بنات المغتربين .. وعدم العرس .

[أبو عمر]

بسم الله الرحمن الرحيم
موضوع بنات المغتربين الذين عاشوا في الخليج والسعودية ودول المهجر .. في غاية الأهمية .
لأن البنات كبروا والبيت تلاقي فيه اثنان وثلاثة وأربعة وفي بيوت فيها سبعة.. دايرين الزواج .
وفرص الزواج في الغربة قليلة واللي بيتزوج في الغربة قليل .. وعدد البنات كبير جداً .
والمشكلة أهلهم ما راضين يسافروا ويستقروا في السودان عشان تكون في فرص أكثر ليهم .
عاوزين يعشوا في الغربة وتعودوا على كدة .. وظروفهم ذات صعبة وما مستفيدين من الغربة .. بس تعودوا على كدة.
نرجو مناقشة الموضوع وابداء الآراء المناسبة.

[ضـــوء القـــمــر]

[quote="أبو عمر"]بسم الله الرحمن الرحيم
موضوع بنات المغتربين الذين عاشوا في الخليج والسعودية ودول المهجر .. في غاية الأهمية .
لأن البنات كبروا والبيت تلاقي فيه اثنان وثلاثة وأربعة وفي بيوت فيها سبعة.. دايرين الزواج .
وفرص الزواج في الغربة قليلة واللي بيتزوج في الغربة قليل .. وعدد البنات كبير جداً .
والمشكلة أهلهم ما راضين يسافروا ويستقروا في السودان عشان تكون في فرص أكثر ليهم .
عاوزين يعشوا في الغربة وتعودوا على كدة .. وظروفهم ذات صعبة وما مستفيدين من الغربة .. بس تعودوا على كدة.
نرجو مناقشة الموضوع وابداء الآراء المناسبة.[/quote]

السيد ابو عمر مساك ربي بالخيرات
اولا احب ان اعقب على بعض النقط التى قد تشكل نوع من الحواز في زواج الشباب هنا من مغتربات اولا التجارب لاتشفع لكل البنات المغتربات فمعظم البنات المغتربات لما يجوا هنا بيحصل نوع من الاضرابات خصوصا لما يكون في نوع من عدم التعامل مع الجنس الاخر (الشباب) فبيكون المشكلة انها اما انفتحت على عالم الشباب بطريقة فيها نوع من الاسراف (ودة مشكلة بالنسبة للشاب وهي قد تكون مابتعمل شي غلط لكين التعامل في حد ذاته مشكلة) او عرضة عن التعامل مع الشباب وهنا دى مشكلة لانو العادات والتقاليد وحتى التجارب اثبتة ذلك....

ثانيا انا افضل الارتباط بفتاة من الغربة ولكن بشروط اولا التقارب الاجتماعي يعني تكون تربيتها على انها ست بيت ناجحة وفاهمة لانو معظم البنات البيجوا من الخارج تحس انو في طمس للهوية لديهم لا هم تابعين للثقافة السودانية ولا منتمين للدولة المغتربين فيها
وبعدين التربية بيكون فيها فجوة لانو المجتمع فيهو فرق كبير جداااااا.

[waya]

الأخ .. أبو عمر ,,
طرحك يستحق النقاش ,, والإدلاء بالرأي ,,
هذه المشكلة فعلية وموجودة وبشكل ملحوظ ,, في دول المهجر داخل الجاليات السودانية
لاسباب كثيرة :
1- اختلاف عقلية وثقافة الجالية " مواليد بلد الأغتراب " عن عقلية الوافد من بلده الأصلي
2- مستوى المعيشة في بلد الاغتراب ,, يسبب ضغط أضافي للشاب أكثر من ارتباطه بفتاة داخل البلد " بفهم أنو بنات المغتربين عايشين في مستوى معيشي عالي " وتقبل بنات البلد الارتباط بشاب مغترب " هنا في عكس مريح للشاب "
3- أكثر المغتربين الشباب من أواسط المجتمع " مستويات أقل في التعليم " عكس بنات المغتربين " 99% خريجين " هنا النظرة الاجتماعية تشكل حاجز ,, بالاضافة لقلة الاحتكاك الذي قد يولد مشاعر تساعد في كسر الحواجز الطبقية "


تشكراتي ,, وبجيك راجع

[رؤى]

فعلا ممكن تكون مشكله بس مش على نطاق واسع لان حكاية الزواج بتبقي قسمه ونصيب ومش مرتبطه بوجودك في بلدك او لا بالعكس ممكن يكون مقدر نصيبك انك ترتبط بشخص من البلد بتاعتك وتقابله في بلد الغربه اللى انتا عايش فيه فحكاية الزواج مش مرتبطه بشى غير النصيب فقط اما عن عدم الاستقرار فده المفروض يكون حاطه في اعدادته اللى ناوى يغترب وياخد ولاده معاه لان ده له تاثير سلبي عليهم اكيد

[أبو عمر]

يا رؤى ..
أنا معاك إنو كل شيء قسمة ونصيب .. وربنا قال يا عبدي أسعى أسعى ..إلخ . زي الرزق برضوا قسمة ومكتوب من يوم ما ولدونا .. الناس ما قاعدي تفكر وتقول أقعد في بلدي دي واشتغل والمقسومة لي بتقى .. لا .. لا .. ربنا قال ياعبادي أن ارضي واسعة أسعو .. عشان كدة الناس بتسافر عشان تكسب رزقها .. وكذلك مشروع الزواج يمكن انك تكون عايش في الغربة 100 سنة وما تتزوج .. وتقرر تسافر السودان بعدها بيوم تقوم تتزوج .. سبحان الله .. يعني على الإنسان كما يقوم من الصباح ويفتش رزقوا وين ؟؟ كذلك مسألة الزواج هي قسمة نصيب ولكن مامعروفة وين بالضبط .. يمكن في السودان يمكن في الغربة وين بالضبط ما معروفه .. ولكن أنا بقول إنو فرص الزواج الغربة قليلة وفي السودان كتيرة .. ليه لأنه وضع الغربة بختلاف من وضع السودان .. ولا مقارنة بين استقرارك في بلدك ووجودك في بلد الغربة.

[ضحكة بشر]

أبو عمر الموضوع يستاهل النقاش
بس أنت ماشايف أنو بنات السودان زاتوم مالقين يعرسو يعني أساسا في مشكاة تأخر سن الزواج الأيام دي في السودان بي سبب البطالة وعدم توفر فرص العمل
والشباب المغترب هو البعرس من بنات السودان ما من المغتربات لانو بيشوف التكلفة بتكون أقل علية لو عرس من بنات السودان
وأولاد السودان هم البعرسو من بنات المغتربين بيقولو (قطط مغمضة )أوتربيتهم محافظة جدا وماطلعو ودخلو
دي طبعا وجهات نظر ولأنسان بي طبعو بيحب التغير

[صائغ الحروف]

والله معانة شديده جدا يااخوان
انا بعرف واحد عايش فى السودان
وعاقد على واحده هنا شغاله
فى مجال الاشعه وهو شغال عندو حافله ليهم خمس سنوات لاهو داير يجى ولاهى قادره تمشى تعرفو
ليه لانو ابوها بياخد راتبها والزول داك ماداير الغربه
وهى مادايره السودان
بالنسبه لبنات المغتربين فى مقوله بتقول انو البت المغتربه مابتعرف تسوى الشاى
وكتير بنصحو الزول العايز يتزوج من السودان افضل لانو بيقولو بنات السودان وخصوصا المن القرى شاطراتن شديد ياجماعه صححو اتلمفاهيم الخاطئه البت لازم تتعلم مع مرور الايام سواء كانت مغتربه اوغيرو وشكر على الطرح

[king cairo]

اولا سلام لكل السودانين اللى فى المنتدى

الموضوع مهم جدا ويستاهل النقاش
يوجد اسباب اخرى لصعوبة الزواج بالنسبة للمغتربين
1-ان المغترب بيكون بيصرف على اسرته ودة اهم سبب بيعوق ارتباط المغترب
2-ان المغترب السودانى بيتشكك فى اخلاق اى مغتربة بيقابلها خصوصا لو كان مرة عليه
كذا شخصية سيئة الاخلاق
3-دة غير انه بيكون خايف انه ما يقدر يعيشها بنفس المستوى اللى هى عيشاهو خصوصا لو بنت متفلسفة
4-دة غير انه ممكن يكون اقل منها فى المستوى التعليمى بيكون متخوف منها فى المستقبل
دة طبعا ما يختلف مع ان الزواج قسمة ونصيب

[king cairo]

أبو عمر الموضوع يستاهل النقاش
بس أنت ماشايف أنو بنات السودان زاتوم مالقين يعرسو يعني أساسا في مشكاة تأخر سن الزواج الأيام دي في السودان بي سبب البطالة وعدم توفر فرص العمل
والشباب المغترب هو البعرس من بنات السودان ما من المغتربات لانو بيشوف التكلفة بتكون أقل علية لو عرس من بنات السودان
وأولاد السودان هم البعرسو من بنات المغتربين بيقولو (قطط مغمضة )أوتربيتهم محافظة جدا وماطلعو ودخلو
دي طبعا وجهات نظر ولأنسان بي طبعو بيحب التغير

ما اختلت معاك فى دة كله لكن انتو اصلا فاهمين البنات المدردحات غلط الفرق بين البت المدردحة والقطة المغمضة ان البنت المدردحة تقدر تتحمل مسئولية بيتها وتربية اطفالها بطريقة صاح غير انه قليلا ما تخطئ
لاكن القطة المغمضة بتكون ما فاهمة الحياة ماشة كيف كل اللى تهتم النظافة والمطبخ غير كدة كثيرا ما تخطئ وفى الحالة دى ما بتكون ملامة

[التهامي]

اولا سلام لكل المغتربين اللى فى المنتدى

الموضوع مهم جدا ويستاهل النقاش
يوجد اسباب اخرى لصعوبة الزواج بالنسبة للمغتربين
1-ان المغترب بيكون بيصرف على اسرته ودااهم سبب بيعوق ارتباط المغترب
2-ان المغترب السودانى بيتشكك فى اخلاق اى مغتربة بيقابلها خصوصا لو كان مرة عليه
كذا شخصية سيئة الاخلاق
3-داغير انه بيكون خايف انه ما يقدر يعيشها بنفس المستوى اللى هى عيشاهو خصوصا لو بنت متفلسفة
4-دا غير انه ممكن يكون اقل منها فى المستوى التعليمى بيكون متخوف منها فى المستقبل
دا طبعا ما يختلف مع ان الزواج قسمة ونصيب

[dalaa]

السلام عليكم
مع أحترامى للأخوة الأعضاء فى رائيهم00و لكن مالها البنت المغتربة ذيها ذى أى بنت
فى السودان فى برضه اللى مش بتعرف تعمل الشاى و فى الشاطرة و ست البيت و فى المؤدبة وفى اللى عكس كده و لكن المعروف عن البنت المغتربة أنها البنت المتفتحة زيادة عن اللزوم و المسرفة و المدلعة و لكن أى بلد فيها الكويس و فيها الوحش و يا ريت تحطوا فى الأعتبار عيوب بنات السودان

[اسامه خضر محمد على]

بسم الله الرحمن الرحيم
موضوع بنات المغتربين الذين عاشوا في الخليج والسعودية ودول المهجر .. في غاية الأهمية .
لأن البنات كبروا والبيت تلاقي فيه اثنان وثلاثة وأربعة وفي بيوت فيها سبعة.. دايرين الزواج .
وفرص الزواج في الغربة قليلة واللي بيتزوج في الغربة قليل .. وعدد البنات كبير جداً .
والمشكلة أهلهم ما راضين يسافروا ويستقروا في السودان عشان تكون في فرص أكثر ليهم .
عاوزين يعشوا في الغربة وتعودوا على كدة .. وظروفهم ذات صعبة وما مستفيدين من الغربة .. بس تعودوا على كدة.
نرجو مناقشة الموضوع وابداء الآراء المناسبة.

الموضوع بجد محتاج نقاش ونقاش جاد لانو البنات فى الغربه مشكله بجد وخصوصا فى موضوع الزواج اولا معظم مواليد دول الاغتراب لا يعرفون شى عن المطبخ والشاطره فيهم بتعرف تعمل شاى وتانى حاجه مطلعات والواحده عايزه تعيش فى بيت خمس نجوم وغير الخدم والاشياء الاخرى وتالت حاجه تطلع الاباء ورفضهم للازواج من داخل السودان بحجة انو ما عايز يمرمط بتوا فى السودان ورابع حاجه اختلاف اسلوب التربيه عن التربيه فى السودان وتلبية جميع طلبات البنت والمظاهر الكذابه التى يظهرن بها فى المناسبات والنظره الدونيه لكل شاب وبالتالى بناء سياج عالى جدا بينها والشباب فى سنها وهنا انا لا اقصد الاختلاط او ادعوا له ولكن على الاقل تظهر البنت بحقيقتها وتكون متواضعه وسودانيه شكلا ومضمونا حتى يسعى الشاب الجاد بالارطباط بها ولكن من تتشبه بغير السودانيات عليها ان تتأكد انه لا يوجد شاب جاد يقترب منها ففى الغربه يبحث الشباب عن السودانيه الاصيله ولا سواها لك كل الود والتقدير وعزرا على الاطاله

[البرنس السودانى]

بسم اللهالرحمن الرحيم
السلام عليك يا ابو عمر . واله مشكلة بالجد الاعداد الكبيرة من بنات المغتربين الغير متزوجات ، هناك اسباب كثيرة لعد الزواج اولاً عدم توفر بيئة التعارف بين الشباب المغترب والبنات المغتربات ، ثانياً معظم بنات المغتربات لا يقدرن على اعمال المطبخ ودايرات خادمة لتعينهم على اعمال البيت وهذا لا يحبه السودانيون عموماً .

[dalaa]

السلام عليكم
بصراحة أنا نفسى أعرف اللى بيقولوا أن بنات المغتربات مش بيعرفوا يعملوا حاجة شافوهم فين وأنهم عايزين خادمة عارفوا منين الكلام ده و بعدين ما فى السودان بيجيبوا بتوع الجنوب علشان يغسلوا ليهم الغسيل هى دى بقى ست البيت الشاطرة اللى الحاجة المفروض أنها تعملها بنفسها بتجيب واحدة تعملها لها
و الله كلام كله غلط فى غلط

[كجووول]

شكرا اختي دلع علي ما اظن لطرح موضوع مهم جدا وبعود من زمن بعيد جدا انو في ناس في الغربة و ما قادرين حتي علي حق الايجار ناهيك من انو يزوج ليه واحدة او يتزوج ليه واحدة معاهو في الغربة وبالذات في السعودية يعني الحال من بعضو المفروض الاولاد اول ما وصلو سن الدراسة طوالي يقوم يوديهم ليك ويخليهم يدرسو في السودان ويتأقلمو مع جو البلد وناس البلد ياخ في ناس لاسع كاشين من الناس التقول جايين من قمر تاني اما موضوع البت تبقي كبيرة في الغربة صعبة جدا والله الواحد بخاف يجلس مع بت مغترب في المواصلات عشان ما تديهو احراج كارب وعايشيين غير الواقع يعني مدلعة وجنها جيب لي معاك وبتاعت احراج تلقاها طول اليوم فاتحة اسنانها ربنا يستر غايتو انا طبعا ما بقول كلهن بس الغالبية العظمي وانا عايش مع الجماعة ديل وعارف كلو حاجة بس المهم نقول انشاء الله ربنا يرد غربتهم والسلام يا وطني يا غالي سلام .

[أبو عمر]

السلام عليكم
بصراحة أنا نفسى أعرف اللى بيقولوا أن بنات المغتربات مش بيعرفوا يعملوا حاجة شافوهم فين وأنهم عايزين خادمة عارفوا منين الكلام ده و بعدين ما فى السودان بيجيبوا بتوع الجنوب علشان يغسلوا ليهم الغسيل هى دى بقى ست البيت الشاطرة اللى الحاجة المفروض أنها تعملها بنفسها بتجيب واحدة تعملها لها
و الله كلام كله غلط فى غلط

حقيقة مسألة المطبخ ما أقدر أفتي فيها .. لكن في بعض الأسرة السودانية اللي أوضاعهم كويسة شفنا الخادمة فلبينة موجودة في البيت .. وفي بعض الأسر شفنا كما سواقين للأسرة ..
ولما تتقدم لخطبة بنت أحد هذه الأسر .. تعال وشوف .. مهرها زي السعودية .. ولوما شغال بتصرف راتب مبلغ كبير وقدره 00000 ريال بطنشوك وتأخذ الشاكوش ..
يعني في عينة زي دي كتير مطنقعة .. ولما رب الأسرة يرفدوه من وظيفته بحجة السعودة ويصبح ماعندو حاجة هنا المشكلة تبقى أكبر .. ليه لأن الأسرة تعودت على مستوى عالي من العيشة .. والبنات والأولاد ما بعرفوا الأوضاع المتوسطة الجديدة الداخلين عليها .. في هذه الحالة تتبهدل الأسرة و تتشتت .
ويبدأ الانحلال الخلقي يطرق الباب ... إلخ .. حتى تنتهي الأسرة بالدمار الشامل للبنات والأولاد وحتى أم العيال .
وراجل يروح في شلل كامل لعدم استطاعته تحمل ما يراه من انحلال وخراب في زوجته وبناته.
وينتهي به الأمر إلى المستشفيات ومنها..... ( رحمه الله)
ولذلك كلما كانت الأسرة متربية على البساطة والتفاعل مع جميع المستويات وقبول كل المستويات المادية حتى لو الأسرة غنية جداً .. دا بيكون أفضل كثيراً للأسرة ولسمعة الأسرة وتتيح فرصة للشباب للتقدم إلى هذه الأسرة والزواج منهم .

[زوبه]

الزواج قسمه ونصيب ان كان في السودان او خارج السودان , والغلط مافي اهل البنات الغلط في المغتربين يسافرو عشان يتزوجو ويخلو عيالهم في بلد وهم في بلد ما احسن ياخذ واحده مغتربه زيو في نفس البلد الهوه فيهو ويريح نفسو مش حرام كده

[السودانى الاصيل]

بسم الله والحمد لله والصلاة والسلام على رسول الله

انا فى رايى الشخصى الوضع المادى لاهل البنت هو احد الاسباب ومن المفترض اكون مشجع للزواج
فصار عكسى بمعنى انو المغتربين وخاصه الوالده ترى ان من يتقدم لابنتها لابد ان يكون ماديا مقارب
لهم ان لم يكن مرتاح اكثر منهم مما عمم الفهم فى مخيلة الشباب وصار معروفا ان الفتاة السودانيه او
زواج السودانيات بالغربه غاااااااااالى ليس اقل من 30000 ريال وشبه معروف
بالاضافه الى الفتاة السودانيه تشعر بالاغلاق طيلة السنين الفائته فلو تزوجت سودانى بالغربه فستستمر حياتها
مغلقه بين اربعة جدران فتفضل الزواج بالسودان حيث مزيد من الحريه والزيارات والترفيه ولا ترى
فى زواجها من سودانى اضافه فى حياتها بعكس الفتيات بالسودان الواحده منهن امنيتها العيش بدول
الخليج تقريبا لنفس اسباب خروج الاولى من دول الخليج وهو التغيير والتباهى بين قريناتها بثقافة
زواج المغتربين وما لهم من صيت مادى 0
وياتى دور الشباب بالسودان والتخوف من المغتربات لفترات طويله من عدم تقارب الفهم والثقافه
او من كونها طبقه عاليه بالنسبة له من منطلق انها شهاده عربيه
هذه وجهة نظرى الخاصه ارجو قبول مرورى

[أبو عمر]

تحياتي لكل الذين عبروا عن آرائهم في هذا الموضوع وأتمنى مزيداً من التفاعل ان شاء الله.

[فارس الحسناء]

[grade="00008B FF6347 008000 4B0082"]الموضوع جدا شيق ويستاهل النقاش

والله الحكاية قسمة ونصيب واما من ناحية بتعرف تطبخ ولا لا فهي حاجه راجعة للبت نفسها

عن تجربة ياشباب انا عندي اختين اتزوجوا بداية السنة الفاتت والفرق بين العرسين 3شهور
وحدة اتزوجت مغترب والتانية اتزوجت من السودان
وعرس التانية كان في السودان وكلف اكتر من الضعف بالنسبة للعرس الكان في السعوديه
وحاليا هي مبسوطة في السودان مع انها اول مرة تمشي قبل العرس بسته شهور
والاتنين طباخات شديد مع انو في البيت في خدامتين ما وحده

وشكرا على الموضوع الجاد
تقبل مروري[/grade]