مســـــــــــــــــــدار + مســــــــــــــدار

[weliz]

والله كلامكم جميل وان شاء الله افيد واستفيد واتمني ان اكون واحد منكم

[عصام الخليفة]

[overline]الشافك قبيل ميت عليك باحساسو
والاسع سمع بك ظنيتو يلقي خلاصو
الزوق المكمل والادب في قياسو
من دون البنات فازتبو خلت ناسو[/overline]

[ويبقــى الأمــل]

الله يعطيك العافيه

\\\\\\\\\\\\\\\\\\\

كلمات في غاية الرووووعه


\\\\\\\\\\\\\\\\

الله للا يحرمنا من جديدك


\\\\\\\\\\\\\\\
تحـــــــــــــــــــــــــ ويبقــى الأمــل ــــــــــــــــــاتي

[ود أونسه]

بعدتنا الظروف جيناكم نزور ونطـايب

دار مسدار دي دارنا كم لينا فيها حبايب

ما كتبوا الركيك ما جابوا قولا عــايب

يحفظنا الرحيم زمنا كلوا مصـــــايب

[ود أونسه]

دار مســــدار ســـــلام تاني جيتكم صاد

جيت اعرف خباركم ان شا الله انتو شداد

لقيت الـدار خــــلا مافيهـــــا زولا عاد

عجلــــو بالجــــــديد كفانا جور وبعاد

[mohamed merghanh]

دار مســــدار ســـــلام تاني جيتكم صاد

جيت اعرف خباركم ان شا الله انتو شداد

لقيت الـدار خــــلا مافيهـــــا زولا عاد

عجلــــو بالجــــــديد كفانا جور وبعاد

مرحبتين حبابك وقتين تقبّل صاد
وشركك بي حروفي اليوم مظفّر صاد
ليه الفرقة دايما لينا باقية حصاد
وزمنّا الطبعو جاير لينا بالمرصاد

ود اونسة السلام بين الصحاب كالزاد
وشوقو بان مدفوق منسوبو طفّر وزاد
حليل اللمّة عامرة فى عكاظنا لينا مزاد
وليلنا الطويل بالونسة مالياهو شهرازاد

[الطاهر التاي]

ود الميرغني .... يا سيد الغنا و القول
يا بحر النجابة ..... الما بطولك طول
في كل ساحة وواحةالقاك دوام مشتول
جيت غاشي الديارر لقيتك هنا بتصول

ورمضان كريم وكل عام وانت بخير . وبالمناسبة لي عدة اشهر لم
أي نت .... مشغوليات ... وسفر ... وحبة وعكة خفيفه كده .

مع محبتي .... وكل الود

[الطاهر التاي]

يااحباب سلام ............ بالله وينكم وين
جيت غاشي الديار ..... ما فيها أي خدين
بعد العيد اجيكم تاني... ان شا الله متلمين
والعيد مبارك ... لي كل العزاز .. غالين

[remo20066]

كان للمنتدى ياهو بس أنا سوداني
وخبر الجميع البعيد والداني
غير هذا المنتدى مابعرف الوداني
وأسمح منو قط ماسمعت بيهو وداني

[هامس]

دار مســــدار ســـــلام تاني جيتكم صاد

جيت اعرف خباركم ان شا الله انتو شداد

لقيت الـدار خــــلا مافيهـــــا زولا عاد

عجلــــو بالجــــــديد كفانا جور وبعاد

سلامـ ود أونسه بهديك شوقنا الزاد

يامالك القوافى والدرر فى لغة الضاد

مأصل فيك لمـ الشمل وجمع الأضاد

دفينه فى جواك السمح ـ مأصله من الأجداد
ـــــــــــــــ ـ ـ ـ ـ ـ ـ ــــــــــــــــــــــ

ودأونسه يا حنين عشمنا فى رضاك بعد الجفا

(همسه) والله فى شديد الشوق لى سمع غناك
وسلامى لى أيمن و ودالسنجك ولوـ فى دعاك


(وتانى همسه) يديك العافيه

[هامس]

[quote="mohamed merghanh"]
مرحبتين حبابك وقتين تقبّل صاد
وشركك بي حروفي اليوم مظفّر صاد
ليه الفرقة دايما لينا باقية حصاد
وزمنّا الطبعو جاير لينا بالمرصاد

ود اونسة السلام بين الصحاب كالزاد
وشوقو بان مدفوق منسوبو طفّر وزاد
حليل اللمّة عامرة فى عكاظنا لينا مزاد
وليلنا الطويل بالونسة مالياهو شهرازاد[/QUOT


ود الميرغنى الفى السدار مابسبقو جواد

فى نظمـ القصيد والنمـ يتلمو فيه الأنداد

مرحب حباب فى دارك ياك إنتا ليهاـ ـ عماد

كتًر فى الغنا غناك ليهو نحن ـ ـ ـ رياد
ــــــــــــــــــ ـ ـ ـ ـ ـ ـ ـ ـ ــــــــــــــــ
شديد الأسف بالترحيب المتأخر وإن كان الحوش حوشك

(همسه) فى حفظ الله ليك بتمنا فى البلد البعيد داك

[حبوبة]

عوفيتم
انا كنت وين؟
رديتو فيني الروح بالكلام الزين
يعافيكم ويحفضكم المولى المتين
وتاني جرو النم وصحو في الناس الحنين

من تكيت علي شهد الكلام
مسدار ورا مسدار منكم آكرام
عمنا ود يس موفور الاحترام
ود اونسة جنى المرغني وود الدرديري الهمام

هومي انفرضي ورؤوف
هامس وعصام جنى المخلوف
ويليز وكل زولا ولوف
لكم التحية تعظيما وقوف

[هامس]

الاغبش وهامــس جافين قطعتو الطله

المسـدار بدونكم بردت مفاصلو انشله

سائلين من خباركم بس ما عرفنا محله

اسرعو لمو اجمعو الفو الامور مختله

ضي الحوش ودأونسه أنوارك دوامـ منهله

يحلى السمر بوجودك والقعده ما بتتخلى

علً الدنيه ال للفراق دوامـ ـ ـ ـ منشغله

ترضى ـ للصحاب تجمع تبقى القعده مكتمله

تسأل منك العافيه وين ما تكون معاك دوام مرتحله

[هامس]

مجابدة أم قدود يا أونسه لزمت دارنا
طلعت الصليب جابت دهن كركارنا
بالليل و النهار ماجبنا حق مشوارنا
و إن شاء الكريم جاينو تب مسدارنا

جارين وراها أم قـدود نلمـ القرش لملاحنا

نمسى ونصبح وليل الغربه بزيد فى عذابنا

ود الشيخ أخوى بسراع تعال تحلى سدارنا

من فـييكمـ نظـمـ الدرر حادينا ياهو رواحنا

(همسه) عوافى ودالدرديرى

[ودالدرديري]

يا هامس أخوي ان شاء الله حالك زين
وين كل الشباب الكانو يملـو العين ؟
المسدار صبح قـفــراً يباب وحزين
شــدو الهمـة ياناسنا و دقُـر ياعين

هامس : الشوق من هنا لييييييييييييي عندك

[هامس]

ودي كمان نجادعك فيها بس خليك قريب :

الريد الكتير لو إنت درتو
وجالك يوم فراق بتعيش حسرتو
جناتو الدلال والنيران حرقتو
انا غايتو الغرام وطيان في جمرتو

من زمن البنيه العامريه درب الريد ياهو أزاهو

يلولح للنفوس للقلوب يشحتفه يدميها بى زكراهو

ما انقتل المحلق فى هوى تاجوج سالت دماهو ؟

الريد خطير ود الشيخ يسلمنا الله من ـ ـ ـ ويلاهو

[ودالدرديري]

من زمن البنيه العامريه درب الريد ياهو أزاهو
يلولح للنفوس للقلوب يشحتفه يدميها بى زكراهو
ما انقتل المحلق فى هوى تاجوج سالت دماهو ؟
الريد خطير ود الشيخ يسلمنا الله من ـ ـ ـ ويلاهو

لوقيس مات كتيل بي شوقو لى ليلاهو
ولو عنتر نجض بي عبلة ضاق ويلاهو
ياهامس انا الموت القصدني بلاهو
شال ريدي ورحل ياريتو شالني معاهو

[هامس]

يا هامس أخوي ان شاء الله حالك زين
وين كل الشباب الكانو يملـو العين ؟
المسدار صبح قـفــراً يباب وحزين
شــدو الهمـة ياناسنا و دقُـر ياعين

هامس : الشوق من هنا لييييييييييييي عندك

الطاويه حباله نستـنـا حبـا فـينـا دفين

شفـت الدرر جيت جارى قايدنى حنين

فى أكتافى شايل شوقى للناس الطيبين

حامدو الكريمـ بى كل ما حكمـ راضين
ــــــــــــــــــ ـ ـ ـ ـ ـ ـــــــــــــــــ
والأموره ديييك يحفظه الله من العين

(همسه) الشوق وصل ومن الكريمـ ليك الوصال

[هامس]

لوقيس مات كتيل بي شوقو لى ليلاهو
ولو عنتر نجض بي عبلة ضاق ويلاهو
ياهامس انا الموت القصدني بلاهو
شال ريدي ورحل ياريتو شالني معاهو

يسلمـ قلبك الدرديرى شكيتو لى الله الأزاهو

من راسك شيلو طارى الموت ما تطراهو

حوا ولاده و الزيك راقدات كتير البتتمناهو

شيل الصبر ساااى دى حكمة الله فى دنياهو

[هامس]

[poem= font="Simplified Arabic,5,black,normal,normal" bkcolor="sandybrown" bkimage="" border="outset,4,gray" type=3 line=0 align=center use=ex num="0,black"]
كل يوم بتفقد وقلت وينهم غابو = كل واحد مشى وقافل عليه بابو
ود اونسة رجع والخبر السمح جابو = نشط للعقل زي الورد الفرهد دابو [/poem]

الشوق جابنى بالحوش لقيت أنفتح بابو

تاوقـتا ـ الهمس السمح لودانى الهوا جابو

نسيمـ أونسه ـ والشيخ فرح فـتح لى جرابو

عطر تراب الحوش ـ ـ صاب قلبى نشابو