص سحب العضوية تكون بالغت لو سحبتها لانك كده حتفقد اخوة عزيزين جدا