عيوب السودانيين

[ود الجنوبي]

بسم الله الرحمن الرحيم والصلاة والسلام على رسول الله الكريم سيدنا ةنبينا محمد وعلى اله وصحبه وسلم اجمعين اما بعد..........

نحنا السودانيين عندنا عاداتنا وتقاليدنا ممكن اقول فيها حاجات كتيره مميزه ما بتتلقي في كتير من الشعوب زي الكرم والطيبه وانته ماشي وبلمقابل عندنا عادات مافي ليها اي داعي قبل فتره حضرتهى لي جرتق بتاع عرسان اثناء الجرتق كان في كباية لبن وفجئه العرسان بقوه يشربوا وبخوا في بعض انا استغربته سالت الوالد قولتليهوا اسي اللبن ده فهموا شنو يعني كان رده انوا ده عاده من زمان السودانيين بيعملوها لاكن فهمه الله اعلم نجي تاني لي اخوانا مثلا ناس الشماليه البتلقاهم مشلخين ديل الشليخ ده برضوا فهموا شنو الله اعلم ونجي لاخوانا الجعليين المعروفين بالشجاعه تلقاهم في اعراسهم بضربوا بعض قال شنو شجاعه بصراحه ده اسموا تخلف وبعد ده كلوا بنقول عن نفسنا احسن ناس وده كلام خاطى جدا
بنقول انوا نحنا احسن من الشعب الفلاني رغم انوالمن تجي تشوف الشعب ده تلقه احسن مننا في حاجات كتير او اصلا ما في اي وجه مقارنه بيناتنا الكلام اللي انا بقولوا ده ما عتاب على اهل الوطن اللي انا بنتمي ليهو ده صراحه لازم نقولها نحنا بصحيح العباره شعب متخلف في بعض العادات وبعض الحاجات اللي نحنا بنقولها
عشان نحنا نمشي قدام لازم نؤمن انوا نحنا عندنا تخلف عشان نقدر نشوف التخلف ده شنو ونقدر اننا نمحي اثره عشان بلدنا تمشي قدام.

[بت أزهري]

و الله انا بايدك في كل كلمة قلتها

اما بالنسبة للجعليين
فبرضو يعني ما فيها نوع من الرجولة و الرجولة بتكمن في حاجات تانية ما زي دي

اما الاخيرة فاعذرني ما فهمتها
و الشلوخ
انا بشوف انها نوع من الزينة
بس الصراحة هي احدى عاداتنا لكن هيا مؤلمة و كمان هي مقبولة في النسوان ما في الرجال


و اعذروني على صراحتي
و كمان بعتذر من اخواننا الجعليين
و كمان بشكرك على الكلام الجميل دة
تم التعديل بعد ما سمعت كلام Hoomy و اقتنعت بيهو

[queenfadwa]

i salute u for your nice post

موضوع بخ اللبن :ما شفتو ف حياتي,بس نفسى اعرف الغرض منو شنو؟الناس توسخ هدوما مثلا ,ما هو ما في حاجة تانية هتحصل من بخ اللبن او العصير او اي حاجة غير ان الهدوم تتبهدل


موضوع الشلوخ:من اجل الزينة,انا حبوبتي في جارنا عراقي مره سالنا:شنو هذا الي في وجه جدتكم؟مين اللي سوا فيها كدا؟ ولما قلناليهو دا للزينة he was like

موضوع الجلد:المفروض ان الناس جاية عرس عشن تفرح وتنبسط مش تنضرب

حاجات غبية و ما ليها لازمة و البلد ما هتمشي لي قدام طالما انو الناس متمسكة بعادات سخيفة
وانا معاك في دي(نقولها نحنا بصحيح العباره شعب متخلف في بعض العادات وبعض الحاجات اللي نحنا بنقولها
عشان نحنا نمشي قدام لازم نؤمن انوا نحنا عندنا تخلف عشان نقدر نشوف التخلف ده شنو ونقدر اننا نمحي اثره عشان بلدنا تمشي قدام. )
الله يهدي
thanks for this nice post
تقبل مروري

[batota]

.. ود الجنوبي ..
...تشكرااات عالبوست الصريح ...

أنا في رائي أن الحاجات الذكرتها دي كلها بالنسبه لي أنا ما بتصنف في قائمه عيوب و سخافه الصراحه,, أنا شخصيا ما بقول عنها عيوب ..
بصنفها في قائمه عادات وتقاليد,, و مهما كانت سخيفه دي عادات وتقاليد يعني .. بعدين نحنا وعينا على الدنيا و لاقينا دي عاداتنا, يعني هسي ده ممكن بالنسبه لينا نحنا حاجات سخيفه لكين زمان حاجه مهمه شديد وبعدين ما ننسى أن الزمن أتغير, وناس أمس و الليله ما نفس الشي ...
بأختصار أنا شايفه انو مهما العادات كانت سخيفه و متخلفه ( أسفه على الكلمه) ما لازم نخجل منها ..
وفي النهايه أي بلد و عاداتو و تقاليدو ...

... تقبل مروري أخي الكريم ...

[ادروب كايرو]

هى عادات وتقاليد ارتبطت بمعتقدات عفى عنها الزمن
اعتقد ان الوقت اتأخر كثير علشان ننبذه ونتخلى عنها لانها من مظاهر التخلف وللاسف اذا عواطفنا دفعتنا للبحث عن مسمى وتصنيف تانى ما هنلاقى

وكنت داير اسئل اذا ما كان تشويه خلقة الله سبحانه وتعالى عيب شنو الهيكون عيب اذا ما تعذيب النفس والجسد بدون وجه حق عيب هيكون شنو العيب
بس موضوع اللبن ده يا جماعه خلوه بالجنبة
الموضوع ده ما عيب الا بخ اللبن الموضوع ده كويس
بخصوص اننا احسن ناس لو قارنت بعدل شويه هنكون فعلاً احسن ناس ما تخلى شعور انك داير وطنك ينفض عيوبه ويتخلى عن السلبيات الموجوده يدحض حقه ومميزاته

السودانين احسن ناس ما كلام ساى احسن ناس لانو من خصل وطبيعة الشخصية السودانية البساطة والعفوية والتواضع ومحبة الناس التكاتف والتواصل و دى اعمدة التواصل والعلاقات الاجتماعيه الرئعة فى بلدنا احسن ناس بابساطتنا باعاداتنا وتقاليدنا الطيبة با اعرافنا وتكاتفنا بروابطنا الاجتماعيه القوية
قيم وعادات ثمينة بدت تندثر لكن السبب اننا ادرنا ظهورنا لها ادرنا ظهورنا لعادات وقيم واعراف قيمة رغم ان الاولى اننا كنا نتخلى عن العادات الاسلفت بذكرها

اخيراً بتمنى بلدنا تبقى زى ما دايرينها ونتخلى عن عيوبنا ونتمسك با اصالتنا قيمنا القيمة
لك تحياتى
تقبل اطيب امنياتى وخالص ودى مرفقين بمرورى
اخوك ادروب

[Hoomy]

i salute u for your nice post

موضوع بخ اللبن :ما شفتو ف حياتي,بس نفسى اعرف الغرض منو شنو؟الناس توسخ هدوما مثلا ,ما هو ما في حاجة تانية هتحصل من بخ اللبن او العصير او اي حاجة غير ان الهدوم تتبهدل


موضوع الشلوخ:من اجل الزينة,انا حبوبتي في جارنا عراقي مره سالنا:شنو هذا الي في وجه جدتكم؟مين اللي سوا فيها كدا؟ ولما قلناليهو دا للزينة he was like

موضوع الجلد:المفروض ان الناس جاية عرس عشن تفرح: وتنبسط مش تنضرب

حاجات غبية و ما ليها لازمة و البلد ما هتمشي لي قدام طالما انو الناس متمسكة بعادات سخيفة
وانا معاك في دي(نقولها نحنا بصحيح العباره شعب متخلف في بعض العادات وبعض الحاجات اللي نحنا بنقولها
عشان نحنا نمشي قدام لازم نؤمن انوا نحنا عندنا تخلف عشان نقدر نشوف التخلف ده شنو ونقدر اننا نمحي اثره عشان بلدنا تمشي قدام. )
الله يهدي :
thanks for this nice post
تقبل مروري

طبعا في البداية أحب أوضح ليكم نقاط
قصة الجلد دي ماعندنا (لكن اعتقد انها كناية عن الشجاعة وهي مدعاة لصناعة رجال قادرين على أهوال الحياة)
تانيا
أحب أوضح ليكم حاجة واحدة بس انه الشي الشايفنه انتو هبالة دا دي قيم نحن متوارثنها أباعن جد
وكل شعب من الشعوب عندو عادات لو عرضت علينا نحن ممكن برضو نقول هبالة لكن هم بيعتزو بيها ويفتخرو بيها فهل انت عارفين انو الفلسطينين بيقاوموا الاحتلال بهذه العادات
ففي وسط النيران تشق الظلام زغرودة فرح ودبكة فلسطينية أصيلة وعادات تعلن عن شعب لازال موجود
يعني انتو دايرين العرس كيف
أولا أعزائي ابناء المغتربين الشايفنه انتو عوارة دا احب اوضحو ليكم في نقاط أرجو أن يسع صدركم لها
بالنسبة للشلوخ أختفت مافي داعي لمناقشتها
أما الجرتق : ففيه لمة أهل العريس وتعطيره بكل أنواع العطور والمرأة البتجرتقك تكون عادة متزوجة
ومعنى ذلك ياسادة ياكرام انه بيتمنو ليك حياة جميلة ومستمرة يعني مابتجرتقك واحدة مطلقة ولا أرملة بس واحدة متزوجة وزوجها موجود يعني امنية ليك بطريقة ايحائية بالهنا والسعادة
هذا اضافة لمعنى اللمة نفسها لأصحاب العريس وأهله
ثانيا : اللبن أهلنا بقولو البيضاء ما تنبي (يعني لو زول قدم ليك لبن ولا روب ما تاباه ) ليه لأنو بتفاءلوا بيه
فسيدنا جبريل لما اسرى بسيدنا محمد قدم ليه اناء فيه لبن شرب منه وترك قليل وسيدنا جبريل قال ليه لوشربت كله امتك كلها كانت دخلت الجنة
فالعادة دي كانهم بيقولو ليك انك داخل جنة جديدة
مافي حاجة ساي
يا أخوانا خليكم فخورين بي عاداتكم وتأكدوا انها ما هبالة ولا تخلف
في المنتدي دا في عريس خواجة بالطريقة السودانية أرجعي ليه ياملكة وشوفي نحن متخلفين ولالا
امنياتي بالتوفيق

[Hoomy]

بسم الله الرحمن الرحيم والصلاة والسلام على رسول الله الكريم سيدنا ةنبينا محمد وعلى اله وصحبه وسلم اجمعين اما بعد..........

نحنا السودانيين عندنا عاداتنا وتقاليدنا ممكن اقول فيها حاجات كتيره مميزه ما بتتلقي في كتير من الشعوب زي الكرم والطيبه وانته ماشي وبلمقابل عندنا عادات مافي ليها اي داعي قبل فتره حضرتهى لي جرتق بتاع عرسان اثناء الجرتق كان في كباية لبن وفجئه العرسان بقوه يشربوا وبخوا في بعض انا استغربته سالت الوالد قولتليهوا اسي اللبن ده فهموا شنو يعني كان رده انوا ده عاده من زمان السودانيين بيعملوها لاكن فهمه الله اعلم نجي تاني لي اخوانا مثلا ناس الشماليه البتلقاهم مشلخين ديل الشليخ ده برضوا فهموا شنو الله اعلم ونجي لاخوانا الجعليين المعروفين بالشجاعه تلقاهم في اعراسهم بضربوا بعض قال شنو شجاعه بصراحه ده اسموا تخلف وبعد ده كلوا بنقول عن نفسنا احسن ناس وده كلام خاطى جدا
بنقول انوا نحنا احسن من الشعب الفلاني رغم انوالمن تجي تشوف الشعب ده تلقه احسن مننا في حاجات كتير او اصلا ما في اي وجه مقارنه بيناتنا الكلام اللي انا بقولوا ده ما عتاب على اهل الوطن اللي انا بنتمي ليهو ده صراحه لازم نقولها نحنا بصحيح العباره شعب متخلف في بعض العادات وبعض الحاجات اللي نحنا بنقولها
عشان نحنا نمشي قدام لازم نؤمن انوا نحنا عندنا تخلف عشان نقدر نشوف التخلف ده شنو ونقدر اننا نمحي اثره عشان بلدنا تمشي قدام.

أولا راجع معلوماتك
نحن ماعندنا أي عادات متخلفة
معليش ممكن انت أتربيت برة وشايف دا تخلف
والله أنا شايف انه دي عادات وموروثات لابد نحافظ عليها
أنا بوافقك في الرأي في قصة الشلوخ دي وهي انتهت براها
لكن
ياخي الأعراس دي والله في عادات وتقاليد ليها معاني تحتاج لمجلدات كاملة وذلك بالرجوع لأصل هذه العادات وأنا شرحت ليك بس قصة الجرتق وحكاية اللبن دي معناه شنو في الرد علي queen fadwa وهي ايضا متربية في القاهرة أعتقد
عموما ياسيدي ماتاخد كلامي دا بصورة شخصية لكن اوعدك قريب جدا بشرح وافي لبعض عاداتنا والانت مسميها تخلف اوعدك بمقال كامل في المنتدى دا قريب وأرجو أن يتسع صدرك لقراءة التخلف دا
بالتوفيق

[queenfadwa]

[quote="Hoomy"]طبعا في البداية أحب أوضح ليكم نقاط
قصة الجلد دي ماعندنا (لكن اعتقد انها كناية عن الشجاعة وهي مدعاة لصناعة رجال قادرين على أهوال الحياة)
تانيا
أحب أوضح ليكم حاجة واحدة بس انه الشي الشايفنه انتو هبالة دا دي قيم نحن متوارثنها أباعن جد
وكل شعب من الشعوب عندو عادات لو عرضت علينا نحن ممكن برضو نقول هبالة لكن هم بيعتزو بيها ويفتخرو بيها فهل انت عارفين انو الفلسطينين بيقاوموا الاحتلال بهذه العادات
ففي وسط النيران تشق الظلام زغرودة فرح ودبكة فلسطينية أصيلة وعادات تعلن عن شعب لازال موجود
يعني انتو دايرين العرس كيف
أولا أعزائي ابناء المغتربين الشايفنه انتو عوارة دا احب اوضحو ليكم في نقاط أرجو أن يسع صدركم لها
بالنسبة للشلوخ أختفت مافي داعي لمناقشتها
أما الجرتق : ففيه لمة أهل العريس وتعطيره بكل أنواع العطور والمرأة البتجرتقك تكون عادة متزوجة
ومعنى ذلك ياسادة ياكرام انه بيتمنو ليك حياة جميلة ومستمرة يعني مابتجرتقك واحدة مطلقة ولا أرملة بس واحدة متزوجة وزوجها موجود يعني امنية ليك بطريقة ايحائية بالهنا والسعادة
هذا اضافة لمعنى اللمة نفسها لأصحاب العريس وأهله
ثانيا : اللبن أهلنا بقولو البيضاء ما تنبي (يعني لو زول قدم ليك لبن ولا روب ما تاباه ) ليه لأنو بتفاءلوا بيه
فسيدنا جبريل لما اسرى بسيدنا محمد قدم ليه اناء فيه لبن شرب منه وترك قليل وسيدنا جبريل قال ليه لوشربت كله امتك كلها كانت دخلت الجنة
فالعادة دي كانهم بيقولو ليك انك داخل جنة جديدة
مافي حاجة ساي
يا أخوانا خليكم فخورين بي عاداتكم وتأكدوا انها ما هبالة ولا تخلف
في المنتدي دا في عريس خواجة بالطريقة السودانية أرجعي ليه ياملكة وشوفي نحن متخلفين ولالا
امنياتي بالتوفيق[/quote]


قصة الجلد دي عندنا احنا الجعليين و في ناس في عائلة امي لسة بعملوها في الافراح هي والعرضة,لدرجة انهم مرة عملوها في نادي كبير وكان في ناس ما شافت الكلام دا (ناس قاعدة في السودان) المهم انو الناس ديل افتكرو انهم جو النادي الغلط,لانهم لما وصلو كان الجلد شغال فاكانو قايلين انو في مشكلة في النادى


(لكن اعتقد انها كناية عن الشجاعة وهي مدعاة لصناعة رجال قادرين على أهوال الحياة)
this is just funny,am sorry for that,no offenceالكلام دا ما بخش المخ خاااااااااااااااااااالص



اللبن أهلنا بقولو البيضاء ما تنبي (يعني لو زول قدم ليك لبن ولا روب ما تاباه ) ليه لأنو بتفاءلوا بيه
فسيدنا جبريل لما اسرى بسيدنا محمد قدم ليه اناء فيه لبن شرب منه وترك قليل وسيدنا جبريل قال ليه لوشربت كله امتك كلها كانت دخلت الجنة


دى حاجة كويسة ما دام بيدعي للتفاؤل بس ممكن يشربومن اللبن دا و لحدي هنا كفاية,بس ما في داعى للبخ و الهبل قدام الناس ,يمشى يبخو اللبن في بيتهم هما احراربس برضو ما ليهو اي لازمة,ياخي دا انا ما ببخ موية في وش زول بالهظارخليك من لبن.بس الله يستر علينا من بخ اللبن.و موضوع الجرتق دا جميل ما فيهو كلام



والله أنا شايف انه دي عادات وموروثات لابد نحافظ عليها ,نحافظ عليها ,دا بدل ما تقول ننهيها.


الله يصلح الحال

[بت أزهري]

أول شي
انا بشكر Hoomy شكر شديييييييد نيابة عن اعضاء المنتدى
لانو وضح حاجات كتيييييريييييييين ما عارفيينها و انا كنت منهم

تانيا
انا يا Hoomy مع انو كلامك عجبني الا اني بعارض في شي واحد
الجلد عند الجعلييييين

شنو الرجوووولة في كدة ؟؟؟؟؟؟؟؟؟؟؟؟؟؟
--------------------------------------------------------------------------------

الرجولـــــــــــــــــــة

نلاحظ في زمننا اختلال معايير الرجولة لدى فئة الشباب

فالرجولة كلمة واسعة يصعب تحديد تعريف واضح لها ، فهل الرجولة

تعني : الذي يدخن سيجارة و يلف بسيارته في الشوارع ويعاكس الفتيات ولا يخاف من الشرطة ؟
أو
تعني : قوي الشخصية لكن بالصراخ على أهله وأصدقائه و التمسك بالرأي دون سماع الطرف الآخر ؟
أو
تعني : قميصاً مفتوح الأزرار وعضلات بارزة وبنطلونا ضيقاً وشعراً ممشطاً بالجل ؟
أو
تعني : تحمل المسؤولية و قوة الشخصية و يتوجها الأخلاق في التعامل مع الآخرين و خصوصا في التعامل مع المرأة وحمل المسؤولية والتعفف وتحقيق إنجازات مهمة على الصعيد العائلي والاجتماعي ؟
لنرى ماهي صفات الرجولـــــــــــة ؟؟

* أن تعلو الابتسامة وجهك في بيتك ..
** ونقول **
الرجولة ليست وجوها و صوتا مرتفعا و سلسلة من الاوامر لا تنتهي .. الرجولة ليست قسوة .. ليست غطرسة و عنفا
الرجولة ليست لسانا طويلا .. ويدا أطول
أنما الرجولة شعور بالمسؤولية
يصحبه اداء واجب
الرجولة عطف و محبة انها حماية و أمن
ورعاية وود

انا دي الرجولة في نظري

اما الجلد دة ؟؟؟ فشي غريب
و لو شرحت لينا شرح وافي و كافي ممكن نقتنع

[Hoomy]

[quote="queenfadwa"]


قصة الجلد دي عندنا احنا الجعليين و في ناس في عائلة امي لسة بعملوها في الافراح هي والعرضة,لدرجة انهم مرة عملوها في نادي كبير وكان في ناس ما شافت الكلام دا (ناس قاعدة في السودان) المهم انو الناس ديل افتكرو انهم جو النادي الغلط,لانهم لما وصلو كان الجلد شغال فاكانو قايلين انو في مشكلة في النادى


(لكن اعتقد انها كناية عن الشجاعة وهي مدعاة لصناعة رجال قادرين على أهوال الحياة)
this is just funny,am sorry for that,no offenceالكلام دا ما بخش المخ خاااااااااااااااااااالص

عزيزتي الملكة
التربية الصحيحة معيار متكامل يبدأ من سن الطفولة وحتى مرحلة الشباب لتصير مهيأ لتحمل المسئولية كاملة. ونحن أطفال كنا ممنوعين الدخول لديوان الرجال وكنا نستنكر ذلك بحسب فهم الطفولةز تبدا سن المراهقة يبأ الوالد في مرافقتك للمسجد ومشاركتك في النقاشات حتى تبلغ النضج ثم تتدرج حتى تتشرب بكل المعاني التي يحملها والدك حتى يلاحظ الناس الشبه بينك وبين والدك في كل شي .
خلال هذه المراحل ياعزيزتي بتكون في حاجات انت بتلاحظها هي بتكمل هذه التربية وهي مايسمى بالموروثات التي يتوارثها الناس أبا عن جد وأنا في رأي الشخصي أنو كل موروث لا يتعارض مع الدين يجب أن نحافظ عليه. والجلد عند الجعليين ياسيدة ومع اني ماجعلي ميزهم عن غيرهم (ودا أقل تقدير) والحنين عند الشايقية مترجم بنغم الطمبور ميزهم عن غيرهم - والشاشاي ةالدوبيت (لو بتعرفيه) ميز الشكرية والبطاحين - وممكن أحسب ليك كل عادات أهل السودان بس المجال هنا ماواسع
بس دايرك تعرفي حاجة واحدة : الطيب صالح مارشح لجائزة نوبل للأداب الا عشان أبرز أهم العادات السودانية الجميلة للعالم في روايتيه (موسم الهجرة للشمال) وعرس الزين
ونجيب محفوظ نال الجائزة لأنه وصف كل شرائح المجتمع المصري بعاداته وتقاليديه في كتبه فلا يكاد يخلو كتاب من كتبه عن شرح التقاليد في الأحياء الشعبية (زقاق المدق- شارع محمد علي -الحلمية- السيدة زينب) كل ذلك ماشفناه لكن عشناه من خلال العادات والتقاليد حتى انو الواحد ممكن يعرف المصري من وين بس من خلال شرح نجيب محفوظ
عزيزتي
عاداتك هي البتميزك عن غيك مهما كانت (متخلفة زي مابتقولي انت)
ود بادي أشهر من قال الشعر بالعامية كان طبيب وكان يتمسك بكل عادات قبيلته حتى أنه يأتي مرتديا جلابية وعمة وسديري وهو في المحاضرة وما نقص ذلك من شهادته
الشايفنه انتو تخلف دا دي قيم وفرقوا بين الاتنين
وبرضو ماتاخدي كلامي بصورة شخصية
وبالتوفيق

[Hoomy]

أول شي
انا بشكر Hoomy شكر شديييييييد نيابة عن اعضاء المنتدى
لانو وضح حاجات كتيييييريييييييين ما عارفيينها و انا كنت منهم

تانيا
انا يا Hoomy مع انو كلامك عجبني الا اني بعارض في شي واحد
الجلد عند الجعلييييين

شنو الرجوووولة في كدة ؟؟؟؟؟؟؟؟؟؟؟؟؟؟
--------------------------------------------------------------------------------

الرجولـــــــــــــــــــة

نلاحظ في زمننا اختلال معايير الرجولة لدى فئة الشباب

فالرجولة كلمة واسعة يصعب تحديد تعريف واضح لها ، فهل الرجولة

تعني : الذي يدخن سيجارة و يلف بسيارته في الشوارع ويعاكس الفتيات ولا يخاف من الشرطة ؟
أو
تعني : قوي الشخصية لكن بالصراخ على أهله وأصدقائه و التمسك بالرأي دون سماع الطرف الآخر ؟
أو
تعني : قميصاً مفتوح الأزرار وعضلات بارزة وبنطلونا ضيقاً وشعراً ممشطاً بالجل ؟
أو
تعني : تحمل المسؤولية و قوة الشخصية و يتوجها الأخلاق في التعامل مع الآخرين و خصوصا في التعامل مع المرأة وحمل المسؤولية والتعفف وتحقيق إنجازات مهمة على الصعيد العائلي والاجتماعي ؟
لنرى ماهي صفات الرجولـــــــــــة ؟؟

* أن تعلو الابتسامة وجهك في بيتك ..
** ونقول **
الرجولة ليست وجوها و صوتا مرتفعا و سلسلة من الاوامر لا تنتهي .. الرجولة ليست قسوة .. ليست غطرسة و عنفا
الرجولة ليست لسانا طويلا .. ويدا أطول
أنما الرجولة شعور بالمسؤولية
يصحبه اداء واجب
الرجولة عطف و محبة انها حماية و أمن
ورعاية وود

انا دي الرجولة في نظري

اما الجلد دة ؟؟؟ فشي غريب
و لو شرحت لينا شرح وافي و كافي ممكن نقتنع

بت أزهري أنا والله البشكرك
والجلد عند الجعليين أنا ماعارفه بالضبط بدأ متين ولا جاء كيف المهم انو بيرمز للشجاعة فلما تركزقدام بنات قبيلتك دا شي مدعات للفخر والكرم ولو رجعتي شويه للتاريخ تلقي انو صنع الرجال ببدأ من العادات الزي دي وزي ماقلت ليك انو الجلد بكون قدام بنات قبيلتك يعني أكان ماركزت كانو دا بينقص من قيمتك عندهن مما يجعلك أكثر صلابة وكل شاعرات الجعليين مثل (بنونة ) أخت المك نمر ما قالن شعر الحماسة الا في هذه المواقف. ولعلمك نحن في قبيلتنا ماعندنا جلد يعني نحن مامقتنعين بيه لكن كموروث قديم فلا بأس به
شكرا ليك تاني وتالت

[Hoomy]

القصيدة دي مهداة لكل من يرى أن عاداتنا وتقاليدنا تخلف
هوووووووووووي ياناس ارجعوا لأصلكم بلدكم مافي زييها



حصل صحاك عز الهجعة صوت شتما بعيد مخنوق
وجاتك شخرة الطمباري مشتاقا يسوي القوق
نومك طار وإتقسم والرشرش صبح مفروق
وإتلفحت نص من توبك الجرجار علي الدلوكة سايق سوق
وتلقي هناك بنات بلدك ولاد بلدك يعلو الصفقة تكدح في القلوب الشوق
نغم الفال أبشرن آ بنات بالخير والجنيات تطير لا فوق
وكم زغرودة تتفجر تفور بالناس بعد ما تروق
يعومن بالصدور وتشابي للمجهول وما بضوق
تميل زينوبة زي البان شمال ويمين تودي الطوق
واخوان أم شلخ ينكبو جوة الدارة زي صقرا نزل من فوق
ضرب الصوت والركز البفرق الناس عشان زينوبة ما بتحوق
وعاد تتحزم الجنيات وتتنظم تفيق في روق
وكل واحد يهز ضرعاتو والحجبات تزح لا فوق
جفيرة الخوسة فايت الكوع وسيرو مع العضل مصبوب
والطاقية تحت الحاجب المعقود هدة ام زين وما مشرية من السوق
ويتقدم عريس السمحة رافع صوتو الكانو بسيقو بيهو النوق
والعنجاوي ينزل فوق ضهورن بس تقول منشحطة فيها بروق
يبدا مجرو بالترقوة ويتحدر مع الضلع القصار منصوب
وأحمر عين يشم الدم بعد ما يرش بنات عمو ويزيدن شوق
وسابت حيطة لا بتهز ولا بتلز صاري جبينو كلو عروق
وقال بعد العقد طلقانة ما يحجزوه إلا يخلو ضهرو شقوق
هناك الحال مغير جد وهيجة الناس تفوت الحد
وكان حجازو مد اليد بتسمع كع


ما ظنكم فرزتو حاجة من كلام الزول دا ولا برضو متخلف :D

[Hoomy]

هى عادات وتقاليد ارتبطت بمعتقدات عفى عنها الزمن
اعتقد ان الوقت اتأخر كثير علشان ننبذه ونتخلى عنها لانها من مظاهر التخلف وللاسف اذا عواطفنا دفعتنا للبحث عن مسمى وتصنيف تانى ما هنلاقى

وكنت داير اسئل اذا ما كان تشويه خلقة الله سبحانه وتعالى عيب شنو الهيكون عيب اذا ما تعذيب النفس والجسد بدون وجه حق عيب هيكون شنو العيب
بس موضوع اللبن ده يا جماعه خلوه بالجنبة
الموضوع ده ما عيب الا بخ اللبن الموضوع ده كويس
بخصوص اننا احسن ناس لو قارنت بعدل شويه هنكون فعلاً احسن ناس ما تخلى شعور انك داير وطنك ينفض عيوبه ويتخلى عن السلبيات الموجوده يدحض حقه ومميزاته

السودانين احسن ناس ما كلام ساى احسن ناس لانو من خصل وطبيعة الشخصية السودانية البساطة والعفوية والتواضع ومحبة الناس التكاتف والتواصل و دى اعمدة التواصل والعلاقات الاجتماعيه الرئعة فى بلدنا احسن ناس بابساطتنا باعاداتنا وتقاليدنا الطيبة با اعرافنا وتكاتفنا بروابطنا الاجتماعيه القوية
قيم وعادات ثمينة بدت تندثر لكن السبب اننا ادرنا ظهورنا لها ادرنا ظهورنا لعادات وقيم واعراف قيمة رغم ان الاولى اننا كنا نتخلى عن العادات الاسلفت بذكرها

اخيراً بتمنى بلدنا تبقى زى ما دايرينها ونتخلى عن عيوبنا ونتمسك با اصالتنا قيمنا القيمة
لك تحياتى
تقبل اطيب امنياتى وخالص ودى مرفقين بمرورى
اخوك ادروب

المؤلم جدا يا أدروب انك مؤيدهم يا خي والله عثمان دقنة يعرفك يتبرأ منك
لانو ظل متمسك بعادات السودان لغاية مامات سنة 1926 في السجن
راجع نفسك

[walead gamal]

ثانيا : اللبن أهلنا بقولو البيضاء ما تنبي (يعني لو زول قدم ليك لبن ولا روب ما تاباه ) ليه لأنو بتفاءلوا بيه
فسيدنا جبريل لما اسرى بسيدنا محمد قدم ليه اناء فيه لبن شرب منه وترك قليل وسيدنا جبريل قال ليه لوشربت كله امتك كلها كانت دخلت الجنة
فالعادة دي كانهم بيقولو ليك انك داخل جنة جديدة
مافي حاجة ساي
يا أخوانا خليكم فخورين بي عاداتكم وتأكدوا انها ما هبالة ولا حاجة
الموروثات التي مازالت حية والناس بتكلمو فيها
اكيد هي دافعت عن نفسها كل تلك السنين لانو اكيد فيها جانب غير السلبي
المركزين عليه الاخوان
ممكن نقول كل شئ بس ابدا ما تخلف هي موروثات من جدودنا ربما ولدت
في زمن متخلف ولكن لماذا لم تندثر إلأي الان
بعدين الشلوخ ابدا ما للزينة لانو كثير من الرجال مشلخيين
من كل الاجناس وحتي الان ماانتهت خالص
واظنها للافتخار بالقبيلة
اظن كل شعوب العالم عندهم موروثات يعلمون من خلالها الاجيال الجديدة
تطور الحياة الذي حدث
ويفعلون ذلك بكل فخر واعتزاز
وليس مايدعو للخجل
الشكر للجميع
وموضوع جميل يا ود الجنوبي

[ادروب كايرو]

المؤلم جدا يا أدروب انك مؤيدهم يا خي والله عثمان دقنة يعرفك يتبرأ منك
لانو ظل متمسك بعادات السودان لغاية مامات سنة 1926 في السجن
راجع نفسك

دبايواااا هومى
هى العادات والتقاليد روافد اصالتنا فوقه القيم والثرى بالافادة وفوقه الارتبط باخرفات ومعتقدات اسدل عليها الستار لانها بتتناقض مع الدين والمنطق
بالمناسة الختان كان عادة وئد البنات كان عادة فى السودان فى الفترة الفاتت دق الشلاليف كان عادة الشلوخ كانت عادة بما انك قلت اننا اتخلينا عنها يبقى بالتاكيد عرفنا انها عادات سيئة وما لها اى وجه فائدة ولا بد اننا نتخلى عنها وندحضه
جميل جداً اننا نتمسك بالقيم والمفيد منها ولابد اننا نتخلى عن الشئ الماله اى مرجع منطقى او فايدة

الجلِد مثلا هو ممكن يكون بيهب الناس شئ من الجلَد والصبر والتحمل لكن وين حرمانية الجسد الخلقه الله سبحانه وتعالى شنو الفايدة تضرب الليله وتتململ شهر شهرين نوم ساى ما تقدر تنوم من الالم ما تقدر تتقلب على ظهرك
كان مبلغ امالنا اننا نغمس بزور طيبة فى ابنائنا كالصبر وقوة التحمل فى اسليب تربوية كتير مفعوله اقوى وما لها الجوانب السلبية البتثبته عادة الجلد

بخ اللبن رغم انى شايف انو موضوع لذيذ لكن يتخيل لى اللبن البنتباخخ به ده من كم سنة اولادنا ما كانوا لاقينه وصورهم كانت فى العالم كلو بتدعوا للحزن والاسى والاكتئاب نعم الله دى كان نحنا لاقينها فى كتار ما لاقينها
سيدنا جبريل لمن قدم اللبن لسيدنا محمد عليه افضل الصلاة واتم التسليم قدمه ليشربه سيدنا محمد ما لبخه !!..

نحنا ما بنقلل من عاداتنا وتقاليدنا لكن ديماً الشى حقك بتكون دايره افضل شى والحاجات البنتكلم فوقه دى ما فوقه اتنين تلاته فوقه تخلف
زى ما قلت فى مشاركتى الفاتت انو ناسنا احسن ناس بقيمنا ومبادئنا وعاداتنا القيمة بردو الامانة تجاه وطنا بتقتضى اننا نوضح العيوب علشان الجهود تتكاتف وتنتهى


بخصوص موضوع عثمان دقنه اكيد اى انسان لازم يعتز بانسان ضحى بكل شئ فى سبيل قضية مؤمن بها انسان كان همه الاول والاخير هوه راحة اهله وناسه انه يعيد عزة وطنه فوق هامات العالم كله واكيد ما بتبرا منى لانو الدين والعقل الميزنا به المولى سبحانه وتعالى فوق كل شى وهما الارشدوه لسواء السبيل

[همسة عطر]

أنني أؤيد بأن بعض العادات والتقاليد التي يمارسها الناس في بلادنا منذ قديم الأزل لا يقبلها شرع ودين وأذكر أهمها ( بخ اللبن .. الجلد الذي يحدث في الأعراس .. الشلوخ .. لبس العروس الخليع..) ( وكذلك أشياء شركية تغضب الله وهي لبس السوميته والخرز خوفا من العين .. ولبس الرجل الذهب (الهلال) .. وكذلك الاختلاط بين النساء والرجال) ..ولبئس التقليد الأعمى .. ويا أخوتي أذا كان أجدادنا أخطئوا في بعض الأشياء فهل نحن نسير على نهجهم الخطأ .. هنالك أشياء لابد أن تتغير .. وللأفضل ولا يصح إلا الصحيح وكل فرد لابد من التأمل في كل الأمور وهل هي ترضي الله ورسوله .. أم لا ..

أشكرك أخي ود الجنوبي على الموضوع الهام وكذلك أحترم رأيك ورأي الأخ أدروب وهو في محله واحترامي لأراء كل الأخوة اللذين تداول الموضوع بجدية .. وكل فرد سوداني يسعى بأخلاقه ومثله العليا لرفعة شأن بلاده في كافة المحافل .. والعالم يحترم فيه هذه الصفة الكريمة ..

ودمتم أخوتي والسودان بخير ونعمة ..

[frame="7 80"]................ اختلاف الرأي لا يفسد للود قضية ......................[/frame]

[وكيل عريف]

قلنا نخش نشوف عيوب السودانيين

لقينا موضوع البوست فى وادى والموضوع المطروح فى وادى

العادات والتقاليد اتكلمنا عنها لمن فترنا مفروض الواحد يبحث فى المنتدى
ويشوف الما مطروح شنو؟؟؟؟؟ ويطرحو ((دايرين جديد))

بعدين الطرح عندو اسلوب معين عشان انت توصل وجهة نظرك لازم تتحلى بالصبر
وتتخير الالفاظ الجيده مش تصف الناس بالتخلف انت منو؟؟؟وعمرك كم؟؟ وخبرتك شنو؟؟؟؟؟
عشان تصف هذه العادات والتقاليد بالتخلف خلفيتك عن العادات دى شنو؟؟؟؟ حسب قولك انك أول مره
تشوفا

الواحد لمن يفتح موضوع بتابع موضوعو ويرد على المداخلات مش يفتح موضوع والسلام هسه التخلف كيفن؟؟؟؟؟؟؟؟؟

تخيل كيف يكون الحال لو ما كنت سوداني وأهل الحارة ما أهلي

[Hoomy]

ثانيا : اللبن أهلنا بقولو البيضاء ما تنبي (يعني لو زول قدم ليك لبن ولا روب ما تاباه ) ليه لأنو بتفاءلوا بيه
فسيدنا جبريل لما اسرى بسيدنا محمد قدم ليه اناء فيه لبن شرب منه وترك قليل وسيدنا جبريل قال ليه لوشربت كله امتك كلها كانت دخلت الجنة
فالعادة دي كانهم بيقولو ليك انك داخل جنة جديدة
مافي حاجة ساي
يا أخوانا خليكم فخورين بي عاداتكم وتأكدوا انها ما هبالة ولا حاجة
الموروثات التي مازالت حية والناس بتكلمو فيها
اكيد هي دافعت عن نفسها كل تلك السنين لانو اكيد فيها جانب غير السلبي
المركزين عليه الاخوان
ممكن نقول كل شئ بس ابدا ما تخلف هي موروثات من جدودنا ربما ولدت
في زمن متخلف ولكن لماذا لم تندثر إلأي الان
بعدين الشلوخ ابدا ما للزينة لانو كثير من الرجال مشلخيين
من كل الاجناس وحتي الان ماانتهت خالص
واظنها للافتخار بالقبيلة
اظن كل شعوب العالم عندهم موروثات يعلمون من خلالها الاجيال الجديدة
تطور الحياة الذي حدث
ويفعلون ذلك بكل فخر واعتزاز
وليس مايدعو للخجل
الشكر للجميع
وموضوع جميل يا ود الجنوبي

الله يديك العافية ياوليد ويكثر من أمثالك

[Hoomy]

دبايواااا هومى
هى العادات والتقاليد روافد اصالتنا فوقه القيم والثرى بالافادة وفوقه الارتبط باخرفات ومعتقدات اسدل عليها الستار لانها بتتناقض مع الدين والمنطق
بالمناسة الختان كان عادة وئد البنات كان عادة فى السودان فى الفترة الفاتت دق الشلاليف كان عادة الشلوخ كانت عادة بما انك قلت اننا اتخلينا عنها يبقى بالتاكيد عرفنا انها عادات سيئة وما لها اى وجه فائدة ولا بد اننا نتخلى عنها وندحضه
جميل جداً اننا نتمسك بالقيم والمفيد منها ولابد اننا نتخلى عن الشئ الماله اى مرجع منطقى او فايدة

الجلِد مثلا هو ممكن يكون بيهب الناس شئ من الجلَد والصبر والتحمل لكن وين حرمانية الجسد الخلقه الله سبحانه وتعالى شنو الفايدة تضرب الليله وتتململ شهر شهرين نوم ساى ما تقدر تنوم من الالم ما تقدر تتقلب على ظهرك
كان مبلغ امالنا اننا نغمس بزور طيبة فى ابنائنا كالصبر وقوة التحمل فى اسليب تربوية كتير مفعوله اقوى وما لها الجوانب السلبية البتثبته عادة الجلد

بخ اللبن رغم انى شايف انو موضوع لذيذ لكن يتخيل لى اللبن البنتباخخ به ده من كم سنة اولادنا ما كانوا لاقينه وصورهم كانت فى العالم كلو بتدعوا للحزن والاسى والاكتئاب نعم الله دى كان نحنا لاقينها فى كتار ما لاقينها
سيدنا جبريل لمن قدم اللبن لسيدنا محمد عليه افضل الصلاة واتم التسليم قدمه ليشربه سيدنا محمد ما لبخه !!..

نحنا ما بنقلل من عاداتنا وتقاليدنا لكن ديماً الشى حقك بتكون دايره افضل شى والحاجات البنتكلم فوقه دى ما فوقه اتنين تلاته فوقه تخلف
زى ما قلت فى مشاركتى الفاتت انو ناسنا احسن ناس بقيمنا ومبادئنا وعاداتنا القيمة بردو الامانة تجاه وطنا بتقتضى اننا نوضح العيوب علشان الجهود تتكاتف وتنتهى


بخصوص موضوع عثمان دقنه اكيد اى انسان لازم يعتز بانسان ضحى بكل شئ فى سبيل قضية مؤمن بها انسان كان همه الاول والاخير هوه راحة اهله وناسه انه يعيد عزة وطنه فوق هامات العالم كله واكيد ما بتبرا منى لانو الدين والعقل الميزنا به المولى سبحانه وتعالى فوق كل شى وهما الارشدوه لسواء السبيل

بس يا أدروب ياخي ما وصلت درجة التخلف زي ماقالوا انا كنت أتمنى انك تكون واضح وتبين ليهم الايجابيات الزكرتها دي بعدين تجي لقصة السلبيات ومافي حاجة في الدنيا كاملة بس احب أأكد ليك انه كل شعب فخور بي عاداته حتى القبائل المجهولة تلقاهم مجهولين لكن مفتتخرين بي عاداتهم
نحن مفروض نظهرها للعالم ما نحاربها وأقرب مثال انها كانت أكثر جازبية للجمهور في المهرجانات العالمية كل الجمهور بيدخلو أجنحة السودان وبيدهشوا لما اشوفو عادات الأعراس المسمنها تخلف دي
أبقو عشرة علي المبادي - أدروب - وأنا بحبك بعمق الأخوة لأني متأكد من وطنيك
لك التحية

[Hoomy]

قلنا نخش نشوف عيوب السودانيين

لقينا موضوع البوست فى وادى والموضوع المطروح فى وادى

العادات والتقاليد اتكلمنا عنها لمن فترنا مفروض الواحد يبحث فى المنتدى
ويشوف الما مطروح شنو؟؟؟؟؟ ويطرحو ((دايرين جديد))

بعدين الطرح عندو اسلوب معين عشان انت توصل وجهة نظرك لازم تتحلى بالصبر
وتتخير الالفاظ الجيده مش تصف الناس بالتخلف انت منو؟؟؟وعمرك كم؟؟ وخبرتك شنو؟؟؟؟؟
عشان تصف هذه العادات والتقاليد بالتخلف خلفيتك عن العادات دى شنو؟؟؟؟ حسب قولك انك أول مره
تشوفا

الواحد لمن يفتح موضوع بتابع موضوعو ويرد على المداخلات مش يفتح موضوع والسلام هسه التخلف كيفن؟؟؟؟؟؟؟؟؟

تخيل كيف يكون الحال لو ما كنت سوداني وأهل الحارة ما أهلي

والله عجبتني بالحيل
بس بالراحة علي الوليدات ديل صغار لسع
دحين بكونو عارفين القصيدة الأنا جبتها ليهم فوق دي
ياناس نحن ما أكتر وطنية منكم لكن والله مهما أتربينا في أي مكان في الدنيا مابنوصف زول سوداني بالمتخلف عرفتوا ياجماعة الخير