SNGAM كتب:الاخت رزان الشكر على طرح مثل هذة المواضيع يمكن ان تساهم فى رقى كل ماهو يمس السودان سواء من فن وسياسة او تعليم وكل ماهو يهم المواطن السودانى طبعا عن الموضوع الخاص بالنقاش ارى ان البرنامج الموضح عن الفن والشعر بوجة نظرى ان نظام الديكور وضع الاشخاص تناسب قدرات التصوير طبعا على حسب مساحة الاستديو والاضاءة وعدد الكمرات طبعا كل هذة امور فنية تتعلق بالامكانات المتوفرة اما كاشخاص اداءهم ممتاز كمقدم ومستضاف الشكليات لاتهم كثيرا
شكرا على الطرح
شكرا اخ SNGAM;
عالمداخلة الجميلة..ووالله الموضوع دا فكرتو فى بالى من زمان والحمدلله لقيت الوكت ونفذتها والخير لقدام انشالله
و ا رائيك عالعين والراس .. بس انا مابتفق معاك وكمان كل الاخوة الشاركو اظن بايدونى فى كلامى دا
ان مسالة الديكور والاضاءة عوامل شكلية فقط
بالعكس دى ممكن تكون سبب قوى جدا فى نجاح اوفشل برنامج كامل..لانها تمثل عامل جزب مهم جدا
والمشاهد اليوم اصبح يعانى من عقدة المملل لكثرة القنوات المتاحة ونفس المواد والطرح
فدايمن بيمشى بيفتش عن الشى البريحو ويشدو ويلفت نظرو
فدايمن الديكور المناسب والاضاءة الممتازة والاخراج الاحترافى عوامل جزب قوية ومكملة لنجاح اى برنامج..فاذا يجب عالاقنواتنا تتلفت للحكاية دى وتخصص ميزانيات ضخمة للحاجات دى
الموضوع هادف جداً وبيتيح للواحد فرصة أنو يقول رايه في كثير من البرامج الي بتعرض علي الشاشات السودانية ، لكني احب اركز علي القيمة الفنية لهذه البرامج بالنسبة لينا كمشاهدين وكمتلقين لهذه البرامج ماذا نستفيد منها ؟ وماذا قدمت لنا من ثقافة او معرفة ؟ وفي اي اطر فنية تلقيناها وهل هي مناسبة لزواقنا كسودانيين ؟
وتانى حاجة عجبتنى جدا الفلسفة الطرحتا بيها اسئلتك المشرووعة
فماعارفة بالنسبة لى انها مناسبة لى ازواقنا كسودانين..حكاية الزووق دى مافى زوول بيقدر
يجزم ان كل الناس بتحب النوعية المعينة من البرامج الفلانية وكمان مابنقدر نجزم لى ان كل الناس مابتحب مثلا برامج بعينا..لان زى ماعارف الناس ازوواق..والسودانين زيهم زى كل البشر
بالنسبة لحكاية بنستفيد منها شنو فالبرامج الفنية دى برامج ترفيه وترويح للمشاهد
من كترة المشاكل والنزاعات السياسية الحاصلة فى السودان وكل العالم..فالفن انسب شى
وبالنسبة للقدمتو لينا من ثقافة اومعرفة يكفى بس يا ابوبكر ان مراية اى شعب فنو
ولو عايز تعرف اوتكتشف ثقافة اى شعب فيكفى انك تطلع على فنو حتعرف اى شى عنو
انا غايتو جاوبتا على اسئلتك من وجهة نظرى انا ويارب اكون وصلتا للمطلوب
سلام شباب ..اها جانا اسبوع جديد واكيد برنامج جديد ونقد جديد
ماحطول عليكوم كتير لان الكل فهم طبيعة الناقد الفنى اذا حنسلط الضوء اليوم
على برنامج
.
.
.
.
.
.
.
.
.
.
.
.
.
للمذيعة المتالقة نسرين سوركتى...على قناة الشروق
ودى نبذة عن البرنامج:-
برنامج حواري مباشر، هدفه ربط الفن بالسياسة وتأكيد دوره في بناء مجتمع أكثر أمنا و سلاما،و تأسيس سودان الوحدة والاستقرار من خلال حوار في مكان خارجي يستضيف شخصية فنية، قد يكون مغن أو ملحن أو شاعر غنائي أو ممثل أو مخرج أو رسام، يحاول البرنامج أن يفهم علاقته بالهم السوداني ويستفز حسه الفني في التعبير عن حب الوطن من خلال استعراض نماذج من أعمالهم.
التحية والتجلال أدب السلام ،،
الحروف تذدان دائماً في حضرة أنا سوداني ،،
والكلمات تنصاع كإنصهار الحديد ،، لكي تقدم ما يمكن أن يقدم ،،
لي من الزمان الكثير على دخولي المنتدي والكل يعرف أسباب غيابي بسبب الإذدحامات الكثيرة اليومية ،، ولكن لم يمنعني من ذلك سوي مسؤوليات الحياة وأدام الله لكم الصحة والعافية ،،
وجدت هذا المقال الرائع ونحن بطبيعتنا كمواطنين نحمل الجنسية السودانية لا نلتفت دائماً لأشيائنا الحياتية من جميع النواحي وهنا ولكي أقتصر الكلمات مثل ما ذكرته الأخت الكريمة رزان ،، فهوة موضوع صادف هذه الأيام قيام لجنة المصنفات بأشياء تصب في صالح مسيرة الفن السوداني بصورة عامة.
في رأيي الشخصي والشخصي جدا أننا نحتاج مثل طرح هذه المواضيع لكي نبحث عن مواضع الخلل ونعالج ما ينبقي أن يعالج ،، ونقد مثل ما ذكرته الاخ رزان يجب ان يكون موضع الإعتبار بالجدية الخالصة ،، وانا لي أراء وليس ( رأي ) بالتحديد في المجال الفني والفن في السودان بصورة عامة والفرق بين الفن في سابق العهد والآن ألخ ،، فترقبوا في الأيام القادمات بإذن الله تصورة ونقدي الحاد والحاد جدا في هذه البرامج وما فائدتها وما سلبياتها أثرها على المجتمع الفني السودلني ،،
الاخت رازان مشكوورة على البوست الرائع دا وعادتا التميز ما بيجى الا من ناس متميزة حقا
وانا اوجه نقدى المتواضع حول مدى امكانية الفنان وقدرته على ايصال المعلومة الى جمهوره ومستمعيه
مع العلم ان الفنانين كانو من كبار فناني السودان والمشكلة انه الناس بقت مافاضية حتى لسماع الاغانى من النوعية دى الشباب عادتا بيحبو يسمعو للاغانى الشبابية والسريعة نوعا ما
بس هنالك فنانين كانو قد قدمو مثل هذا النوع من الفن امثال مصطفى سيد احمد
و السيد خليفة يعنى غنو للوطن ولوضع المواطن السودانى ولو انه سيد خليفة كان بيجيبها بطريقة مازحة
اما عن البربانج من ناحية اخرى كهذه الصورة
طلة جميلة على الشاشة نظرة امل ابتسامة عريظة تظهر قدرات مقدمة البرنامج وقوة الاداء ايضا
الا ان الصورة تنقصها تناسق الاضاءة و نقص الامكانيات
وفى الصورة اللتانية
الفنان سرحان فى اتجاه والمقدمة سرحانة فى اتجاه آخر كان زاد الفنان شوية المقدمة كان بكت
عموما تقبلى مرورى
ودمتى بود والى الامام دوما
كلامك جميل اخ معتز..ونقد لازع وحيادى اكيد من وجهة نظر شخصية
وانا معاك ان جيل اليوم وانا وانتا منهم الكل بقا اذا صح التعبير غير فاضى لسماع هذه النوعية
من الاغنية السودانية الهيا توراث الفن السودانى حاليا
ودخلت عالخط منافسة قوية من نظيرتا الاغنية العربية الكل ماليها ماشا فتجديد من ناحية الحن والجمل الموسيقيا والتوزيع القوى..وكمان الاغنية الاجنبية العندها كمان قاعدة جماهيرية كبيرة لايستهان بيها
بين ذلك وذاك احنا اصبحنا حبيسى اغانى فنانينا العمالقة زى ماقوتا مصطفى سيد احمد وسيد خليفة ووردى وعثمان حسين وحمد الريح وغيرهم من الغامات الفنية الكبيرة نردد اغانيهم واغانى الحقيبة الى اليوم دون اى تجديد او حتا خلق وابداع من جيل الشباب ودى اكبر غلطة حاصلة عندنا
الناس فاتونا بسنين ضوئية موسيقية عديدة بعد ماكنا فى مقدمة الامم
وبالنسبة للمذيعة نسرين سوركتى مافيش اتنين بختلفو عالاقوة الكاريزمة القوية والبتفرض نفسها قدام الشاشة..بس دا مابيمنع ان بتنقصا بعد الخبرة الاعلامية والجرءاة فى طرح المواضيع والحقيقة ماهى بس دا عيب الاغلبية العظمة من اعلامينا فى السودان
وبالنسبة لضعف الاضاءة وعدم تناسقا مع الصورة فالظاهر الكوادر الفنية من فنيى الاضاءة والعاملين فى هذا المجال من مخرجين وغيرهم يفتقرو للكثير من الحرفية و الاحترافية فى هذا المجال..لازم نطور من نفسنا فالمجال دا..عشان نقدر ننافس بقيت القنوات الفضائية الاخرى..لاننا فى عصر الصوت والصورة..
اما فى حكاية السرحان فالقطة الاخيرة مرات مجرد الحكم على صورة بيظلم نواحى كتيرة
احتمال فالحلقة بعد كدا طوالى اتلفتت احتمال:079: ..بس عالعموم يعنى كل مزيعاتنا السودانيات عايزين شغل جامد لحدى مايوصلو للمستوى المهنى المطلوب
الاحت رزه تحياتي بالنسبه للموضوع اعتقد بان فضائياتناعليها ان تجتهد اكثر من كده وان تغير من الرتابه في البرامج يعني لوالواحد فتح التلفزيون في اي وقت اكيد ياكلام او غنه اعتقد جازم بان برامج التلفزيون معمول لناس من كوكب اخر
وثاني حاجه بسيطه هو المكياج للمزيعين عمليه مضحكه بماان السودانين من اصحاب البشره السمراء يعني اي اضافات للتلميع يظهر الواحد بالون الكوبي اتمني ان نواكب التطور الحاصل
ودالشقله كتب:الاحت رزه تحياتي بالنسبه للموضوع اعتقد بان فضائياتناعليها ان تجتهد اكثر من كده وان تغير من الرتابه في البرامج يعني لوالواحد فتح التلفزيون في اي وقت اكيد ياكلام او غنه اعتقد جازم بان برامج التلفزيون معمول لناس من كوكب اخر
وثاني حاجه بسيطه هو المكياج للمزيعين عمليه مضحكه بماان السودانين من اصحاب البشره السمراء يعني اي اضافات للتلميع يظهر الواحد بالون الكوبي اتمني ان نواكب التطور الحاصل
شكرا ود الشقلة عالمداخلة الجميلة
وحكاية المكياج عالمذيعين السودانين فعلا حاجا تضحك ودا لسبب بسيط ان البختو ليهم المكياج ديل انفسهم غير ضلعين بالشغلانة دى يعنى بالبلدى كدا جربنديا ساكت..يعنى مابراعو للون بشرة المذيع وكمية الاضاءة فى الاستديو مثلا..تلقا الواحد منور ذى المبة الالف واط
ياخى احنا محتاجين تجديد جزرى وتطوير فى كل كوادرنا الاعلامية والفنية
وبالنسبة للرتابة فالبرامج حقتنا دا نسبتا لعدم وجود خلق وابداع يعنى زى البلف فى ساقيا يعنى نفس البرامج حتا نفس الجمل الحوارية..والمادة المقدمة..بس دا مابيمنع ان فى استشراقات جميلة لازم نضوى عليها ونشجعا..والعافية درجات قالو
احسان كتب:للمذيعة المتالقة نسرين سوركتى...على قناة الشروق [/align]
البت دي بتعجبني جدا في اللقاء تبعها
بحس انها واثقة من نفسها وقايمة بالدور صح
ولون التوب جاى مع لون البشرة شي جنان بصراحة
لقطات من البرنامج:-
يعني الوقفة في حد ذاتها غلط شديد
لو لحظتي لللقطة كويس بتحسي انها خجلانة من كونها واقفة كدا
وهو قريب وبيعاين ليها كدا كانو بيغني ليها هي وكانهم ما في برنامج خالص
بتخيل اني في مسلسل وانا بشوف الصورة دى بالتحديد يعني
الغلطة غلطة المصور يعني مفروض كان يبعد شوية والفنان هايم كدا
يعني للمصور اثر كبير في اختيار الوقت المناسب للصورة
:والصورة دى عادية جدا جدا والديكور ما واضح فيها كتير
ولون اللبسة جاى كدا مع لون الكنبة يعني دى عادية وظريفة بالمقارنة لى صورة تانية
يسلمووووووووووو رزونة مستنين الجديد كمان وكمان :079
: [/color][/size][/align][/U]
كالعادة احسان نقدك ولااروع
وبتفق معاكى ان نسرين سوركتى من المقدمات العندها قبول قوى قدام الكميرا بشد المشاهد
وصاحبت اطلالة جميلة وانيقة..بس دا براهو مابيكفى..لسا نسرين ناقصا الكتير
ولازم تطور من نفسها وادائها اكتر واكتر
وبالنسبة لاخطاء الاخراجية والاضاءة والديكور وكل دا احنا اتفقنا عالا انو احنا لسا ماوصلنا للمستوى المطلوب فالاساسيات المهمة دى والكفيلا بنجاح او فشل اى برنامج
وتانى حاجة عجبتنى جدا الفلسفة الطرحتا بيها اسئلتك المشرووعة
فماعارفة بالنسبة لى انها مناسبة لى ازواقنا كسودانين..حكاية الزووق دى مافى زوول بيقدر
يجزم ان كل الناس بتحب النوعية المعينة من البرامج الفلانية وكمان مابنقدر نجزم لى ان كل الناس مابتحب مثلا برامج بعينا..لان زى ماعارف الناس ازوواق..والسودانين زيهم زى كل البشر
بالنسبة لحكاية بنستفيد منها شنو فالبرامج الفنية دى برامج ترفيه وترويح للمشاهد
من كترة المشاكل والنزاعات السياسية الحاصلة فى السودان وكل العالم..فالفن انسب شى
وبالنسبة للقدمتو لينا من ثقافة اومعرفة يكفى بس يا ابوبكر ان مراية اى شعب فنو
ولو عايز تعرف اوتكتشف ثقافة اى شعب فيكفى انك تطلع على فنو حتعرف اى شى عنو
انا غايتو جاوبتا على اسئلتك من وجهة نظرى انا ويارب اكون وصلتا للمطلوب
ومنور الموضوع وياريت ماتحرمنا من مشاركاتك وارائك
تحية ليك يا غالية
وأنا بتفق معاكي في كل ما زهبتي اليه ، لكين في حاجة واحده حبيت انو اناقشها معاك ، طبعاً كلنا عارفين انو ازواق الناس ما واحدة ومن المستحيل انها تتفق ، الا اننا بنعرض برامج تلفزيونية علي قنواتنا الفضائية والمحلية وحتى الأذاعات والبرامج دي بتصل للمشاهد وللمستمع فمن المهم جداً أننا نعرف رايه لأنه المستهدف الأول من خلال هذه البرامج والمواد البتقدم فيها واعتقد انو ما صعب جداً اننا نعرف راي المشاهد والمستمع وده عن طريق طرحنا لأستبيانات من خلال النت ووسائل الأعلام المختلفة والأتصالات ومن خلالها ممكن نعرف بالتقريب زوق الشعب السوداني بيتجه لي وين .
انا عموماً ما قاعد اشاهد التلفزيون الا ما ندر او تكون هناك احداث مباشرة أو كورة غير كده ما قاعد اشاهد كتير لكين اوعدك في اليام الجاية الواحد يحاول يكون فكرة عن البرامج اي طرحتيها .
ابوبكر كتب:تحية ليك يا غالية
وأنا بتفق معاكي في كل ما زهبتي اليه ، لكين في حاجة واحده حبيت انو اناقشها معاك ، طبعاً كلنا عارفين انو ازواق الناس ما واحدة ومن المستحيل انها تتفق ، الا اننا بنعرض برامج تلفزيونية علي قنواتنا الفضائية والمحلية وحتى الأذاعات والبرامج دي بتصل للمشاهد وللمستمع فمن المهم جداً أننا نعرف رايه لأنه المستهدف الأول من خلال هذه البرامج والمواد البتقدم فيها واعتقد انو ما صعب جداً اننا نعرف راي المشاهد والمستمع وده عن طريق طرحنا لأستبيانات من خلال النت ووسائل الأعلام المختلفة والأتصالات ومن خلالها ممكن نعرف بالتقريب زوق الشعب السوداني بيتجه لي وين .
انا عموماً ما قاعد اشاهد التلفزيون الا ما ندر او تكون هناك احداث مباشرة أو كورة غير كده ما قاعد اشاهد كتير لكين اوعدك في اليام الجاية الواحد يحاول يكون فكرة عن البرامج اي طرحتيها .
وداومي علي اثرائنا بالجديد من افكارك الرائعة
دايما كلامك رائع ومنطقى جدا..ودا المفروض يكون متبع من معظم وسائل الاعلام السودانية
وحكاية الاهتمام بزووق المشاهد المباشر دى قبل كانت مافى والجماعة كانو بفرجونا على كيفون
بس تقدر تقول وللامانة بعض وسائل الاعلام السودانية بقت تهتم بحكاية معرفة ازوواق المشاهد
يعنى زى قناة الشروق والنيل الازرق ديل من كل فترة لتانية بنسمع بالاستفتائات البطرحوها
لاكين هل هم بتقيدو بالاراء والنسب الجاتون تجاه نوعية معينة من البرامج الفضلا الاغلبية من المشاهدين
ولاالحكاية ورق على حبر ساكت...انا فى راى المتواضع ان اقرب قناة للمشاهد السودانى والبتهتما برغبات المشاهد السودانى وبتحسها قريبة اكتر هيا النيل الازرق وبكل تجرد..وبحاولو عالاقدر الامكانات العندهم يخلقو ويبدعو افكار جديدة..بس مرات كتيرة بصطدمو بواقع ضعف الميزانيات والاعداد الضعيف
انا بتمنا يكون فى اهتمام اكتر باراء الناس وملاحظاتون..وزى ماقوتا ياابوبكر فى مليون طريقة
يقدرو بيها يوصلو للناس ويعرفو العايزنو شنو..والاهم من كدا يكون فى تطبيق عملى على ارض الواقع لمتطلبات الجمهور..والاتبقا الحكاية زى الواحد البنفخ فى قربة مخرومة
يعنى زى قناة الشروق والنيل الازرق ديل من كل فترة لتانية بنسمع بالاستفتائات البطرحوها
لاكين هل هم بتقيدو بالاراء والنسب الجاتون تجاه نوعية معينة من البرامج الفضلا الاغلبية من المشاهدين
ولاالحكاية ورق على حبر ساكت...انا فى راى المتواضع ان اقرب قناة للمشاهد السودانى والبتهتما برغبات المشاهد السودانى وبتحسها قريبة اكتر هيا النيل الازرق وبكل تجرد..وبحاولو عالاقدر الامكانات العندهم يخلقو ويبدعو افكار جديدة..بس مرات كتيرة بصطدمو بواقع ضعف الميزانيات والاعداد الضعيف
انا بتمنا يكون فى اهتمام اكتر باراء الناس وملاحظاتون..وزى ماقوتا ياابوبكر فى مليون طريقة
يقدرو بيها يوصلو للناس ويعرفو العايزنو شنو..والاهم من كدا يكون فى تطبيق عملى على ارض الواقع لمتطلبات الجمهور..والاتبقا الحكاية زى الواحد البنفخ فى قربة مخرومة
طبعاً يا رزان انتي وانا وكل الناس مدركة انو عملية فرض الاسلوب والسيطرة علي الساحة وفرض الأفكار وتكميم العقول دي حاجة مستشرية في المؤسسات السودانية عموماً وما اظن في مؤسسة قائمة علي اساس صحيح وكل ناسها بيتبعوا الاسلوب الحديث في الإدارة ، فأنتي يا اما تجدي العاملين خايفين من المدير وما قادرين يعبروا عن افكارهم حتى لو كانت افكار ايجابية ممكن تقدم الكتير للمؤسسة وللبلد عامة او تجدي المدير من النوعية الي بتفتكر انو يابلد مافيكي الا انا .
القنوات السودانية عموماً تعاني من الرتابة والمشاهد علي ما اعتقد اصابه الملل من كترة التكرار في الافكار ومحتاج لي اشراقات جديدة .
وزي ما وعدتك حا احاول اتابع البرامج المطروحة وإنشاء الله يكون النقاش والنقد والتداول فيها كتير ومفيد لكل افراد المنتدى ، وكمان شايف أنك صاحبة خبرة اعلامية فياريت تدينا رأيك في البرامج كمان ...
طبعاً يا رزان انتي وانا وكل الناس مدركة انو عملية فرض الاسلوب والسيطرة علي الساحة وفرض الأفكار وتكميم العقول دي حاجة مستشرية في المؤسسات السودانية عموماً وما اظن في مؤسسة قائمة علي اساس صحيح وكل ناسها بيتبعوا الاسلوب الحديث في الإدارة ، فأنتي يا اما تجدي العاملين خايفين من المدير وما قادرين يعبروا عن افكارهم حتى لو كانت افكار ايجابية ممكن تقدم الكتير للمؤسسة وللبلد عامة او تجدي المدير من النوعية الي بتفتكر انو يابلد مافيكي الا انا .
القنوات السودانية عموماً تعاني من الرتابة والمشاهد علي ما اعتقد اصابه الملل من كترة التكرار في الافكار ومحتاج لي اشراقات جديدة .
وزي ما وعدتك حا احاول اتابع البرامج المطروحة وإنشاء الله يكون النقاش والنقد والتداول فيها كتير ومفيد لكل افراد المنتدى ، وكمان شايف أنك صاحبة خبرة اعلامية فياريت تدينا رأيك في البرامج كمان ...
معاك حق فى كل كلمة قوتها ودا واقعنا السودانى للاسف سواء علامستوى المؤسسات الكبيرة اوحتا المؤسسات الاعلامية
وياريت ياابوبكر تطلع اكتر عالبرامج لان انتا عندك ايجابية وموضوعية فى طرحك للمواضيعك بتعجبنى جدا...والنقاش معاك ممتع ومفيد
وبالنسبة لى انا ..انا بتابع المجال الفنى والاعلامى وامكن عالمستوى العربى والاجنبى اكتر من السودانى وتقدر تقول عندى هواية فالصحافة الفنية عالاوجه الخصوص..وهو الواحد بيتعلم
الموضوع هادف جداً وبيتيح للواحد فرصة أنو يقول رايه في كثير من البرامج الي بتعرض علي الشاشات السودانية ، لكني احب اركز علي القيمة الفنية لهذه البرامج بالنسبة لينا كمشاهدين وكمتلقين لهذه البرامج ماذا نستفيد منها ؟ وماذا قدمت لنا من ثقافة او معرفة ؟ وفي اي اطر فنية تلقيناها وهل هي مناسبة لزواقنا كسودانيين ؟
عنى انا لا اجد استفادة او تقدم في تلفزيونا السوداني اشياء متكررة ملل
ولكن لا انكر اني اجد العديد من السودانين المهتمين اهتمام غير طبيعي بالبرامج
لا ادرى لكونهم سودانين او لملاء اوقات الفراغ وحسب ام يعتقدون انها وطنية منهم لو انهم اهتموا بالبرامج السودانية بالتحددي
وايضا لا يتحملون النقد اطلاقا وان قلت هناك خلل في شي ماء في البرنامج
الاجابة وبسرعة شديدة كويس العملنا كدا اصلا يعني الاكتفاء بالقليل
ولا توجد لديهم طموح للتطلع الى الاعلى ابدا او التقدم والنقد البناء
نتمني ان نجد تقدم في البرامج والديكور حتي نفتخر افتخار تام بالقناه او البرامج بتاعتنا
امكن طموحنا وتطلعاتنا محدوودة جدا وبتصدم فى اغلب الوقت فى حائط ضعف الامكانيات والكوادر الفنية..احنا محتاجين نقلة نوعية وجزرية لازم نغيير من فلسفتنا الماجايبا همها دى ونتطور ونواكب الامم السبقتنا بمليون سنة ضوئية
ياجماعة استنوا شوية .. عاوزة اقول رأي في برنامج اغاني ..
طبعا البرنامج بدأ من سنتين يعني دي السنة الثالثة وانا من المتابعين للبرنامج
من اول حلقاته الى اخر حلقة .. نحنا في بلاد الغربة دائما نتوق للجميل من
مما تقدمه قنواتنا السودانية وهذا البرنامج له متابعين بالملايين من السودانيين
خارج الوطن وداخله .. والاستاذ قدور شخصية مبدعة وخلاقة يذكرنا كل مساء
بروعة الاغنية السودانيةوعمالقة الغناء والشعراء .. وخفة روحه جذبت كثير
من المشاهدين له اطال الله في عمره ..
النقطة الثانية .. كل من انتقد الديكور والاضاءة اساله هل انت خريج كلية الفنون ؟؟
هل انت مهندس ديكور ؟؟ قناة النيل قناة لها امكانيات كبيرة يكفي انها تابعة لقنوات
الart وصاحبها من الاثرياء ..
سلام شباب ..اها جانا اسبوع جديد واكيد برنامج جديد ونقد جديد
شنو شباب عايزين نقد قوى عن برنامج فن وسياسة
:079
ا
