اخبار الهلال ( اخبار , شمارات , مناكفات , صور , كل شئ عن الهلال )

[acba77]

الليلة ياالمريخاب تجروا وين
شداد ما بنفعكم الليلة


انت ما واثق من نفسك مرة ما العب الا بعد تنفيذ القرار رقم 8 ومرة عايز العب ماعندك راي وما عندك كلمة ومريخ شنو اللي بتسال عنو يجري وين لمن الضباح ايداهور................ انتو جريتو وين لعلمك الضباح مشي الامارات اتعلم السلخ وجاء واقول لك بصريح العبارة احذر علاء الزهرة وبعدين شداد علاقة شنو انت ناسي انو شداد هلالابي لعب للهلال ووصل بي الهلال نهائي افريقيا87 وهو بالجهاز الفني للهلال بي لعيبة وطنيين دون محترفين ويظهر عليك انك شجعت الهلال وانت كبير لوكان شداد بينفع المريخ ما كان عاكس المريخ في قضية شيكوزي دا نموذج بسيط

[الرايح]

مريخنا البطل يهزم الهلال في القلعة الحمراء بهدف في الوقت القاتل
للمبدع هيثم طمبل.
الي الأمام دوما.

[ahmed1994]

للمبدع هيثم طمبل

الحـــــــــــــــــــــــــــــــظ كان في صالح المريخ اليوم

[الرايح]

حظ شنو يا أحمد ؟
يا راجل ما تخاف ربك يا خي انتو الوزير ذاتو معاكم.
شيلو شيلتكم..
انتو كنتو بتلعبو معانا في الرد كاسل عارف يعني شنو
الرد كاسل؟

[هتان]

قدم الكيشه و حصلو
و الغريق راجيكم قدام ,,,,,,,,

[احسان]

[grade="00BFFF 4169E1 0000FF"]نحنا روحنا رياضية جدا

يوم ليك ويوم عليك

الف مبروك ليكم يا المريخاب

بس نحنا ما بنسكت

وحنرجعها ليكم لو ما اليوم بكرى [/grade]

[الرايح]

الإعتراف بالهزيمة النكراء فضيلة
شكرا لك يا احسان.

[ابن الخطاب]

هاردلك لكل عشاق الموج الأزرق ومعليش 3 نقاط ما فرقت بكرة بنغلبهم

مبروك للمريخ (ما من القلب)

لكن ما تنسو إنو الدوري طويل والمرة الجاية حنعمل فيكم عملية الصفاقسي ما عملها فيكم

وعلى قول هتان: قدم الكيشة ألحقو

[ودالريف]

الليلة ياالمريخاب تجروا وين
شداد ما بنفعكم الليلة

الحمدلله جررررررررينا
بن الخطاب..ابن الخطاب ..طمبل كيف
هه ههه هههههههههههههههههههههههههههههههههههههه

[احسان]

الإعتراف بالهزيمة النكراء فضيلة
شكرا لك يا احسان.

الرايح هوووووووى

الهزيمة ما عيب بس تكرارها هو العيب

بس ما تخاف نحنا ح ناخد الدورى وبجدارة

الهلال سيد البلد معليش المريخ وصيف

[ودالريف]

مليوووووووون مبروك للزعيم الفوز
واخونا بن الخطاب قبيل قال شيلو شيلتكم
والحمدلله اخى الرايح شلنا شيلتنا
ههههههههههههاكم طمبل ده

[الرايح]

ينصر دينك يا ود الريف
من قبيل انت وين.. سايبني براي
وسط الرشاشات ديل؟

[acba77]

قال قدم الكيشة والحقو هو انت تاني حتلعب الا نقاط النيل ترجع
برضو طمبل ماسورة ماسورة طمبل بقت تضخ نفط

[acba77]

درس شنو ياشيخ قلت ليك انت ما واثق من نفسك وما عندك راي افكارك مشتته وقلت ليك احزر من علاء الزهرة بعد ان ارهق جدو ريتشارد وعمو هدايا طمبل نزل لقي الرواكيب طلعوا برا الشبكة من الارهاق وبكل سهولة احزر هدفة الله يجازيك يا الزهرة حا تجري وين ياودعلبوب

[acba77]

هضربة طمبل

[موكب فرح]

تماما فقد اعلن مجلس الهلال الظافر باذن الله عن استعداده لاداء مباراته المعلنه مع وصييف الدوريات السودانية المريخ غدا باذنة تعالى يبدأ الهلال تأديب خصومه بداَ من الوصيف ثم بعد ذلك يتفرغ لعدو الرياضة الاول شداد فهلموا يا جماهير الازرق الدفاق لتلقين اعداء الهلال درسا لن ينسوه ولنبدأ بهمد وفريقه

شنو شنو ماسامع الهلال مغلوب شنو بكرة

كم كم 3 /صفر ياخخخخخخخخخخخخخخخخخخخخخخخخخخخخخخخخخخخي

قال الهلال قال ياخي ألعب بعييييييييييييييييييييييييييييييييييييييييييييييييييييييييد

وان لناظره لقريييييييييييييييييييييييب وبمره نشووووووووووف والعالم تشوف . لكن مانشوفكم هنا

ال مر يخ الع ظي م

بتجرووووووا وييييييييييييييين

[acba77]

طمبل يوقع للمريخ
في الدقيقه 90 يحرز هيثم طمبل هدف المباره الوحيد ليفوز المريخ ويتصدر الدوره الاولي من الممتاز. كان المريخ قد مارس ضغط متواصل في الدقائق الاخيره من المباره حتي جاء الهدف الاحمر
اعتقد انكم وصلتوا للاجابة اللي بدورو عليها

[silent killer]

المريخ هو الافضل .
وكان فعلا يستحق الفوز.

[acba77]

بهدف في الوقت القاتل لهيثم طمبل استطاع فريق المريخ ان يحقق فوزا غاليا على الهلال بهدف دون مقابل في قمة الكرة السودانية في المباراة التي اقيمت مساء يوم الخميس في ختام الدورة الاولى من بطولة الدوري السوداني الممتاز باستاد المريخ بام درمان.

المباراة لعبت وسط اجواء متوترة بسبب الاحداث الاخيرة التي صاحبت الكرة السودانية من ايقاف للدوري واعادته وتهديد الفيفا بتجميد نشاط السودان خارجيا الا ان المباراة لم تتأثر بهذه المشاكل وظهرت بشكل جيد .

الهلال حاول منذ البداية ان يسيطر على مجريات الامور وضاعت له كرة خطيرة من سيف مساوي الذي لعب كرة برأسه لكن الحارس اكرم الهادي استطاع ان يمسك بها بصعوبة , وبعد مرور 10 دقائق بسط المريخ سيطرته على مجريات اللعب وشكل خطورة كبيرة على مرمى الهلال واضاع عدة فرص ابرزها كانت للنيجيري ايداهور الذي وجد نفسه امام المرمى الا انه سدد الكرة في الحارس المعز .

المريخ كان الافضل في هذا الشوط للتحركات المزعجة للعراقي علاء عبد الزهرة والنيجيري ايداهور ومن خلفهم فيصل العجب وبدر الدين قلق وفي المقابل لم يظهر ابرز لاعبي الهلال بشكل جيد خصوصا كليتشي وهيثم مصطفي ويوسف محمد .

في الشوط الثاني كاد الهلال في بدايته ان يسجل الهدف الاول عندما ابعد مدافع المريخ موسى الزومة كرة من خط المرمى وهي في طريقها للشباك بعد ان اصطدمت بالقائم , ليعود المريخ ويسيطر مجددا على مجريات الشوط الثاني وشكل حصار على منطقة الهلال واضاع عدة فرص من علاء عبد الزهرة وابداهور ومجاهد الذي وجد فرصة امام مرمى الهلال وسدد الكرة ابعدها المعز .

في الدقيقة 80 اجرى مدرب المريخ تبديلا بخروج علاء عبد الزهرة ودخول هيثم طمبل وكان طمبل عند حسن ظن مدربه اذ سجل الهدف الوحيد في المباراة والهدف القاتل في الدقيقة الاخيرة عندما استلم كرة داخل منطقة الجزاء واستدار نحو المرمى ولعب كرة ارضية اصطدمت بالقائم وتدخل الشباك كهدف مريخي غالي جدا ومستحق انتهت عليه المباراة ليتصدر المريخ بطولة الدوري برصيد 30 نقطة مقابل 27 للهلال .

[محمد نعيم]

قلت ايه شداد هزم الهلال كم؟