وطنى لو شغلت بالخلد عنه نازعتنى ليه فى الخلد نفسى

[الروح]

وللاوطان فى دم كل حر يد سلفت ودين مستحق
ماذا قدمت لوطنك حتى اليوم؟
هل نحن السودانيين بحاجة لدرس فى التربية الوطنية؟

[ام بترى]

الروح

هذا سؤال كبير تصعب الاجابة عليه

سلى كل ناس المنتدى اين تعلموا واين يرجعوا اذا كانوا مغتربين اومهاجرين

نحن شعب لا يعرف قيمة ما يملك

مسكين محمد احمد يعطى ولا ينتظر ان ير د له عطاؤه

عشان تعرفى ياروح ماذا قدمنا للوطن ارجوك زورى حكاتى معاك ويا روح حتفهمى وين حنروح

كلماتك بسيطه بس معبره يمكن ان يكتب على اثرها كتب

وعازة تستاهل

[عاشقة محمود عبد العزيز]

نحن السودانين أكثر شعب يحتاج لدروس في التربيه الوطنيه........نفتقد للنزعه الوطنيه في دواخلنا للأسف........أثرت ضغوط الحياه في مقدار حبنا لي وطنا الجميل.....
السودان بلدنا و مهما اجبرتنا الحياه في الابتعاد عنه يبقى الوطن هو الأصل.......و دور كل أب و أم بأن يربوا أبناءهم على حب وطنهم و اذا ده حصل ما ح نحتاج لي دروس في التربيه الوطنيه....
أنا شخصيا أفتخر بانتمائي لهذا الوطن.......وأهواه بصدق عميق........و اذا خيرت بأن أنتمى الى اي وطن آخر فلن أرضى بوطن غير السودان.....لك التحيه الروح صحيت في دواخلنا أحاسيس جميله.....(بلادي و ان كانت رمــــال عزيزه )فلتحيا يا سوداني

[بت أبوظبي]

اولا اهلا بيك يا الروح في منتدانا العزيز ...

سؤالك يا روح ..

ح تكلم عن نفسي في الحته دي ..
بعتقد اني طبعا ما قدمته حاجه لوطني ..
يمكن اقل حاجه ممكن نبدأ بيها هو الإنتماء الحقيقي لوطننا ..
في ناس بتفهم الإنتماء ..
أني امشي زياره ليو كل سنه ..
وناس بترجمه اني اعرف عن بلدي كل تفاصيله وكل ما هو يهم بلدي
ناس بتقول ليك انا بحب السودان والسودان حلو ... لكن مجرد والله كلام !!!

فكيف اكون وطنيه ؟؟؟
ده اللي ح خليني ارجع لموضوعك ..
بعد تجميع افكاري

شكرا روح

[ibn batoota]

أشكرك الروح علي المشاركة الجميلة...

بلادي وإن جارت علي عزيزة..... وقومي وإن ضنو علي كرام

الوطن أدانا الكتير والكتير...إبتدا من الهوية وإنتها بالإنتماء..

نحن كسودانيين ما أعتقد محتاجيين لي دروس في التربية الوطنية...
فحب الوطن مغروس في دواخلنا من الصغر..
ذي ماغني وردي شبيت علي نهجك فطام رافع شعار مجدك سلام..
لكن نسبة لتعاقب الأنظمة المختلفة والأوضاع السيئة في السودان
بنلقي البعض يتزمر من السودان... لكن من جواه حب الوطن موجود..

عن نفسي بي الرغم من مأسي ألأوضاع في وطنا..لكن مهما قدمت ليهو ما حاأوفيهو حقو..

[ابوبكر]

[frame="7 80"][align=center]كنت بتمنى ياروح لو خصصت كلامك وموضوعك للجيل ده وحده فا ابواتنا وجدودنا السبقونا ماقصروا في حق بلدهم لكين نحنا وقلة منهم المقصرين والشواهد على أن الأجيال السلفت بتحب البلد دي كتيرة .
لو تحبي أنو نروي ليك بعض مشاهده مافي أي مانع ، أما الوضع الراهن اعتقد أننا بحاجة لمراجعة فهمنا للوطنية حقيقةً فنحنا اصبحت تختلط عندنا عدة مفاهيم مع مفهوم الوطنية مثل القومية والقبلية والطائفية وكتير من المفاهيم الخاطئة التي لا تمت للوطنية الخالصة بأي صلة لذلك بدءً لابد من تحديد فهمنا للوطنية نحنا قاصدين بيهو شنو ، هل قاصدين بيهو البلد دي تراب وناسا ولا قاصدين بيهو شئ معين .
ولا زلت اعتقد ان الشعب السوداني عموماً شعب برئ جداً توديهو كلمة وتجيبو كلمة وقلبو وضميره أبيض.[/align][/frame]