فى معية البحار ياسر

[حافظ عوض الله محمد]

فى معية البحار ياسر
ازدان مكتبى بمقدمه الميمون


ابراهيم جيب لينا عصير الواحة اولا
وبعد داك نشرب القهوة

وبعد داك بعد ما ياسر ينتهى من تلفونو نتوونس معاهو

[waya]

ههههههههههه ,,

تلفونو ده أسألني منو ,,

ياخي التقول شغال بيهو عمرة في وكالات السوق العربي

ترن ترن ترن

[دلع]

بلاهــي الزول دا لســـا عايــــش ..
اديهــو مننــا سلااام كبيييـــر :D

[حافظ عوض الله محمد]

وايا
دلع شكرا لمروركم الكريم باقى التنقشات قريبا


انتو الجاى الليلة منو

يايوم بكرة ماتسرع تخفف لى نار وجدى


اشوف الغالى لو فى الطيف يزورنى

[M.Hadad]

سجمنا الجاييكم منو؟؟

اوع تكونو حتشربو كابتشينو من ايدينو؟؟

اخخخ انا من المنطقه ما بين شارع الستين وعبيد ختم

[حافظ عوض الله محمد]

التمبر ياغالى
وينك واخبارك
طولنا من مسكولاتك


ان شاء الله امبارح اتمكنتو من استقبال ود الدرديرى

كنت فى انتظار تلفون من بطوطة

لكن شكلو كده تلفونو مشغول طوالى

اليومين ديل مركب مكنة لواء عديل كدة الزول دا فى شارع الفيهو العنبة رامية جنب بيتنا

[sunni]

يا حافظ ضهبت ناس كتيرة،، ما تقول (مشرفنا إبن بطوطة)،، ياسر دي ما كل الناس بتعرفها.

وزي ما بقول لي ياسر حمدا لله على السلامة،، بقول ليه والله قوي يا ياسر الجت لينا حافظ المنتدى تاني. كدي بي أمانة كدة،، جاي براك،، ولا التنقشة حرقتك وما قدرت تمسكها.

إبن بطوطة ده يا حافظ زول ضهب،، وجاييكم عينو ما شافت غير الموية والسما لمدة 9 شهور،،، أبقوا عشرة وخلوكم وراه،، الضهب كاتلو وفي العشش بتلفت

[حافظ عوض الله محمد]

بقول ليه والله قوي يا ياسر الجبت لينا حافظ المنتدى تاني. كدي بي أمانة كدة،، جاي براك،، ولا التنقشة حرقتك وما قدرت تمسكها.

من ناحية التنقشة حرقتنى مافى شك والتنقشات قادمة بس انتو امسكو الخشب


اما من ناحية جيت تانى المنتدى انا اصلا المنتدى مافارقتو اى نعم مشاركاتى قلت لارتبطاطات عمليه
لكن المنتدى يجرى فى عروقى .




تنقشة
جيران ناس الحفلة ديل منو يابطوطة

[صلاح يحيى سليمان]

ياسر رجع البحر
معناها ياسر رجع
المنتدى




الف مرحب بيك
وان شاء الله كانت اجازة
جميلة

[حافظ عوض الله محمد]

ياسر رجع البحر

معناها ياسر رجع
المنتدى

عمنا صلاح مشرفنا العام حبيبنا ياسر لسه قاعد معانا ولسة مانزل البحر بس اليومين ديل حوامة ساى فى شارع السلام الطائف ، لا مامع ناس حمودى والناس التانيين مع ناس تانى لسة مابنعرفهم لواءات وحاجات كده .
لو طلع من الطائف بمشى بحرى جوار نادى المكتبة القبطيه
لو مشى ام درمان بمشى المهندسين جوار منزل الكابتن زميلهم فى البحر


فى اللحظة دى تلفونو مشغول احتمال كبير بتكلم مع ود الحداد عشان يلاقو ود الدرديرى
دا طبعا احتمال والاحتمال التانى برضو وارد
المحيرنى هدية ياسر لسودانية نار كانت شنو شفتها فى الشنطة وماعرفتها .

نقطة سطر جديد
الو

بتمنى ليك عزيزنا ابن بطوطة اجازة سعيدة وسط الاهل و .............. والاحباب

[sunni]

ياسر رجع البحر

معناها ياسر رجع
المنتدى




الف مرحب بيك
وان شاء الله كانت اجازة
جميلة

هو يا صلاح من ناحية (ياسر في البحر) فهو في البحر،،، ومن ناحية الرطوبة،،، مرطططب،، لكن ما راكب ليه في سفينة

[حافظ عوض الله محمد]

واخيرا قابلت ود الدرديرى

على وزن واخيرا قابلت استيل اى نيد يو وجها لوجه


لم نتجاذب اطراف الحديث حتى الان

حاولت الاتصال بود الحداد وكذلك الاخ ود ازهرى


الاخ حزن السنين غير موجود

كذلك الاخ صهيب

علما بان اللقاء فى الشهداء

اكتب كلماتى
واحمل مقعدى متجها نحوه

مليون مرحبا به بين اهله واصدقائه مراقبنا العام








تنقشة
غايتو اقول شنو تستاهل ليها ...

[حافظ عوض الله محمد]

مازال البحث جاريا عن العزيز ياسر بعد اختفائه فى ظروف غامضة
مراسلنا من كوبر ذكر انه يتحاوم فى المنطقة من العمارات الى كوبر








ود الدرديرى
كان لقاءا خاطفا ، سعدت به كثيرا اتمنى ان تصل بالسلامة






تخريمة
جنس نشاف ، بطوطة ، الجيو ، سارونا ، المشرف العام ، المراقب العام
غايتو يالسنى
التورته الرسلتها زمان مابتحلك منتظرينك وتعال شائل تقيل





سارونا
وردة المنتدى ،
النشاف فى الهدايا
لكن رؤيتك كانت اكبر هديه

فرفور يردد انا شفت الملاك
اختى الغاليه اتمنى ان ترفلى فى بحور من السعادة
اريتك والمعاك كلكم طيبين

[spanisheyes]

ابن بطـــــــــــــوطة



سلمو لينا عليو

[حافظ عوض الله محمد]

المحيرنى فى بطوطة دا بشكلو الشين دا
ناس ليبيا وناس الطائف وناس كوبر وناس المكتبة القبطية وناس ناسيانا وناسية الريدة

[فجر]

حسه يا حافظ انا قلت حاجى القى بان بطوطه بجاى
هو وين ومختفى وين ياريت تجيب لينا شماروووو وسرررريع:D

[حافظ عوض الله محمد]

فجر
بطوطة اتحاوم ونشلو تلفونو

لكن الاكيد منو انو يكون نساهو فى مكان ما جوار شارع الستين


نلتقى غدا انا والرائع بطوطة فى ربوع الشهداء
حيث نحتسى الشاى الكارب وفول صهيب المافيهو جبنه



بالمناسبه
دى بمثابه دعوه لجميع رواد انا سودانى المتواجدين بالداخل
اللقاء فى تمام الساعة الثامنة والنصف مساءا لوداع القبطان ياسر

[فجر]

حافظ انت متاكد ان جوالوا اتسرق والا قفلوا منكم مخسوس:D
عموما ماتنسوا تاكلوا وتاكلو لينا معاكم فول صهيب
وفى انتظار ابن بطوطه عشان ناخد باقى الشماراااااات

[حافظ عوض الله محمد]

عاينى يابتنا منو دا البقفل جوالو مننا
ليهو يومين عاوز يبقى صاحبى وان عارف قصدو شنو ومابسوقو معاى كان كسر رقبتو
نمرة اتنين ماتسمعى حلاة لسان وشناة خلقة غايتو مراقبنا العام احلى منو
النصيحة ليك يا الله الجيو لو ختا الكعوجة وقلع النظارة مافى زول بلحقو

[حموودى]

عاينى يابتنا منو دا البقفل جوالو مننا
ليهو يومين عاوز يبقى صاحبى وان عارف قصدو شنو ومابسوقو معاى كان كسر رقبتو
نمرة اتنين ماتسمعى حلاة لسان وشناة خلقة غايتو مراقبنا العام احلى منو
النصيحة ليك يا الله الجيو لو ختا الكعوجة وقلع النظارة مافى زول بلحقو

كاااااااااااااك شديد





لكن ياحافظ


اتلوووووومته ياود امي



الجيو لو قلع النضاره وشو ده
يقبل بيو وين؟



جبهتو براها تعمل ليهم 500 ميقا بايت




.