قالت لي بحبك .. بنت آخر زمن !!

[queenfadwa]

ســــــــــ حبايبنا ـــــــــــلام

حبيت اعرف رايكم في الموضوع
طبعا الحب شيء عظيم يسكن قلب كل منا شاب كان ام فتاة
وجرت العادة على ان تكون المبادرة الأولى من الشاب
فاذا صرح بحبه لمن يحب .. كان الأمر مستساغا
اما اذا حصل العكس وكانت الفتاة هي المبادرة .. هنا يقع التساؤل !!
هل تعتبر هذه الفتاة جريئة عديمة الحياة .. ام انسانة تملك الحب روحها فوجدت البوح ملاذها !!

رايكم شنو يا ناس
hi all, i found it in another muntada,and i wanted 2 know what u think about it,i my self believe that if a girl felt real love towards a good person she can admit her love 2 him,anyways am waiting 2 hear yr feed backs
have a good day

[queenfadwa]

عيزة اسمع راي واحد بس من الناس الدخلت و ما ردت دي؟

[ادروب كايرو]

[align=center]الافكار دى ميراث اجتماعى ماله اى خلفية معتدلة عمر ما كان التصريح بيقلل من قيمة المصرح ويرخصه ويرفع المتلقى الاولوية حقت التصريح بتخضع للسمات الشخصية يعنى لو الولد خجول لكن بيحب ومكسر و مشكلة حياته انه ما بيقدر يعبر عن حبه بالكلام ويصرح باللفظ والبت بتتحلى باكم من الجرئة هيكون الحل انو البت تصرح اكيد ما هنتخلى عن الحب علشان مجرد التمسك بمن يصرح ومن يسمع ما جات على الكلمة دى الهتخلينا نجهض حبنا ونقسى على انفسنا اذا كنا متاكدين من مشاعرنا والا ده هيبقى كبر واليحب ما بيعرف الكبر واكيد الشاعرين به ده شى تانى وفى خلط فى الموضيع الحب اسمى واعمق من الكلام ومهما وصلت درجات الفصاحة والبلاغة ما هنقدر نعبر عن مشاعرنا واذا دققنا النظر ممكن نلاقى انعكاسات الحب والمشاعر السامية على المواقف والسلوك وردود الافعال والانعكاسات دى اصدق وابلغ من الكلام

وحابى اقول زى ما كلمة الحب لها اثر باللغ ومفعول السحر على مسامع الفتاة من محبوبه لها نفس المفعول على الرجل لما يسمعها من الانسانه البيتمنى تكون شريكة دربه وحياته هوه ذاته لحم ودم واحساس والاحساس ما حكر على المراة ..

الانسان بتشكله ظروف وتجارب كثيرة منها البيترك اثر سلبى ومنها الايجابى ما عيب اننا نصرح بمشاعرنا لما نكون متاكدين منها وان الانسان البنكن له الشعور الجميل ده انسان يستاهل
ما لازم نضيع الوقت فى كبر وافكار مغلوطة مادام متاكدين ان الطرف الاخر بيكن لنا نفس الشعور يبقى الوقت البيعدى حرام نملاه حيرة وشوق وعذاب والم
يسلمووووو my queen على ذوق انتقائك ما نتحرم منك يارب
ادروب شق الجبال [/align]

[queenfadwa]

الانسان بتشكله ظروف وتجارب كثيرة منها البيترك اثر سلبى ومنها الايجابى ما عيب اننا نصرح بمشاعرنا لما نكون متاكدين منها وان الانسان البنكن له الشعور الجميل ده انسان يستاهل
ما لازم نضيع الوقت فى كبر وافكار مغلوطة مادام متاكدين ان الطرف الاخر بيكن لنا نفس الشعور يبقى الوقت البيعدى حرام نملاه حيرة وشوق وعذاب والم


that is very true
thanks

[احسان]

[grade="00008B FF6347 008000 4B0082"]انا اعتقد ان من المفروض للبت انا لا تبادر بحبها للجنس الاخر
عنى انا بعتبرها خفيفة او انها وقحة ( سورى على الكلمة ) بس دى عادات مجتمعنا الشرقي
ومع انها بتملك احساس زى الشاب تمام بس ما من حقها تعبر عنها لانها خجولة والخجل من زينة البت
بس هس ممكن اقول المجتمعات اتغيرت كتير والبت بقت تعترف بحبها واكتر كمان للشاب
تحياتي يا عسل علي البوست
تقبلي مرورى وارجو ان تفهمي قصدى [/grade]

[queenfadwa]

الرد بتاعك ما ظاهر عندي يا احسان وكل ردودك انتي بالتحديد ما ظاهره عندي
هو توقيعك بس البشوفو
anyways thank u

[جسور الأمل]

أنا بشوف أنها صعبة شوية أنو البت هي التعترف بحبهاوبيني وبينك مش صعبة شوية

صعبة كتيييييييييييير وبعتقد أنو ده ما طبيعة الأنثي أنها تعترف بحبها هي الأول

في رأي لازم البت تكون خجولة مؤدبة عندها أخلاق وعفيفة

وتاج البت عفتها وحياؤها


ويا حلاة البت الخجولة

وأنا مع رأي أحسان ست الحسان

وموضوعك جد أعجبني

وتسلمي عليهو ياعسسسسسسسسل

وسلام مخلوط بالعسسسسسسسسسل

[M.Hadad]

والله انا بختلف مع البنات ديل وبشوف ما فيها حاجه
نحن بس بنحب نعقد الامور ما اكتر

[queenfadwa]

أنا بشوف أنها صعبة شوية أنو البت هي التعترف بحبهاوبيني وبينك مش صعبة شوية

صعبة كتيييييييييييير وبعتقد أنو ده ما طبيعة الأنثي أنها تعترف بحبها هي الأول(بس ما تنسي انو العاطفة عند المرأة اكبر و اقوي من عند الرجل) و ليه ما بنقول ان الولد ان الولد قليل حياة اذا صرح بحبه اولا,ما هما الاتنين بني آدمين و عندهم مشاعر

في رأي لازم البت تكون خجولة مؤدبة عندها أخلاق وعفيفة

وتاج البت عفتها وحياؤها



انا في رايي انو دا ما ممكن يخدش حياء البنت باي صوره طالما انها كانت عاقله و فاهمه الشخص القدامها و متاكده من مشاعرو ناحيتها,فما في داعي انها تكتم حبها و تعذب نفسها لمجرد تقليد ,لنفترض انو هو ما كان عندو الجرأة انو يصرح بحبه قبلها ,يقعدو كدا في حيرة
و شكرا علي المرور

[سودانية صريحة]

أنا رأيي من رأي أحسان وجسور الأمل ، صعب جدا خاصة في مجتمعنا انو البت تبادر بالأعتراف بحبها للطرف التاني ، ما بقول انو ما صح لكن لو سألتيني أنا شخصيا لا يمكن أبدا حتى لو كنت مكسرة ومجبصة في الطرف التاني.

همسة:
شكرا على الموضوع الأكثر من رائع ، كيفني شديد لأنو عندي فضول أعرف رأي الشباب فيه.

[غرشوبة]

انا افتكر لو انو البت قالت للزول البترتاح ليهو انا بحبك فهي ما غلطت ولا ارتكبت ذنب لانها عبرت عما يجول مافي داخلها

بس نحنا بنكبر المواضيع ونعتبرها وقاحه وخفه من البت

بينما الناس الفي الغرب انو البت عادي تبوح للبتحبو بحبها والمجتمع بشوفها جراه من البت وحاجه عاديه ونقطه ما بستحق الزول يقيف او يفكر كتير فيها

بس لازم البت ما تتسرع وتتاكد من مشاعرها كويس وبعدين تطلق العنان للسانها وتعترف اما اذا الطرف التاني رفضها بكون سوت العليها ومافي نصيب

[M.Hadad]

سودانيه سريحه

طيب ولو عدم اعترافك ده خلاك تفقديو؟

[queenfadwa]

سودانيه سريحه

طيب ولو عدم اعترافك ده خلاك تفقديو؟

اها داره تسوي شنو لو فقدتيو وانت حاسة انو بيحبك بس ما جاتة الجراة انو يعترف ؟هتقعدي تحزني عليه و تفكري فيه العمر كلو ؟؟؟؟
احسان انا يادوب شفت ردك و انا شايفه انك مكبره الموضوع خااااااااااااااااااااااالص ,ولا وقاحة ولا حاجة,مجرد انسانة غلب الحب على قلبها و ما لقت طريقة غير الاعتراف.

و انا من راي غرشوبة انو لازم البت ما تتسرع وتتاكد من مشاعرها كويس وبعدين تطلق العنان للسانها وتعترف اما اذا الطرف التاني رفضها بكون سوت العليها ومافي نصيب
و يا سودانيه انا جبت الموضوع دا مخصوص عشان هاموت و اعرف راي الشباب شنو:D هو مجرد حب استطلاع مني و عيزة اشوف في كم زول و بالتحديد بنات متفقين معاي

شكرا للكل

[سودانية صريحة]

[align=center]والله يا حداد انت صعبتها شديد علي ، ما عارفة اذا اعترفت يمكن يقول البت الخفيفة دي شنو ، ويمكن يغير فكرتوا عني . غير كده أنا بجد طبعي خجول جدا ..مستحيل اعترف واذا طار من يدي ان شاء الله ربنا يعوضني وأقدر أنساه ، أما اذا كان شبه جورج كلوني .....................احتمال وارد


7

7

7

7

7

7

7

7

7

7

7

7



انتحر. [/align][/b]

[M.Hadad]

خلاس انا شبه جورج كلوني وكدي:D

بعدين بصراحه حكايه البت خفيفه دي في راس البنات بت وكده هم بيعقدو حياتهم
نحن ما بنفكر كده

الدنيا دي ساهله ما في داعي نعقدها
وفي الاخر انتو الخسرانات
والسبب بسيط
عشان تخليو يهتم بيك ويحبك بتضطري تعملي سلسله من الحاجات ودي هي البتطفش الشباب
الوضوح والصراحه والزول يكون مباشر
هيدي مفاتيح النجاح في اي علاقه

[سودانية صريحة]

والله ياريت كل الرجال زيك يا حداد ، ولو كان ده رأي كل الشباب نحن البنات حنكون في نعيم .

[queenfadwa]

و الله يا بنات امي تعقيد الامور و تصعيب المسألة عليك وعلى ود الناس ما ليهو لازمة و زي ما قال الاخ حداد الوضوح والصراحه والزول يكون مباشر
هيدي مفاتيح النجاح في اي علاقه
وحاولي تعقلي موضوع الحياء دا كويس لان الاعتراف بمشاعر جميلة و نبيلة وصادقة و نابعة من القلب ما حاجة الواحد يخجل منها ,او تخافي انو يقول عليك خفيفه لان انتي اصلا بينك و بين نفسك مفروض تكوني عارفة الشخصية السلمتيها مفتاح قلبك شنو و بتفكر كيف و بتقيم الامور كيف حتى بعد كدا شوفي اذا كان ينفع تصرحى او لا؟؟؟
thanks a loooooooooooooooooot

[هاميس النوبه]

السلام عليكم ورحمه الله وبركاته
بصراحه الموضوع ده صعب قوووووووووووووووووووى
لان البنت بطبعها خجوله وعندها حياء
ولازم تكون اميره وملكه
هى ماتنزلش لشئ
لازم هو الى يصعد لها
والبنت الى تقول للولد انها بتحبه بصراحه مش ظريفه خالص

[queenfadwa]

[align=center]الافكار دى ميراث اجتماعى ماله اى خلفية معتدلة عمر ما كان التصريح بيقلل من قيمة المصرح ويرخصه ويرفع المتلقى الاولوية حقت التصريح بتخضع للسمات الشخصية يعنى لو الولد خجول لكن بيحب ومكسر و مشكلة حياته انه ما بيقدر يعبر عن حبه بالكلام ويصرح باللفظ والبت بتتحلى باكم من الجرئة هيكون الحل انو البت تصرح اكيد ما هنتخلى عن الحب علشان مجرد التمسك بمن يصرح ومن يسمع ما جات على الكلمة دى الهتخلينا نجهض حبنا ونقسى على انفسنا اذا كنا متاكدين من مشاعرنا والا ده هيبقى كبر واليحب ما بيعرف الكبر واكيد الشاعرين به ده شى تانى وفى خلط فى الموضيع الحب اسمى واعمق من الكلام ومهما وصلت درجات الفصاحة والبلاغة ما هنقدر نعبر عن مشاعرنا واذا دققنا النظر ممكن نلاقى انعكاسات الحب والمشاعر السامية على المواقف والسلوك وردود الافعال والانعكاسات دى اصدق وابلغ من الكلام

وحابى اقول زى ما كلمة الحب لها اثر باللغ ومفعول السحر على مسامع الفتاة من محبوبه لها نفس المفعول على الرجل لما يسمعها من الانسانه البيتمنى تكون شريكة دربه وحياته هوه ذاته لحم ودم واحساس والاحساس ما حكر على المراة ..

الانسان بتشكله ظروف وتجارب كثيرة منها البيترك اثر سلبى ومنها الايجابى ما عيب اننا نصرح بمشاعرنا لما نكون متاكدين منها وان الانسان البنكن له الشعور الجميل ده انسان يستاهل
ما لازم نضيع الوقت فى كبر وافكار مغلوطة مادام متاكدين ان الطرف الاخر بيكن لنا نفس الشعور يبقى الوقت البيعدى حرام نملاه حيرة وشوق وعذاب والم
يسلمووووو my queen على ذوق انتقائك ما نتحرم منك يارب
ادروب شق الجبال [/align]

اولا شكرا علي مرورك
تانيا يا هاميس النوبة المشاعر الحقيقية ما فيها طلوع و لا نزول,طالما انك بتحبي بالجد فعمرك ما هتحسي انك نزلتي في نظر نفسك او تندمي علي اعترافك بحبك ليهو,و اقري كلام ادروب كويس لانو منطقي جداااااااااااا

[أبو أحمد]

الأخوان و الأخوات /
دة موضوع جميل و مهم جداً جداً ... بس يا أخ حداد الموضوع دة الصراحة
فيهو مهمة أيوة .. لكن بعد ما الولد يبادر بالخطوة الأولى ... يعنى هو يبدا و
و هى تتم الباقى ... لكن حكاية إنو البنت هى التبدا بالخطوة الأولى دى ما
عندنا هنا فى السودان ... البنت لو ما بقت تقيلة قبل الزواج دى ما بتكون
سودانية مية المية عشان أهم حاجة فى بناتنا إنهم خجولات .