انفصام الاباء والامهات فى الغربة
يؤدى دائما الى تشرد وانفصام
فى تربية الابناء...وهذه هى مشكلة
ابناء وبنات المغتربين الحقيقية.
المشكلة تقع على عاتق المربى.
انا على كلامكم ولد مغترب / مولود وعايش طول عمري بره السودان// لكن الحمد لله ما في حركات غريبه ولا حنكشه // وبعدين التعمييم ما كويس // حتى في السودان في حناكيش مبالغه // وبعديين ارحمونا بالله اللي ما اغترب ما بيعرف الاغتراب حار كيف؟؟؟/
الغالية ورده
عايزة اوضح انو ماجميع المغتربين كده وما اغلبهم كمان وما كل المغتربين عايشين في رفاهية وكل طلباتهم مجابة في كتير من المغتربين عايشين حياة صعبة لكن مستحملين عشان لقمة العيش وعشان بصراحة في السودان مافي فرص كتيرة للشغل وبالزات للشباب يعني مثلا تلقي الواحد خريج هندسة وبشتغل في ركشة مافي السودان بس لكن لو عندو الفرصة ليه مايحسن وضعوليه ماتعاينو للموضوع ده بزاوية تانية
اما حكاية الحنكشة والدلع والله العظيم في السودان في حناكيش مبالغة لمن عوارة وهبالة زي ماقال blake cat
وايضا حكاية اللبس الخليع الصراحة والله ومن غير مبالغة انافي اخر اجازة لي للسودان شفت مناظرما اقو لبس غير استغفر الله العظيم يعني انا هنا بحكم اني مقيمة في الدوحة اللبس الشوفتو بالنسبة للسودانين العايشين هنا over ومستحيل يلبسو هنا في الدوحة
يسلموو على الموضوع المهم
الصراحة أنا ضحكت على الموضوع من النظرة الغريبة والغريبة جداً لأبناء المغتربين ؟؟
في أي مكان في العالم يوجد هذا النوع من الأشخاص والموضوع د ه ما مقتصر على السودانيين أو المغتربين فقط وفي ناس في داخل السودان عايشين العبشة دي وأكتر وهم ما مغتربين ولا أي حاجة ؟؟ ديل بقى نسميهم شنو مغتربين السودان ؟؟
أما عن العادات السودانية والثقافت الأخرى فالشي ده خارج عن إرادة الشخص المغترب , فهو أصلا عايش في بلد ذي ثقافات أخرى وأجناس أخرى متعددة قكيف أولادو اللي إتربو في الوسط ده يطلعو كأنهم عايشين في السودان مية مية ؟؟؟ دي حاجة تقريبا أقرب للإستحالة !!
وبالنسبة للثقافات الأخرى .. ما شرط الحاجات دي تكون سلبية ؟؟ ليه ما تفكري بطريقة إيجابية شوية ممكن الثقافات دي تكون حاجات مفيدة كتير أكتر من الجوانب السلبية زي الدراسة في الخارج مثلاً !
طيب أنا شفت كتييير ناس في السودان لابسين حلقان .. وبرضو دي حاجة ما مقتصرة على المغتربين أو أو أو ...
على ما أظن الموضوع بيتكلم عن أبناء المغتربين ؟؟ زدي كانت عايشة في السودان وبعد ما كبرت سافرت .. ده موضوع تاني براهو !!
؟؟؟؟؟
ليه عشرة بالمية ولادي إحصائية رسمية ؟؟؟
[line][/line]
كــلنا سودانيين مهما حصل
صبعا دا موضوع غريب .. غير انه العنوان مستفز لكن بشكرك و بحترم رأيك ..
وما عندي كلام بعد القاله العزيز El Matador
اعتقدانو فكرتك عن اولاد المغتربين خاطئة
يمكن في منهم زي ما ذكرتي لكن ماهي دي الاغلبية
و دايما في الصالح و في الطالح كان اولاد مغتربين او اولاد السودان نفسو
اول حاجه مشكوووووووور على الموضوع لكن ماكل اولاد المغتربين كده يعني المشكله مافيهم المشكله في اهلهم هم السبب يعني لو من البداية ربوهم تربية صاح وربطوهم بالسودان ماطلعو كده يعني هسي شوف اولاد المغتربين البيطلعو الاوائل على الدول اللي هم عايشين فيها والله يهدي الجميع
ياجماعه ماممكن كده ليه تقولو اولاد المغتربين وماتقولو بعضهم يعني اولاد المغتربين فيهم الكويسين خالص والله احسن من الاولاد المتربين في السودان وانا كمان بأيد كلام eisi انو في فرق كببببييير بين السودان والبلد اللي احنا بنعيش فيها يعني مثلا انا في السعوديه والله في المدرسه التعامل مع المدرسات كويس يعني بنتونس معاهم عاااااااادى لكن في السودان ياويلك وياسواد ليلك لو بس شافك المدرس حقك بالصدفه في الشارع ولا في عرس يهزأك تاني يوم في المدرسة وبعدين تعالو هنا انتو ليه ماتتكلمو عن الظلم الحاصل لينا ده في الشهاده العربيه ؟؟؟؟؟؟؟؟ وعن المشاكل اللي بيعملو ها لينا من خصم ودخول بالقروش وكلام زي ده؟؟؟؟؟؟؟؟؟
انا على كلامكم ولد مغترب / مولود وعايش طول عمري بره السودان// لكن الحمد لله ما في حركات غريبه ولا حنكشه // وبعدين التعمييم ما كويس // حتى في السودان في حناكيش مبالغه // وبعديين ارحمونا بالله اللي ما اغترب ما بيعرف الاغتراب حار كيف؟؟؟/
ابناء المغتربين تربيتم احسن من تربية المامغتربين امشو السودان وشوفو الحاصل
في الجامعات ولبس البنات والله مواقف مقززه جدا اما هنا في بلاد الغربه الناس محترمين جدا
والبيئه نضيفه والله فرق بين هنا وهناك .
وتقبلو مروري ....
«®°·.¸.•°°·.¸¸.•°°·.¸.•°®»[السلام عليكم ورحمة الله تعالى وبركاتة اولاد المغتربين وما ادراك ما اولاد المغتربين فى الحقيقة لكل قاعدة شواذ فى ناس والله ربت احسن تربية وفى ناس الله يرحم الجميع بس . فى النهاية المسالة مسالة الوالدين هم البيحكموا مسالة التربية .«®°·.¸.•°°·.¸¸.•°°·.¸.•°®»
والله انا لى مآخذ كتيره على ابناء المغتربين وما بلومهم لانهم ضحيه ....فما ذنب الشجره التى تنبت فى ارض غير ارضها ؟ اكيد حتموت فيها كتير من صفاتها الوراثيه ده لو ما ماتت هى اصلا ...وانا سبق ان تحدثت مع احد الشبان هنا فى السعوديه فى احدى المطاعم ....وكان هذا الشاب يلبس الجلابيه السعوديه ويتكلم معى باللهجه السعوديه باجاده تامه وحتى طريقه الاكل واظن كل المغتربين يعرفون طريقه اكل السعوديين للارز ....وفى اخر المطاف فأجانى بانه سودانى ...وعندما سالتو من وين فى السودان رد على انو ساكن امدرمان (الحاج يوسف ) يعنى تخيلو هذا المسكين لا يدرى اين تقع الحاج يوسف ....ولكن والله لم الومه لانى اعرف انه ضحيه لظروف المعيشه التى القت به واهله خارج الوطن......واعلم ان ذلك الشاب يحفظ كل احياء الرياض ...ويحفظ النشيد الوطنى السعودى ...وقد لا يعرف النشيد السودانى ....ولكن اللوم الاكبر يقع على اولياء امور هؤلا الضحايا لان من واجبهم تربيه ابناءهم على الطريقه السودانيه وتعريفهم بعاداتنا وتقالدينا ولكن كيف يحدث هذا والعدوى قد انتقلت اليهم ايضا ....ومع كل ما ذكرته انى ارى ابناء المغتربين احسن بكثير من الجيل الحالى الموجود بالسودان ....فاذا كان ابناء المغتربين سيئين فالموجودون فى السودان اسوأ.......................( الفراش المغترب)
طرحك رائع يااخت وردة,
بس اتمنى انو الجماعة ديل ينظرو ليهو بنظرة موضوعية وطبعا فى خلل بس اهم شئ نشوف كيف نعالج الخلل. وهو ان الاباء هم مسؤلون من تربية ابنائهم داخل او خارج السودان....
ودمتم
موضوع غبى جدا والله اولاد المغتربين كلهوم ليهوم الشرف انهوم سودانين بعدين ما تحكمى على الناس من قصص تافه روقو شويه على اولاد المغتربين با الله
حاولى تنزلى مواضيع مفيده وخلى المواضيع الفايقه
رد: ابناء المغتربين منهم العوض وعليهم العوض
رد: ابناء المغتربين منهم العوض وعليهم العوض
رد: ابناء المغتربين منهم العوض وعليهم العوض
