[align=center]البتوحي الناس العيون يا حلاتن هن حياة الريد والجنون
جنني ياخي العيون يا بلالي هن حياة الريد والجنون
آه العيون الفيهن نعاس هن اساس معنى الجناس
هن يثيرن في الناس حماس هن يسوقو الزول للمجون
جنني ياخي العيون يا بلالي هن حياة الريد والجنون
آه العيون البيض لوصفن يجرحنك ويتلاصفن
مرة نظراً لي اوقفاً شالو نومي ما انصفن
آه العيون السود كاحلات في دلالن متسابلات
يجرحنك ما سائلات يتركنك متهاملات
البتوحي الناس العيون يا حلاتن هن حياة الريد والجنون[/align][/b][/size]
[align=center]أمسكي عليك عيونك ديل امسكيهن عيونك ديل
خليني النروح انفك من شبكة عيونك ديل
ده شيتن اصلو ما شفنا لا في الناس ولا في الريل
ده ما قدر الله جانا عديل امسكيهن عيونك ديل[/align][/b][/size]
[align=center]رشقتني عيونو وبقيت مجنونو من أول نظرة
من اول نظرة لم اخد حذرة
غير اني هويتو وفي قلبي اويتو
قدرت جمالو واغراني دلالو
اوريهو فنوني ويوريني فنونو من اول نظرة
رشقتني عيونو واسرتني عيونو وبقيت مجنونو من اول نظرة
الحياء والنضرة والتيه والجبرة هم مصدر شوقي ومصيبتي الكبرى
في الحب ابلاني وكمان خلاني اجيد اشعارو وحبيبو شعارو
ده جمال يسحرني بي لونو ونونو من اول نظرة
فيك يا ذو الامرة عاجباني رشاقة وضمرة في عيونك خمرة وفوق لونك حمرة
الليل والقمرة ضدين اجتمعوا بي ثمارك ينعو وبي قامتك رنعو
حواري زمنا وحسان الجنة بالنسبة لحسنك ايه يعني يكونوا
من اول نظرة[/align][/b][/size]
[align=center]صدقت العيون وكلام المحنة
هناني بحنانو لمّا عليّ حنّ
وقال لي كلمة طيبة كانت منو حلوة
مين غيرو البيزرع أيام عمري جنة
صدقت العيون لما بقيت أسيرها
عشقت الموجة ترقص في الضفيرة
شفت النور هناك والشامة الصغيرة
تقول للخدود أحلام الأميرة
وقال لي كلمة طيبة كانت منو حلوة
مين غيرو البيزرع أيام عمري جنة
فصل الحب قصير من البداية
والأيام تمر وتمر الرواية
عشنا الدنيا شفنا شفنا الكون حكاية
البصبر عليها بلقى في النهاية
وقال لي كلمة طيبة كانت منو حلوة
مين غيرو البيزرع أيام عمري جنة[/align][/b][/size]
[align=center]ولقينا في دنيا العيون يا أصفى من النور غنا
كون من رشاقة وأمنيات باقات أنيقة ملونة
ألحان طروبة ووشوشات أنهر موسيقى ودندنة
ذابت قلوبنا عليك حنان وإنت بعيون ذوبتنا
غار المساء والكون صبح عشاق جمال يتأملوا
وكل الحروف الفي الخيال بلهفة جادوا وما غلوا
حتى القمر حولو النجوم اتلفوا فيك يتغزلوا
وقالوا الجمال يا غالي بيك كانت نهايتو وأولو
ونحن في هواك يا غالي لا بنطيق بعاد لا بنحملو
أصلو المحبين الحنان لا بنسوا لا بتحولوا
يا أغلى من نور العيون شايلاك قلوبنا هوى وحنان
اتوسد الاعماق وأغني الكون في وجودك جنان
دغدغ خيالنا وشيلنا حلّق بينا فوق عمر الزمان
خلينا من خمرة هواك السامي نرشف ونحتسي
ننساك إنت إنت بتتنسي ما إنت روحنا وحبنا
سافرنا في عينيك ولسه قلوبنا بيك متجننة[/align][/b][/size]
[align=center]ووحياة ابتسامتك يا حبيبي وحياة عينيك
قلبي حازرك ومن زمااان سائل عليك
قبل ما اشوفك كنت فاكر الريد مستحيل
وكنت هائم في طريق خالي طويل
ليلي دون الناس كلو آهات كلو ويل
تشهد الايام يشهد الليل والنحيب
عمري كلو عشتو وحدي وحدي كالغريب
قلبي عاشق ودربي خالي من حبيب
لـــــــــكن يا حبـــــيبي
من يوم ما شفتك قلبي للدنيا ابتسم
اشرقت دنيايا فارق دربي هم
رحت القاك في منامي وبيك احلم
في انتظارك يا حبيبي رايح ارعاك بي حناني
القى في قربك سعادتي وانسى تعذيبي وهواني
يبقروا العشاق من هوانا وفرحة الريد والاماني
يا حبيبي عشت ليا وعشت ليك
هاك عهدي يا حبيبي وهات ايديك
وحياة غرامي وحبي ليك
اهدي عمري وروحي ليك[/align][/b][/size]