سجم الرماد

[queenfadwa]

شقيان مهلوس بالزواج
متمنى بس بت الحلال
راسى انصلع ..ضهرى انحنى
اصبحت زى قلم الدلال
اتكرفس الوش وانكمش
وقعو السنون ..وقوامى مال
كل السبب عدم القرش
سجم الجنا الماعندو مال
انا اصلى ما سجم الرماد
وانا اصلى شوم ما عرفت فال
اتعززو البنوت على
واتقندفن ..فعلن فعال
البايره ديك ما بترضى بى
شبه القرد عملت غزال
والشينه صاره وجيهها لى
عملت كمان ملكة جمال
كل السبب عدم القرش
سجم الجنا الماعندو مال
امشى لبت العم تقول
عما يكبسك ..شوف ليك خال
امشى لبت الخال تقول
خلخل ضروسك سوس عضال
وامشى لبت الجار تقول
جر يا كلب سعران وضال
كل السبب عدم القرش
سجم الجنا الماعندو مال
كل ما اقول اخطب لى بت
الناس تفك فوقى الجهال
هاك يا لبع ..هاك يا خبط
ناس بالعصا وناس بالنبال
وتقوم على ام العروس
تلبعنى بى فردة نعال
وتقول لى روح يا عرّه غور
اختانا يا خيبة الرجال
وين ما امش زين انهرش
قط للعرس مافيش مجال
كل السبب عدم القرش
سجم الجنا الماعندو مال

[مشـMEDOـاكل]

ههههههههههههههههههه
لدي الدرجه انا لازم اسبع حالي من اسي
بجمع قروشي من الليله
وامشي اخطب بكره
عشان بعدين..... ما تضيع قروشي وابقى خيبه
ههههههههههههههههه

تقبلي مروري

[queenfadwa]

[quote="مشـMEDOـاكل"]ههههههههههههههههههه
لدي الدرجه انا لازم اسبع حالي من اسي
بجمع قروشي من الليله
وامشي اخطب بكره
عشان بعدين..... ما تضيع قروشي وابقى خيبه
ههههههههههههههههه

تقبلي مروري [/quote]



يللا الله معاك ,بس لو حليت مشكلة القروش تاني ما عندك مشكلة

مشكور على مرورك

[نفسيات]

]يا بتنا مالك علينا

والله قصيده فى غاية الروعة
مشكوره يا فدوى

[queenfadwa]

[quote="نفسيات"]]يا بتنا مالك علينا

والله قصيده فى غاية الروعة
مشكوره يا فدوى[/quote]


انا بس بشجعكم واخليكم تستعدو من بدري
والله يكون في عونكم

مشكور على المرور

[نفسيات]

كل ما اقول اخطب لى بت
الناس تفك فوقى الجهال
هاك يا لبع ..هاك يا خبط
ناس بالعصا وناس بالنبال
وتقوم على ام العروس
تلبعنى بى فردة نعال
وتقول لى روح يا عرّه غور
اختانا يا خيبة الرجال

دا كلو تشجيع والله حرام عليك انتى بتشجعى بالمقلوب ولا شنو
قولى كلام غير دا يا ستى وشوفنى ليك حاجة تانية تشجعينا بيها

[حنكوشة كوول]

ههههههههههههههههههههههههه
حلوة شديد
الله يقدرك على لم القروش

[Sajooya]

و الله ابدعتي يا qweenfadwa قصيده فيها وصف دقيق جدا لحال البنات في يومنا و الرجال المقحطين:D


اسمعوني يا اولاد المنتدى لمو قروشكم من هسي و الله يكون في عونكم :D

تقبلي مروري

[align=center] Sajooya [/align][/size]

[queenfadwa]

[quote="نفسيات"]كل ما اقول اخطب لى بت
الناس تفك فوقى الجهال
هاك يا لبع ..هاك يا خبط
ناس بالعصا وناس بالنبال
وتقوم على ام العروس
تلبعنى بى فردة نعال
وتقول لى روح يا عرّه غور
اختانا يا خيبة الرجال

دا كلو تشجيع والله حرام عليك انتى بتشجعى بالمقلوب ولا شنو
قولى كلام غير دا يا ستى وشوفنى ليك حاجة تانية تشجعينا بيها[/quote]


ما انت لمن تقرا كلام زي دا هتخاف من انك تكون في الموقف دا و تجهز نفسك عشان ما يحصل ليك اي شئ من الحاجات الفوق دي,و تمشى بكل قوة قلب ,لكن كان ما استعديت كويس :D ياهو الراجيك,وانا احسن لي انى اوريك الواقع لانو بنات الزمن دا بدل ما اغشك و انفخك ساي والا ما كدا

لكن بحاول اشوف ليك حاجة تشجع اكتر من كدا

[هدندوية مية المية]

هههههههههههههههههههه

خلاص يا اولاد المنتدى بورتكم قربت شيلو شيلتكم

دي حالة الرجال قريبا

بس فالحين تقولوا لينا بايرات

هو انتوا قروش للعرس ما عندكم

احي انا من الفلسفة

[queenfadwa]

[quote="حنكوشة كوول"]ههههههههههههههههههههههههه
حلوة شديد
الله يقدرك على لم القروش[/quote]
شفتي انا عيزه اوريهم الحقيقة عشان يستعدو من بدري

شكرا على مرورك

[queenfadwa]

[quote="Sajooya"] [align=center]و الله ابدعتي يا qweenfadwa قصيده فيها وصف دقيق جدا لحال البنات في يومنا و الرجال المقحطين:D


اسمعوني يا اولاد المنتدى لمو قروشكم من هسي و الله يكون في عونكم :D

تقبلي مروري[/align]




[align=center] Sajooya [/align][/quote]



تسلمي يا سجويا على المرور و انشاء الله بس يسمعوا نصيحتك
وانا بدعليهم انو الله يكون في عونهم الحالة دي صعبة شديد [/color][/font][/size]

[queenfadwa]

[quote="هدندوية مية المية"]هههههههههههههههههههه

خلاص يا اولاد المنتدى بورتكم قربت شيلو شيلتكم

دي حالة الرجال قريبا

بس فالحين تقولوا لينا بايرات

هو انتوا قروش للعرس ما عندكم

احي انا من الفلسفة

[/quote]

قربت شنو دي بقت بورة بالتلاتة,تاني زاتو ما نسمع لينا زول في المنتدى يقول علينا بايرات

شكرا على مرورك

[جمال الدين حسين أحمد حمرو]

في إمكانية واحد يدبل (يعني يعرس التانية) ..............
مع الإعتذار لي الماعندهم ولا لموا قروش ولسع بلموا قروش..............









طبعاً ده هزار ساي ........... ما تزعلوا يا العزابة.....................

[Hoomy]

بورة شنو ومال شنو
والله انتو ماعارفين بس
دا الزمن القاصدو الشاعر المشهور ( المفلس بن درهم ) حينما ذهب يخطب وهو مفلس
أخر زمن
أخر زمن تقولي لي أمشي يامفلس وماعندك ولا طرادة
أنت ماعارفة البنات بقت صغار ورخاس وبنات رمادة
يدوك اتنين ويمكن تلاتة ويزيدوك معاها واحدة هوادة

هووووووي اعملن حسابكن نحن اكان برن انتن البعرسكن منو
والله الا تمشو الجنة وتبقو حور مافي حل :D
هي هيييييييييي هوييييييييييييا
قال بايرين قال:D :D
بس الصراحة القصيدة حلوة وضحكتني من الاعماق

[جمال الدين حسين أحمد حمرو]

[size=5]مرة من المرات ودة قبل تقريباً عشر سنوات
وفي الحافلة الجاية من الثورة بالنص متجهة إلى ميدان الشهداء في ام درمان
الحاجة ام شلوخ راكبة قدام
وفجاءة رن جرس المدارس للبيوت مدارس الحارة الأولى
اول غيثهم الخارج من المدرسة كانوا بنات مدرسة البنات الفنية كانوا بلبسوا السماوي الوقت داك
وفجاءة شهقة الحاجة ام شلوخ وقالت: أجي يا بنات امي إنتن البعرسكن منو (طبعاً دة كناية عن الكثرة والوفرة في البنات)

وهذا بدون تعليق ...................[/size]

[waya]

شقيان مهلوس بالزواج
متمنى بس بت الحلال

هاهاهاااي ,, لحدي هنا معاك ,, الباقي شوفوا ليهو ناسو ,,

غايتو قصيدة جميلة جدا ,, ومعبرة عن أحوال الزمن الغابر أقصد الحالي والمعاكس لواقع الشباب عموما ,,

وبجد ابداع ,, وخليك مواصلة

تشكراتي

[امدرمانية]

الشعر كدا يابلاش اتاريك ياحبيبة كمان عندك مواهب مدفونة
قصيدة بتعبر عن الحاصل بكل مصداقية
لكي التحية

[جسور الأمل]

هههههههههههههههه

قصيدة جد رهيييييييييبة

وبالجد بتحكي عن واقعنا

يعني أنا بشوف لو كل وحدة اتساهلات في الحاجات المادية شوية

ماحيكون في بايرات :D ولا شنو

وكمان حتتسهل للشباب العايزين العرس

بالجد دي مشكلة الأيام دي

غلاء مهور،، متطلبات كتييييرة ماليها داعي

يعني أنا بشوف بعض البنات لو نقصة حاجة بسيطة بس من طلباتها

تقوم تخرب العرس كلو

والله حرام

التعاون مطلوب برضو

طولت عليك صح

هههههههه

معليش

بس جد قصيدك حلوة

يديك العافية

وسلام مخلوط بالعسسسل

[هدندوية مية المية]

عان ليهم اعترضو كيف
انتي شايفين روحكم ملائكة احي انا
هههههههه