دمعة حزن سالت.....

[حزن السنين]

دمعة حزن سالت.....مصطفى سيد احمد

--------------------------------------------------------------------------------

قلت ليها
وإيدى فى أيديها
دمعة حزن سالت ..
جاى منك ... وماشى ليك
يا مداين غربة طالت
لو مدارات نجمي ضلت ..
وسكة السفر استحالت ..
كوني فى دربي الحقيقة
الديمة ليها مشاعري مالت..
قلت ليها ..
وكنت راجع لي عينيها
من أسى الزمن المسافر فى المشاوير .. العصيبة
من متاهات الأماني
فى مدار الحسن ضماها وحبيبه ..
بيني لا بينك مزار ..
لا محطات إنتظار .. لا مواعيدك قريبة
إنتى يا الفرح .. الحقيقة المستحيل ..
هدهدي الصبر الجميل وامسحي الألم المخيم ..
فى المدارات الرحيبة
قلت ليها
الحقيقة الضايعة بين .. قلبي وعيونك
أنى لا قادر أفوتك لا أجيك
وأنى ما عارف بدونك ..
أبقى كلمة حب
تزف البشرى فى ساعة مجيك
وأنتي عارفة .. وقلت ليك
يانى أكثر زول بريدك ... يانى صفوة عاشقيك ..
يانى راكز الخيل عليك
ولسه بى حبك متيم ومبتلى
ألا ريدك زادني حيرة .. على العلي
لا مراكب البشرى ختن.. قلبي عندك
وأنتي لاقلبك نساني ولاخليل ...

[جنو منو]

الاخ حزن السنين
السلام عليكم

يا اخوى الحزن شنو الساكيهو دا والا هوالساكيك ما عارف.
يظهر انو زى ما قال اخونا suhaib انت ممكون، لكن اقول ليك:

بكره بصبح ذكريات حالى داك الكنت فيهو
تملا امالى العراض كل دربا اقتفيهو

اما القصيدة فجميلة واختيار رائع ينم عن الذوق الرفيع

[حزن السنين]

اخي صهيب اخي جنومنو لكم كل الحب و التقدير علي مروركم الانيق

[sarona]

اختيار رائع جدا وموفق

و...
اي دمعة حزن لا.لا.لا

.

.

[حزن السنين]

sarona
مشكور علي المرور يا رائعة ..!!!

[lucky boy 618]

شكرا يا حزن السنين على كلامك
الرائع دايما
وتسلم

[Still I Need U]

[align=center]أسأل الله أن لا تمر دمعة حزن لكل من أحبه ومن أعرفه ومن لاأعرفه ،،
نريد ان نزيل كل دموع الحزن من جفوننا ،،
الرائع المرحوم الفقيد الحاضر الغائب ،،
مصطفي سيد أحمد والشاعر الذي كتب
تلك الحروف ،، لهم الشكر فلقد طوعوا القلم
كيفما ارادوا ،،

تحياتي حزن السنين ،،[/align][/size]