خواطر زول

[محمدالرشيدمحمداحمد]

الي صديقي هشام
عهدتك ديمة متصبر أوعي تتهشم يا هشـــــــــــــــام
وتحمل كبوة أقدارك ما كمان للريدة أقـــــســــــــــــام
وكتار المن ريدة الامن وماك براك جـــــــافيت المنام
وصح صعيب جرح الريدة اصلو في قلب ماليه الهيام
عنتر ما هدا ريد عبلة وكان عهودن بيه ضرغـــــــام
وقيس ما جنا با ليلي وجميل ما داح با الهـــــــــــــيام
وسيداحمد كم قبلك إتعذب من حبيبو الزاد في الخصام
النجوم يشهدن با سهدو والوتر با الاهة نضام
في المنام زوارو تيمانو والعذاب كم صاغو انغام
-----------------------------------
واصلو حبك ماني لايمنو وعلي الزمن خاتنو الملام
الزمن ما كترت إناتو وفيهو كم إختلت أحكام
الزمن ما بدل الريدة بامخادعة ولذة كلام
والوداد ما قل بين ناسو وزاد جفاهم وقل الوئام
والمزاد سوهو في الريدة والمشاعر صارت أوهام
النصيب للبجيب أكتر والاهل هم صبحوا حكام
في الرجال النخوة جد قلت وللحريم ادوهوا الزمام
والزمن نرثيهو باحرقة ونرفع الايدي عليه ترحام

[محمدالرشيدمحمداحمد]

شكرا لجميع علي المرور الكريم