الكرسي الساخن

[احسان]

الاسم ولو رموز
احسان أ أ ع دا بالكامل

المهنه
طالبة مع توقيف الدراسة لمدة عام بسبب زيارتي للسودان



الحاله الاجتماعيه
عازبة بشهادة غبرة 20 سنة



تاريخ انضمامك للمنتدي
7/ 3/ 2007 م





لماذا اخترتي هذا المنتدي
دا اول منتدى اعرفو في حياتي اصلا


ومين الدلاك عليه
جاتني رسائل كتيرة على الميل من منتدى انا سوداني قبل 3 سنين

مين من الاعضاء شد انتباهك ولماذا
الجيوووووووو ووايا لانهم ناس طيبين وعلى نياتهم خالص


اي الاقساام تحبي تدخلي ولماذا
الحوار العام لانى بحب النقاش كتيررررررررر

علاقتك بالاعضاء كيف؟
100% او ممتازة جدا جدا والحمد لله


اخ يا ود النعيم شنو التحقيق دا
طيب ليش اخترتني انا من دون الجمهور الععربي دا كلو
تســــــــــــــــــــــــــــــلم علي الاستظافة :079:

[احسان]

يلا احسان انت في الكرسي زي ما قال محمد , جاوبي على اسالتو و على السؤال دا مني ,
احس اكلة عندك شنو
ههههههههه
يلا جاوبي

سلطة بالبيض مع سحن بطاطس بالشطة
جواب منطقي صح ما ننسي البيتزاء كمان

[احسان]

صاحب العرش دا شنو دا
انا حسيت اني خاشة امتحان وصعب كمان بس انا قدها

1-من أحسن الكاتبين في هذا المنتدى برأيك؟
في كتار وما قادرة اميز بينهم

2-من تحبين من الاعضاء من الجنسين الذكر والانثى؟
احب الغريبة وفنونة حب غير طبيعي
الجيو زول بيعز على شديد شديد

3-من احسن فنان عربي برأيك؟
اكيد اكيد تامر حسني ما وصلك الشمار اني عاشقة تامر ولا شنو

4-من أحسن فنانة سودانية حاليا؟
لا يوجد فنانة اعترف بها بس ممكن تقول ندى القلعة

5-ما أسمك بالكامل ثلاثيا؟
احسان أ أ ع دا الرباعي كمان

6-ماهي هوايتك؟
الاطلاع على ثقافة الغير والغناء مع ان صوتى م حو شديد :D

7-من أحسن مشرف برأيك؟
والله كلهم كويسين وتمام التمام لدرجة تعجز عن اختيار الافضل فيهم

8-هل تقيمين علاقة ما مع عضو من الاعضاء او عضوة من العضوات؟؟
انا عندى علاقة صداقة مع اعضاء كثيرين في المنتدى وبعرفهم من قبل المنتدى
يعني تقدر تقول عليهم انهم اهلى اولا واخير اما عن اسمائهم فهم كتار والوقت ضيق

مفروض انت التقعد في الكرسي يا صاحب العرش
لان الكرسي عايز صاحب عرش جامد كدا ويجاوب عى الاسالة دى
تسلــــــــــــــــــــــــــــــــــــــــــــــــــــــــــــم يا راااااااااااائع

[احسان]

قول ليهم يا ايتو خليهم يحنو على شوية

انا عندي سؤالين خفيفات (تحلية يعني )

1- مين اكتر عصو بتعزيهو في المنتدى؟؟
يا سلام عليك بالجد بعز الغريبة كتير وكمان فنووووونة


2- بتقضي يومك كيف غير النت ؟؟
كلو من السرير لى المطبخ للتلفزيون بس مافي حاجة جديدة في الموضوع بحس بالملل

ايتويا رائع تسلم عى الاسالة ومستحيل ازعل منك

[احسان]

سؤالين بس

س1)اكتر نوع شوكولاتة بتحبيه؟؟؟؟


س2)وزنك كم؟؟؟؟

يا سلام عليك انا بموت في شي اسمو شكلاته
لدجة باكلها بشراهة بدون ما اعرف اسمها
بحب الشكلاته بالحليب وبدون مكسرات وتكون كدا لذيذة وما فيها دهون كتيرة
يعني زى شكلاته كندر كدا

تسلميلي يا عسسسسسسسسسسسل على السوال الحلو دا بالشكولاتة مافي سادة

[احسان]

سؤالين لست احساااااان ست الحسان
_ اسعد يوم في حياتك ؟

_ امنيه تتمني تحقيقا ؟

هلا بيك يا الحمرى وبسؤالك اللطيف
اسعد يوم في حياتي ما متذكرة يوم سعيد كدا
لان كل ايامى زى بعض ومتشابهة شديد اكتر مما تتصور

امنية بتمني احققها اني امشي فنزويلا مع اخوى الكبير

[احسان]

[grade="00BFFF 4169E1 0000FF"]يلا يا حوين انا كدا عداني العيب
ويلا جيبو ليكم زول تاني بدلى عشان يشوف العين الحمرة كيف

لا ما تخافو الموضوع هين شديد بس كون صريح مع نفسك [/grade]

[محمد نعيم]

الاخت الغاليه احسان والله ما قصرتي لكن لسا البقيه ما سالوك حتكوني في الكرسي الساخن لمدة كم يوم كادا
يلا يا شبااااب وين باقي الاسئله؟

[محمد نعيم]

وين ياناس الاسئله المسخنه انتوا احسان دي ما بتعرفوها ولا شنو
يكفيها انها مشرفه قدر الدنيا وانسانه حبوبه وراقيه

[انا كوول]

عايزة اقعد في الكرسي ده ...قوموا

[محمد نعيم]

عايزة اقعد في الكرسي ده ...قوموا

اقيفي في الصف اكيد حيجي يوم تقعدي هنا

[محمد نعيم]

يلا يا شبااااب اليوم عايزين نقفل الباب علي الكرسي الساخن للزميله احسااان
وين اسئلتكم
منتظركم

[مغترب قطر]

انا عاوز اقعد في الكرسي يلا بسرعة

[صعبة المنال]

محمد نعيم حابة اقترح عليك اقتراح لانو ناس كتار الدايرين يقعدوا في الكرسي ممكن بعد ماتختار الزول الهايقعد في الكرسي بعد مايخلص يختار عضو يقعد محلو ولا رايك شنو؟!

ويسلموو

تحياتي

صعبة المنال

[محمد نعيم]

اليوم يسعدني ويشرفني ان استضيف العضو الجديد( القديم)
مغترب قطر اتمني من جميع الاعضاء تجهيز كم سؤال مولع ولكن بعد اسئلتي

اولا هل يا مغترب موافق علي الجلوس في الكرسي

[محمد نعيم]

لكن تجاوب بكل صراحه
الاسم كاملا
مكان الميلاد
تاريخ الميلاد
المراحل الدراسيه
ووين مستقر الان

وليه غيرت اسمك في المنتدي

وماهو اسمك الاول في المنتدي

[مغترب قطر]

ده شنو يا عمنا حسيت اني خاشي امتحان عديل كده
1- اسمي الجيلي ع.ب
2-عديد ابوعشر
3-22/4/1990
4-الابتدائية حاليا في الثانوية
5-دولة قطر
6-لأنو المشرف الرائع السني قالي مافي صاحب عرش إلا الله سبحانه وتعالى وفعلا غيرت اسمي
7-لا لدي اسم اول
تسلم يا اخ محمد نعيم

[basr]

س \ هل تخاطبت في الماسنجر مع أحد الأعضاء ,,,,, من هم ؟

[فتى السقاي]

هووووي يا جماعة انا عايز اقعد في الكرسي دا في حجز ولا كيف ؟؟؟؟
اها جاوبوني؟

[مغترب قطر]

سوداني اصيل ومحمد نعيم وانت هع هع هع