مســـــــــــــــــــدار + مســــــــــــــدار

[Suhaib]

صباح السفر في الخواطر ....


خلوني اتاوق لمن ادوزن عصب حرفي ....



السلام عليكم ...الاغبش ...شهد الكلام ...مهند والبقية ....

[الاغبش]

دوزن يا خوي عصب الكلام وارتاح
اصلو النم والدوبيت صنعة الفصاح
تراك مشتاق ليهو زي نسمة الاصباح
يا صهيب النم علاج الكدر صاح ولا ماصاح

[مهند عبد الرحمن]

حباب الاغبش سيد الكلام الزين
حبابو الليهو نحنا منتظرين
كلامك صاح ما بدرولو تب دوزين
كتر فيهو زيدنا انحنا ليك راجين

[مهند عبد الرحمن]

شهد الكلام غيابك كتير همانا
قولي سببك خصصنا او عمانا
ما ا تعودنا بعدك الا العقول حيرانا
حتى المنتدى فقدك والدهشة تب كاتلانا

[الاغبش]

يا مهند اخوي انت سيد القافية
اجدع للنضم تبراك دوام العافية
ترسم في النم لوحتك دائما صافية
نرحلك من بوادينا واقدامنا حافية

[مهند عبد الرحمن]

الليلة المسدار ستو رجعت ليهو
غابت عنو فترة لامن خفنا عليهو
قلنا يمكن تكون ما راضية بي الفيهو
وما عرفنا السبب ياريت لو تبادر بيهو

[مهند عبد الرحمن]

أحمد يس اخوي غيابك بالجد شاغلنا
ما تشوف شر وبي السبب راسلنا
ما تخلينا ساي نحن الشوق كاتلنا
ورينا سببك ما تسيبنا ساي كلمنا

المسدار فاقدك والحزن مخيم فوقو
انت غالي عليهو ومنك جاب زوقو
ان كنت كويس رسل خليهو يبل شوقو

[الاغبش]

يا اخوانا الكرام كيف مسدارنا نصونو
نجعل الجمل كاملات في مضمونو
نفرز المواضيع كل واحد في كونو
نتجادع حسب تربيعة اصولو

[شـهد الكلامـ]

بالمولد النبوى فرحنا واستبشرنا
عملنا البليله وبالبلح والزلابيه وزعنا
بحلاوه مولد والهريسه وام سمسميه ختمنا
عامكم مبارك وربى يحفظ احبتكم اخوتنا

[مهند عبد الرحمن]

انشاء الله فرحانين وديمة داركم عامرة
بالكرم البخلي قلوب اهلنا طامرة
بالمولد النبوي الدنيا كلها سامرة
الحقنا الرسول يوم الخلوق شامرة

[sofian]

بسم الله الرحمن الرحيم
التحيه لكل لجميع المشاركين فى مسدار+مسدار
تمنيت لو امكننى المشاركه معكم لكنى خاننتى المحاوله
المهم ربنا يوفق وادعونا لينا نشارك
وتحياتى الى الاغبش وعجبنى مسدارك
والزيك لازم يكون عضو فعال واكتر من كده
وتمنى من مهند ان يعطنا الخطوط العريضه للمسدار
عشان يمكن نحاول وننجح
وشكرا
لي غرام وأماني في سموك ومجدك عشت يا سوداني

[مهند عبد الرحمن]

اخي سفيان مرحب بيك وشكرا لمحاولاتك وفكرة المسدار بسيطة بس تكتب ليك كلام مرتب ومقفى وبي الدارجي بتكون عملت ليك مسدار بس دي كل الفكرة

[مهند عبد الرحمن]

يا ود يس الف سلام ومرحب بيكا
خليت الخلوق حيرانا تفتش ليكا
ما وريتنا وينك قلنا نسأل عليكا
لانك غالي ومنتدانا معلق فيكا

[الاغبش]

يا سفيان اخوي المسدار طيبة خاطر
ونمة موزنه فوق وزينة وجسيمة الفاتر
وادبا رصين تب مافوقو شيتا مشاتر
انت ابدي واتذكر ام لهيجا ساكر

[مهند عبد الرحمن]

المسدار سحروهو والناس بقت تنساهو
كل زول قال اخير يشق طريقو براهو
حتى شهد غايبة و ما عارفين خبارة معاهو
وعشان مسدارنا مايخرب اخير تقيفو حداهو

يا وديس وين دوبيتك ووين جدعاتك
انشدنا قول سمح الكلام انت الفهم بي ذاتك
ما تطول علينا ومنتظرين قفشاتك
لسة الناس راجياك والقطر ما فاتك

[احسان]

[glow1=FF33CC]يلا نشدو الحيل
مسدارنا حلو بالحيل [/glow1]

[شـهد الكلامـ]

ناسف للانقطاع اسفه كنتا مشغوله جدا

يلا شباب يدينا مع بعض نواصل

[مهند عبد الرحمن]

شهد الكلام مليون سلام وشرفتينا
طولتي الغيبة وبالحيل سغلتينا
عرفنا السبب وقلتي الشغل ووريتينا
عذرناك بس ياريت تاني ما تفوتينا

[شـهد الكلامـ]

اخيتى يابت البلد
كان جاك عبدا للصمد
طلب القرب ومعاهو حبة مدد
ما تنسى مقوله ربك يزيدك من غير عدد




دى دعوه لتيسير امور الزواج وعدم المغالاة فى ذلك
رايكم شنو نعمل مسدارات نصح وارشاد وتوعيه على يومييين كدا؟؟؟

[احمد يس]

ما عارفين اللى طلب القرب ولد والا بنت
الدنيا حالها اتشقلب شوفى حاصل شنو فى النت
فنانة اتزوجت نفسها ... أنا فكرت فى الموضوع وعقلى شت
بس بينى وبينك فكرة حلوة عشان ما يقولوا بارت والا كلمة تيت