شلة اللستك تحت النيمة

[زول سوداني]

[align=center]عطالة كتار قاعدين في اللستك تحت النيمة يعاكسو في الماشة والجاية وبي نفس القدر احتمال تكون اختو ولا امو ولا قريبتو ماشة بي شارع تاني وتلقي في الشئ
السبب شنو؟
المسئول منو؟[/align][/size]

[sunni]

زمان يا سوداني،، كان الشباب في الحلة، ومن ما تبدى الإجازة،، وإلا تلقى أعمدة الكهرباء كلها،، وجذوع الأشجار الفي الطريق كلها مليانة شباب قاعدين يتونسوا. بس الفرق بين زمان واسه،، انه بتلقى الشباب بتتفض جلستهم في ثواني لو لقوا واحد محتاج لمساعدة،،، عربية عاوزة لزة،، مرأة شايلة حاجة ثقيلة،، بل أي ست بيت،، تطلع راسها من باب بيتها،، ممكن تنادي أي واحد منهم،، وترسلوا للدكان. ونفس الجلسة يلجأ ليها الكبار لما يجوهم،،، يا شباب،، الجمعة الجاية من الصباح عندنا نظافة المقابر،،، يا شباب،، الجمعة الجاية عاوزين ننظف المسجد،، يا شباب،، بتي بكرة جايها فلان وأهله يخطبوها،، وعاوزينكم تجو تهيئوا البيت ،،،،،،،،،،، وكل الطلبات مقضية بطيب خاطر

هنا هو الفرق بين تجمعات اسه،، وزمان

[اسامه خضر محمد على]

[align=center]عطالة كتار قاعدين في اللستك تحت النيمة يعاكسو في الماشة والجاية وبي نفس القدر احتمال تكون اختو ولا امو ولا قريبتو ماشة بي شارع تاني وتلقي في الشئ
السبب شنو؟
المسئول منو؟[/align][/size]

مسئوله عدة جيهات وهنالك عدة عوامل ادت الى انتشار تلك التصرفات الغريبه عن مجتمعنا ومن اول العوامل التى ساعدت على هده الظاهره هو وجود كميه كبيره جدا جدا من الخرجين وفى جميع التخصصات دون عمل وقد اكملوا الخدمه الوطنيه واستلموا شهاداتهم وانتظروا الاغتراب او فرصة عمل دون جدوى فمثل هؤلاء ترى كيف يقضون اوقاتهم وكيف يقتلون الوقت مثل ما هم قتلوا فالنيمه هى من تحتضنهم عدم وجود مراكزثقافيه واجتماعيه فى الاحياء وان وجدت فهى لفئة معينه دون الخوض فى تفاصيل والاهم كم كل تلك العوامل الواعز الاخلاقى والبعد عن عاداتنا وتقاليدنا السودانيه والتى من اهمها صون الجار وحفظ عرضه فى وجوده وغيابه كل تلك العوامل اخى الكريم وغيرها كثير ادت الى شلة النيمه وشلة الطرقات داخل الاحياء ونتمنى ان لا ينفلت الوضع اكتر حتى يلجاء هؤلاء الى ما هو اخطر من تلك التجمعات مثل ادمان المخدرات والكحول والله يستر علينا ولك كل الود والتقدير

[ودبانت]

عدم الوظيفه السبب الاول

[زول سوداني]

عدم الوظيفه السبب الاول

يعني لو ما شغال تقوم تقعد تحت النيمة تعاكس في الماشة والجاية ولا الفهم شنو