خواطر زول

[محمدالرشيدمحمداحمد]

النبراس

نبراسنا وينك والحزن عشـعـش قوافـــي الأغــنيات
كتل الأمل صبحت ضيحاكتنا التجلجــل مــعـجـزات
وين انت وينك يا صــــباح... هل ليه قـدومك محتمل
ام نحن راجــنك وهم ..بدد عــمـرنا ســــراب أمــــل
ساكنين رصيف الانتظار صادنا الوهن والفينا جاءت
طلنا يا صباح وطلنا يا صباح
-------------------------------
زمـن طـــــولنا نترجــــــاك
عـشـــــمـنا واملنا بس نلقاك
نســيتنا ام الظروف جابراك
وحــــاتك إنت مـا لـــــمنـاك
نكوس لك في العذر با وراك
وقلنا عــشـانا كــان منـفـــاك
طلنا ياصباح
--------------------------
بيك ما الدنيا صاح الصــاح
ومــعاك كـــل الــليالي ملاح
وبيك كــــل الهــمـوم تـنـزاح
تعالي شـأن نحــن بيك نرتاح
ونرجـــــع بك غـنـانا الــراح
طلنا ياصباح
----------------------------
صباحنا يكون صباحاً زين
ويفكـنا مـن معيـشـة الـدين
ونوقف به الـدواس الـشين
وسلامنا يكون سماحة ولين
ونرجـع به الــقـديم الـراح
وطلنا يا صباح
---------------------------------
قديمنا الراح وماهلا
وطنا اللشعوب سلة
غذاءه وكل خير اللة
سديد في رايه ما جلا
ولامجروح ولا جراح
وطلنا يا صباح
-----------------------------------
صباحنا يكون صباح الخير
وطن موطون بلا تهجير
وكل فكرنا في التعمير

[محمدالرشيدمحمداحمد]

زهر السواحل

يا زهر الــسـواحل يا الحبك دجــل
يا عذب المناهل يا البعدك حــصـل
ياصيد البوادي يا الــســـكنك زحــل
جرت وخنت لينا وغــافرنو الحصل
------------------------
ما صــدق قليبي كونه إنك تــخــون
كيف تطعن فؤادي يا شادي الغصون
ما كــــــان ظني فيك ياكاحل العيون
تظلم حــبي لـيـك با تيه ودون خجـل
-------------------------------
شفت وفائي ليك سـلـمتك مـصـيري
وشفت وفاءك لي قلبك حان لغيـري
تراني بقيت أغني كان فجـرك يطل
يكشف ليل همومي وينسيني الحصل
-----------------------------
ليه بدل طباعك يا الــدائما حـــنــون
وليه تظلم هوانا وليه زمــان تصون
ايه أسباب غرورك يا ساحر العيون
هل سكن المدائن دا الخلاك تخـــون
كنت قدر هوانا أســـــــي بقيت دون
----------------------------
وفي اخر كلامي ارحل في ســكون
ارحل من دنايا غير أســــــفـاً يكون
أرحل يا الحبيب في ود وغير زعل

[فارس الرومانسية]

[mark=FF0000]انت زول مرهف ورائع جدا
انا اشكرك[/mark]

[غريب ديار]

يا زهر الــسـواحل يا الحبك دجــل
يا عذب المناهل يا البعدك حــصـل
ياصيد البوادي يا الــســـكنك زحــل
جرت وخنت لينا وغــافرنو الحصل
------------------------
ما صــدق قليبي كونه إنك تــخــون
كيف تطعن فؤادي يا شادي الغصون
ما كــــــان ظني فيك ياكاحل العيون
تظلم حــبي لـيـك با تيه ودون خجـل
-------------------------------
شفت وفائي ليك سـلـمتك مـصـيري
وشفت وفاءك لي قلبك حان لغيـري
تراني بقيت أغني كان فجـرك يطل
يكشف ليل همومي وينسيني الحصل
-----------------------------
ليه بدل طباعك يا الــدائما حـــنــون
وليه تظلم هوانا وليه زمــان تصون
ايه أسباب غرورك يا ساحر العيون
هل سكن المدائن دا الخلاك تخـــون
كنت قدر هوانا أســـــــي بقيت دون
----------------------------
وفي اخر كلامي ارحل في ســكون
ارحل من دنايا غير أســــــفـاً يكون
أرحل يا الحبيب في ود وغير زعل[/quote]
الــي الامام ايــها الزول الرائع كلماتك درر ووو
في انتظار المزيد

[محمدالرشيدمحمداحمد]

شكراً يا فارس الرومانسية ويا غريب الديار على هذا الكلام الطيب ودا من ظرفكم .

[محمدالرشيدمحمداحمد]

هموم الريد

با لون هموم الريد لونت غنواتي
وكان طعمها الاحزان الخالدة في ذاتي
مادام قسيم الريد قاصد معاداتي
لوكان مناه شقاي أنا راضي بالاتي

ما ياك حبيب الروح يا سر منأجاتي
مالو الوراك أروح ما إنت ياك ذاتي
وأنا بيك يوت صداح تشهد ملماتي
جربت حتي الراح كترت عذاباتي
وفي القافية قلت ارتاح عجزت كتاباتي
أمنت إنك بس ياك سيد مسراتي

يا زول شبيه الصيد عود ليه مداراتي
وخل كوني يبقي العيد كان تصفي غنواتي
ويجمعنا تأني الريد وبيك أكوي شماتي

[محمدالرشيدمحمداحمد]

أطيب الأزهار

يا أطيب الازهارفوح عبير الريد
واعبق مع الانسام وخل كوني يبقي العيد
يا اطيب الزهار انا في هواك شريد
واصبحت غير أنصار وحل الحزن عربيد
عايش مع الاشعار وما اظن غنايا بيفيد
يا أطيب الزهار يا عشقي يا الوحيد
يا ملهم الالحان يا بلبلي الغريد

يا ظبية الوديان جل الآله السيد
الاحكمك تصوير ويا روعة التجسيد
قامة وقوام ممشوق والخصر لفة إيد
شعرك سواد الليل وكل الكمال في الجيد
آه أنا الولهان ومجنون هواك تحديد

يا أطيب الازهار راجين عبير الريد
وراجين صفاء الايام يا عشقي يا الوحيد

[محمدالرشيدمحمداحمد]

واحة الغنوات

طـــلي يا واحـــــــة غــنانا وابتعـــادك لا يطول
قمة الــــريد في لقـــــــاك وما بتهم عين الفضول
الدروب منتظرة جيتك
لا رمـــانا تهاتي جيتك
وســـــــماح مـــشيتك
والخلوق الشاجبة فوتك, فيض دموعا بيحكي قول
الغــــناوي تهــاتي بيك
الكان بيلهما نور عينيك
وتنهل الريد من وشيك
تشكي فيك يا المن مشيك لا خطابات لا رسول
طلي شان خاطرنا طلي
وليه يــباس أشواقنا بلي
والحليلي وراك مو حلي
عشـــانا طــــــــــــلــي
وطمأني البيسأل تملي ويكتب الاشواق فـصول

[محمدالرشيدمحمداحمد]

رسالة عتاب


مالك القلب والــريد مــالك مـجافينا
لاطلة لاتــلـفــــون طــولت ســــالينا
هجرك يزيدنا عذاب ووصلك بيشفنا
----------------------
مانحـن يـوم ردناك درناك ترســـينا
وتعب الـحياة الفوقــنا درناك تنسينا
رد لا تزيد الهـــــم الــفـينا كـــافـينا
------------------------------
وضح لنا الاسباب يا الباهي با زينة
قول يا أمير الكون آيه الجـــديد بينا
وايه كان غلطنا معاك خلاك تقاسينا
وايه العملنا معاك خلاك ناســــــينا
---------------------------
كلمنا با المحبوب وصمتك دا ما محبوب
خلي الفكر متعوب وحير غـــناوينا
------------------------
يا ملفت الانظار خليتني فيك محتار
بعدك دا كلو مضار وحاسب علي البينا
--------------------------
صمتك دا ما مقبول وردك بدورو عجول
واوعي المسافة تطول والغيبة ما زينا

[محمدالرشيدمحمداحمد]

درب الهوى


ليه ريدت حبيبي الغــــالــــي كـم دســـيت وكم واريت
والريد مامعاهو تعــــــالــــي وامرو هو ما معاهو ابيت
والمستور تكشفو اقوالـــــــي وحين كـمــل الصبرغنيت
وبعض الناس تشجب اقوالـي وقــالــوا لـي أكيد ضليت
كــنا نـقول عـلــيك مثالـــــي ليه درب الـهــوى باريت

----------------------
دوب الزهرة راضي ضلالي وتاني اعــلي ما لــمــيت
الـــــزينة ام لـهــيجا حـــالي ناعســا فعـلو كـالــدنمـيت
صـــورتا مابتغيب عن بالي عند السجدة فيها ســهــيت
لــو شـــــفـتوها مالكت بالي تحـــفة ربي مـــالك الـبيت
مــا لـمـتـوني ياعـــــزالي كان دوبيت وكــان غـنيت
ممشوقة وحلاتا هي حــالي عديلة قــــامة وزنت خيت
بسمتا تشفي أي عضــــالي ومعذور كان بقيت جوليت

-------------------------

ابوي العوضي ابقي قبالي مــددك لــــــي انا الـجـنيت
تسهل والايام تصـــــفالـي وريدنا يكون حصادو البيت

[محمدالرشيدمحمداحمد]

الابجدية

الالف إنفرق الدرب وضلت خطانا عديل
الباء بهاتي بهاتي با ذكرك وشاهد علي الليل
التاء تراني بكابد آهاتي ومعاي الدمعة باقي زميل
الثاء ثياب الحرقة غطتني وباقي ثيابي من الويل
الجيم جفاك يزيدا نيراني ويزيد جمراتا يوت تشعيل
الحاء حرام يا قبلة أمالي يكون من جانبك التقصير
الخاء خابت كل ظنوني الفيك وإنعذر معاك السير
الدال دناك صبحت مطية الكل وقلباً ليك صبح للغير
الذال ذكراك لي ذكر أذكر فيه اخر الليل
الراء رضيت با قسوة أيامي وعذاباً فوقي ذي سجيل
الزين زرفت دموعي ليه فقدك ولبست سوادي من الليل
السين سعير الدنيا عانيتو نار في الدنيا ليها زفير
الشين شوقا ليك شاقني وبيه دموعي ديمه هميل
الصاد صدقت معاك في ريدي وصدقي معاك أخرو الويل
الضاد ضهبت وضاعت أمالي ودرتك ليَ تبقي دليل
الطاء طويت ذكراك با الفيها أكيد يا حبي دون تحويل
الظاء ظلمت وجرت يا غالي وقليباً لي جعلته عليل
القاف قوافي قصائدي تبكيك وتشهد ليك في دنيايا كنت أمير
اللام لهيب صدك مبكيني واهون كان اظنو سعير
الميم محال أندم عليك تاني وقلباً ليك صبح للغير
النون ندمت لاني حبيتك وحبيتك شديد بالحيل
الهاء هدمت أمالي واحلامي وقصور مكسية بالاكليل
الواو وحاتك ما بحب تأني وحبك ما بجيبلو بديل
الياء يكون سلواي في الذكري وطيفك في ظلام الليل

[ابنة الضبـاب]

واصل ترجمة احاسيسك ونبضاتك

لحروف مرهفة

دمت اخي على هذا القلم

ابنة الضباب

[محمدالرشيدمحمداحمد]

شكرا شكراً ابنة الضباب .,,,
لك التحايا ومشكورة جداً علي كلامك الجميل
والف شكر علي المرور الكريم

[محمدالرشيدمحمداحمد]

سوسنة

وكتين يهود لــيـلي يغشاني الخيال
ابكــــــــيــك أنا
ابـكــيك حــــــــــرقة وأغـــنــيات
فقـــدك يــــقلل صبري يسلبني الثبات
أبـــكـــــــــــيك انا
أبكي الخطاوي عليك والحاضر الردي
وإتذكر الزمن الـــلــفات يا ســـــوسنة
أبكي الغناوي التايهة فقدت مســـــــكنا
وابكي المشاعر الصادقة تٌجزي مداهنات
يا فــــــــــقـــدنا
يا فقدنا الفقد رويحتي الأمنيات
وبدل صباحتنا الروائع أمسيات
وضاع عشـــقنا

[نفسيات]

النبراس
زهر السواحل
هموم الريد
أطيب الأزهار
واحة الغنوات
رسالة عتاب
درب الهوى
الابجدية
سوسنة

وما زال القلم يكتب

احيى هذا الاحساس الرائع والمرهف يا محمد الرشيد

واكتر خاطرة اعجبتنى رسالة عتاب عشان حسيت وانا بقراها

بهجر ناس عزيزين على وما سالو لكن انا ما بحب اعاتب

تسلم يمناك يا ابو حميد ارهفتنا بجد

[محمدالرشيدمحمداحمد]

نفسيات
شكراً والف شكر علي المرور الطيب ,,,,,,,,, وشكرا جزيلاً علي الكلام الطيب
مع خالص تحياتي وودي ’’’...,,,,,,,,,,,

[العلياء أحمد مختار]

إنت يالساكن فؤادي أبقى أبعد عني غادي
أرحم القلب البريدك ماتبقى أسباب لعذابي
في دروب ريدك مشينا وتهنا في أعتى البوادي
مالقينا في حبك مرامنا يهدهد أشواقي وسهادي

ماأروع تلك الخواطر فواصل إبداعات قلمك
ودمت بخير

[محمدالرشيدمحمداحمد]

شكراً يا شاعرة الرومانسية :- العلياء احمد مختار
شكراً علي المرور الكريم ,,, وشكر مفعم با لاعجاب علي الكلام الجميل
ولك مني الود والاحترام

[محمدالرشيدمحمداحمد]

حبيب الروح

ودع حبيب الروح خلانا للأحـــــــزان
أنا كم نظمتو حروف ضمنتها الأوزان
لكن غناي وبكاي في مالطة كـان أذان
---------------------
ودع حبيب الروح وما راعى ليه حالنا
خلانا نتباكي وتتقطع أوصـــــــــــــالنا
أمطرنا با الاحزان ودا الدارو عــزالنا
لكـنو يا عـزال ما غــــــــــــافل الديان
---------------------
أنا قلبي كان غافل خالف وصيتي زمان
أنا بدري وصيته مافيش أمان ليه حسان
والكيد ما هولن قولاً نزل قـــــــــــــرآن
جهل الامور قلبي وفي الريد وقع عميان
--------------------
قت ليه إنترا...... قال ليا كـــلو حــــنان
قت ليه تنضرا... قال ليا قامتو الـــزان
نار العشق مرة ... قال ليا كلو أمـــــــان
تابع هو معسولن والليلة عاد ندمــــــان

[محمدالرشيدمحمداحمد]

الرحيل


وآ ضيعة الزول الرحل ومن نفسه قام طلب البعاد
ومن أدي عرضو اكتافو عاد
وآ ضيعتك يا السمرة من بين العباد
ما عرفوا شيلك ودفقوك
يا شارة الحب والوداد
يا السمرة عنوان الفلاح
والنخوة والناس الشداد
------------------------
وإن انتو عنوانكم بياض
أنا قلبي ابيض من بياض كل الوجوه
واسع وساع من غير حدود
وإن حرا رجاع البتوه
غلطان أنا الفي إيدي القلم
وأكتب حزن باسود مداد
----------------------------
والحسرة آه تطلع
وتشق حلق السماء
والاهة تتلملم حروف
تنسج مقاطع وتنظما
والحسرة شن بتفيدني عاد
يا ناسي يا أهلي البعاد