لن اقــــــــــــول وداعــــــــــا بل الي لـــــــــقاء

[عجوز حلوة]

تمشــــي وترجـــــــع لــــــــينا بالـــــــــــــــــسلامـــه

[honey]

مااشي السودان بختك انا زاتي ماشه ان شاء الله يوم 19 يلا ان شاء الله تصل بالسلامة وترجع بالسلامة ^_^

[دلوعة النيل]

بسم الله الرحمن الرحيم

السلام عليكم ورحمة الله تعالى وبركاته

على شواطئ المحبة إلتقينا..وفي بحور الوفاء والإخلاص سرنا..وعلى دروب الأخوة تسابقنا..نعم!!سرنا حيث لا مكان إلا للأخوة.للحب.للإخلاص..

إليك يا أجمل زهرة..إليك يا أعطر فلة ..إليك يا أثمن جوهرة..إليك يا أعز(منتدى)..إليكم يا من أحببت:-(أعضاء ومشرفي منتدى أنا سوداني الرائعين)..يعجز القلم عن كتابة ما يكنه القلب والوجدان ويأبى أن يخط بحبره على تلك الورقة البيضاء.فيا ترى ماذا عساي أفعل.فما باليد حيلة..هذا قلمي يأبى أن يخرج ويظهر جميع ما يكنه قلبي لكم وما يحمله في جعبته من محبة وما في طياته من شوق ومودة..

كم تمنيت وتمنيت في هذه اللحظات أن يدر القلم حبرا دون أن ينتهي وأن تستمر الأوراق في التزايد حتى تنساب الكلمات لتعبر لكم عما في وجداني وتبين لكم شعوري تجاهكم ومدى محبتي لكم..تلك المحبة التي لا يمكن أن تنسى وتضيع يوما..وتلك الأخوة وسلاسلها المتصلة التي لا يعقل أن تنقطع يوما مهما طال الدهر..
نعم!!إنها المحبة والأخوة في ((الله))..ولكن هيهات.هيهات..فلا بد للقلم أن يجف وللورق أن ينتهي.فلكل بداية نهاية ولن يبقى إلا وجه المولى ذو الجلال والإكرام..

أردت أن تنتهي لحظة الذكريات لتنفرد ذكراي باهتمامكم وأكون الأخيرة والمميزة لكتابة الذكرى ولإبداء مدى إشتياقي لكم..

فواأسفاه!!لم تسنح لي الفرصة لما كان يدور ويجول في خاطري.وقد أتت مسرعة مهرولة وبدون سابق إنذار..

فأردت لقلمي أن يكون على أهبة الإستعداد حتى يمضي قدما لكتابة هذه الذكرى.فلم تمضي وهلة حتى أغرقني بعتابه المستمر الذي لم ينقطع إلا فور معرفته لمن سيكتب فأغدق علي بالكلمات الرائعة لكنه أبى أن يكتب الكثير مبررا لي ذلك بحجج واهية..فثارت براكين أحزاني..وهاجت أعاصير خيالي..وتشابكت الحروف والعبارات واختلطت الأفكار لترسم ذكرى محبتي وصداقتي لكم..
أحبتي:-اعذروني فأنا لا أملك الكلمات الملونة ولا الزخارف المطرزة ولا الحروف الملتوية،وليس لدي مفردات منمقة ولا زهور معطرة ولا هدايا مغلفة..
أعزائي:-كل المسافات أضحت وأصبحت طويلة..وكل البحور باتت وصارت عميقة..وكل حياتي أسرار مبعثرة وكل العواطف أشلاء ممزقة وكل الذكريات دفنت في النعوش..فلم تبقى إلا ذكرياتي معكم..

أعذروني:-فلست بشاعرة أحاول نظم القوافي..ولست بكاتبة أنمق كلماتي..ولكنني إنسانة أنا أجر قوافل الصداقة والمحبة والذكرى من ورائي وخلفي..

وأخيرا!!لقد حققت مرادي..فقلمي أراد التحرر من بين أصابعي..أراد أن ينقل ما يعاني داخلي الذي يغلي كالبركان بسبب الشوق لرؤياكم وملقاكم..فهل أصرخ في زمن يتعالى فيه الصراخ في كل مكان؟!أم أترك الأحزان تنمو في هدوء صمتي؟!

كم كان لقاؤنا جميلا..لم يكن في الحسبان..جمعتنا الصدف وما أجملها من صدفة..فعشنا أسعد اللحظات.نتجاذب أطراف الحديث.تسودنا روح النقاء والصفاء.فكنتم ملوك الحسان التي تزهو في واحات قلبلي وتشع نورا في خلجات نفسي..
تمنيت أن يطول بنا اللقاء أو يجمعنا القدر مرة أخرى.فصدى صوتكم يناديني.وألم الفراق يساورني..

ختاما أخوتي في الله:-ها قد إقتربت اللحظة التي لم ولن أترقبها أبدا ولو لوهلة..وقد حان موعد إنتهاء حبري والمهلة المحددة للكتابة..فقبل أن ينتهي أحببت أن أهديكم هذه الرسالة وهي هدية أبعثها من القلب للقلب عل الله سبحانه وتعالى أن يجمعنا في دروب الخير..وها أنا ذا أخط لكم هذه الكلمات بخط يدي وحبر قلمي ولكنه على الأرجح دم قلبي ودمع عيني التي تقطر بل تذرف دما يخرج على ورقتي التي هي قطعة مني وكلي شوق للقياكم ورجاء من ربي بأن يقصر الأيام ويقرب المسافات بيننا حتى تسنح لي الفرصة للإطمئنان عليكم..
وأتمنى من العزيز الكريم..البر الرحيم أن يجمعنا معا في فردوسه الأعلى بإذنه تعالى..

وها أنا أخيرا أسدل ستار الوداع من أمامي على أمل اللقاء..
وتذكروا أنه مهما ابتعدنا وفرقت بيننا الأيام وطالت المسافات وجرى العمر دون أن ندري سوف تظلون دوما إخوة وأصدقاء وأحبة العمر الجميل..واذكروني....



خلاص بعد كدة جاء وقت إني أتكلم معاكم باللهجة العامية المافي أحلى منها وأقول ليكم ليه أنا ألفت الرسالة الطويلة دي ليكم مخصوص وليه كتبتها ليكم...؟!
زي ما عارفين إنو نتائج الشهادة السودانية ظهرت ليها فترة وأنا كنت واحدة من الناس الممتحنين والحمد لله نجحت وبنسبة كويسة لكن طبعا ما بالنسبة الأنا كنت متمنياها لأني كنت بقرأ في السعودية ودي كانت أول مرة أجرب فيها إمتحانات بلدنا السمح((السودان))وأول مرة أخوض لي تجربة زي دي لأني كنت فيها بعيدة عن أبوي وأمي وأخواني..
المهم.نرجع لموضوعنا الأساسي..
السبب في إني زغللت عيونكم قبل شوية بالرسالة الطويلة دي إني حأرجع لبلدي السودان يوم17-7إن شاء الله يعني بعد أسبوعين تقريبا عشان أمشي وأقدم في الجامعة وفي نفس الوقت ناوية أعيد السنة من أول وجديد وإذا اختاروني في كلية كويسة خير وبركة أما إذا حصل العكس حأتوكل وأكمل الإعادة..
على العموم!!ما عايزة أطول عليكم أكتر من كدة(هو في أكتر من كدة)أكيد بتكونوا زهجتوا مني ومن كلامي الكتير وكمان أكيد بتكونوا عايزين المفيد..
المهم!!كلامي دة معناهو إني حأقعد معاكم الأسبوعين الجايات ديل بس وبعدين أفرتك يعني أودعكم وأمشي عشان كدة أنا عايزاكم تحللوني وتسامحوني إذا كنت غلطت على واحد منكم أو زعلت أي زول منكم وطبعا بدون قصد مني..لأني ما دايرة أمشي ويكون في واحد شايل في قلبو مني..وبرضو عايزة أمشي وأنا مرتاحة لأني بكون طويت صفحة بيضاء معاكم..

بالمناسبة!!المنتدى دة أكتر منتدى عشت فيهو أسعد لحظات حياتي مع إني دخلت فيهو من فترة قصيرة لكن يمين الله وعزة جلال المولى أنا حاسة إني بعرفكم من فترة طويلة شديد ودة كلو بسبب طيبة قلوبكم وخفة دمكم ولأني لقيت فيهو أصحاب وأخوان مستحيل إني ألقى زيهم في منتدى تاني حتى لو هم ما اعتبروني أخت وصديقة ليهم..

في النهاية عايزة أقول ليكم حللوني وسامحوني على أي حاجة فاتت وعلى أي حاجة حأعملها من دون قصد في الأسبوعين الباقيات ديل وما تنسوني من صالح وخالص الدعاء..
((هانت..هي كلها أسبوعين يعني إتحملوني فيها شوية))
وأنا في إنتظار ردودكم علي وعايزة أشوف منكم على الأقل كلمة مسامحة لي عشان أمشي وأنا متطمنة..
والعفو والعافية..
مع أرق وأجمل تحياتي..
دلوعة النيل......

تخريمة على جنب:
ما تتخلعوا لو لقيتوا إسمي مع الأعضاء المتواجدين بعد أسبوعين لأنو أختي حتدخل المنتدى بإسمي طبعا((دلوعة النيل))..

[waya]

ياخي جبتي كثافتنا ..

يا زولة أنتي مننا وفينا ,,
وحاشانا ما بنودعك ,,
بس بنقول ليك ,, ما تطولي الغيبة مهما كان ,,
وربنا يوفقك في مسعاك ,,

يا دلوعة النيل والمنتدى

[نفسيات]

والله يا دلوعة وانا بقرا فى رسالتك قبل ما اكمل ها دمعتى نزلت حسيت انو بالجد حافقد انسان عزيز على شديد
وظنيت انو دى النهايه وفراق اغلى صديقه مع انى برضو عرفتكم قريب بس لقيت فيكم الحب والطيبه
بالجد منتدى انا سودانى لو لفيت كل المنتديات ما حالاقى ذيو واحلى لحظات بعيشها فيه لانو بيطلعنى من جو الكابه العايشنو الناس فى الخارج .

وبعد ما وصلت قريب لنهايه الرسالة غلبنى الكلام ولانو كلامك ما بدى الزول فرصة يقدر يجمع افكارو
لانى كنت حاسى انى بفارق انسان بالجد كانى شايفو قدامى .
والف الف مبروك النجاح معليش ما كنت عارف انك ممتحنة للشهادة السودانية بتمنى ليك حياة جامعية حلوة باذن الله
وبتمنى انو ربنا ما يحرمنا منك فى يوم من الايام لانو الاصدقاء هم حلاوة وطعم الدنيا حبهم لا يقدر بتمن
والله يا دلوعة الكلام كتيييييييير وعلى العموم السودان حاينور بوجودك فيه

[دلوعة النيل]

ياخي جبتي كثافتنا ..

يا زولة أنتي مننا وفينا ,,
وحاشانا ما بنودعك ,,
بس بنقول ليك ,, ما تطولي الغيبة مهما كان ,,
وربنا يوفقك في مسعاك ,,

يا دلوعة النيل والمنتدى

ربنا يخليك يا وايا وما يحرمني منك بس المهم تكون محللني ومسامحني..
والله حتوحشني موووووووت وحتوحشني تعليقاتك الراااائعة..

[دلوعة النيل]

والله يا دلوعة وانا بقرا فى رسالتك قبل ما اكمل ها دمعتى نزلت حسيت انو بالجد حافقد انسان عزيز على شديد
وظنيت انو دى النهايه وفراق اغلى صديقه مع انى برضو عرفتكم قريب بس لقيت فيكم الحب والطيبه
بالجد منتدى انا سودانى لو لفيت كل المنتديات ما حالاقى ذيو واحلى لحظات بعيشها فيه لانو بيطلعنى من جو الكابه العايشنو الناس فى الخارج .

وبعد ما وصلت قريب لنهايه الرسالة غلبنى الكلام ولانو كلامك ما بدى الزول فرصة يقدر يجمع افكارو
لانى كنت حاسى انى بفارق انسان بالجد كانى شايفو قدامى .
والف الف مبروك النجاح معليش ما كنت عارف انك ممتحنة للشهادة السودانية بتمنى ليك حياة جامعية حلوة باذن الله
وبتمنى انو ربنا ما يحرمنا منك فى يوم من الايام لانو الاصدقاء هم حلاوة وطعم الدنيا حبهم لا يقدر بتمن
والله يا دلوعة الكلام كتيييييييير وعلى العموم السودان حاينور بوجودك فيه

الله يبارك فيك يا رااااائع وربنا يخليك ويحميك وما يحرمني منك..
والله أنا ما بقدر على دموعك الغالية دي وإن شاء الله ربنا ما يفرقك من عزيز ولا حبيب..ودموعك كلها تكون دموع فرح بإذن المولى عزوجل..وحتوحشني موووووووووووت وحأفقدك وأفقد نفسياتك الحلوة دي والمافي أحلى منها..
والكون كلو منور بيك يا عسل..

[بكور]

تجى انشاء الله بالسلامة وتدخلى انشاء الله الجامعةالانت دايراها

وربنا يخليك معانا باذنه

ونصيحة بلاش الاعادة

[دلوعة النيل]

تجى انشاء الله بالسلامة وتدخلى انشاء الله الجامعةالانت دايراها

وربنا يخليك معانا باذنه

ونصيحة بلاش الاعادة

الله يسلمك يا راااائع وربنا يسمع منك..
لكن قصة الإعادة دي حأفكر فيها..
وتسلم يا غاااالي..

[عجوز حلوة]

والـله بشتااااااااااااق ليك كتيــر يا عسسسل وربي يوفقك في الجامــــــعه ويسهل طريقك وما تنسينا لانو مستحـــــــــيل ننساك يا حياتـي
تخريمه:
اختك مرحب بيها معانا وان شاء الله تكون عسل زيك:D

[دلوعة النيل]

والـله بشتااااااااااااق ليك كتيــر يا عسسسل وربي يوفقك في الجامــــــعه ويسهل طريقك وما تنسينا لانو مستحـــــــــيل ننساك يا حياتـي
تخريمه:
اختك مرحب بيها معانا وان شاء الله تكون عسل زيك:D

والله إنت العسل يا حبيبتي وكلامك كلو بينقط عسل وما في منك..وحأشتاق ليك ولكلامك الحلو دة وأكيد ما حأنساكم..

[هاميس النوبه]

دلوعه النيل
دلوعه المنتدى
انتى والله رائعه
وموضوعاتك اينما وجدت تنال شديد اعجايى يا عسل
وهتوحشينى مووووووووووووووت
والله انتى من الناس الغاليه على قلبى
وكنت دائما اراقب موضوعاتك
واظل انتظر كل جديد منك
لكى اعيش واستمتع مع كلماتك الحانيه الناقيه
انا حاسه انى والله ما ادرى اكيب ليكى ايه ؟؟وكيف ؟؟
لكى اعبر عن حزنى الشديد لافتقادك داخل المنتدى

ولكن تاكدى انك سوف تظلى بداخلى مهما مر العمر
لانى تعلمت من اسلوبك وموضوعاتك الكتير
رغم صغر سنك
وربنا يوفقك فى حياتك
ويسهل ليكى حياتك الجامعيه
وتستمتعى بيها

والسودان هتنور وباقى الاقطار سوف تظلم
والله انا عايزه اكتب ليكى كلام وكلام وكلام
ولكن كله تاه

بس ما فى بالى الان هو كلمه واحده
هتووووووووووووووووووووحشينا كتير

اختك ( (amany))
هاميس النوبه

[وين القاك]

انا عاجز عن التعبير لان لحظات الفراق صعبه بالحيل وما بتنطاااااااااااااااااق وانتي (دلوعه النيل ) اخت عزيزه وغاليه وعضوه نشيطه ومميزه بتمنى ليك كل السمح والتوفيق في حياتك وبالاخص العلميه ولو عاوزه تسمعي نصيحه مني زي ما قال اخونا (بكور) سيبك من الاعاده ودايما بتقال في الامثال اسأل مجرب ولاتسال طبيب .
وعلى العموم سعدت جدا بمعرفتك وانشاالله ما طولي الغيبه لاننا كلنا ما بنقدر على فراق منتدانا (منتدى انا سوداني)
[align=left]good luck and don't forget us[/align]

[فجر]

احلى دلوعه بالجد حنفتقدك بس ما مشكله مستقبلك برضوا مهم واكيد حتروحى وتيجى وتلقينا منتظرنك
وربنا يوفقك انشا الله ومن نجاح لنجاح اعظم
واهلا ومرحب بالدلوعه التانيه اختك وانشا الله تكون عسوله زيك كده:D

[ابراهيم الجيو]

[quote="دلوعة النيل"]((هانت..هي كلها أسبوعين يعني إتحملوني فيها شوية))
[/quote]





تاني اسبوعيــــــــــــن،،،،،،


كتيرة يا اأنا ،،، وحاااة نظري ف كلمات أول مرة أشوفها،،، زخارف مطرزة ،وهدايا مغلفة وموزة مقشرة

للأسف كلامكـ طلع من القلب ولامس القلب،، كنتي وبتبقي أخت عزيزة بس دا ما بيعني وجودك ف السودان عدم دخولك أو تواجدك بيننا،،

[الشفيــــــــــت]

يا دلوعة ......................................

والله .... والله ..... والله ....... حنفتقديييييييييييييييييييييييك

لاكن ... مستقبليك .... أحسن ليك

ولمن ترجعي حتلقينى .................. مستنينك ..... ومنتظرنيك .....

تقبلي مروري...............

[احسان]

[grade="FFA500 FF6347 008000 4B0082"]دلوووووووووووعتى يا عسسسسسسسسسسسسل
بالجد انتى عسل وكلامك عسل
بس فراقك مر شديد
واوعى تطولى الغيبة علينا
وبالجد اتعودنا عليك
يا دلوعتى يا عسل
توصلى بالسلامة
وبستناك واتمنى اعيش العمر كلو دلوعة معاك[/grade]

[دلوعة النيل]

دلوعه النيل
دلوعه المنتدى
انتى والله رائعه
وموضوعاتك اينما وجدت تنال شديد اعجايى يا عسل
وهتوحشينى مووووووووووووووت
والله انتى من الناس الغاليه على قلبى
وكنت دائما اراقب موضوعاتك
واظل انتظر كل جديد منك
لكى اعيش واستمتع مع كلماتك الحانيه الناقيه
انا حاسه انى والله ما ادرى اكيب ليكى ايه ؟؟وكيف ؟؟
لكى اعبر عن حزنى الشديد لافتقادك داخل المنتدى

ولكن تاكدى انك سوف تظلى بداخلى مهما مر العمر
لانى تعلمت من اسلوبك وموضوعاتك الكتير
رغم صغر سنك
وربنا يوفقك فى حياتك
ويسهل ليكى حياتك الجامعيه
وتستمتعى بيها

والسودان هتنور وباقى الاقطار سوف تظلم
والله انا عايزه اكتب ليكى كلام وكلام وكلام
ولكن كله تاه

بس ما فى بالى الان هو كلمه واحده
هتووووووووووووووووووووحشينا كتير

اختك ( (amany))
هاميس النوبه

والله ما في أروع منك يا عسل وأنا كمان حأفتقدك شديد وأفتقد كلامك العسل زيك يا أحلى هاميس وربنا ما يحرمني منك وحتوحشيني موووووووووت والدنيا كلها منورة بوجودك يا غالية..

[دلوعة النيل]

انا عاجز عن التعبير لان لحظات الفراق صعبه بالحيل وما بتنطاااااااااااااااااق وانتي (دلوعه النيل ) اخت عزيزه وغاليه وعضوه نشيطه ومميزه بتمنى ليك كل السمح والتوفيق في حياتك وبالاخص العلميه ولو عاوزه تسمعي نصيحه مني زي ما قال اخونا (بكور) سيبك من الاعاده ودايما بتقال في الامثال اسأل مجرب ولاتسال طبيب .
وعلى العموم سعدت جدا بمعرفتك وانشاالله ما طولي الغيبه لاننا كلنا ما بنقدر على فراق منتدانا (منتدى انا سوداني)
[align=left]good luck and don't forget us[/align]

والله حتى إنت أخو عزيز علي وغالي على قلبي وأنا كمان سعدت بمعرفتك واتشرفت بيها لكن قصة الإعادة دي خلاص قررت رايي فيها ومشكووووور على النصيحة الغالية وربنا ما يحرمني منك..

[دلوعة النيل]

احلى دلوعه بالجد حنفتقدك بس ما مشكله مستقبلك برضوا مهم واكيد حتروحى وتيجى وتلقينا منتظرنك
وربنا يوفقك انشا الله ومن نجاح لنجاح اعظم
واهلا ومرحب بالدلوعه التانيه اختك وانشا الله تكون عسوله زيك كده:D

والله إنت أحلى فجر عرفتها في حياتي وربنا يسمع منك وحتوحشيني مووووووووت وحأفتقدك وأفتقد إشرافك الرااااائع يا عسل..