اخبار الهلال ( اخبار , شمارات , مناكفات , صور , كل شئ عن الهلال )

[hanody]

الاتحاد العام لكرة القدم بصدد مخاطبته الاتحاد الافريقي الكاف لتعديل موعد مباراة الهلال ومازيمبي الكنغولي الأخيرة في المجموعة باستاد الهلال من الثالثة والنصف عصراً لتلعب في المساء نظراً لظروف الصيام في الشهر المعظم

[الفراش الحائر]

ده الكلام زاتوو البجيب الضغط وخمه النفس يعنى نحنا ناقصين الاتحاد ضدنا والوصيفاب ضدنا والكاف ضدنا شداد قدرنا عليهو لكن حايتو نعمل معاهو شنو الناس صايمه ومكسره ....يعنى كان ما ادى الكاس ده للقطن الزول ده ما برتاح الشكيه لى اللــــــه..........

[بكور]

قرر حكم مباراة الهلال وانيمبا تأجيل اللقاء بسبب الامطار الغزيرة

وحسب قوانين الكاف فإن التأجيل يكون لمدة 24ــ 48 ساعة

وفى هذا التأجيل فرصة كبيرة للهلال لعودة بعض المصابين وتجهز العائدين من الاصابة

وفى الختام تمنياتنا لأبطال الهلال تحيق نتيجة ايجابية والصعود الى المربع الذهبى

[حموودى]

التحيه ليك والله
وانت تتحفنا بالجديد دوما

والاخبار الطاااااظه




شكرا

.

[مغترب قطر]

بالتوفيق لهلالنا

[كابو]

نتمناها كذلك رغم صعوبة المهمة

[محمد نعيم]

قلوبنا معاك يا الازرق
ومنصورين باذن الله

[بكور]

تشكروا اعزائى على المرور

[mark=0000FF]بقية الخبر............
ستقام المبارة انشاء الله اليوم فى تمام الساـــــ6ــــــعة مساء بتوقيت السودان على قناةART 4

وربنا معانا[/mark]

[هنو]

[overline] اعطيك العافية وبالتوفيق لهلالنا العظيم[/overline]

[مغترب قطر]

الخبر العاجل تخلف الهلال من انيمبا بهدف مقابل لا شيء
تخريمة::الملعب لا يصلح للعب ابدا ابدا

[صلاح العجباني]

انا داير اعرف النتيجه كم كم ومنو المغلوب و الغالب
و انشاء الله يكون الهلالاب هم الفايزين

[رجويه]

انا داير اعرف النتيجه كم كم ومنو المغلوب و الغالب
و انشاء الله يكون الهلالاب هم الفايزين

اهلين صلاح
الهلال مغلوب واحد صفر
في الشوط الاول ولسع الشوط الاول شغال

[صلاح العجباني]

اهلين صلاح
الهلال مغلوب واحد صفر
في الشوط الاول ولسع الشوط الاول شغال

اهلين رجويه ادعي لينا انشاء الله يفوز الهلال
بس ما قلتي المريخ امس كان مغلوب ولا فايز

[صلاح العجباني]

الداير يشوف المباريات بتاعت افريقيا يدخل هنا http://koorasudaneya.page.tl/%26%231...a6c4e7d6fbf9eb

[كابو]

يبدو ان اخر الضغوط علي الاتحاد الافريقي لكرة القدم (الكاف) من قبل نادي الهلال بشان تأجيل مباراته غدا امام مازيمبي الكنغولي في الجولة الاخيرة للمجموعة الثانية لدوري الابطال الافريقي لم تسفر عن شئ بعد ان رفض الكاف مجددا امس اخر محاولة ومسعي هلالي لتأجيل المباراة لتقام يوم
الاحد بدلا عن الغد حيث اعلن الكاف عدم تراجعه عن قرار لجنته المنظمة بتحديد تاريخ وتوقيت مباراة الهلال ومازيمبي مساء الغد باستاد الهلال بناء على رغبة هلالية ومن ناحية اخري وفي تصريحات جديدة للدكتور كمال شداد رئيس الاتحاد العام وعضو اللجنة الفنية للاتحاد الافريقي لكرة القدم (الكاف) خص بها قوون التي هاتفته امس بمقر اقامته بالقاهرة اكد د. شداد انه لا معني لملاحقة الهلال للكاف لان القرار الذي اتخذته اللجنة المنظمة لاتستطيع اي جهة تعديله أو مراجعته الا المكتب التنفيذي للكاف والذي سيعقد جلسته يوم غد الجمعة وهو الموعد المحدد لمباراة الهلال ومازيمبي وبالتالي استحالة تاجيل المباراة عن موعدها وطالب د.شداد الهلال بالتركيز الشديد علي مباراة الجمعة وعدم تشتيت اذهان لاعبيه حتي يتفرغوا ويركزوا تماما في مباراة الغد ولا يجب ان ينشغلوا بشئ خلاف كيفية تحقيق الفوز علي مازيمبي وهو الاهم دون النظر والانشغال بالمباراة الاخري بالكاميرون بين القطن الكاميروني واينمبا النيجيري والتي ستقام بالسبت.

[MRN]

السلام عليكم ورحمة الله وبركاته

اليوم تعادل الهلال السوداني مع نادي مازمبي الكنجوني
تعادل الهلال السوداني 2-2 في عقر داره البقعة(ام درمان)
في البداية سجل نادي الهلال هدفاً في الدقيقة الاولى من شوط المباراة الاول عن طريق مهند الطاهر, ولكن عادل نادي زمباوي في الدقيقة الخامسة عن طريق مابى مبوتو, وانتهى شوط الأول بالتعادل 1-1 ثم في الشوط الثاني عاد مهند الطاهر وسجل هدفه الثاني شخصيا والثاني لناديه ,وتوالت الهجمات من قبل الفريقين ولكن في الدقيقة 89 عادل نادي زمباوي هدفاً بخطأ فادح من الدفاع والحارس لينهي آمال نادي الهلال السوداني الى التأهل الى ربع النهائي.

وبذلك تنتهي المباراة 2-2 .

وتحياتي لكم

ولعلمكم انا مريخابي ما هلالابي كتبتا الموضوع عشان فرحان بالتعادل

[cloud]

وانا زاتي مريخابي وانت كنت مستنيهم يتأهلو يعني دى لو كان المريخ
كان سحقو عديييييييل ..لكن كنت بتمنى انهم يتأهلو
عاش المريخ ومرحا للهلال

[معتز سيد]

مبروك عليكم خروج الهلال من الدوري
طبعاً دة شي بيسعدكم اكتر من تحقيقكم لأي انتصار مهما كان
مبروكين

[هنو]

[overline] نشوفكم بتعملو شنو مادايرين فصاحة ساااااااااااااي[/overline]

[مغترب قطر]

اولا يا اخي (mrn)......انت لا توجد لديك روح رياضية نجن كلنا نريد الانتصار للهلال وللمريخ ولكن كل المريخاب حاقدون ولا توجد لديهم روح رياضية ونتمنى للمريخ التأهل للنهائي وعاش الهلال وعاش المريخ وبالتوفيق للكرة السودانية تخريمه:انا هلالابي على السكينة
ولك خالص ودي وحبي اخوك مغترب.......