عيوب السودانيين

[عمر زمان]

قلنا نخش نشوف عيوب السودانيين

لقينا موضوع البوست فى وادى والموضوع المطروح فى وادى

العادات والتقاليد اتكلمنا عنها لمن فترنا مفروض الواحد يبحث فى المنتدى
ويشوف الما مطروح شنو؟؟؟؟؟ ويطرحو ((دايرين جديد))

بعدين الطرح عندو اسلوب معين عشان انت توصل وجهة نظرك لازم تتحلى بالصبر
وتتخير الالفاظ الجيده مش تصف الناس بالتخلف انت منو؟؟؟وعمرك كم؟؟ وخبرتك شنو؟؟؟؟؟
عشان تصف هذه العادات والتقاليد بالتخلف خلفيتك عن العادات دى شنو؟؟؟؟ حسب قولك انك أول مره
تشوفا

الواحد لمن يفتح موضوع بتابع موضوعو ويرد على المداخلات مش يفتح موضوع والسلام هسه التخلف كيفن؟؟؟؟؟؟؟؟؟

تخيل كيف يكون الحال لو ما كنت سوداني وأهل الحارة ما أهلي

يا اخوناوووووووو اي زول ما اتربى في السودان وما عارف حاجة عنو عليييييييييكم الله ما تفتو لينا في حاجات بتخصنا نحن بس .... خليكم مع عادات بلادكم الجديدة ما نقصنكم ويا وكيل عريف الله يديك العافية

[Hoomy]

أنني أؤيد بأن بعض العادات والتقاليد التي يمارسها الناس في بلادنا منذ قديم الأزل لا يقبلها شرع ودين وأذكر أهمها ( بخ اللبن .. الجلد الذي يحدث في الأعراس .. الشلوخ .. لبس العروس الخليع..) ( وكذلك أشياء شركية تغضب الله وهي لبس السوميته والخرز خوفا من العين .. ولبس الرجل الذهب (الهلال) .. وكذلك الاختلاط بين النساء والرجال) ..ولبئس التقليد الأعمى .. ويا أخوتي أذا كان أجدادنا أخطئوا في بعض الأشياء فهل نحن نسير على نهجهم الخطأ .. هنالك أشياء لابد أن تتغير .. وللأفضل ولا يصح إلا الصحيح وكل فرد لابد من التأمل في كل الأمور وهل هي ترضي الله ورسوله .. أم لا ..

أشكرك أخي ود الجنوبي على الموضوع الهام وكذلك أحترم رأيك ورأي الأخ أدروب وهو في محله واحترامي لأراء كل الأخوة اللذين تداول الموضوع بجدية .. وكل فرد سوداني يسعى بأخلاقه ومثله العليا لرفعة شأن بلاده في كافة المحافل .. والعالم يحترم فيه هذه الصفة الكريمة ..

ودمتم أخوتي والسودان بخير ونعمة ..


[frame="7 80"]................ اختلاف الرأي لا يفسد للود قضية ......................[/frame]

همسة عطر
السلام عليكم ورحمة الله
أولا إياك ثم إياك أن تفتي في شي انت ماعارفاه
شرك عدييييييييييييل كدا والله ما أقدر أقول ليك الا الله يسامحك
أولا عادات تصفيها بأي حاجة مامشكلة لكن بالشرك دي كتيرة
ونحنا ماضرانا شي في الدنيا الا الافتاء من غير علم
ولأنو أنا ما عندي علم بانو شرك ولا ما شرك
بقول ليك الله أعلم
بس ما تاخدي كلامي بصورة شخصية بس قصدنا نصل للحقيقة
بس ماتفتي بدون علم
أسألي أول
وزي ما قلتي انت اختلاف الاراء لايفسد للود قضية
شكرا ليك

[ادروب كايرو]

عمر دى ما بلدك براك اول شى
ثانيا منو اداك الحق انك تسلب انسان هويته
ثالثا الناس المغتربين الفى الخارج ديل هما اكتر ناس عكسو صور مشرفة للسودانين وللخصل السودانية الاصيلة
المغتربين ديل معظمهم متمسكين بقيم وعادات هى فى منشئه الاصلى بدأت تندثر

ممكن اكون متفق معكم وكلى يقين انو حياتنا خارج حدود الوطن هى الشكلت او كان لها دور فى تشكيل وجهات النظر لكن كلى يقين بردو ان الابتعاد هو البلور فكر حر بعيد عن اى ظغوط بتمارس من قبل المجتمع وثقافته
اعتقد انكم اذا انصتو لصوت العقل هتلاقوا انكم ما مقتنعين بالكلام البتقولوو فوقه ده
وبعدين لو جبروت العرف والعادة له سطوة فى حياتنا وين الدين ووين المنطق ووين صوت العقل !!؟..

اتمنى بس ما نخرج عن حدود اللياقة ونجرح فى بعض ما صعبة الشغلانة دى الصعب انو الانسان يلتزم باسلوب يضمن نقاش جاد هادف علشان نخرج بفائدة من الموضوع

[ادروب كايرو]

والله عجبتني بالحيل
بس بالراحة علي الوليدات ديل صغار لسع
دحين بكونو عارفين القصيدة الأنا جبتها ليهم فوق دي
ياناس نحن ما أكتر وطنية منكم لكن والله مهما أتربينا في أي مكان في الدنيا مابنوصف زول سوداني بالمتخلف عرفتوا ياجماعة الخير

للاسف ما هتلاقى تعبير يصف اوضاع وممارسات كتير بتحدث فى بلدنا غير المصطلح دا ونحنا ما بصدد الاساءة لاولاد بلدنا وهلنا لكن نحن بنحاول نبرز الاخطاء اللفظ قاسى معك وممكن تشعر انو الكلمات غليضة بعض الشئ لكن لاسف غلظة الكلمات بتضع الاحداث والممارسات والطقوس المزاولة بمجتمعاتنا فى نصابها الصحيح


قبل كدا اتكلمنا فى موضوع قريب لده ياريت تمر به
ده الرابط
اتجلدو وعرضوو

[Hoomy]

للاسف ما هتلاقى تعبير يصف اوضاع وممارسات كتير بتحدث فى بلدنا غير المصطلح دا ونحنا ما بصدد الاساءة لاولاد بلدنا وهلنا لكن نحن بنحاول نبرز الاخطاء اللفظ قاسى معك وممكن تشعر انو الكلمات غليضة بعض الشئ لكن لاسف غلظة الكلمات بتضع الاحداث والممارسات والطقوس المزاولة بمجتمعاتنا فى نصابها الصحيح


قبل كدا اتكلمنا فى موضوع قريب لده ياريت تمر به
ده الرابط
اتجلدو وعرضوو

بعد القلتو ليك دا ماعندي اضافة
لكن عاداتنا المزكورة هنا مامتخلفة بل قيم أصيلة تؤكد أصالة شعب معلم وبس

[امدرمانية]

قصة الجلد دي عندنا احنا الجعليين و في ناس في عائلة امي لسة بعملوها في الافراح هي والعرضة,لدرجة انهم مرة عملوها في نادي كبير وكان في ناس ما شافت الكلام دا (ناس قاعدة في السودان) المهم انو الناس ديل افتكرو انهم جو النادي الغلط,لانهم لما وصلو كان الجلد شغال فاكانو قايلين انو في مشكلة في النادى


(لكن اعتقد انها كناية عن الشجاعة وهي مدعاة لصناعة رجال قادرين على أهوال الحياة)
this is just funny,am sorry for that,no offenceالكلام دا ما بخش المخ خاااااااااااااااااااالص

عزيزتي الملكة
التربية الصحيحة معيار متكامل يبدأ من سن الطفولة وحتى مرحلة الشباب لتصير مهيأ لتحمل المسئولية كاملة. ونحن أطفال كنا ممنوعين الدخول لديوان الرجال وكنا نستنكر ذلك بحسب فهم الطفولةز تبدا سن المراهقة يبأ الوالد في مرافقتك للمسجد ومشاركتك في النقاشات حتى تبلغ النضج ثم تتدرج حتى تتشرب بكل المعاني التي يحملها والدك حتى يلاحظ الناس الشبه بينك وبين والدك في كل شي .
خلال هذه المراحل ياعزيزتي بتكون في حاجات انت بتلاحظها هي بتكمل هذه التربية وهي مايسمى بالموروثات التي يتوارثها الناس أبا عن جد وأنا في رأي الشخصي أنو كل موروث لا يتعارض مع الدين يجب أن نحافظ عليه. والجلد عند الجعليين ياسيدة ومع اني ماجعلي ميزهم عن غيرهم (ودا أقل تقدير) والحنين عند الشايقية مترجم بنغم الطمبور ميزهم عن غيرهم - والشاشاي ةالدوبيت (لو بتعرفيه) ميز الشكرية والبطاحين - وممكن أحسب ليك كل عادات أهل السودان بس المجال هنا ماواسع
بس دايرك تعرفي حاجة واحدة : الطيب صالح مارشح لجائزة نوبل للأداب الا عشان أبرز أهم العادات السودانية الجميلة للعالم في روايتيه (موسم الهجرة للشمال) وعرس الزين
ونجيب محفوظ نال الجائزة لأنه وصف كل شرائح المجتمع المصري بعاداته وتقاليديه في كتبه فلا يكاد يخلو كتاب من كتبه عن شرح التقاليد في الأحياء الشعبية (زقاق المدق- شارع محمد علي -الحلمية- السيدة زينب) كل ذلك ماشفناه لكن عشناه من خلال العادات والتقاليد حتى انو الواحد ممكن يعرف المصري من وين بس من خلال شرح نجيب محفوظ
عزيزتي
عاداتك هي البتميزك عن غيك مهما كانت (متخلفة زي مابتقولي انت)
ود بادي أشهر من قال الشعر بالعامية كان طبيب وكان يتمسك بكل عادات قبيلته حتى أنه يأتي مرتديا جلابية وعمة وسديري وهو في المحاضرة وما نقص ذلك من شهادته
الشايفنه انتو تخلف دا دي قيم وفرقوا بين الاتنين
وبرضو ماتاخدي كلامي بصورة شخصية
وبالتوفيق

لك مني كل تقدير واحترام

[Hoomy]

لك مني كل تقدير واحترام

وليك مني ألف تحايا بحجم وقامة بلدي
وليك مني احترام بقدر روعتك
وسلام كتير لكل ناس بلدي وتراب بلدي
قولي ليهم هووومي مكتول في البلد وفي عاداته
ورغم الغربة الطويلة
علا وحاتك ما أتبدلنا
بل ذادنا شوق للبلد واهله وعاداته وتقاليده المتخلفة

ياروعة
و
بس

[همسة عطر]

همسة عطر
السلام عليكم ورحمة الله
أولا إياك ثم إياك أن تفتي في شي انت ماعارفاه
شرك عدييييييييييييل كدا والله ما أقدر أقول ليك الا الله يسامحك
أولا عادات تصفيها بأي حاجة مامشكلة لكن بالشرك دي كتيرة
ونحنا ماضرانا شي في الدنيا الا الافتاء من غير علم
ولأنو أنا ما عندي علم بانو شرك ولا ما شرك
بقول ليك الله أعلم
بس ما تاخدي كلامي بصورة شخصية بس قصدنا نصل للحقيقة
بس ماتفتي بدون علم
أسألي أول
وزي ما قلتي انت اختلاف الاراء لايفسد للود قضية
شكرا ليك

الاخ Hoomy

أولاً نسأل الله أن يجعلنا وأياك ممن يتبعون القول فيتبعون أحسنه ، فيا أخي فالانسان يقول الحق ولو على نفسه .. ولابد من قول النصحية على علم وليس على جهل ، وكذلك لابد لنا من تقبل النصح .. ويقول عمر بن الخطاب رحم الله أمرئ أهدى إلي عيوبي ..(أسال لله لنا ولك الهداية) فإنني لم أخطئ فيما قلت وإنني مؤقن بأن ماذكرته صحيح ، ولم أفتي بل ذكرت بأن هنالك أشياء يفعلها الناس في الأفراح وهي (شركية) مثل عمل السوميته والخرزه خوفاً من العين .. فإنني أعوذ بالله أن أقول انها غير ذلك .. أو أؤيد مثل ذلك .. ولكن قل انها تعمل بجهل ودون معرفة وأن فعل ذلك من الشرك ... ويمكنك الآن النظر في الفتوي المدونه أدناه في الشبكة الاسلامية ..
[frame="2 80"]
رقـم الفتوى : 4137
عنوان الفتوى : تعريف التمائم والنهي عنها .

الحمد لله والصلاة والسلام على رسول الله وعلى آله وصحبه أما بعد:

فالتمائم جمع تميمة وهي ما يعلق على الأولاد من خرزات وعظام ونحو ذلك لدفع العين .
سميت تميمة لاعتقادهم أنهم يتم أمرهم ويحفظون بها.
وتعليق التمائم محرم ، وهو من التشبه بالجاهلية .
وإن اعتقد فيها النفع والضر من دون الله عز وجل ، فهذا شرك أكبر ، وإن اعتقد أنها سبب للسلامة من العين أو الجن ، فهذا شرك أصغر ، لأنه جعل ما ليس سبباً سبباً .
والدليل على كون التمائم من الشرك هو : قول النبي صلى الله عليه وسلم : " إن الرقى والتمائم والتولة شرك ". رواه أحمد و أبو داود. والمراد بالرقى في هذا الحديث : الرقى المشتملة على الشرك بالله .
لكن إذا كانت التميمة من القرآن ، فقد اختلف أهل العلم في جواز تعليقها ، والصحيح أنه لا يجوز ، وبه قال ابن مسعود وابن عباس رضي الله عنهما، وهو ظاهر قول حذيفة وعقبة بن عامر وابن عكيم ، وذلك لما يلي :
أولاً : عموم النهي ، ولا مخصص له .
ثانياً : سد الذريعة ، فإنه يفضي إلى تعليق ما ليس من القرآن .
ثالثاً : أنه إذا علق فلا بد أن يمتهنه المعلق عليه ، فيحمله معه في حال قضاء الحاجة والاستنجاء ونحو ذلك .
والله أعلم .
http://www.islamweb.net/ver2/Fatwa/Show ... =A&Id=4137[/frame]


النصحية : مفهومها ومعناها وشروطها:
للنصيحة شأن عظيم في حياة الفرد والأمة على حد سواء , فهي أساس بناء الأمة , وهي السياج الواقي بإذن الله من الفرقة والتنازع والتحريش بين المسلمين ، هذا التحريش الذي رضيه الشيطان بعد أن يئس أن يعبده المصلون في جزيرة العرب ,كما قال عليه الصلاة والسلام في الحديث الذي رواه مسلم : ( إن الشيطان قد أيس أن يعبده المصلون في جزيرة العرب , ولكن في التحريش بينهم ) . لقد رضي بالتحريش لأنه بداية طبيعية للعداء والتفرق والتنازع , المؤدي إلى الاقتتال وذهاب الريح .

وأعظم حديث جامع يبين مفهوم النصيحة الشرعية وحدودها , الحديث الذي رواه الإمام مسلم عن تميم الدَّاري أن النبي صلى الله عليه وسلم قال : ( الدين النصيحة ثلاثا , قلنا : لمن يا رسول الله ؟ قال : لله ولكتابه ولرسوله ولأئمة المسلمين وعامَّتهم ) .

فهذا الحديث له شأن عظيم , فهو ينص على أن عماد الدين وقوامه بالنصيحة , فبوجودها يبقى الدين قائما في الأمة , وبعدمها يدخل النقص على الأمة في جميع شؤون حياتها.

وقد كان منهج أنبياء الله ورسله مع أممهم مبنياً على النصح لهم والشفقة عليهم ،قال نوح عليه السلام مخاطبا قومه : { أبلغكم رسالات ربي وأنصح لكم وأعلم من الله ما لا تعلمون } ( الأعراف 62ا ) . وقال صالح لقومه : {يا قوم لقد أبلغتكم رسالة ربي ونصحت لكم ولكن لا تحبون الناصحين} ( الأعراف 79ا ) ،وقال هود : { أبلغكم رسالات ربي وأنا لكم ناصح أمين } ( الأعراف 68ا ) .

والنصيحة كلمة يعبر بها عن إرادة الخير للمنصوح له , ولا يمكن أن يعبر عن هذا المعنى بكلمة واحدة تحصرها وتجمع معناها غير هذه الكلمة , وأنواعها خمسة وهي التي ذكرت في الحديث :

الأول : النصيحة لله : وتكون بالاعتراف بوحدانيته وتفرده بصفات الكمال ونعوت الجلال , والقيام بعبوديته ظاهراً وباطناً ، والإنابة إليه كل وقت ,مع التوبة والاستغفار الدائم , لأن العبد لا بد له من التقصير في شيء من الواجبات و التجرؤ على بعض المحرمات , وبالتوبة والاستغفار ينجبر النقص , ويُسَدُّ الخلل.

الثاني : النصيحة لكتاب الله وتكون بحفظه وتدبره ، وتعلم ألفاظه ومعانيه , والاجتهاد في العمل به في نفسه وتعليمه غيره .

الثالث : النصيحة للرسول صلى الله عليه وسلم : وتكون بالإيمان به ومحبته ، وتقديمه على النفس والمال والولد ، واتباعه في أصول الدين وفروعه ، وتقديم قوله على قول كل أحد , والاهتداء بهديه ، والنصر لدينه وسنته .

الرابع : النصيحة لأئمة المسلمين وهم الولاة , من الإمام الأعظم إلى الأمراء والقضاة وجميع من لهم ولاية عامة أو خاصة , وتكون هذه النصيحة باعتقاد ولايتهم , والسمع والطاعة لهم ، وحث الناس على ذلك ، وبذل ما يستطاع في إرشادهم للقيام بواجبهم , وما ينفعهم وينفع الناس .

الخامس النصيحة لعامة المسلمين وتكون بمحبة الخير لهم كما يحب المرء لنفسه , وكراهية الشر لهم كما يكره لنفسه .

ولابد في النصيحة من ثلاثة أمور :
أولها : الإخلاص لله تعالى في النصيحة لأنه لب الأعمال , ولأن النصيحة من حق المؤمن على المؤمن , فوجب فيها التجرد عن الهوى والأغراض الشخصية والنوايا السيئة التي قد تحبط العمل , وتورث الشحناء وفساد ذات البين .

وثانيها : الرفق في النصح ,وإذا خلت النصيحة من الرفق صارت تعنيفا وتوبيخا لا يقبل ، ومن حرم الرفق فقد حرم الخير كله كما أخبر بذلك نبينا عليه الصلاة والسلام .

وثالثها : الحِلْم بعد النصح , لأن الناصح قد يواجه من يتجرأ عليه أو يرد نصيحته , فعليه أن يتحلى بالحلم , ومن مقتضيات الحلم : الستر والحياء وعدم البذاءة , وترك الفحش .

وإن من الحكمة والبصيرة في النصيحة معرفة أقدار الناس , وإنزالهم منازلهم ، والترفق مع أهل الفضل والسابقة , وتخير وقت النصح المناسب , وتخير أسلوب النصح المتزن البعيد عن الانفعالات , وانتقاء الكلم الطيب والوجه البشوش والصدر الرحب ، فهو أوقع في النفس وأدعى للقبول وأعظم للأجر عند الله .

فهذه هي حدود النصيحة الشرعية , وخلاف ذلك هو الإرجاف والتعيير والغش الذي هو من علامات النفاق عياذا بالله , قال على رضي الله عنه : " المؤمنون نصحة والمنافقون غششة " ، وقال غيره : " المؤمن يستر وينصح والفاجر يهتك ويعير" .

فالنبي صلى الله عليه وسلم فسر النصيحة بهذه الأمور الخمسة , التي تشمل القيام بحقوق الله ، وحقوق كتابه ، وحقوق رسوله ، وحقوق جميع المسلمين على اختلاف أحوالهم وطبقاتهم , فشمل ذلك الدين كله ، ولم يبق منه شيء إلا دخل في هذا الكلام الجامع المحيط , فكان لزاما على المسلمين أخذ النصيحة خلقا بينهم , فهي القاطعة لفساد ذات البين والتحريش , والموصلة لمعاني الأخوة والمحبة في الله , وهي العامل الأهم في تماسك الجماعة والأمة , والله الموفق

تشرفنا بمروركم ودمتم بخير ونعمة

[اقوو]

[quote لاخوانا الجعليين المعروفين بالشجاعه تلقاهم في اعراسهم بضربوا بعض قال شنو شجاعه بصراحه ده اسموا تخلف وبعد ده كلوا بنقول عن نفسنا احسن ناس وده كلام خاطى جدا.[/quote]

يا ود الجنوبي .. كل قبيلة وليها تقاليدة .. أما الجعليين - طبعا اهلي - بقيسوا قوة تحمل الواحد بالســوط ونحنا فرحانين بتقاليدنا ..
والافضل انك تكبر شويه اشان تتعمق في الحاجات دي وتعرفها على اصلها الحقيقي

[ادروب كايرو]

اعتقد اننا بحاجة لنقطة نظام لو سمحتم حتى لا يحدث سوء فهم ويسبح الناس فى مفاهيم خاطئة وعجلة فى الفهم ووزن الامور اولاً لسنا ممن يدعو لتناسى الاصل والارث نحنا بنعتز جدا بانتمائنا للسودان ولامتلاكنا معالم تراثية راقية وملفتة للانتباه والاهتمام بنفتخر باعادات اهلنا الطيبة البسيطة بنفتخر بقوة الروابط الاجتماعيه الاكتسبنها من القدم ضمن طيات العادات والتقاليد والاعراف وبقول بكل ثقة الجماليات دى فى الدنيا كلها مافى الا عندنا

نحنا ما بصدد تغير قيم واخلاقيات رفيعة كلنا مؤمنين بها ومحل اعتزازنا فى السودان و فى الخارج
لكن ما معنى اننا بنعتز بقيم وعادات وتقاليد اننا ما نحاول لفظ عادات وتقاليد عفى عنها الزمن وما لها اى وجه اهميه
عادات وتقاليد لا تحصى ولا تعد على امتدام العصور والحضارات تلاشت واختفت لان لان العلم والدين اوجد لمبالغها سبل اخرى فائدته اكثر وسلبياته تكاد تكون معدومة

انا ما عندى اضافة تانية بخصوص الموضوع لكن حابى اوجه ليكم سؤال هل بتعتقدوا ان رجاحة العقل شئ مرتبط ارتباط وثيق بالسن
انا وجهة نظرى الخاصة انو الموضوع ما مرتبط بالسن لكن مرتبط بتجارب واتساع مدارك وفوارق ذهنية ما خاضعة لمعدل اعمار ويسلمووو كل الكتب حرم فى الموضوع الاتفق والاختلف وفى النهاية الاختلاف ما بيفسد ودى لكم اخوانى

[ربوه]

[align=center]اخى مشكور عالموضوع بس انتو كلكم ممكن تناقشو الموضوع
ده من غير تقولو عنو تخلف لانو اهلنا الكبار كلهم بيعملو كده
كلكم عندكم الجد والحبوبه المشلخه
فلما تقولو متخلفين معناها بتسيئو ليهم وبتسبوهم وانا ما بحب كده
لانو واجب علينا احترامهم حتى لو فى حاجه ما عجبانه فيهم
بعدين دى عاداتنا وتقاليدنا كل بلد عندو عادات وتقاليد
مش كده ولا كلاميي غلط ؟؟؟؟
تانى ما تتكلمو بالطريقه دى لانو انا زعلانه[/align]

[دلوعة النيل]

طبعا في البداية أحب أوضح ليكم نقاط
قصة الجلد دي ماعندنا (لكن اعتقد انها كناية عن الشجاعة وهي مدعاة لصناعة رجال قادرين على أهوال الحياة)
تانيا
أحب أوضح ليكم حاجة واحدة بس انه الشي الشايفنه انتو هبالة دا دي قيم نحن متوارثنها أباعن جد
وكل شعب من الشعوب عندو عادات لو عرضت علينا نحن ممكن برضو نقول هبالة لكن هم بيعتزو بيها ويفتخرو بيها فهل انت عارفين انو الفلسطينين بيقاوموا الاحتلال بهذه العادات
ففي وسط النيران تشق الظلام زغرودة فرح ودبكة فلسطينية أصيلة وعادات تعلن عن شعب لازال موجود
يعني انتو دايرين العرس كيف
أولا أعزائي ابناء المغتربين الشايفنه انتو عوارة دا احب اوضحو ليكم في نقاط أرجو أن يسع صدركم لها
بالنسبة للشلوخ أختفت مافي داعي لمناقشتها
أما الجرتق : ففيه لمة أهل العريس وتعطيره بكل أنواع العطور والمرأة البتجرتقك تكون عادة متزوجة
ومعنى ذلك ياسادة ياكرام انه بيتمنو ليك حياة جميلة ومستمرة يعني مابتجرتقك واحدة مطلقة ولا أرملة بس واحدة متزوجة وزوجها موجود يعني امنية ليك بطريقة ايحائية بالهنا والسعادة
هذا اضافة لمعنى اللمة نفسها لأصحاب العريس وأهله
ثانيا : اللبن أهلنا بقولو البيضاء ما تنبي (يعني لو زول قدم ليك لبن ولا روب ما تاباه ) ليه لأنو بتفاءلوا بيه
فسيدنا جبريل لما اسرى بسيدنا محمد قدم ليه اناء فيه لبن شرب منه وترك قليل وسيدنا جبريل قال ليه لوشربت كله امتك كلها كانت دخلت الجنة
فالعادة دي كانهم بيقولو ليك انك داخل جنة جديدة
مافي حاجة ساي
يا أخوانا خليكم فخورين بي عاداتكم وتأكدوا انها ما هبالة ولا تخلف
في المنتدي دا في عريس خواجة بالطريقة السودانية أرجعي ليه ياملكة وشوفي نحن متخلفين ولالا
امنياتي بالتوفيق

مشكووووور يا هومي الرااااائع على الرد الجميل وربنا يديك ألف عافية
عشان يعرفو إنو الجعل ما متخلفين بالعكس دي شجاعة منهم لكن للأسف ما في زول معترف بالكلام دة
على العموم كفاية علينا إنو نحنا الجعل معترفين ومفتخرين بعاداتنا وتقاليدنا وعادات بلدنا الحبيب

[أبو أحمد]

أولا راجع معلوماتك
نحن ماعندنا أي عادات متخلفة
معليش ممكن انت أتربيت برة وشايف دا تخلف
والله أنا شايف انه دي عادات وموروثات لابد نحافظ عليها
أنا بوافقك في الرأي في قصة الشلوخ دي وهي انتهت براها
لكن
ياخي الأعراس دي والله في عادات وتقاليد ليها معاني تحتاج لمجلدات كاملة وذلك بالرجوع لأصل هذه العادات وأنا شرحت ليك بس قصة الجرتق وحكاية اللبن دي معناه شنو في الرد علي queen fadwa وهي ايضا متربية في القاهرة أعتقد
عموما ياسيدي ماتاخد كلامي دا بصورة شخصية لكن اوعدك قريب جدا بشرح وافي لبعض عاداتنا والانت مسميها تخلف اوعدك بمقال كامل في المنتدى دا قريب وأرجو أن يتسع صدرك لقراءة التخلف دا
بالتوفيق

الأخ هومى /
كلامك دة مية المية وأنا منتظر مقالك على أحر من الجمر
لأنو أنا إتربيت فى أبوظبى .. لكن كنت بجى السودان كل
إجازة مع الأسرة يعنى أبوى الله يديهو الصحة والعافية
ما كان بيخلينا سنة نغيب عن السودان عشان كدة بقينا
مرتبطين بالسودان وعاداته وتقاليده وبحكم إننا جعليين
أنا كنت بستمع للحقيبة دى من أنا فى الإبتدائى وزملائى
كلهم كانوا بيسمعوا أغانى عربية وغربية إلا أنا لدرجة
إنهم أطلقوا على تسمية(المتخلف) تتخيل؟

[همسة عطر]

ربوة

أجدادنا كبارنا .. ظروفهم ومجتماعاتهم كانت تختلف عن عصرنا ومجتمعنا الحاضر وكذلك كانت تختلف مقاييس الشجاعة والجمال .. فلا يمكن لأي أحد منا الإساءة لهم بأي حال من الأحوال أو نصفهم بالتخلف والجهل .. بل نكن لهم كل احترام وتقدير بالغ .. ولا ننسى أفضالهم - بعد الله - بأننا أكتسبنا منهم أشياء جميلة ، أذكر منها : حسن الخلق والأمانة والصدق والشجاعة والاقدام .. أما الاشياء التي سادت وبدأت في الاندسار فنحن أبناء اليوم ونتطلع بالوصول إلى الأفضل بقدر الإمكان ، وليس الرجوع للوراء ، .. والكمال لله وحده..
إن زعلك وزعل بعض الأخوة .. تعتبر حالة صحية .. حيث الصحيح أن نذكر الأشياء الجميلة ونتبعها ونبتعد عن النقائص ونجتنبها ..
ويقول المثل : ( أسمع كلام الذي يبكيك من الكلام الذي يضحكك )

ودمتم والجميع في خير ونعمة ..

[Sajooya]

اولا الاخ ود الجنوبي ما كان في داعي تسئ للعادات و التقاليد و تقول عنها تخلف و سخافه مهما كان ما بتوصل للدرجه ديه و بعدين كل عاده و تقليد الزول لما بمارسو بحس بشعور الانتماء و الوطنية و اذا عاوز تتبرا من الحاجات ديه ازكرك انو اللي ما عندو ماضي ما عندو حاضر و لا مستقبل و اذا ماضيك ما عاجبك طور في مستقبلك من غير ما تتدخل في الماضي اللي بعتبروهر البعض اصالة و عراقة حتى لو انت شايفو تخلف و بالمنسابة ديه انا وحده من الناس ديل و دليل على كدا قدمت عرض عندي في المدرسة و كان عن السودان و اتكلمت عن كل عادة و تقليد انت ذكرتو بالصور و المعلومات الموثوقة و اخد موضوعي Full mark
تخريمه : انا غرابية تعيشية يعني ولا وحدة من الناس ديل و لا بمارس العادات ديه لكن في النهاية بفتخر انها طلعت من وطني الحبيب العريق الاصيل

مع خالص احترامي اليك

[align=center] Sajooya [/align][/size]

[ود الجنوبي]

عشان نطور وبلدنا تزدهر لازم نقول نحنا عيوبنا شنو مش برضوا نقول نحنا احسن ناس ونحنا كعبين يا المتربين في السودان

[ود الجنوبي]

انا بلدي ما غلطه في حقوا بلادي على عيني وعلى راسي بس لازم نكون صريحين يا جماعه عشان نعرف ليه نحنا لسه ما تقدمنا ولو كان عندنا صراحه وقلنا انوا نحنا فينا وفينا كان عالجنا الحاجات ده وكان بقينا احسن واحسن وربنا يحفظ بلادنا ده والناس الحاميين علينا ديل يروق المنقعه لانها ده في النهايه مجرد اراء والسلام ختام

[ود الجنوبي]

وعلى فكره انا مولود في السودان وبقرا في السودان

[Hoomy]

انا بلدي ما غلطه في حقوا بلادي على عيني وعلى راسي بس لازم نكون صريحين يا جماعه عشان نعرف ليه نحنا لسه ما تقدمنا ولو كان عندنا صراحه وقلنا انوا نحنا فينا وفينا كان عالجنا الحاجات ده وكان بقينا احسن واحسن وربنا يحفظ بلادنا ده والناس الحاميين علينا ديل يروق المنقعه لانها ده في النهايه مجرد اراء والسلام ختام

ياود الجنوبي
نحن مامتحامليييين عليك الله يهديك
بس بنقول ليك الكلمة نفسها (عادات متخلفة ) مابتليق بهذا الشعب العظيم بكافة أجناسه وقبائله
ياخي والله أنا مرة في إجازة وصدفة لقيت لي عرس لواحدة من قبائل كردفان والله ماقدرت أتحرك من الدهشة ومن الأشياء الجميلة البعملوها وفقا لعاداتهم
سؤال أخير بس
ليه بتعتقد العلماء رجعوا بقوة لعلم الاجتماع ودراسة المجتمع
وليه أخرجوا لينا نظريات (نظرية الصراع ونظرية الحراك الاجتماعي ) أفادت في تحليل المجتمع وثفافته وبالتالي في تنميته المجتمع وذلك وفقا لهذه العادات (حتى القبائل التي في داخل أدغال أفريقيا)

مع العلم أن علم الاجتماع أستند إلي عادات وسموها ثقافة
فهل أنت عالم اجتماع جديد بدأ بعادات بلده وسماها (العادات المتخلفة)
ياخي بس أدرس كل عادة شايفة انت متخلفة بتأني
لازم تلقاها فيها معنى محدد
أتمنى لك التوفيق
وعزرا لكن هذاالشعب بعاداته لا يستاهل هذه الكلمة القاسية

[Hoomy]

الاخ Hoomy

أولاً نسأل الله أن يجعلنا وأياك ممن يتبعون القول فيتبعون أحسنه ، فيا أخي فالانسان يقول الحق ولو على نفسه .. ولابد من قول النصحية على علم وليس على جهل ، وكذلك لابد لنا من تقبل النصح .. ويقول عمر بن الخطاب رحم الله أمرئ أهدى إلي عيوبي ..(أسال لله لنا ولك الهداية) فإنني لم أخطئ فيما قلت وإنني مؤقن بأن ماذكرته صحيح ، ولم أفتي بل ذكرت بأن هنالك أشياء يفعلها الناس في الأفراح وهي (شركية) مثل عمل السوميته والخرزه خوفاً من العين .. فإنني أعوذ بالله أن أقول انها غير ذلك .. أو أؤيد مثل ذلك .. ولكن قل انها تعمل بجهل ودون معرفة وأن فعل ذلك من الشرك ... ويمكنك الآن النظر في الفتوي المدونه أدناه في الشبكة الاسلامية ..
[frame="2 80"]
رقـم الفتوى : 4137
عنوان الفتوى : تعريف التمائم والنهي عنها .

الحمد لله والصلاة والسلام على رسول الله وعلى آله وصحبه أما بعد:

فالتمائم جمع تميمة وهي ما يعلق على الأولاد من خرزات وعظام ونحو ذلك لدفع العين .
سميت تميمة لاعتقادهم أنهم يتم أمرهم ويحفظون بها.
وتعليق التمائم محرم ، وهو من التشبه بالجاهلية .
وإن اعتقد فيها النفع والضر من دون الله عز وجل ، فهذا شرك أكبر ، وإن اعتقد أنها سبب للسلامة من العين أو الجن ، فهذا شرك أصغر ، لأنه جعل ما ليس سبباً سبباً .
والدليل على كون التمائم من الشرك هو : قول النبي صلى الله عليه وسلم : " إن الرقى والتمائم والتولة شرك ". رواه أحمد و أبو داود. والمراد بالرقى في هذا الحديث : الرقى المشتملة على الشرك بالله .
لكن إذا كانت التميمة من القرآن ، فقد اختلف أهل العلم في جواز تعليقها ، والصحيح أنه لا يجوز ، وبه قال ابن مسعود وابن عباس رضي الله عنهما، وهو ظاهر قول حذيفة وعقبة بن عامر وابن عكيم ، وذلك لما يلي :
أولاً : عموم النهي ، ولا مخصص له .
ثانياً : سد الذريعة ، فإنه يفضي إلى تعليق ما ليس من القرآن .
ثالثاً : أنه إذا علق فلا بد أن يمتهنه المعلق عليه ، فيحمله معه في حال قضاء الحاجة والاستنجاء ونحو ذلك .
والله أعلم .
http://www.islamweb.net/ver2/Fatwa/Show ... =A&Id=4137[/frame]


النصحية : مفهومها ومعناها وشروطها:
للنصيحة شأن عظيم في حياة الفرد والأمة على حد سواء , فهي أساس بناء الأمة , وهي السياج الواقي بإذن الله من الفرقة والتنازع والتحريش بين المسلمين ، هذا التحريش الذي رضيه الشيطان بعد أن يئس أن يعبده المصلون في جزيرة العرب ,كما قال عليه الصلاة والسلام في الحديث الذي رواه مسلم : ( إن الشيطان قد أيس أن يعبده المصلون في جزيرة العرب , ولكن في التحريش بينهم ) . لقد رضي بالتحريش لأنه بداية طبيعية للعداء والتفرق والتنازع , المؤدي إلى الاقتتال وذهاب الريح .

وأعظم حديث جامع يبين مفهوم النصيحة الشرعية وحدودها , الحديث الذي رواه الإمام مسلم عن تميم الدَّاري أن النبي صلى الله عليه وسلم قال : ( الدين النصيحة ثلاثا , قلنا : لمن يا رسول الله ؟ قال : لله ولكتابه ولرسوله ولأئمة المسلمين وعامَّتهم ) .

فهذا الحديث له شأن عظيم , فهو ينص على أن عماد الدين وقوامه بالنصيحة , فبوجودها يبقى الدين قائما في الأمة , وبعدمها يدخل النقص على الأمة في جميع شؤون حياتها.

وقد كان منهج أنبياء الله ورسله مع أممهم مبنياً على النصح لهم والشفقة عليهم ،قال نوح عليه السلام مخاطبا قومه : { أبلغكم رسالات ربي وأنصح لكم وأعلم من الله ما لا تعلمون } ( الأعراف 62ا ) . وقال صالح لقومه : {يا قوم لقد أبلغتكم رسالة ربي ونصحت لكم ولكن لا تحبون الناصحين} ( الأعراف 79ا ) ،وقال هود : { أبلغكم رسالات ربي وأنا لكم ناصح أمين } ( الأعراف 68ا ) .
والنصيحة كلمة يعبر بها عن إرادة الخير للمنصوح له , ولا يمكن أن يعبر عن هذا المعنى بكلمة واحدة تحصرها وتجمع معناها غير هذه الكلمة , وأنواعها خمسة وهي التي ذكرت في الحديث :

الأول : النصيحة لله : وتكون بالاعتراف بوحدانيته وتفرده بصفات الكمال ونعوت الجلال , والقيام بعبوديته ظاهراً وباطناً ، والإنابة إليه كل وقت ,مع التوبة والاستغفار الدائم , لأن العبد لا بد له من التقصير في شيء من الواجبات و التجرؤ على بعض المحرمات , وبالتوبة والاستغفار ينجبر النقص , ويُسَدُّ الخلل.

الثاني : النصيحة لكتاب الله وتكون بحفظه وتدبره ، وتعلم ألفاظه ومعانيه , والاجتهاد في العمل به في نفسه وتعليمه غيره .

الثالث : النصيحة للرسول صلى الله عليه وسلم : وتكون بالإيمان به ومحبته ، وتقديمه على النفس والمال والولد ، واتباعه في أصول الدين وفروعه ، وتقديم قوله على قول كل أحد , والاهتداء بهديه ، والنصر لدينه وسنته .

الرابع : النصيحة لأئمة المسلمين وهم الولاة , من الإمام الأعظم إلى الأمراء والقضاة وجميع من لهم ولاية عامة أو خاصة , وتكون هذه النصيحة باعتقاد ولايتهم , والسمع والطاعة لهم ، وحث الناس على ذلك ، وبذل ما يستطاع في إرشادهم للقيام بواجبهم , وما ينفعهم وينفع الناس .

الخامس النصيحة لعامة المسلمين وتكون بمحبة الخير لهم كما يحب المرء لنفسه , وكراهية الشر لهم كما يكره لنفسه .

ولابد في النصيحة من ثلاثة أمور :
أولها : الإخلاص لله تعالى في النصيحة لأنه لب الأعمال , ولأن النصيحة من حق المؤمن على المؤمن , فوجب فيها التجرد عن الهوى والأغراض الشخصية والنوايا السيئة التي قد تحبط العمل , وتورث الشحناء وفساد ذات البين .

وثانيها : الرفق في النصح ,وإذا خلت النصيحة من الرفق صارت تعنيفا وتوبيخا لا يقبل ، ومن حرم الرفق فقد حرم الخير كله كما أخبر بذلك نبينا عليه الصلاة والسلام .

وثالثها : الحِلْم بعد النصح , لأن الناصح قد يواجه من يتجرأ عليه أو يرد نصيحته , فعليه أن يتحلى بالحلم , ومن مقتضيات الحلم : الستر والحياء وعدم البذاءة , وترك الفحش .

وإن من الحكمة والبصيرة في النصيحة معرفة أقدار الناس , وإنزالهم منازلهم ، والترفق مع أهل الفضل والسابقة , وتخير وقت النصح المناسب , وتخير أسلوب النصح المتزن البعيد عن الانفعالات , وانتقاء الكلم الطيب والوجه البشوش والصدر الرحب ، فهو أوقع في النفس وأدعى للقبول وأعظم للأجر عند الله .

فهذه هي حدود النصيحة الشرعية , وخلاف ذلك هو الإرجاف والتعيير والغش الذي هو من علامات النفاق عياذا بالله , قال على رضي الله عنه : " المؤمنون نصحة والمنافقون غششة " ، وقال غيره : " المؤمن يستر وينصح والفاجر يهتك ويعير" .

فالنبي صلى الله عليه وسلم فسر النصيحة بهذه الأمور الخمسة , التي تشمل القيام بحقوق الله ، وحقوق كتابه ، وحقوق رسوله ، وحقوق جميع المسلمين على اختلاف أحوالهم وطبقاتهم , فشمل ذلك الدين كله ، ولم يبق منه شيء إلا دخل في هذا الكلام الجامع المحيط , فكان لزاما على المسلمين أخذ النصيحة خلقا بينهم , فهي القاطعة لفساد ذات البين والتحريش , والموصلة لمعاني الأخوة والمحبة في الله , وهي العامل الأهم في تماسك الجماعة والأمة , والله الموفق

تشرفنا بمروركم ودمتم بخير ونعمة

همسة عطر
أولا السلام عليكم ورحمة الله وبركاته
سلام يغشاك ويزيدك أمن وطمأنينة انشا الله وبعد
ركزتي في كلامك علي حاجتين فقط
أولا التميمة وهي مايعلق للعرسان ويعتقد فيها النفع والضر
وثانيا ركزتي في باقي كلامك كلو علي قصة النصيحة وقبول النصح
وأما الأولي - فإذا كان يعتقد فيها النفع والضر فبالتأكيد شرك لأنك أشركت مع الله أحد في نفعك وضرك
لكن هذا اذا كان أصلا معناها دفع الضر وجلب النفع.
هذا أولا أما ثانيا : فالحمد لله أنا من الذين يسمعون النصح حتى ولو كان راي خطا فالعودة إلي الحق هي دوما هدفنا
إذا ليس هناك داعي للإسهاب في قصة النصح والنصيحة دي لأن الموضوع محدد جدا وهو بعض العادات السودانية إذا ليس هناك داعي لزكر سبعين عالما وخمسمائة فتوى وهي خارج الموضوع.

وفقك الله ياعزيزتي وهدانا وإياك إلي الحق وإلي اتباع أحسن القول