اليوم هو المكمل لشعبان،، وبكرة غرة رمضان،،،
فكرت في مواصلة أخوة لي بالمنتدى،،، وبدأت بالترتيب،، كل من كان رقم تلفونه لدي،، وكانت من الإتصالات
ود الدرديري ،، رمضان كريم
الجيو،، تصوم وتفطر على خير
أصيلة،، ربنا يقبل منك مقدما
الوجيه ،،، فردة قديمة،، والكلام كتير وشكل عائلي
حزن السنين ،، تلفونه ما رد (أخيراً عرفت انه في العمرة،، تقبل الله)
صهيب ،، تلفونه يرن،، لكن هو ما موجود
سودانية نار ،، والله يا عمو متلومة فيكم، لكن الشغل ماسكني شديد،، وبيني وبينك جاتني ترقية حرمتني حتى من ناس البيت
ثم
ستيل آي نسيد يو
تلفونه ضرب،،
ألووو
منو؟؟ السني،، كيفك،، وكل سنة وانت طيب
انا،، أهلا مهند،، رمضان كريم
.
.
وبعد سلام وسؤال كتير عن الناس،،، سألته عن صهيب وحزن السنين،،، وكان رده إنه الأيام دي منقطع من كل الناس وواصل في كلامه
"والله يالسني كتر خيرك، وضربت لي في الوقت الأنا كنت عاوز أدخل فيه المنتدى أكتب لي بوست،، ،، بس كويس إنك ضربت لي لأنه مالاقي فرصة ادخل في النت ،، عليك الله كلم الناس بالنيابة عني،،، انا مش قلت ليك منقطع حتى من ناس صهيب ونادر، والسبب انه الليلة قولة الخير بتاعة أخوك"
هي بشرة أنقلها لكم بإسم العزيز المدير السابق لمنتدانا الغالي
فله المباركة والتمنيات الغالية بإتمام نصف دينه
الف الف الف مبروك أخي مهند،، لك ،، ولعروسك
السنى ياحليلنا نحنا اللى ما بيضربوا لينا ويقولوا لينا رمضان كريم
من القائمة العندي،، في عدد من التلفونات ما جمعت معاي، وبعضها كان مشغول،، مثلا ما قدرت أتصل بوايا، ولا حافظ، ولا حازم جمال،
لكن، بالناسبة ليك إنت، والله لغاية ما قلتي كلامك ده هنا، بعدها رجعت ولقيت انه تلفونك عندي،، شلتو منك متين،، واديتيني ليه متين،، ما متذكر،،
لكن بيني وبينك،، الجيو
ما تنقش ليك الكلام القلتو ليه فيك؟
[align=justify]التحية ازيجها املا ممتدا بين حنايا صفحات وأوراق المنتدي العامر بأهله دوما وأبدا ،،
كل عام وأنت بخير ،، رمضان كريم وتصوموا وتفطروا على خير ،،
في بادئ الأمر كما أسلف الاخ الكريم السني وكما الرواية الجميلة تفاجأت حقيقة بالرقم من خارج أرض الوطن وعندما رفعت السماعه جدته الأخ الكريم السني وتبادلنا أطراف الحديث كما ذكر وعلم بأني كنت وما زلت مشغول جدا في عملي وإكمال نصف ديني ،، فله الشكر الجزيل ،، على تقدمه هو ومبادرته بالإتصال على كل الأعضاء القدامي وتفقد أحوالهم فهذه في إعتقادي الشخصي بأنها خطوة لا يفعلها إلا الذين يمتلكون كل ما هو جميل وكل ما يميز الإنسان وحسن فعل فهي في إعتقادي خطوة تروق لكل من سأل عنهم ،، لك كل الشكر وكل سنة وأنت طيب وكل الأعضاء الكرام القدامي والجدد ،،
بحمد الله وتوفيقه بدأت في خطوات الزواج بالخطوبة والآن أجهز لإكمال عقد القرآن قريباًَ إنشاء الله وبإذنه تعالي وإنشاء الله سيكون لكل المقيمين في السودان دعوة خاصة لهم وعقبال ( العذابة )
شكرا لكل سطر في حقي ( بس كلمة ) ،، وشكراً آخر لكل من تقدم يالتهنئة لي ألف شكر وحقيقة عاجز ع شكركم وإنشاء الله زي ما بقولوا ( يوم شكركم ما يجي )
تقبلوا مني السلام والتحيايا العطرة وإلي لقاء قريب إنشاء الله تعالي ،،
الف مبروك ربنا يتمم على خير 
