معاملة السودانيين فى بلاد الغربة

[معتز]

هل ياترى السودانيين يعاملون معاملة حسنة ام معاملة سيئة من قبل المواطنين فى الدول الاخرى وكذالك من قبل حكومات دولتهم ودا ما مقتصر على دولة معينة بس كل الدول وانتو ادرى لانكم مجربين

[حنضله]

مشكور اخى معتز بس انت المجرم ما احنا نسبة لتتطرقك لهذا الموضوع .عمومًا كل دولة وسياستها وتعاملها مع المقيمين بها والمعاملة تتوقف على عمل البعثة الدوبلماسية لبلدك فى البلد المضيف فمثلاً شوف المصررين فى ليبيا منوا البقدر بكلمهم ولا حد . بس فى بعثات بتبيع مواطنيها !!

[Suhaib]

الفهم السوداني للغربة مختلف عن فهم الغير من ابناء الدول الأخري...مثلا في طريقة تقبلهم لي سلوكيات مجتمع دول الاغتراب ونظرتهم الحادة لها ...


طريقة التعامل تختلف حسب فهم الشعوب ...فمثلا دول الخليج تختلف عن دول اوربا في طريقة التعامل ..


عموما :

سلوكك الشخصي ليهو اثر في تعامل الاخرون معك بغض النظر عن طبيعتهم ...

[معتز]

تشكر اخى صهيب ويا اخى حنضلة على مروركم الكريم هو فعلا الثقافات تختلف من شعب لاخر يا اخى صهيب بس دا ما سبب فى ان تكون المعاملة حسنة ام سيئة وكذلك يا اخى حنضلة انت تقصد من الناحية الدبلوماسية بس ما ادينا رايك من ناحية الشعوب

[حنضله]

مشكور اخى معتز على ردك والتعبير

[تونقا 2]

مشكور اخونا معتز
والله لينا سنين فى الغربه والحمد لله مافى اى مشاكل
امشى عدل يحتار عدوك
وعامل الناس على حسب ماتحب ان يعاملوك
ولسانك ان صنتو صانك وان هنتو هانك
والواحد فينا بجيب الاحترام لنفسه

[معتز]

تشكر اخى تونقا2 على مرورك الكريم ووكلام عين العقل

[حنضله]

ربنا يكون فى عونا ويرجعنا الى بلادنا سالمين غانمين قولوا معاى آمين

[معتز]

آمين وتلم يا حنضلة والله مشتاقين ليك

[ام ريتاج]

[quote="تونقا 2"]

مشكور اخونا معتز
والله لينا سنين فى الغربه والحمد لله مافى اى مشاكل
امشى عدل يحتار عدوك
وعامل الناس على حسب ماتحب ان يعاملوك
ولسانك ان صنتو صانك وان هنتو هانك

والواحد فينا بجيب الاحترام لنفسه
صحححححح لسانك يا أخي واضيف بشكل عام السودانيين في فهم طيب تجاااااههم من اغلب الناس خاصة الخليجييين والا المساله تبقى ردت فعل فرديه في موقف استثنائى راجع للافراد بعينهم

[ahmed ronaldinho2010]

مشكور اخى معتز طبعا انا هنا جديد فى المنتدى بتاعكم ده وانا من المغنربين اللى معاكم هنا فى نفس البلد وتم تسجيلى عن طريق حنضله وارحب بيك اخى وسوف اروى لك مأسى الغربة فى حين اخر

[معتز]

تشكرى يا ام ريتاج على مرورك الكريم وفعلا كلامك صح والله الواحد هوا سيد نفسه وهو اللى بيعكس طريقة معاملة الاخرين ليه اما بالنسبة لناس الخليج فمعاملتهم سيئة مع الجميع

[معتز]

اهلين بيك اخى احمد وحبابك عشرة ومرحب بيك فى منتدانا وشكرا للاخ حنضلة اللى دلك على بيت السودانيين جميعا

[احسان]

والله الغربة كلها شينة انا عندى سواء يعاملونى كويس ولا شين
اما عن المعاملة هنا فى ليبا والله احسن معملة واظن اصدقائى الليبين اكتر من السودانين وانا بقول ليهم انتو بس مهونين على الغربة

[roza]

انا لي مدة مغتربة و معاملة أهل الامارات للسودانيين كويسة جدا و بحبونا شديد بين كل الجنسيات الاخرى المقيمة في البلد ..بل باعكس أنا لما أمشي السودان بحس انو السودانيين بعاملونا معاملة سيئة كأنو الباد ما بلدنا ...بس عمرنا ما حسينا بالغربة عن طريق معاملة البلد لينا بس الواحد دايما بحن للبلد و للأهل...

[معتز]

والله الغربة كلها شينة انا عندى سواء يعاملونى كويس ولا شين
اما عن المعاملة هنا فى ليبا والله احسن معملة واظن اصدقائى الليبين اكتر من السودانين وانا بقول ليهم انتو بس مهونين على الغربة

والله يا احسان النا س كلها ماسوا بس انا عايش فى ليبيا وخليكى من معاملة اصحابك انا بحكى على الوضع العام وانت عارفة انو اللبيين بيعاملو السودانيين كيف

[معتز]

انا لي مدة مغتربة و معاملة أهل الامارات للسودانيين كويسة جدا و بحبونا شديد بين كل الجنسيات الاخرى المقيمة في البلد ..بل باعكس أنا لما أمشي السودان بحس انو السودانيين بعاملونا معاملة سيئة كأنو الباد ما بلدنا ...بس عمرنا ما حسينا بالغربة عن طريق معاملة البلد لينا بس الواحد دايما بحن للبلد و للأهل...

تشكر ياروز على مرورك ويمكن فعلا انه ناس الامارات بعاملو السودانيين معاملة كويسة بس فى دول تانية احتما ل تكون المعاملة عكس كدا وانشاء الله تكون كل البلدان زى معاملة ناس الامارات

[spanisheyes]

اخ معتز انت مغترب في ليبيا وانا كمان ونحنا هنا والحمد لله معاملين احسن معامله علاج مجاني تعليم مجاني راحه غير عاديه في السودان ما بتلقاها السودانين هنامرات بيقعدو 6 سنه في بيت ما بيدفعو ايجارو والليبي ما بيكلمهم امشي اجر بيت في السودان شهر كان ما دفعت الايجار بيطردوك انا بس بتكلم عن ليبيا وبعدين السودانين زاتم بيسو الحاجات اللي بتجيب ليم سوء المعامله وانت عارف السودانين هنا بيعملو شنو والسودانين هنا بيقعدو من دون اوراق ثبوتيه مافي حد سائل فيم اقعد يومين في بلد خليجي بلا جواز شوف حتمشي وين وشكرا

[معتز]

اخ معتز انت مغترب في ليبيا وانا كمان ونحنا هنا والحمد لله معاملين احسن معامله علاج مجاني تعليم مجاني راحه غير عاديه في السودان ما بتلقاها السودانين هنامرات بيقعدو 6 سنه في بيت ما بيدفعو ايجارو والليبي ما بيكلمهم امشي اجر بيت في السودان شهر كان ما دفعت الايجار بيطردوك انا بس بتكلم عن ليبيا وبعدين السودانين زاتم بيسو الحاجات اللي بتجيب ليم سوء المعامله وانت عارف السودانين هنا بيعملو شنو والسودانين هنا بيقعدو من دون اوراق ثبوتيه مافي حد سائل فيم اقعد يومين في بلد خليجي بلا جواز شوف حتمشي وين وشكرا

مشكور ة يا اخت اسبانش بس نحنا ماحددنا بلد بعينه يعنى ماقلنا معاملة السودانيين فى ليبيا
المقصود به هوا كل السودانيين فى الخارج بس انت ادينا وجهة نظرك فى منطقة معينة او الحته الانت عايشة فيها بس على فكرة ماكل السودانيين بيتعاملو كويس فى ليبيا انا عايش هناك وشايف

[ابراهيم الجيو]

العزيز,, معتز,,,

المعاملة كما ذكر الإخوة المعقبون تختلف من بلد لبلد ومن عادات لعادات,, حتى لو افترضنا بجميع السبل أن هذا البلد مشهور بمعاملته السيئة فسنجد أكيد بداخله من يختلفون عن أهل البد,,, عموماً السودانين في كل مكان يرضون بأي شيء عدا المذلـــــة,, فمجرد احساسهم بها قد يتركوا عملهم أو قد يتركوا البلد بأكملها,,,

تسلــــــــم,,,