فشل المغتربين في السودان

[ياسر الطيب الحاج]

لماذا يفشل المغتربين في السودان ويصعب عليهم التعايش ومجارات السوق في السودان؟

[رجويه]

اولا اشكر اخي ياسر علي طرح الموضوع
انا بشوف في اسباب كثيرة تجعل المغترب يفشل في السودان
بذات المغترب البكون عاش فترة طويل خارج البلد
لانو مابعارف الحاصل في السودان والامورة ماشه كيف
وايضا سوق السودان ماذي الاسواق الخارجي
وعدم التخطيط الصحيح لي استسمارالاموال

[استارو]

شباب عساكم بخير
حقيقي جذبنى الموضوع المغترب انسان بسيط تعايش مع مجتمع غير مجتمعنا او بالصح البيئه الخارجية غير بيئتنا فى السودان وبعيد عن ذلك تكريسه لعمل واحد تخصص فيه ونزوله السودان وفتح باب عمل جديد واضعن فيه كل مااغتنمه فى غربته ولكنه غالباً مايصتدم بواقعه الجديد ممايسبب له الاحباط ويضر الى الرجوع الى الغربة بعد مايكون قد فقد كل ماادخره فى غربته
ويبداء من جديد بعد فشله فى بلده.
تقبلوا تحياتي القلبية من الرياض
مقرونة بالمحبة والاخاء والسلام

[المغوارى]

شكراً وسوال فى الصميم
1/الشفقة : الواحد عايز يربح بكرة طوالى .ومن اول خسارة يبداء البحث عن مشروع اخر ثم اخر لما قروشو تكمل ويبداء فى مدد لى التاشيرة ورسل لى عمرة .
2/ عدم الثقة فى الحوليهو : هو شايف كل الناس طمعانة فيهو ومعاهو حق لان قروشو دى ماجات بىساهل مع الناس الوهم البره . بس برضو فى ناس خايفة عليك وبتهمها مصلحتك .
3/شايف نفسو والنفخة الكضابة لابدافس فى مواصلات لا بياكل فول لا بفط وجبة لا بدى رشوة لا بمسح شنب . دا بس ورونى البحميهو يفلس شنو .
مشكلة كبيرة واللة يكون فى عونا المغتربين عندهم شايفننا عبيد ونحن شايفين اهلنا عبيد واهلك شايفنك عبيييييييييييييط ولو لما فيك شافع عمروا 7سنوات بجهجهك .

[قمر ام درمان]

الموضوع كبير وكبير جدا .. وفشل المغترب في وطنه مشكلة
نبهت كل من يفكر بالاستثمار في السودان ..
اتمنى انو وااحد يحكي لينا تجربة عملية حصلت له او سمعها
حتى تكون درس للباقين

[اسامه خضر محمد على]

الاخ ياسر كل الود والاحترام لشخصك ولكن اسمح لى ان اختلف معك ولو قليلا ليس كل من رجع من المغتربين فشل .. ولكن دعنى اوضح لك اسباب الفشل من وجهة نظرى وهى اسباب عديده منها عدم الدرايه ودراسة المشروع بتأنى من قبل المغترب والعشوائيه فى اتخاذ القرار وتقليد فلان الذى عاد قبله وعمل فى مجال معين وايضا للدوله دور فى ذلك بعدم ربط المغتربين فى بلاد الغربه بالمشاريع الناجحه والمثمره وتشجيعهم على العوده للبلاد وفرض الضرائب الباهظه ووضع العراقيل امامهم حتى يلجاء المغترب الى صرف النظر عن العوده النهائيه والرجوع الى الغربه وهو مرغم على ذلك .. نتمنى من الدوله ازلة العقبات وتخفيض الضرائب ولكل مغترب ان يمعن التفكير ويدرس المشروع جيدا قبلاخذ قرارالعوده النهائى حتى لا يمنى بالفشل ودمته بخير وعافيه

[الاشيتر]

المغترب وما ادراك ما المغترب
المغترب والفشل والمغترب والنجاج .....
لنتفأل اولاً ونقول ان المغترب نجح ...
المغترب عندما يريد العوده النهائيه دائماً بفكر في مشروع معين ويدرسه تماماً وكل سنين غربته يدرس في هذا المشروع ويبداء بتغييره كُلما طُرحت عليه فكرة جديدة من ناسه في السودان ووووو ولكن دائماً تكون عينه على مشروعه الاول ،، ويتفق جميع المغتربين على انه اذا تم بيته وكانت لهُ نقاطه (( مصدر دخل يعفه من الفقر )) عائد لامحاله ... وكثير من فعل ذلك ونجح --- واظن النقاطه هذه متفق عليها جميع المغتربي .
نأتي الى الفشل ......
المغترب عند العودة النهائيه يرجع بطيبته وطيبة اهل السودان التى تركها فيهم ولكن لايضع في حسبانه التغيرات التى طرأت على المجتمع ومن ضمن مقولاتهم (( طقطق المغترب الفاره )) يعني حتى الطيبه اصبحت فأر وكديس - وهنا نقول الا من رحم ربي - يعود ومعه ما ادخره من غربه فسوء تخطيطه وطيبة نيته الزائده عن اللزوم ويريد ان يثبت للآخرين انه استفاد من اغترابه تماماً بدلاً ان يترك رصيداً له لحالات الفشل يدخل بكل ماجمعه في المشروع بدل يزيد عليه شيئاً من البنك ووراه تلك الشله التى تنظر اليه فأره تجارب . ومثل هذا المشروع الذى بداء بهذه الطريقه مصيره الفشل فلذلك اغبلهم عندما يعود من السودان للمرة الاخري يقول لك عُدت نهائى .
ودائماً يكون من طقطق الفاره الاقربون الذين هم اولى بالمعروف .
ولي عوده .
فالموضوع جد يستحق الناقش فيه .

[كجووول]

بسمك اللهم ابدا
اسمح لي اخي اولا ان احي عبرك حبيبنا اسامة خضر علي ما بدا له من لسان اخواننا المغتربين حقيقي الموضوع جدا يحتاج لمناقشة كبيرة وكلامي من كلام الاخ اسامة فكل الامنيات الحقيقية للمغتربين ان يرجع لبلده ويستقر كيف يستقر لا بد من مشرع ناجح وكيف يكون المشروع بدون دعم من جهات الاختصاص ورفع بعض منها ولولا الواسطات لما نفع المشروع من ضرائب ودعم لمصالح بعض المجالس والمحليات ودعم بعض الاقارب ودعم بعض الاخوان وفي الاخر يرجي منه الكثير ناهيك من الضرائب التي يدفعها في بلد الغربه يا اخي صدق انو بتم دفع ضرائب للفضائية والخدمات وهي لم توجد اصلا خدمات وناس فطاحلة في مجالات شتى نتمني من الاخوة مناقشة الموضوع وانتاج ملاحظات ويتم رفعها للاخوة المسئولين اتمني ذلك ويدي علي يدكم نقوم سواء .
كجووووووووووووووووول