خواطر زول

[محمدالرشيدمحمداحمد]

زهرة بوادينا

جاءت تتهادي وزينة
وحباب زهرة بوادينا
غنوا لها أم رقيص زينة
وتقوم الدنيا ما لينا
تجيد التلة شان لينا
وقلوبنا تسوق طواحينا
تأني العقل وين لينا
مع زيتون بلاد سينا
سماحة بكل عناوينا
وحلاوة الرقصة توزينا
سهاما نخاف توافينا
وتجيب آجالنا في حينا
عين الجدية بس عينا
وخطى الطاؤسة كرعينا
صدير رمانو كاوينا
وسبيب ضلمة أماسينا
ضميرا ضمورو سابينا
ومكملا ون مضامينا
فوقا نبينا ياسينا
وكل الناس مجانينا

[محمدالرشيدمحمداحمد]

عتاب


يا البعيون صيدك
لا الود القديم هماك ولا حق الله بيعيدك
عارفنك سليت ريدك
والحب الجديد غراك وماعارفين بتستخسر علينا إيدك
حسادك أجاويدك
وامين قولك يمين قوال وزايع كل تراديدك
يا الفي بند الشرف قيدك
نسيتني وما أظن بنساك وكل غناي في تمجيدك
سالك با الكريم سيدك
حدد لي العملتو معاك وكيف بيفيدني تحديدك

[محمدالرشيدمحمداحمد]

أطيب الأزهار


يااطيب الازهـــار وين راح عبير الفل
ضنيت علي بشــذاك يا سيدي سيد الكل
نجمي البتضوي سماي ليه من دنايا أفل
ســـألــك الاســــــباب وبا ردك إستعجل
يصعب علي جفاك واصلو الجحيم أسهل
ولو شـفت حـالاً لي يغـنـيك عــن تســأل
اصبح نـديم آهـات والحـسـرة لي الـخـل
ضاربني سهم جفاك وبيه الــفـؤاد منشل
رحماك بي رحماك وبا ردك إســتعـجل
مـا إنت با قـلـبي ذي مــا تـدور تـفـعــل
وإســمك معاي اذكــار انا بـيه بتـرتــل
أتلوه فـي الاســحار لـمن اهـيم وأسـكـر
اصلو البعــاد جـد حــار ومنك إنت امر
يا اطيب الازهـار راجـيـن عبـير الـفـل
شان ترحل الاهـات والبسمة تأني تحل

[محمدالرشيدمحمداحمد]

سويعات الوداع


حــانت ســـــــويعات الــــوداع يا عـــــابر يا الجواي مقيم
تظهر دموعي أنا ي غنــــاي تفــضـــحني والموقف عظيم
لا تبكي إنت علي بكــاي لا تـــــزود الـــقــــــــلــب الألــيـم
مكتوبة ترحل من دناي ومــكـتوب لي مـــحروم مــستـــديم
--------------------------------
روح خلاص في سكتك با الفرحة والعيـشـــــــــــــــة النعيم
شأن خاطري احبس دمعتك يا الزاهي يا الفـــقدك جـــحــيم
إن غبت بلقاك في غـــناي في الذكـــري فـي الـراح والنديم
في الهجعة في نومي وصــحاي في الذكري في الليل البهيم

[نفسيات]

[محمدالرشيدمحمداحمد]

شكرا نفسيات علي مرورك ولك مني كل التقدير والاحترام ..

[walead gamal]

امتعتنا يا ابو حميد بالجد موهووووب

[محمدالرشيدمحمداحمد]

امتعتنا يا ابو حميد بالجد موهووووب

شكرا جزيلا walead gamal وكم أسعدني مرورك
فلك شكري وتقديري وكل عام وانت بخير

[the magic]

--------------------------
بيك ما الدنيا صاح الصــاح
ومــعاك كـــل الــليالي ملاح
وبيك كــــل الهــمـوم تـنـزاح
تعالي شـأن نحــن بيك نرتاح
ونرجـــــع بك غـنـانا الــراح
طلنا ياصباح

روعة يا اخي ومزيد من التقدم
ومنتظرين جديدك

[محمدالرشيدمحمداحمد]

--------------------------
بيك ما الدنيا صاح الصــاح
ومــعاك كـــل الــليالي ملاح
وبيك كــــل الهــمـوم تـنـزاح
تعالي شـأن نحــن بيك نرتاح
ونرجـــــع بك غـنـانا الــراح
طلنا ياصباح

روعة يا اخي ومزيد من التقدم
ومنتظرين جديدك

شكرا جزيلا the magic ...,,, وكم وكم سرني مرورك
فلك مني الشكر والتقدير وكل سنة وانت طيب

[محمدالرشيدمحمداحمد]

الزاهي



ياحليلو ودع وارتحــــــل الزاهي أب خداً أســــــــيل
نفدت مساعي والامــــــل أضحت سعادتي انا مستحيل
يا حليلو فرحي الما أكتمل عصفت به أمواج الـــرحيل

---------------------
ذاكـــر حــنانو انا والمقل والبســمـة والخـصر النحيل
والرقة واللــهــج العسـل والقامة بانة يمين عــــــديل
والمولي ابدع في المقــل أجحفت فيها إن قـلــت ريل

---------------------
الباقي فينا هو ما رحـــــل في إحساسنا في الخاطر العليل
في الحانا في عمق الجمل في أوتارنا عن الــهـجـعـة لـيل
حاشاهو طيفو هو ما افل النادي أزهـــــــار الــخـــمــيل

[محمدالرشيدمحمداحمد]

صيدة الجرافة


لفيت البلد با أطــرفـــــــــا شفتها بالعرض بالطـــول
شفت حسان جميع أصنافا قصيرة القامة و ست الطول
والغطي السبيب أكتافـــــا والفــــوق الـــردف مبهــول
والشأمخ كانو زرافـــــــة والمـربوع وخــاتي القـــول
والمنحول مضمر هــافــا وعديل القامــــة والمكــفول
لكن صيدةً مسكنا الجرافا جبت كل ســابق القـــــــول
سماحةً أصلو مافي خلافا وجمالاً أصلـو ما معقــــول
شفت الجنة في أوصافـــا وحـور العين مشــكل زول
ينضاري القمر لو شـــافا حتي نجـومه تبقي إفــــول
كم قربة معاها مســـــافة مو الرحلة الزمان بتطول
متعنا العيون با الـطافـــا والدفــار جميعــو فــضول
همة للنزول بلطافـــــــة وعقولنا وراءها ذاتا نزول
نسرق في النظر بمخافة وكم درنا المسافة تطــــول
إتواري الجسيم عند هافا ووادعنا الكــــفل دون قول

[the magic]

اخي محمد

ابداع والتميز هي احدى صفاتك
كلك ذوق في الاختيار
وتقبل مروري

[محمدالرشيدمحمداحمد]

اخي محمد

ابداع والتميز هي احدى صفاتك
كلك ذوق في الاختيار
وتقبل مروري

the magic
كل سنة وانت طيب ,,,ولك مني كل الشكر والتقدير علي المرور
وكم وكم سرني مرورك

[محمدالرشيدمحمداحمد]

بوح المشاعر

عفواً إذا غنيت وبـان فـي غــنايـا بـكـــاي
ما كان بكاي با الليد ومن حملي العليَ رقاي
وفوق زهـــرة الياسمين ما أظن بخلي غناي
زرعاً رجيتو ســــنين واليوم يحصدو سواي
----------------------
وغناي بوريكم ويــكشــف حــــــوالتي البي
مـن الــصبا الـباكـر حـبـيت قـريــبـتاً لـــيَ
ســيدة جــمال وسماح شبه السكونو الصي
كترت لها الــخطوات لامـــن حفن كرعي
سكنتها الغـنوات واهـديـتـهـا قــلــبـاً لـــي
واتعاهدنا بالاخلاص عهداً متين مو نـي
وحلفت يمين الله مهما يكـــون هـــي لي
وفي يوم من الايام جاءت الشهادة الـــكي
والجامعة في الخرطوم ودابو الكلام الني
وفي زحمة الخرطوم ضاع الضمير الحي
ضاع اب تمن غالي في دوب غزازة ري
وقلبي الـمتيم كـان عاشـــــق خلق مو زي
ومن يعشق الموضات كل القديم باي باي
حتي الـخلـق والـدين لــيه بيكــون نســـاي
ووجعي الشديد بالحيل علي ضيعتك مو لي
--------------------------------
يا زهرة الياســــمين خيبت فيك رجائي
ياحليلك إنت زمان سمحي وسديدة رأي
طاري المحنة زمــان لامانا جلسة شاي
-----------------------------
يا الضايعي في الخرطوم ولاهو في بالك
طاقشي الحدائق يوت وهـــواكي يحلالك
الفردة بالمـــوديل ومتيســري أحـوالــــك
عشقك حياة الليل ويا حليل ضمير هداي
ولو غاب ضمير الزول مابينفعه الهداي

[محمدالرشيدمحمداحمد]

ممشوق القوام


مـمـشـوق الـقـوام الـزاهي أمـيـر الـكــــــــــون
كيفن بوصفو وكل الوصف في حقو دون الدون
ســأبيني الــســبـيـب الـــروعــــة لـيـلي الـلـون
والـحـاجـب هـــلال وكـوكـاب المـقـل مـســنون
الــنـديـان خــــديــدو والـوجــنـة ذي الـنـــــــون
خـشــيم ذي ودعـة فــاطــر كالـدر الـمـكـنــــون

مــمـشـوق الــقــوام عــــــالي ومـنـسـق جـيدو
ورمان الصدير قاســــــــــي الـبـيـأمــن كـيـدو
العـجـب إن نضــم صوت الفي الصباح غريدو
ونظــــرات الــعــيون تشـفـــي الـمـتـلت قـيـدو
ممشــــــوق القــوام أصــلاً فــريد فـي جــيلــو
واصلو صديرو عند القدلة يشبه البعوم في نيلو
عـــــابد ربو لـو شـــــافو بيكـــــون ضــلـيـلـو
والراهــب البيشـــوف قســـماً يخــلي إنجـــيلو

[سحر محمد]

اخي محمد بالجد ابداع

ابيات جميلة ورائعة ممتاز

[محمدالرشيدمحمداحمد]

اخي محمد بالجد ابداع

ابيات جميلة ورائعة ممتاز

شكرا الاخت سحر وكل عام وانت يخير
وكم سرني مرورك

[ريناد]

تسلم والله على الابيات الحلوة دي

[محمدالرشيدمحمداحمد]

تسلم والله على الابيات الحلوة دي

شكرا ريناد
وكم سررت بمرورك لك مني جزيل الشكر واجل التقدير