مكتبة الشاعر التجاني حاج موسى

[امدرمانية]

مشكور على جمال مشاركاتك وبصماتك المميزة
واختيارك الرائع ولك التحية اينما كنت
عمران عوض

[حافظ عوض الله محمد]

تعرض شاعرنا فى لندن الى محاوله اعتداء اثمة او محاولة (اغتيال )
ولكن الحمد لله ربنا لطف وشاعرنا فى امان الله
القصيدة التى جرت عليه المتاعب اختى امدرمانية او اخى عمران
الرجاء مدنا بنصها
وايا ود ازهرى
والجميع

[فرحة العسولا]

حمد لله على سلامه شاعرنا وكل من معه
حفظهم الله ورد غربتهم

[اسامه خضر محمد على]

[grade="00008B DC143C 008000 4B0082"] ده الجاني منك ومن تباريح الهوى
وصفو بصعب ياجميل
وبعدت عنك ولما طال بي النوى
بقى لي اسيبك مستحيل
تبقى سيرتك هي الكلام
وتبقى صورتك هي الرؤى الحلوه
البعيشا في صحوتي اوحتى في عز المنام
ويبقى اسمك هو الغنا
وهو البخفف لي عذابت الضنى
ماالشوفتو منك يامنى الروح يا انا
وصفو بصعب ياجميل
وبعدت عنك ..... ولما طال بي النوى
بقى لي اسيبك مستحيل
* * *
بشكي ليكم يامظاليم الهوى
اصلي مجروح مرتين
يمكن القى الزيي فيكم
ضاق جراح الحب ومتعذب سنين
ويمكن القى وصفه تنفع
ولا يمكن القى حاجة تخفف الجرح القديم
حاجة تشفع
***
ده الجاني منك ومن تباريح الهوى
وصفو بصعب ياجميل
وبعدت عنك ولما طال بيا النوى
بقى لى اسيبك مستحيل][/grade]

امدرمانيه انتى قمة الروعه وفنانه بمعنى الكلمه اختيار موفق لشاعر فذ ولكى وله مليون تحيه

[وكيل عريف]

كلمات: التيجاني حاج موسى
حلو العيون

كلمني حاول حس بي
عاتبني أرم اللوم علي
كلمني والكاين يكون
حيرني صمتك يا حنون
بفرق كتير وبتحسب كل يوم يمر
بفرق كتير طعم الحلو لو يبقى مر
وتمر بي من غير كلام
ولا حتى بس همس السلام
لو شفتي كيف مروا الليالي
حال المساكين الحيارى
كأنوا حالي
بذكرك أنا والشواطي مع العصاري
همسك وصمتك والنسيم ساري في خيالي
بذكرك أنا والهواجس والظنون
كلمني حاول حس بي
كلمني يا حلو العيون
حيرني صمتك يا حنون

[امدرمانية]

تعرض شاعرنا فى لندن الى محاوله اعتداء اثمة او محاولة (اغتيال )
ولكن الحمد لله ربنا لطف وشاعرنا فى امان الله
القصيدة التى جرت عليه المتاعب اختى امدرمانية او اخى عمران
الرجاء مدنا بنصها
وايا ود ازهرى
والجميع

هكذا هم دوما" يحاولون قتل معاني الجمال والروعة ,وربنا يديك طول العمر ياشاعرنا الجليل
مشكور حافظ لمتابعتك وعلى المرور المتفرد

[امدرمانية]

امدرمانيه انتى قمة الروعه وفنانه بمعنى الكلمه اختيار موفق لشاعر فذ ولكى وله مليون تحيه

كل معاني الروعة تتمثل في شاعرنا ولنا جمعيعا" الف مليون تحية
مرورك اسعدني

[امدرمانية]

وكيل عريف اختيار موفق ولك مني التحية

[أبو أحمد]

التجانى حاج موسى دة شاعر كلو أحاسيس
ورقة متناهية ..نثره يعتبر شعراً

[امدرمانية]

نعم هو كذلك شاعر السودان الاول

[مهند ابراهيم]

الياسمين
معزورين ، ولو عارفين حكايتى معاهو ،

تعزرونى لانو الما سقا الياسمين

ما بعرف غلاوة الند

ولا بعرف نداوة خد

ولا بعرف كلام العين .. ومعزورين

أريتكم مرة مرة شفتونى

وبينى وبينو بس خطوات

زى عابد وقف بيأدى فى صلوات ..

وزى والد همس لى جناهو بى دعوات

قولو على لو قايلين ..

معزورين ، وما عارفين

لانو الماسقا الياسمين

ما بعرف غلاوة الند

ولا بعرف نداوة خد

وما بعرف كلام العين .. معزورين

منو الفيكم بساهر الليل

يبارى سحابة لما تشيل

ويتبع نجمة ضواية مداها بعيد بعيد بلحيل

وقولو على لو قايلين

معزورين وما عارفين

لانو الما سقا الياسمين ،

ما بعرف نداوة خد

وما بعرف غلاوة الند

ولا يعرف كلام العين

حبايبنا
حبايبنا

قرايبنا .. وتخاصمونا

وخصامكم لما زاد طول

ولمن أنتو فى الأول جرحتونا

قلنا أقلو نتلاقى

تعاتبونا...

تلومونا....

وفى الأخر تصالحونا .. حبايبنا

تغلطوا انتو ونسامح

ما بنقدر نخاصمكم

ما اصلو الهوى الجامح

بينسينا الخصام كلو

ويهون ظلم الهوى وذلو

والضقناهو من مرو

لما عيونك الحلوين تصابحنا

نرجع نحن مجبورين

نسامحكم ..... حبايبنا

ولمن زاد خصامكم لينا فات حدو

والقايلنو ببقى هظار

أسفر لينا عن جدو

بحر ريدكم وانتو بعاد

يوماتى بيزيد حدو

ولما عيونك الحلوين تصابحنا

نرجع نحن مجبورين ،

نسامحكم .... حبايبنا

وقرايبنا ،

وتخاصونا

[مهند ابراهيم]

تباريح الهوى

ده الجانى منك ومن تباريح الهوى ،

وصفو بصعب يا جميل

وبعدت عنك ، ولما طال بى النوى ،

بقى لى أسيبك مستحيل ،

تبقى سيرتك هى الكلام

وتبقى صورتك هى الرؤى الحلوة البعيشها

فى صحوتى ، او حتى فى عز المنام

ويبقى اسمك هو الغنا

هو البجفف لى عذابات الضنى

ما الشفتو منك يا منى الروح يا أنا ،

وصفو بصعب يا جميل ....

وبعدت عنك .... ولما طال بى النوى

بقى لى أسيبك مستحيل

***

بشكى ليكم يا مظاليم الهوى

أصلى مجروح مرتين ،

يمكن القى الزيى فيكم

ضاق جراح الحب ومتعذب سنين

ويمكن القى وصفة تنفع ..

ولا يمكن القى حاجة تخفف الجرح القديم ..

حاجة تشفع ..

**

ده الجاني منك ومن تباريح الهوى

وصفو بصعب يا جميل

وبعدت عنك ، ولما طال بي النوى

بقى لى أسيبك مستحيل

[مهند ابراهيم]

أقول أصبر على الهجران

أقول أنســـــــــــــاك لا بدا

أشوف بس طرفك النعسان

تخوني القوة والشـــــــدة

تصبر قلبي على الهجران

يثور مــــــاضينا ويتحدى

يا قصر الشوق لو هـداك

حبيبك ومر ليك صـــــــدا

بأبنيك بغلاوة الـــــــــريدا

مــــحال أنا قصري يتهدا

أهي الأيام بــتــــتــعــــدى

ونـــرجع تاني لا بــــــــدا

وحات عمراً قضيتوا معاك

محــــال عن ريدك ارتــــدا

وراجي العين تلاقي العين

وأحضــــــــن إيدك البضة

وأهي الأيـــــــــــام بتتعدى

ونرجع تــــــــــــــاني لابدا

باب الريده وإنســـــــــــــدا

نقول ياربي إيه جّــــــــــــدا

تمر أيـــــــــــام وتــــــتعدى

ونقعــــــــد نحسب في المدة

مهما أجــــــــــــرب النسيان

ألأقي الشــــــــــــــــــوق يمتد

ما باب الريـــــــــــــدة وإنسد

[lord of murder]

قصيده حلوه شديد
ولو يغنيها جمال فرفور
حتبقى احلى
طبعا انا ما بسمع ليهو كتير بس
يعني يمكن اغنيه وحده بس وما عارفاها هي شنو يعني عرفتا صوتو بس

مشكووووووور اخي ويسلموووو على القصيده

with my love

your friend
((lord of murder))

[waya]

جـــــــــواب لــلــبــلــد
التجانى حاج موسى


ضــــل الـضـحـى الــرامـي ..‏
وشــمــس شــتـويـة دفــايـة ..‏
وريـحة الـبن ، لـما يـفوح فـي قلاية..‏
وفــــــــروة جـــــــدي .‏
صـورة جـدي لـمن جـيت أمـد يـدي :‏
‏(جــــدي.. أديــنـي تـعـريـفة )..‏
‏(بـتـقرا الـحـمدو يــا الـمـبروك )..‏
‏(بـقـرها وشــان تـعـريفه الـقـاه)..‏
بــجـود فـــي الـقـراية كـمـان ..‏
وايـــه يـــا يـمـة والله زمــان !!‏
وســبـحـة ( بــنــت الــفـكـي)‏
والــطــوريـة .. والـــواســوق..‏
وسـعف حـبوبة ، والـكورية ، والحنقوق
وصــوت ( سـعدية ) بـت جـيرانا ...‏
تـشـحـد لـيـهـا فـــي طـايـوق.‏
وصـوت (عرفه) لما تخمج الدلوكة غناية...‏
وحـبـة فـريـك ، لـموه لـي رمـضان
مــصــرور فـــي مـخـلايـة ...‏
صــــور مــحـفـورة جــوايــا.‏
ومــــــــن يـــــــوم داك..‏
ولـــي الـلـيـلة ، ولـــي iiبـكـرة
وبــــعــــد بــــاكــــر..‏
شــان الـزمن غـدار ومـا مـعروف..‏
زمــــــــن مــــكــــار ،
زمـانـا كـلـو خــوف فــي خـوف
وايـــه يـــا يـمـة والله زمــان !!‏
مـشـتاق يـمـه لـي مـلاح الـنعيمية..‏
وريــحــة صــاجـك الـمـحـروق
ولـــمــا تــســوي طـعـمـيـة
وغـــــبـــــاشــــة روب ،
وعــــنــــزة حــــلــــوب
بـــدور أرجـــع أجـيـكي هـنـاك
ضــاقـت بــيـا يــا يـمـه هـنـا
بــــدور أتــمـسـى بـعـيـونـك
وأصـابـحـك يـــا حـبـيـبتي أنــا
صــبـاح الـخـير عـلـي عـيـونك.‏
اتـــاري الـدنـيـا مــن دونــك...‏
شـيـنـة ومـــرة مـــا بـتـنـدار
ومــــرة مـــرارة يـــا يــمـه
دي مـــرة وحـــارة زي الــنـار..‏
ولو بتدوري احكيلك كيف أحوالي في البندر ،
مـــن ويـــن عـايـزة ابـدالـك ؟؟
مـــو شـيـتـا غـريـب وعـجـيب
ده شـيـتا كـلـو شـيـن فــي شـيـن
هــنـا الـــزول الـعـديل ونـصـيح
وحــاتـك انـــت يـــا الـغـالـية
بـــعـــيــش حـــيــاتــو...‏
يــومــاتـي بــــي وشــيــن..‏
وزولــتــي الــحـتـي حـبـيـتها .‏
لـقـيتها بــراي ، تـحـب زولـيـن .‏
وايـــه يـــا يـمـه والله زمــان !!‏
دي قــشـة عـيـنـى مـــن الـنـوم‏
مــعـاي بـشـيـل هــمـوم بـاكـر
قـبـل مــا أشـيـل هـمـوم الـيوم!!‏
أخــتـهـا خــطـواتـي الأولـــى
أعــــــــدي الــــبـــاب..‏
تــبـدا تـــدق طــبـول الــهـم..‏
خــواطــر تــذهـل الألــبـاب !!‏
وأقـابـلـك يـــا شــوارع الـجـن..‏
وفـــي جــوايـا حــاجـة تــئـن‏
أشـــد وتـــر الـحـزن وأعــزف
تــمـوت غـنـواتـي يـــا يــمـه
ويـخـنـقـني الــغـنـا وأنــــزف
وتـنـتـر فـــي الــعـروق حـمـى
خــيـال بـيـتـنا الـقـديم يـرجـف
صـــــور تــنــزاح وتــتـلـم
وتـــنــاي وتــالــت آيــمــه!‏
واشــوفـك بـــي خــيـال حـالـم
تــشــاوري وتــرقـص الـسـبـحة
مــلامــح الــعـابـد الــصـايـم
تــشـع فـــوق جـبـهـتك سـمـحة
وشـيـيـك يـحـاكي ضــي الـنـور.‏
مـــزدان يــمـه فـــي الـطـرحة
وتـــبــســمــي لــــــــي
امـــــــــد إيـــــــــدي
أقـــول أتــلاقـى يــا الـسـمحة ..‏
يــتـلاشـى الــحـلـم وأصــحـى
ويـــدفــق عـــــرق مــالــح
ويـسـكـن فـيـنـي كـــل الــهـم
واشـــم ريــحـة نـــدم جــارح
وارفـــس عـصـفـورة مـنـجـرحة
فــارقــت الــفـضـاء الــبـارح..‏
وتــنــاي وتــالــت آيــمــة !!‏
وهـــم كـــل الـمـدايـن وهــم ..‏
وهـم غـرقانة فـي زخـم الـحضارة الغم
حــضــارة بـتـحـصد الإنــسـان
وتـــزرع فـــي مـكـانـه نــغـم
وقـصـد الـقـول.. يــا شـايل الـلوم
ويــمــا جــابـنـي لـلـبـنـدر .‏
وحــاتـك إنـــت يـــا الـغـالـية
ده يــــومــــا شـــــــوم...‏
ولا بـسني الـخجل مـن راسي لي كرعي
شـــايـــلــو وأحـــــــوم..‏
وهــادي الـحـالة فــي (الـخـرتوم)‏
زي عــايــش شــقـي ومـهـمـوم

[امدرمانية]

مشكور ياوايا وكل يم بنكتشف لي شاعرنا قصيدة احلى

[المعتمد]

الاخ مهند
سلام
لك الشكر على هذا التوثيق للمبدع التجانى
ونرجو ان تواصل لان كلماته تروى كثيرا من العطش
لك الود
والف باقة ورد

[مير الحسن]

حاجة شديدة يا حبة

[الحلنقي2]

الخرطوم

كلمات / تجاني حاج موسي
غناء / عقد الجلاد


يا جمال النيل والخرطوم بالليل
يا راضعة من نيلين حضنوك من أزمان
يا قبلة الزائرين يا درة السودان
ضمخ شذي الياسمين والورد والريحان
عشاق السمر بالليل سحر جمال النيل
أجمل ليالي هنا لا لما القمر يظهر
والونسة تبقي غنا والغنوة تتنقل
وتفوت علي أمدرمان وهناك تكون أجمل
لو بس تتطول يا ليل وتزيد جمال النيل

[samraa alsudan]

مشكورين على هذا الاختيار الجميل
لهذه الاشعار وكل عام وانتم بخير