قصائد هلالية.. مريخيه... وقوميه....!!!!

[mubark59]

بسم الله الرحمن الرحيم



مريخنا الغالي في عهد الوالي

*** *** ***

جمال الوالي يا قدم الخير واصل طوالي

مريخنا في قمة مريخنا توالي

واصل في جمهورك وإخوانك لا تبالي

ولي كأس إفريقيا ضحيتو بكل غالي

عايزينو في أم در وعايزينو توالي

*** *** ***

عايزين كل لاعب ومشجع هو مثالي

يكون في إبداع عصام الشوالي

الفي آخر وصفو أنصف لهلالـــــي

وقناتو الرائعة دائماً في علالي

دي ال(إي.آر.تي) الوصفها حالي

تنقلنا سريع لي كل مدن في الأدغال

بي سعر رخيص ما كان في بالي

ونجوم المريخ نجوم الإبداع سد مروي العالي

ونجوم المريخ نجوم الإبداع سد مروي العالي



رائد شرطة(م)بشرى مبارك إدريس

السكرتير الثقافي والإعلامي للجالية السودانية

بألمانيا الإتحادية\بـــــــــــــــــــ ـــون

[mubark59]

بسم الله الرحمن الرحيم

هلالنا ما خاب في عهد الأرباب



صلاح إدريــــس يالأربـــــاب هلالنا الأبدع وهلانا ما خاب

فريقنـــــا اليوم فريقنــــا مهـــــاب بي عرضو الرائع زاد الأصحاب

بي(برنــــس)ورفاقــــــو وصلنا الباب والحظ العثر قبضنا سراب

كاس الأندية الليهو ما جاب في العام القادم أكيد بنجاب

يحافــــــــــظ علـــــــى رزمو بي فنو الرائع ولعبو الجذاب

*** *** ***

مـــــــــن ينــــكر فضلــــــــك يكون هو مجـافى يكون كذاب

ناس السقاي وناس السروراب ناس وادي حلفا وناس واراب

وكل سوداني ومعاهو أصحـــاب هتفو بالمليان سير يالأربــــــاب

لي الممتاز لي كأس السودان وكأس إفريقيا عايزين ألقاب

صلاح إدريــــــس يالأربـــاب سير بي هلالنا سير بالترحاب

سير بي هلالك رغم الأتعـــاب والمولــــى الخالق يديك ثواب

والمولى الخــــــالق يديك ثواب

وينجيك المولى مـــــن كل عقاب



رائد شرطة(م) بشرى مبارك إدريس

السكرتير الثقافي والإعلامي والرياضي

للجالية السودانية بألمانيا الإتحادية

بـــــــــــــــــــــــــون

[mubark59]

بسم الله الرحمن الرحيم

مدارس حراس المرمى

حواء السودان عقمت أن تولد حارس

وين يا سبت ياعزيز يا بريمه يا عافية كنتو مدارس

والليلة في كل السودان نـــعدم لي فارس

أعملو إعلان أفتحو ميدان لي نهاية مارس

وحانعمل إيه في غانا؟أكيد الكل دايس

حراس القمة زي أعمى في ضلمة للنور كايس

الكل أداهم لعنات وطلع زعلان كارس

يا سمير يا بروف نصر الدين اللي الطب دارس

يا سند يا حسن يا الهادي سليم يا شداد يا والي

يا الأرباب يا وزير يا أمير برخيص بي غالي

زي ما سد مروي يسير بخطة وتصميم عالي

عايزين نبني مدارس حراس نصدر لي لندن وانترناسونالي

بعد ما نكفي هلالنا ومريخنا ونحرز كاسين في توالي

[كابو]

تسلم اخي بشري

كل الفرق السودانية تعاني من حراسة المرمي وحتي المعز محجوب مستواة غير ثابت
نمتني ان يعود الزمن كما كان
سبت دودو
عافية
بريمة
وغيرهم من الابطال

[mubark59]

إسماعيل والفضية السودانية

أحرز إسماعيل السوداني الفضيــــــــــــــــــــة
أهداها لكل أطفال غزة لكل قضيـــــــــــــــــــة
أهداها لأطفال أفغانستان أحلى هديــــــــــــــــة
لأطفال دجلة وفرات أطفال السالميـــــــــــــــة
وكنا نعشم ذهبية إضافة مع الفضيــــــــــــــــة
ولي كاكي دوام الصحة مع الوعكة العرضــية
والوعكة تكون عارض ما تكون وعكة حقيقية
ولابد يا كاكي ترد الصاع صاعين تكون النية
تعود لي مضمارك تاني بالسرعة والهاشميـة
تعود وتحرز لينا أرقام وأرقام قياسيـــــــــــــة

رائد شرطة (م) بشرى مبارك إدريس

[mubark59]

يا قمة أصحو

ما كان مرادنا الهزائـــــــــــــــم تكــــون هـــــــــي زادنــــا
هلال مريخ شـــــــــــدو العزائم في الجاية نار ولع زنادنا
عايزين عروض تحرق عمائم يفرح فريقنا ويفرح مزادنا
نلعب بقوة فريقنا صائـــــــــــم صيامنا مقبول حللنا زادنا

[hanody]

شكرا ليك على هزه القصائد الرائعه

[mubark59]

كورتنا العجيبة المافي ليهــــــــا مقـــــــاس
يوم نغلب مصر ويوم من تشاد نـــــــنداس
نقبل تاني وين ونقول لكــــــل النــــــــــاس
أصابنا المرض وكمان صداع الــــــــراس
والله لو في إيدي القلم أضرب عديل بالفأس
والله قلنا نغلب بدون تـــــــــــقوم أنفـــــــاس
نكلم بالغلب عمر وعلي وكـــــــرم عبــــاس
ونضمن للتأهل نفصل عليــــــهو مقــــــاس
ونضرب في تشاد دقة ومعاها أجـــــــراس
والحال إنقلب أصبحنا جد فـــــــي خــــراس
ومن زعل الهزيمة طار نومنا طار ونعاس

[mubark59]

أفل الهلال


بدأ هلالنا في الأفـــــــــــول
أمطارو ما كانت سيــــــول
وعروضو كانت في هزول
ومشاكلو طالت زي فصول

*** *** ***

كل يوم هو نازل في نــــزول
مع القطن كان جد خجــــــــول
فقد النقاط فقد الأصـــــــــــول
مع مازمبي لو فاز حا نقـــول
إمكن هناك أمل الوصــــــول
لو القطن لو ولو ولو حانقول
أمل ضعيف أمل الكســــــول
وخلاص هلالنا إلى ذبـــــول

*** *** ***

مع السلامة للدوري أرجع للتوالـــــــــــي
جمهورك الوفي في انتظارك لا تبالـــــي
عوض غيابك وفي الكؤوس خليك مثالي
خلي العروض زي الدر زي اللآلــــــــي
خلي العروض زي الدر زي اللآلــــــــي

[mubark59]

ألف مبروك للمريخ الفوز وحسب ما توقعت اليوم نهارا بفوز المريخ 2-0
فقد حقق المريخ الفوز 2-0 بحمدالله

لذلك كتبت هذه الأبيات التي تقول

زي ما اتوقعت وقلت اتنيـــــــــــــــــن
المريخ كان رائع رفع العيــــــــــــــــن
ورفع الراس وفوق فوق مريخنا أمين
واتصدر واتحكر وجاب هدفيــــــــــن
ومبروك في الجاية أكيد فايزيـــــــــن
والكاس في أمدر أكيد رافعيـــــــــــــن
والكاس في أمدر أكيد رافعيــــــــــــن

القصيدة مهداة لكل المريخاب من الهلالابي بشرى مبارك إدريس وعقبال الكاس إن شاء الله

[waya]

[grade="00008B FF6347 008000 4B0082"]مشكور على التهنئة الوطنية ,, والروح الرياضية ,, والكلمات الشعرية ,, وفوز المريخ بالثنائية ..

تشكراتي[/grade]

[كابو]

اداء المريخ كان مشرف جدا واعتلي بذلك راس مجموعتة نتمني ان يدوم الامر ويصل لمنصة التتويج .

[mubark59]

يا ريكاردو إذهب وغادرعافيــــن ليــــــــك
وإنشاء الله (حصاصة) ما تعتر لي كرعيك
كنا نعشم في كأس محمول بيــــــن إيديــــك
وأديتنا سراب وشربنا الحسرة من كفيــــك
الممتاز وتوالي ماهو كفايـــــــة عليـــــــــك
حوافز ومرتب عالي وعالـــــــي يجيــــــك
وشهرة وسمعة وشبـــــــــيك لبيـــــــــــــك
وكل ما تتمنى وتطلب جاهز وحاضر ليك
ورفضت لكل سوداني يكـــــــــون حواليك
جبت الطاقم ( من السامبا) ماعرفنا الفيــك
وكان تدينا بطولة محمولة نضيفة إليــــــك
وداعا غادر وإذهب الكـــــــــــل راجيـــــك
تسلم (للديبة) ولـو غادرت الكل حابيـــــــك

[كابو]

فترة المدرب ريكاردو كانت من اكثر الفترات استقرارا في الهلال وكما ذكرت كنا نأمل في بطولة خارجية لكن تاتي الرياح بما لا تشتهي السفن .
مزيدا من الابداع بشري

[mubark59]

كـــشـر أنـيـابـو شـبـــيـــبـة داك ود الـقـــبـائــل
جـمـهـورو كـان بـالـجـد رهـيـب شـايـل قـنـابل
يــوم اخـتـلـط كـل شـيء هـنـاك حـابـل بـنـابـل
صمد المـريـخ فـي شوطو أول شوط هـو كامل
وفـي الـتـانـي انـهـار بـالـتــلاتـة مـــع الأوائــل
أخوان عجب ويـن الصـمـود والحـال دا مايـل ؟
ويــن الـهـدف ويـن الـفـرح وخــــلـع الـفـــنـايـل
كـل السـودان كـان مـنـتـظـر حــلــو الرســائــل
لــكـل ثــــلاثـة كـثـيـرة جـــــــد كـانـت مـهـازل
ولحــق الـهـلال فـقــد الأمـل وكـان هـــو قـــادل
وجـمـع الـنـقـاط فـي أرضـو وعرضو حــافـــل
مرة واحد ومرة اثـنـيـن وبالـتـلاتة هـدفـنـا قاتل
شـــــبــيــبــة ردت الـثــــــــأر بــي جــحــافــــل
وبي قـنابــل وبي هتاف يشبه أصوات المراجل
رشيد عـبـيد قال ما بتـــشوف غـــير الـــقـــنابل
أصلـو أجواء حـرب عـديـل فـيـهـا الـــمـنـاصـل
يا اتحاد افـريـقـي سجـل انـت نـــازل انت نازل
فـي كـومـاسـي اشـتــــكـى الــــنـجــــم وسـاحــل
بـعـد تـعـادل مـع الأشـانــــتـي شــافـو البـهــادل
دايمًا التحكيم ضعيف ماهو منصف ماهو عادل
كـــل عـام زايــدة الـمـآســي (وحـيـاتـو) غـافــل
كـــل عـام زايــدة الـمـآســي (وحـيـاتـو) غـافــل
يــا رئـيـس اديـنـا حـل لا تـجـامــل لا تـجــامــل
يــا رئـيـس اديـنـا حـل لا تـجـامــل لا تـجــامــل

[aliman62]

كلمات راقية ومعبرة عن الواقع بصدق.
مشكور شكر جزيل .

[الأمير حسن مختار]

خيرها بغيرها في المرات القادمة بإذن الله وكما يقول المثل: لك جواداً كبوة..

[mubark59]

الأخ aliman مرحب بيك والمنتدى منور بوجودك وأتمنى أن تجد ما يسعدك وأشكرك على المرور

تقبل تحياتي من بون رغم البون

الأخ الأمير مشكور جدا على المرور والتعقيب

[mubark59]

كـانـوا ابـداع أخـوان عــجــب وأخـوان مــعــز
فرح الجميع ضـربـوا الطـبـول ونـحـاس يـرز
دفـاعـنا صـامـد باقـتـدار رغم الـبـدافر والبـلـز
ونـجــومـنـا زي بـــدر الـتـمـام والـكــــل يـهـز
أفـريـقـيا كـنا لـيها قـادة رجعـنا ليهو تانـي عز
رضعنا للناس المبادئ زي رضاعة الطفل بز
مهنـد الـفارس الأصيـل مـنو الدفـاع دايـمًا يفز
أحرز الأول صريح أهـدى العجب شبال يهــز
أعلن تأهلنا الصـريح مـبـروك لأخـوان المعـز
أعلن تأهلنا الصـريح مـبـروك لأخـوان المعـز

[مجاهد عمر]

السلام عليكم طبعا انا بحب الكوره لكن الكوره السودانيه كانت مابتنعك كلو كو لكن حاليه حاسى اللعب بقى يلعب الكوره مش عشان يظهر لا بلعكس بلعب باسم السودان حاسى بيهو وربنا يوفق المنتخب السودانى