شباب الدوحة والحبش والقهاوى الحبشية

[ودالشيخ]

ظاهرة الشباب المقيمين فى قطر بلا استحيا وانا شاب اللة
ابتلاهم بشى اسمو القهاوى الحبشيه وصحبت الاحباش وخميسك
لوتبيع قميصك @ مجموعات من الشباب متجمهرين امام القهاوى
والشى القريب على عاداتنا وتقاليدنا السودانية تلقى سودانى بالذى
السودانى جلابية وعمة ماشى فى الكرنيش مع حبشيه فاكة شعرها
ولابسه قصير وضيق شنوالبشوفهم اقول عن السودانين
لاحوله ولاقوة

[اسامه خضر محمد على]

ظاهرة الشباب المقيمين فى قطر بلا استحيا وانا شاب اللة
ابتلاهم بشى اسمو القهاوى الحبشيه وصحبت الاحباش وخميسك
لوتبيع قميصك @ مجموعات من الشباب متجمهرين امام القهاوى
والشى القريب على عاداتنا وتقاليدنا السودانية تلقى سودانى بالذى
السودانى جلابية وعمة ماشى فى الكرنيش مع حبشيه فاكة شعرها
ولابسه قصير وضيق شنوالبشوفهم اقول عن السودانين
لاحوله ولاقوة

اولا احييك ود الشيخ واحب ان اوضح لك بعض الحقا ئق والتى قد تكون غائبه عنك او لا تدرى بها وهى تجمهر السودانيين امام المقاهى الحبشيه اذا قصد القهاوى الفى الريان يجتمع فيها ابناء شرقنا الحبيب (ناس كسلا وبورتسودان) وتسعين فى الميه منهم كبار فى السن يتلموا ويشوفوا بعض ويعرفةا اخبار بعض ومعظمهم يأتوا من الشحانيه ومن مناطق اخرى والقصد من لمتهم مش الحبشيات بس التواصل مع بعض ... اما الفى الكورنيش يمكن تكون فى بعض الحالات الشاذة والنادره والتى لا ترتقى لدرجة وصمة السودانيين بالعار وحتى لانظلم الحبشيات هنالك سودانيات احسن منهن الحبش من نا حية اللبس والباقى انت عارفو وانا عارفو وكل المقيمين فى قطر يعرفونه وامشى البدع يوم الخميس وانت تشوف البدع واكيد حتردد قول الشاعر \\\ نعيب زماننا والعيب فينا \\ ومالزماننا عيب سوانا \\ ارجو ان لا يأخذ كلامى هذا دفاعا عن الحبشيات ولكن حقائق ودت لها ان تظهر ولك كل الود والتقدير

[مازن توفيق امام]

يا اخوان ناس الدوحة
نعمل شنو عاملوا مركز سودانى ثقافى ما فيه اى حاجة نمشى الكورنيش حار نمشى الستى الناس كثير نمشى وين .
مقيم فى الدوحة
الدفنه .مجمع الدفنه

[رجويه]

[[اخ مازن مافي مكان الاالقهاوي الحبشية شباب اخر زمن والله يكون في العون [/]بقترح عليك ان نعمل [/]القهاوي السودانية بترض يامازن[/

[ود شحات]

الله يكون في العون بس

وبيني وبينك السودانين اتغيروا (انفتحوا بطريقة مبااالغة)

والله الواحد شاف حاجات الله يستر علينا بس ومش الشباب والبنات كمان

وتسلم عزيزي على الموضوع

[بت الدوحه]

صراااحه انا برضو شايفه اقبال السودانيين على الحبشياات خصوصا الايااام دي
حتى في الكورنيش وبالزات ايام الخميس والجمعه
وحكاياات القهاوي دي بقت منشره شديد
وانا معاااك يا اساامه انو الناس بيجوا من بعيد عشاان يشوفو بعض لكن ماكلهم
وزي ما بيقولو (الشر يعم والخير يوخص)

[الغريبة]

للاسف الظاهر ...لدرجة تخلع....
وبى طريقة غرييييييييبة ..معقول فى ناس بالمستوى دا...


عليه العوض ومنه العوض...


لك تحياتى ...

[صائغ الحروف]

الله يهدى
كل ضال
واالله المستعان
شكرا على الطرح

[اسامه خضر محمد على]

يا اخوان ناس الدوحة
نعمل شنو عاملوا مركز سودانى ثقافى ما فيه اى حاجة نمشى الكورنيش حار نمشى الستى الناس كثير نمشى وين .
مقيم فى الدوحة
الدفنه .مجمع الدفنه

الاخ مازن بعد التحيه\\ يا اخوى ورينا المركز الثقافى دا وين فى الدوحه \\ مايكون مركز اصدقاء البيئه لانو ما تبعنا نحن نتمنى مركز ثقافى سودانى بحق وحقيقه ولك كل الود والتقدير

[السامر]

[indent]

[highlight]ود الشيخ

مشكور ع الطرح ونقول الله يهديهم ويحفظ المتبقي منهم

لك التحية[/highlight]

[/indent]

[محمد نعيم]

الله يهدي الجميع


ولكن مهما كانت الظروف لابد من الحفاظ علي سودانيتنا

[رجويه]

انا معك ياخ اسامه الدوحة دي مافي اي مركز ثقافي اواي حاجة الله يكون في عون المغتربين

[abumazaa]

الله يرد غربتنا ويعافينا ويحفظنا ويسترنا آمين

[king cairo]

على فكرة الملابس ما بتحدد مدى احترام البنات المهم من جواهم فى شنو؟

[دلع]

ودالشيخ


~

بالجــد دي بقــت حاااجه تكســـف ..
حســي ممكـــن تلقــى رب بيـت يتخلــى عــن مرتوو وعيالــو عشااان وحــده حبشيــه ..
ومافــي حاااجــه بتنقــال غيــر ربــك يستــر الحااااال ..
واللــه يهــدي ..

~






دلــع

[هديل الروح]

[[والله فعلاً ياشباب عندنا هنا فى الدوحة بقت منتشرة قصت صحبة السودانين للحبشياااات
والساعة اللي يقولوا ليك ماشي اشرب قهوة حبشية
عليكم النبي دى حالة شنووووو دي
وفعلاً الله يستر الحال[

[عصافير الخريف]

مشكور اخي ود الشيخ علي هذا الموضوع الهام جدا بس مش كل الشباب في بعض الشباب الذين ابتلاهم الله من قبل ان ياتي الي الدوحة سو في الخرطوم اوفي شرق السودان
واحب ان اوضح لك بعض الحقا ئق والتى قد تكون غائبه عنك او لا تدرى بها وهى تجمهر السودانيين امام المقاهى الحبشيه مش بس سودانين فيهم ارترين واثبيون اذاكان قصدك القهاوى الفى الريان يجتمع فيها ابناء الشرق وابناء الشمال واشكرك علي هذا الموضوع حقيقي هام جدا مشكوررررررررررررر[/align]

[ابراهيم محمد]

اخي الكريم نشكرك علي هذا الطرح المتواضع ، ومع إحترامي لك وكل المجتمع السوداني الكريم حقيقة من الممكن ان يحترم الانسان نفسه لكن من الصعب أن يجبر الآخرين علي احترامه ، المجتمع السوداني له عادات حميدة والكل يشكرنا علي هذا بس مع الاحترام انت عندك سوانيات اسكت بس ليس فقط في قطر بل كل دول الخليج وهذا ليس دفاع مني للأثيوبيات أو الاثيويين علي العموم بس انا ما بحب اظلم مجتمع بحاله دولة اثيوبيا ذات سيادة وكثير جداً محترمين فعندما تري 5% من اي مجتمع كعب لا تحكم علي المجتمع أنه كعب وكما قيل أن لكل مجتمع شواذ فكل أنسان حر في التصرف بعد أن وصل إلي النضوج الفكري فله أن يتصرف إذا لم يستحي من المجتمع ، هذا شيئ والاخر أن الاثيوبيات كثير منهم مسيحي والعادات المسيحية كما تعلون ليست كالمسلمين عندك في جنوبنا الحبيب العادات ليس كما في الشمال صحيح ، فاخيراً أقول هنالك سودانيات احسن الاثيوبيات بس نحن بنرمي اللوم علي الاثيوبيات أنا افضل أقول الاثيوبيات من الحبشيات ، وعلي فكرة رصولنا صلوات الله عليه عندما اشتد عليه الامر من المشركين أمر اصحابه أن يهاجروا إلي بلاد الحبشة لأن بها لعدل النجاشي وعدم ظلمه ، والمجاعة التي ضربت أثيوبيا منذ القدم تركت أثر كبير في تغيير عادات المجتمع من سلب ونهب وعادات غير حميدة لكن إذا بتتحدث عن إننا ليس مثيل لنا هذا كان ذمان لكن عايز تعرف خلي يكون عندك عربية وتعال ماري يشوارع الخرطوم وشوف كم واحدة جارة الشارع وفيهن من تقول شجارين الشارع عديل كدة بصريح العبارة هل كل ديل اثيوبيات قول لي، حتي لا نظلم أي شخص أحسن الصمت وأحياناً الصمت أبلغ من الكلام ،
والمعزرة والسلام

[عاشقة النيل]

فعلا كانت ظاهرة منتشرة بس الحمد لله سمو الشيخ حمد بن خليفة ال ثاني - حفظة الله .
حاول يخفف من الظاهرة دي ..فنزل قرار بمنع دخول الحبشيات من خارج الدولة يعني الموجودين في قطر بس يتمو فيها لو دايرين ..
وغير كده بما انو الوالد بيشتغل في النيابة العامة دايما بسمعو بيتكلم عن مصايب الحبشيات هنا في الدوحة فمن اليوم داك انا كرهت حاجة اسمها حبشيات ...
شكرا عالموضوع

[سوداني2010]

مشكور اخي ود الشيخ لطرح الموضوع للسودانيين عادات وتقاليد لا بد ان نحترمها سوي داخل السودان او خارجها واولئك الذين تحدثت عنهم ليس سوي عاطلين عن العمل وماعندهم شغله لانهم لو شغالين مابلقو وقت ياخدو نفسهم زي ماعارف انوالبلد دي اغلب الدوام للشغل 8ساعات علي فترتين صباح ومساء يعني ماممكن انا اجي الساعه 9 من الشغل وافتش لي محل قهوه ولاحتي بالظهر لانك بس بتنوم ساعتين وتاني ترجع الدوام والمعروف عن الدوحه انها بتختلف عن باقي الدول العربيه ودي الحاجه البتميزها في انها ليها قوانين صارمه يعني ماحصل لقيت يوم سوداني خاتي ايدو في كتف البنت وبتونس علي الكورنيش معاها لانو لو دا حصل بفنشو لانو في أمن مشدد علي الكلام دا ومسأله القهاوي دي من الحاجات النادره اتمني كلامي يكون وصلك....
ولك مني كل الود.......

تحياتي