حـــــــــــول العالم مع (أنا ســـوداني)..!!

[عجوز حلوة]

الصـ ــراحه روووووو وووووعـه وعملتو مجهود جميل جداااااااا
ويسلم ايديك يا سنت وسبانش:D
عندي سؤال ممكن اشارك في البوست الحلو دا واتكلم عن الامـارات؟ ؟

[sentimental]

عجوووز حلوة


تسلمي ياعسل وبشكرك علي المرور والتعليق الحلو

وطبعاا ممكن تشااركي .. بس نخلص بنتفق

سواا وشااكرين مشااركتك معاناا واكيد حااابين نعرف عن
الامااراات وحاابين نعرف انتو عاايشين كيف هنااك:079:

تحياتي

سنت

[spanisheyes]

صور متفرقة من( بنغازي )


شارع عمر المختار




شارع جمال عبدالناصر






شارع الفويهات





شارع دبي






جزيرة النهر الصناعي العظيم











كبري (جسر) جليانة





المدينة الرياضية

عمل فيها حفلة الفنان الكبير محمد وردي الكلام دا كان زمان في بداية التسعينات



منظر عام للمدينة

[احسان]

يا سلام على بنغازى
قصتي معها قصة تانية
بالجد قضيت فيها احلى شهور في حياتي
كنتا مشيت ادرس هناك في معهد مختبرات واتعرفتا علي بنات عسسل شديد
وبتمني اجتمع بيهم تاني وكانو فعلا مثالا للاخوات والصديقات السودانية والله لو حكيت عنهم شنو
ما بيكفي كنتا بطلع من البيت من شارع عمر المختار وبمر على شارع جمال عشان اطلع مع زميلتي ومن

دى باية المشوار للمعهد

هناك بنمشي المعهد في الفويهات وبنتلاقة مع شلتنا في المعهد وكنا تلاتة سودانيات وخمس ليبيات احلى
مجموعة عرفتها هناك وكنا عاملين شلة المعهد كلو بيتكلم عنها وكانت من بين صديقاتي صديقة بعزها شديد وهي ( نوسة ) لو طلبتا عيونها بتديني وهسي سودانية الاصل يا جماعة لو حكيت اي حاجة عنها ما بقدر اوصفها طيبة واخلاق وحنية وكل حاجة فيها
طبعا بعد ما نطلع من المعهد بنركب حافلة واحدة الشلة كلها وبنمر بيت بيت ونوصل بعض
نطلع من المعهد نمشي علىحي الفاتح وبعدين نمشي على شارع عشرين وبعدين سيدي حسين ومنها بنجي شارع جمال وبعدين بيوصلونى انا لى شارع عمر ابن العاص





طبعا المكان دا بيذكرني بي عيد المولد النبوي الشريف
يوم المولد مشينا كلنا ناس البيت الانا معاهم وكانت لحظات حلوة شديد
ويوم لا يمكن اوصفو ليكم وكان في عوائل سودانية كتيرة هناك واتعرفو بينا
لو قعدتا احكي ليكم من اليوم لى بكرى ما حقدر اخلص قصتي مع بنغازى

[sentimental]

الجامعات في بنغازي


تحت االانشاء ..............

[sentimental]

تحت الانشاء .............

[spanisheyes]

شعبية (الجبل الاخضر )






الجبل الاخضر منطقة بتقع في الشمال الشرقي لليبيا شرق مدينة بنغازي استخدمت المنطقة دي
كمخبأ للمقاومين الليبين ايام الاحتلال الايطالي يعني ليو مكانة تاريخية
وسمي بالجبل الاخضر لانو صيف شتا اخضر صيفو معتدل وشتاو بارد طويل تلوج وامطار
من اشهر مدن الجبل الاخضر(البيضاء , درنة , المرج , القبة , بالاضافة لشحات وسوسة الاثريتنين ).


انا حتكلم ليكم عن مدينة البيضاء











عشقي عشتا فيها 4 سنين مدينة جميلة وطبيعتها ساحرة بحكم عمل والدي
عشنا في مزرعة يعني خارج المدينة انا من محبي الريف بحب المناطق الطبيعية اكتر من حياة المدن.

[فتى السقاي]

شكرا شكرا شكلرا شكرا والله عايز اضيف حاجة لكن ما حصل زرتا ليبيا لكن لمن تجو السعودية ان شاء الله تلقوني اول واحد رادي عليكم .
وشكرا تاني مرة.

[spanisheyes]

[quote]شكرا شكرا شكلرا شكرا والله عايز اضيف حاجة لكن ما حصل زرتا ليبيا لكن لمن تجو السعودية ان شاء الله تلقوني اول واحد رادي عليكم .
وشكرا تاني مرة.[/quote]


فتي السقاي شكرا علي مرورك وتعقيبك وان شاء الله
لمن نوصل السعودية حنتضيف معانا وتساعدنا خليك متابعنا

[doOody-MoOoN]

اتوقع الموضوع حق صور

انا مااعندي غير هالصور

بالرياض بروضه خريم

هع
7
7



والله ماادري من ذي رجله بس ماعليه

خخخخخخخخخخخخخخخخ

[spanisheyes]

طبعا اول ما مشينا البيضاء كان سنة 1995 انتقلنا من بنغازي للبيضاء كنا لسة صغار طبعا
جاين من مدينة وخاشين طوالي علي الريف بيقينا نستغرب من الحيوانات بتزكر كان اول مرة نشوف
فيها الماعز مشينا لامي قلنا ليها شفنا حيوانات غريبة طالعة قرون من جنب اضنينها امي بقت تضحك
فينا :D

[spanisheyes]

صور متفرقة من الجبل الاخضر

[spanisheyes]

[spanisheyes]

طبعا الجبل الاخضر دايما بيكون مقصد للرحلات المدرسية والعائلية















غابات وادي الكوف

[waya]

سنت ,, اسبانيش ,,



بوست قمة في الابداع والتصوير كالعادة والمعهودة فيكم

معكم رأيت بقعة عربية لم أكن أدري عنها كل هذه الروائع


تشكراتي

[sentimental]

مشرفنا القدير عسول

اهلا بيك عزيزي ,, وابدا بالعكس
كلماتك تزين البوست وتزيدو روعه وجماال
ونحنا رائعون ,, لانك راائع بتشوفنا كده
بشكرك لكلماتك وتشجيعك
ولانك دوما واقف معانا ,,

تسلم


مشرفنا العزيز ويا

شكرا ليك علي مرورك وكلماتك الطيبه
وده هدفنا من البوست انو نوري الناس
بعيون سودانيه عاشت واتغربت في هذه الدول
المعيشه هناك كيف لسه في كتير ما حكينا عنو
ده بس منظر البلد خليك متابعنا للنهايه.

بشكرك تاني مرة علي تشجيعك ودعمك


تحياتي
سنت

[sentimental]

مدينة البيضاء واللتي تقع في الجبل الاخضر

من اجمل المدن وانا شخصيا بحبها جدا

عشت فيها اجمل ايام حياتي ,, (طفولتي ) كانت هناك

موااقف ........

البيضاء

في الشتاء بتكون مناخها بارد جدا لدرجه لا توصف
يعني بينزل تلج ومطر شديد ,,, وطبعا كنا اطفال يعني
ونحنا الدراسه في فصل الشتاء
عشان نطلع نمشي المدرسه الصباح بالشكل :D

عارفين يعني التلج ينزل وكانو وااحد بيضرب فيك
يحجار منظر مخيف كان بالنسبه لينا وكمان البرد شديد
يعني تلبس ما تلبس تحاول تدفي ايدينك ولا كانو عملت حاجه..:D


..... الغابات طبعا طبيعة المنطقه مخضرة دايما عشان كده
يسمي الجبل الاخضر


نحنا كنا اطفال شياطين جدا
دايما في الغابه جوة انا واخواني .. وطبعا اهلنا ما بيدرو عن شي
متخيلنا بنلعب جمب البيت وكده
دخلنا يوم ,,, وكان في سلاحف المنطقه مليانه سلاحف وتلقاها بكل الاحجام
يعني في وحدات صغيرة شديد ,, المهم ماشين لقينا (بيض) صغير

من غبائنا قنا ده بيض سلاحف اخدناهو البيت معانا وختينا في حفرة كده
ودفيناهو وعملنا الازم وهيئنا ليهو بيئه دافيه,,,,

يقوم يطلع البيض بتاع ثعابين وما اي نوع كمان كوبرا :079:
طبعا اليوم داك اكلنا علقه نضيفه :D


تحياتي

[spanisheyes]

فعلا البيضاء برد فضيع

تعرفو مرات بنطلع من البيت بنلقي الباب متجمد يلا نفتحو عشان نمشي
المدرسة ولو لبيستا 5 فنايل صوف 2 شراريب وجوينتات برضو برد ياخي برد
فضيع واخليكم مع صور البرد دي









بعض المدرارس في ضواحي الجبل الاخضر لمن يكون في مطر ابو برد شديد بتعطل
خوفا علي الطلبة من البرد









طبعا دي حالتنا نحنا عشنا في مزرعة فاتخيلو حيكون الجو ابرد من كدا بكتيررر

[spanisheyes]

لمن كنا صغار كنا شليقين شلاقة بننزل الوادي يومي كل يوم تلاقينا نازلين
انا واخوي الاكبر مني ديل كنا دليل سياحي في المنطقة اي فسحة اي رحلة بنقوم
بيها نحنا حافظين الحتة حفظ في منطقة بتتسمي الحوتر بالجهة المقابلة للوادي يعني بالجهة
التانية كان بنمشي ليها دايما هي عبارة عن عين موية وجنبها شجر عنب وكرموز (تين ) وتوت
بري وعين الموية دي قالو من ايام الاحتلال الايطالي عاملين فيها حوض كبير موية بيعومو فيو
الاولاد :D

خلاص بما اننا دايما بنمشي هناك وكل ما يجينا شخص زيارة واو خالتي وصحباتها بنشيلهم هناك
مرة قلنا نسوق امي معانا نوريها الحتة دي امي طبعا جنها حاجة اسمها ثعابين والوادي اول ما تجي
شاقيو عشان تدخل فيو بيكون في شجر واحراش كتيرة من اول بداية جينا داخلين
لالا دا شنو يا عيال انتو جنيتو لالا اطلعو هسي تاني مافي مشي للوادي ادتنا محاضرة طويلة عريضة
حرمت علينا النزلة للوادي لاكن هيهات بعد يومين تاااني مشينا :079:

بصراحة ايام ما بتتعاد نهائي وادي الجبل الاخضر فيو حيوانات مفترسة ذئاب ثعالب ضباع (مرافعين)
بتذكر ابوي كان طالع بدري من البيت قبل ما نمشي المدرسة كان ماشي يشوف الحضيرة وهو ماشي في
الطريق لاقي ليو مرفعين وكان يومي نسمع من جيرانا انو جا مرفعين بالليل وقتل كم غنماية
وبعد دا كلو مافي حاجة بتمسكنا من نزول الوادي غايتو هسي لو قالو لي امشي ما بمشي

[spanisheyes]

اشهر معالم الجبل الاخضر


اثار وشحات وسوسة
اثار شحات (قورينا) واللي بيسمها السياح ( روما افريقيا )