انا زهجااااااااااااااااااانه ...

[ريم أحمد]

يا جماعه عايزاكم توروني لو يوم فجأه كده لقيتوا نفسكم زهجانين وبدون اي اسباب معينه .... وحسيتوا بعدم الموضوع وانو مافي شي جديد في الحياه دي غير الزهج ....... محل ما تقبل زهج ...... تقبل يمين زهج .... تقبل شمال زهج ....... تخلي الارض دي وتمشي كوكب تاني حتزهج ........ والمشكله زهج بدون اسباب ولا يمكن هو الزهج دا من كترة الاسباب ....... الله اعلم ........ عايزه اعرف انتوا برضو كده بتزهجوا زيي ولا انا بس ولما تزهجوا بتعملوا شنو .... شاركوني ..... ريم العسل الزهجانه .....

[اليمامة2008]

اختى ريم السلام عليكم
مرات بتمر على الانسان لحظات زهج
بكون حتى كاره نفسه
لكن طبعا لابد من ان هناك سبب
الفراغ ممكن يسبب زهج
انا عموما الشى البزهجنى بخليه
وبعمل نايمة
تقبلى مرورى

[حموودى]

الاخت ريم:


السلام عليكم
كل انسان لابد وان يمر بمثل هذا الظرف
وهو احد الامتحانات التي يمتحننا الله سبحانه وتعالي بها
عليه لابد من ان نحسن التصرف في مثل هذه اللحظات
1/ خير جليس هو الكتاب وخير الكتب هو القرآن الكريم
(ألابذكر الله تكمئن القلوب
2/ انا شخصيا أمر بمثل هذا الموقف كثيرا
واتجه الي الصلاة وقرائة القرآن
وفي بعض الاحيان أحاول أن أغير من نمط الحياة الذي حولي
مثل زيارة الاهل أو الاصدقاء
وفي بعض الاحيان لا أستطيع ان اعمل هذا أو ذاك
فألجأالي الموسيقي الهادئة والرسم
أو المشاوير كداري
شارع النيل (الكورنيش)



المهم أن لاتستسلمي وتحاولي بقدر الامكان أن تحولي دون أن يتملككي هذا الاحساس
فانها اللحظة التي يتمناها الشيطان حتي يزين لكي هذا وذاك
وأنا علي يقين بأنكي أقوي من هذه الظروف وستتخطيها بإذن الله ( وحاتضحكي علي روحك)
(زي ماضحكته انا علي نفسي كتيييييير)
فقط صلي علي النبي وتوكلي علي الله واستعيني بالصبر والصلاة
وبكره دايما احلي
لو نحن عايزنو احلي



وأخدي نفس عميق وانسي كل الهموم والمشاكل



و







بث

.

[Hoomy]

يا جماعه عايزاكم توروني لو يوم فجأه كده لقيتوا نفسكم زهجانين وبدون اي اسباب معينه .... وحسيتوا بعدم الموضوع وانو مافي شي جديد في الحياه دي غير الزهج ....... محل ما تقبل زهج ...... تقبل يمين زهج .... تقبل شمال زهج ....... تخلي الارض دي وتمشي كوكب تاني حتزهج ........ والمشكله زهج بدون اسباب ولا يمكن هو الزهج دا من كترة الاسباب ....... الله اعلم ........ عايزه اعرف انتوا برضو كده بتزهجوا زيي ولا انا بس ولما تزهجوا بتعملوا شنو .... شاركوني ..... ريم العسل الزهجانه .....

الأخت ريم الأجابة على اسئلتك دي في أية قرانية واحدة
(وإذا فرغت فانصب وإلي ربك فأرغب)
فأرجعي لتفسير هذه الأية وستجدي الاجابة
أخوك هومي

[دعاش كردفان]

بسم الله الرحمن الرحيم
اختى العزيره ريم
ياستى عادى جدا كلنا بنمر بالحاله دى
لكن ما بنستسلم ليها وزى ما قال ليك اخونا حمودى
قراءة القران والصلاة مع الاستغفار الكتير والصلاة على النبى
عليه افضل الصلاة والسلام بنجد الراحه والامان والاطمئنان
اتمنى من ربنا يشيل عنك كل اللى يكدر خاطرك ويجعل السعاده دايما طريقك
اختى لكى منى خالص الود وخالص التقدير
ودمتى
اختك دعاااااااااااااااااااااش

[ريم أحمد]

تسلموا جميعا على المرور يا حلوين ويديكم الف عافيه....غايتو يا يمامه مريح بااااااااالك عامل نايم قلت لي ها ........ تمام والله احسن زول انت ....... اكيد يا حمودي القران والصلاه مافي زيهم وهم احسن دواء .... اصلا نحنا المصبرنا غيرهم شنو ....والاهل والاصحاب برضو اقتراح لذيذ لكن بيني وبينك كده بدون ما زول يسمع مرات كده الاهل ديل بيزهجوا صح ولا شنو
......انا غايتو معاك في حكاية الاصحاب دي ..... خصوصا اصحابك القريبين منك شديد ........ اما شارع النيل دا انسى بس .... قصته براااااااااااهو ....... في احلى منو عليك الله ولا في الذ واجمل من هواه....... والف على الحبيب ...... ااااااااااااااااااااااااااااه ودا النفس العميق اللي قلت لي اخديه ............ تصدق ارتحت ..... يسلمو حمودي .........
هوووومي العزيز ..... انا زوله مؤمنه شديد وعلاقتي بربنا حلوه وزي ما قلت لي انا دايما بلجأ لربنا ..... لانو هو الوحيد البيكون حاسي بيك واكتر من نفسك حتى .... ونعم بالله.... الف شكر على المرور ومشاركتي الزهجه ....
تسلمي عزيزتي دعاش على المشاركه والمرور الف شكر لك ....... وزي ماقلتي يا عسل مافي احسن من الصلاة والاستغفار وقرأة القران وانو الزول دايما يقرب من ربنا وعلاقته بيه تكون حلوه ..... عشان ينور سكتنا ويسهل لينا امورنا ويزيل عننا كل البلى والزهج .........
تسلموا كلكم على النصائح الجميله .... بالجد فكيتوا لي زهجتي .... الف شكر ...... ما نجيكم في زهجه انشاء الله ....... بهظر ......... هههههههه .......... ربنا يجعل ايامكم كلها ضحك وفرفشه وانبساط ... ريم العسل .....

[سامى عادل]

اختي ريم الموضوع دا داير لية قعده عشان الناس تعرف عمرك وتسالك اسئلة معينة لانو في اسباب بتظهر من الاسئلة علي العموم الزهج دا حالة نفسية والمهم كان جيتي الراكوبة وقعدتي مع دكتور الراكوبة السوداني الاصيل وسالك بعرف المهم ارجعي واقري القران وكلو بهون

[بسمة الحياة]

كلنا مرات بنمر بالحالة دي
وسببها اكيد الفراغ
فاذا لقيتي نفسك زهجانة حاولي اشغلي نفسك باي شي
و افضل شي قراءة القران الكريم
و حاولي تقعدي مع امك

انا بقول ليك حاجة
مرات انا بكون عندي حاجات كتيرة عايزة اعملا
لكن ما بلقى وقت بمقوم بكتبها في ورقة
و اول مال القى وقت فراغ برجع للورقة دي
كده ما بكون عندي اي وقت فراغ او وقت ازهج فيه

جربي الفكرة دي وانشاء الله تفيدك