مطلوب عريس مغترب..........

[المهندسة]

مطلوب عريس مغترب ده حال البنات في الزمن ده ......

[رجويه]

مطلوب عريس مغترب ده حال البنات في الزمن ده ......

هو في مغتربين ماقاعدين ساي عريس مغترب دي موضة قديمة لكن يااختي ماعارف حالة المغتربين كيف . والله الحمد علي كل شئ .

[فارس الرومانسية]

المغترب وغير المغترب كلهم اصبحواواحد والاغتراب اصبح كلام فاضى **الا وصيتى لكل اخواتى البتلقى السترة ما تفرط

[المهندسة]

دي المشكله لانو الواحده بس يقولو ليها ده مغنرب تصدق وتقول خلاص القبه فيها فكي لكن بكون المغترب عندو كميه من المشاكل
بالنسبه للموضه
الموضه حاليا المغتربين بفتشو في عروس مقيمه وشغاله في السودان لاسباب....

[الشامخ]

انتي قاعده وين الموضة الزمن يعرسو اخو المغترب عشان اخوه برسله ليه الفلوس يصرف على البيت او يبني ليه وبعدين يعمل نايم بالفلوس يقول ليه الفلوس الرسلتها مابتكفي ويبدا يسرد فى الاسباب وانتو عارفنها طبعا . وعموما والاغتراب انتهى اوع تدقسوا:D
وفعلا الايام دي فى موضة العروس المقيمة لانه لاستقدام بقى غااااااااااااااااااااااااالي .
وفى ناس قالوا عايزين مقيمة وتكون شغالة يعني مشكلة عنوسة بنات المغتربين يمكن تحلا
وفى قصة حقيقية فى واحد قال عايز ليه عروس مقيمة وتكون شغالة عشان تكون منتجه وبدخل دخل يعني تفكيره تساعده فى المسئوليه تعرفوا لقاها وتمت الخطوبة والزواج وبعد الزواج مباشرة فنشوها ودقس صاحبنه وللان يقتش ليها فى شغل ومالاقي

[وين القاك]

الموضه الايام دي بقت انو المغترب نفسو بدور على
بنت مغتربه بشرط شغاله وبكدا يكون ضرب (عصفورين بحجر)
مقيمه في نفس البلد وشغاله كمان .
بس سبحان الله الحكايه قسمه ونصيب ربنا يوفق كل شاب
نواي الزواج وكل عانس راجيه العرس قولوا آمين

[احسان]

[grade="00BFFF 4169E1 0000FF"]والله الحكاية قسمة ونصيب

لا مغترب ولا مقيم

وبعدين الناس بقت فاضية للدرجة دى تفتش المغترب والمقيم

المهم تكون الجنسية سودانية ودا الاهم

تسلمي على البوووووست [/grade]

[اسامه خضر محمد على]

مطلوب عريس مغترب ده حال البنات في الزمن ده ......

انا جاهز قايتوالعايزه تتصل

[الزعيمة ذات العزيمة]

][][§¤°^°¤§][ في الواقع الإغتراب يكسب ثقافة عامة خاصة في التعامل مع الجنسيات الأخرى و كذلك التعامل مع من لم يلمس بديه سوى الأوراق و الكريمات ][][§¤°^°¤§][

و هناك نقطة مهمة فليس كل المغتربين بطبيعة الحال سهلة حياتهم في السودان و يعيشون لصعوبة حالهم هناك كما لم كانوا لم يغتربوا

صحيح أنها فترة وجيزة لم يتم فيها إنهاء بناء البيت أو شراؤه مثلا أو ما إلى ذلك من الأحوال

لكن الحال يكون ككل الناس خلال هذه الفترة

و عليه

فإن من عاشت أو عاش في الغربة ثم عاد و عاش في السودان فإنه يكون قد عرف الغنى و إن لم ينله

و خبر الشقاء و إن لم يدم له

أي يكون علمه الفقر و أدبه الغنى

و أظن أن من الأفضل للمغتربة التي ولدت في الغربة الزواج من المغترب حتى يتم التفاهم

[م. وسام]

كما أشارت الزعيمة ذات العزيمة

المغتربة تشوف ليها مغترب أفضل لتقارب الثقافات.


غايتو أنا مغترب

[ود العيلفون]

بصراحه المسالة ازليه ومستحدثة في آن واحد

بس الزمن دا حتى الرجل المغترب عندو نظره في البنت اذا كانت مغتربة او موجوده في السودان

لان الزمن بقى صعب والمشاكل كثيرة نسال الله السلامة


انا داير اقرا

[البرنس السودانى]

والله يا اخوانا الناس ما عارفة المغتربين قاعدين وعايشين كيف . لو فى واحدة وجدت ليها واحد ود ناس وشغال باليوم وداير السترة احسن ليها تجيب ليها شافع شافعين تحسن التربية فيهم واحسن ليها من المغترب .

[بشارابى]

بناتى الاعزاء ابنائى الكرام
اقول لكم وبكل صراحه لاتنظروا لمقترب او صاحب مال بالسودان
هذه ليست السعاده وانما السعاده فى التفاهم والحب والاخلاص
واما الامور الماديه الدنيويه اتركوها لله
لقول الرسول (صلى الله عليه وسلم )خذوهم فقراء يغنيكم الله
واحلى مافى الحياه ان يكونوا العروسين حياتهم مع بعض بالجد والاجتهاد
ليكونو بيتا سعيدا دائما

[ابواياد]

[moveo=up]السلام عليكم اخواني انا عن تجربة بالزواج من مغتربة دي احسن حاجة لانو الاستقرار شي مهم بانسبة للاولاد والشباب خصوصا لان الاغتراب صعب شديد وانا والحمد لله الان مستقر والحمد لله وشفته اولادي قدامي بس المشكلة تكمن في ان المغتربة مابتحب تلرجع السودان بالساهل بتكون عاوزه تعيش في البلد المقيمة فيه دائما والرجل بيحب يمشي السودان كتير هي بتحب تنزل اجازة شهرين او ثلاثة شهور وبعدين ترجع للبلد المقيمة فيه وفي النهاية الماة تمشي محل ماراجلها يمشي[/moveo]

[شيرو]

انتي قاعده وين الموضة الزمن يعرسو اخو المغترب عشان اخوه برسله ليه الفلوس يصرف على البيت او يبني ليه وبعدين يعمل نايم بالفلوس يقول ليه الفلوس الرسلتها مابتكفي ويبدا يسرد فى الاسباب وانتو عارفنها طبعا . وعموما والاغتراب انتهى اوع تدقسوا:D
وفعلا الايام دي فى موضة العروس المقيمة لانه لاستقدام بقى غااااااااااااااااااااااااالي .
:

اااااااااي نفس الكلام
حصلت قداااااااام عيني
وتقبلي مروري

[محمد نعيم]

مطلوب عريس مغترب ده حال البنات في الزمن ده ......

دا كان زمااان يا مهندسه

[the magic]

ما ينفع خطوبة ؟

[ريناد]

والله اغتراب شنو ؟وخرابيط شنو؟المغترب ده كان زماااااااان لكن اهم من كل حاجه الاخلاق والتفاهم القروش ماكل حاجه لانو الراحه راحة البال ماراحة المال والله يوفق الجميع

[الفرح المهاجر]

انتو يالمغتربين تسلموا يسلمو الطيبن
وهكذا يمدح المغترب
يامغترب او تاجر غرب
وهذة كلها عبارات خالية من الحقيقة
والله المغترب دى يشقى شقاوة عشان يلم الفلوس
والله الاغتراب كلا فارغ وضياع زمن
وبعاد عن الوطن والاهل والحباب
اوع تتغشو يابنات عرس البساطة والله سمح

[دلع]

واللــه الزمــــن دا المغتـــرب ماعنـــدو التكتــــح ...
يعيــــش فــي الغربـــه ويرجـــع بلــدو يـــد ورى ويــد قــــدام ..!!