إذا كنت جاد جدا فأنت ممل

[arif]

إذا كنت جاد جدا فأنت ممل

كنت اشاهد احد الافلام الاجنبية وشدت انتباهى عبارة ) الناس الجادين اناس مملين ( ....
عندما يغلب طابع الجدية فى كافة تصرفات الشخص الحياتية وفى تعامله مع الآخرين هل يصبح انسان ممل ؟
شخص مرح يحب الضحك والمزح مع الاخرين وعايش ببساطة وبدون عقد هل يمكن إن نطلق عليه انسان غير جادى وغير مسؤول وعايش سبهلل ؟
لاتسألوننى عن معنى سبهلل !!!!!
من وجهة نظرى الخاصة ان الشخص الجاد فى كل الاوقات انسان ممل وكمان كريه جدا ولا يطاق !!!!!!!!

فما هو رأيكم ؟؟

[امدرمانية]

انا بشوف الزول الجادي ماممل الزول الممل دا زول تاني دا الزول البراي الكلامو كتير وماليو معنى
اما الزول العا اايش ببساطة دا مازول سبهلل دا زول فاهم ا لحياة صاح

[جسور الأمل]

أنا بشوف أنو الإنسان الجاد زيادة عن الزوم ممل

وأنا قلت (زيادة عن الزوم ) يعني الواحد في أمور بتتطلب الجدية

وبعض الأمور ما بتكون محتاجة للتعقيد

يعني لازم الواحد يكون فيهو روح من المرح والفكاهة

يعني الجدية ليها وقتها

والضحك والمرح ليهو وقتو

وسلام مخلوط بالعسسسسسسسل

[سودانية صريحة]

بقولوا الضحك الكتير بموت القلب ، فعشان كده لازم يكون لكل شي حدود الضحك في حدود والهزار في حدود والجدية في حدود وأنا شفت ناس جاديين في حياتهم لكن ما مملين، وناس بهزروا كتير ومملين.

[ادروب كايرو]

انا بتفق مع الكلام ده سوادنيا وجسور تب اصلو ما قصرتوا كفيتوا ووفيتوا
الجدية الزيادة عن اللزوم مملة الحياة فيها جوانب كتير بسيطة وزى ما محتاجين ديما اننا نعمل بجد لنبلغ اهدافنا محتاجين لحظات من الصفاء والسعادة وجزء كبير من السعادة بنكسبه لمن نهب السعادة للاخر ونكون سبب فى رسم ابتسامه فى وجوه من حولنا اذا كانت الحياة بها ما يدعونا للجد والعمل والكفاح فلحظات الصفاء والراحة واللهو والهزو وقود يسعفنا من مصاعب ومتاعب الحياة من الرتابه والخروج عن الروتين والنظام القاتل اى
يسلموووووو موضوع مميز ورئع ما نتحرم منك يا راقى
لك ودى وتقديرى اخوك ادروب

[همسة عطر]

الجدية .. شيء جيد .. ولايمكن أن نصف ذلك بالممل .. وهنالك وظائف يتطلب من أصحابها أن يكونوا في محمل الجد إلا وهي وظائف (القضاة .. المحاماة .. والقوات النظامية )
وفي اعتقادي أن طبيعة النفس البشرية تختلف من شخص إلى آخر فهنالك أناس يتصفون بالجدية وآخرون بالمرح أو كلاهما.. وبالمناسبة بعض الناس لابد أن تتصرف معهم بجدية تامة حيث يسيئون التعامل معهم بلطف.

وأعقل الناس أعذرهم للناس

[مشـMEDOـاكل]

لازم انك تضحك وتنسى وتسامح وترضى .....الخ
لكل انسان
بس انك تكون جادي جدآ مع كل صغيرة وكبيره
اسمحلي انت ممل ...
وان تكون ما جادي وحياتك ما جادي بيها
اسمحلي اقول انت برضو ممل
خير الامور اوسطها زي ما قال الحبيب عليه افضل الصلاة والسلام
هو انك ما تكون جادي زياده عن اللزوم
ولا تكون هزلي وما جادي لدرجة بعيده


شكرآ ع البوست الجميل ده
وتقبل مروري

[هاميس النوبه]

[quote="جسور الأمل"]

أنا بشوف أنو الإنسان الجاد زيادة عن الزوم ممل

وأنا قلت (زيادة عن الزوم ) يعني الواحد في أمور بتتطلب الجدية

وبعض الأمور ما بتكون محتاجة للتعقيد

يعني لازم الواحد يكون فيهو روح من المرح والفكاهة

يعني الجدية ليها وقتها

والضحك والمرح ليهو وقتو
انا كمان مع راى
جسور الامل
تسلم على موضوعك
arif
سلم يمينك
تقبل مرورى

[arif]

انا بشوف الزول الجادي ماممل الزول الممل دا زول تاني دا الزول البراي الكلامو كتير وماليو معنى
اما الزول العا اايش ببساطة دا مازول سبهلل دا زول فاهم ا لحياة صاح

امدرمانية ..... تقدرى تكونى جدية فى تصرفاتك ومعاملاتك مع الناس الحوليك
فقط 12 ساعة ؟[/font]

[arif]

أنا بشوف أنو الإنسان الجاد زيادة عن الزوم ممل

وأنا قلت (زيادة عن الزوم ) يعني الواحد في أمور بتتطلب الجدية

وبعض الأمور ما بتكون محتاجة للتعقيد

يعني لازم الواحد يكون فيهو روح من المرح والفكاهة

يعني الجدية ليها وقتها

والضحك والمرح ليهو وقتو

وسلام مخلوط بالعسسسسسسسل

جسور الامل .... اتفق معك الحياة سهلة وبسيطة ما لازم نعقدها ...

تحياتى

[arif]

بقولوا الضحك الكتير بموت القلب ، فعشان كده لازم يكون لكل شي حدود الضحك في حدود والهزار في حدود والجدية في حدود وأنا شفت ناس جاديين في حياتهم لكن ما مملين، وناس بهزروا كتير ومملين.

سودانية صريحة ...... يعنى نكون متوازنين وهذا عين الصواب
تحياتى

[arif]

انا بتفق مع الكلام ده سوادنيا وجسور تب اصلو ما قصرتوا كفيتوا ووفيتوا
الجدية الزيادة عن اللزوم مملة الحياة فيها جوانب كتير بسيطة وزى ما محتاجين ديما اننا نعمل بجد لنبلغ اهدافنا محتاجين لحظات من الصفاء والسعادة وجزء كبير من السعادة بنكسبه لمن نهب السعادة للاخر ونكون سبب فى رسم ابتسامه فى وجوه من حولنا اذا كانت الحياة بها ما يدعونا للجد والعمل والكفاح فلحظات الصفاء والراحة واللهو والهزو وقود يسعفنا من مصاعب ومتاعب الحياة من الرتابه والخروج عن الروتين والنظام القاتل اى
يسلموووووو موضوع مميز ورئع ما نتحرم منك يا راقى
لك ودى وتقديرى اخوك ادروب

ادروب كايرو .... اوافقك تماما
( فلحظات الصفاء والراحة واللهو والهزو وقود يسعفنا من مصاعب ومتاعب الحياة من الرتابه والخروج عن الروتين والنظام القاتل ) بالجد اعجبتنى هذه الجملة العميقة فى معناها

وتقبل مودتى

[سيف الدين عامر]

الاخ عريف :

انا من راي الشخصي اعتقد ان الانسان يجب ان يكون وسط في التعامل اي يتعامل مع الامور الجدية
بجدية والامور الهزلية بمزاح بحيث لا يخلط بين الجدية والمزاح حت يكون حازم في قراره وان ياخذه
الناس بمحل الجد

تقبل مروري وشكرا

[hdma]

انا بفضل انو الانساان مايكوون جادي شدييد لانو حيكوون بالجد ممل..
فالافضل انو الانسان يكوون معتدل يعني في حاجات تستلزم انو يكوون الانسان
جادي فيها وفي حاجات مابتستلزم الجدية الزياادة ...

مشكوور على الموضووع..