طلاب الشهادة العربية مظلومين في الجامعات السودانية

[saare]

والله المشكلة دي كرهتنا كلنا وتاني حاجة التعامل دا مافي الا في السودان

[اميرة بكلمتي]

شكرا لطرحك الموضوع لانه اكثر من مهم لينا كلنا
والله انا واخوي والكل عانينا من الموضوع دا كتييير
وهسه اختي الصغيره ممتحنه ولغايت هسه ماعارفين
حنسوي شنو وخصوصا مع القرارت الكل شويه بتطلع
دي وامتحانات الوزاره ...الله يستر بس والله
شفنا ناس بلدم بتدفع ليهم عشان يقرو وتكافئهم بالملاين
اذا اتفوقو واحنا ( ) .... لغايت هسه .

[hamin]

سلام

اول ابشركم بان خلال السبوع الماضى جماعة الاذاعة جونا فى مسقط وسجلوا لقاء مع عدد من اعضاء الجالية واللقاء حى على الهواء وكان البث يوم الخميس 11 مساء بتوقيت السودان المهم كنت من المحظوظين بان شاركت فى اللقاء بصفتى مقرر مكتب الشئون الاجتماعية بالنادى السودانى فكان اجاباتى عن مشاكل النادى وعند سؤال المذيعة عن مشاكل الجالية قلتها بصراحة وزى مابقولوا اهلنا افشيت م لمن مدير الاعلام فى جهاز المغتربين عمل مداخله كلامى كان ان اول حاجة قصة خصم الدرجات ما مفروض يكون وده من اسباب الحقد والضغائن البتحصل عنما يكبروا الشباب ديل يعنى تخيل واحد شهادة عربية جاب 94 وود عمه شهادة سودانية جايب 85 الثانى ممكن يدخل طب والاول بعد الخصم مايمشى الا علوم احياء ده اذا ماكان قبول خاص كمان والامر الاخر الذى يتعب المغتربين هو اجراءات التاشيرة والخروج ( المساهمة الضريبو الخدمه الزكاة خلو الطرف ) وكل الهيصة ده عشان يعمل تاشيرة خروج مع العلم بان السودان البلد الوحيد المواطن فيه مجبر على ختم تاشيرة الخروج ( طبعا ده كل على الهواء )

مدير العلام بالجهاز عمل مداخله ( احب اوضح للاخ حيدر بان الجهاز متابع التعليم العالى ووصلنا الى ان انشاء الله من السنة الجاية ما حيكون فى تنقيص ويعامل الاولاد معاملة الموجودين بالسودان ) اما بخصوص التاشيرة من شهر ديسمبر الواحد ممكن يقضى الاجازة ويطلع المطار على دون المرور بجهاز لمغتربين او ختم التاشيرة مسبقا ) رديت عليه ده كل كويس الى حين التنفيذ ,,, طيب قصة المغتربين ده حاتغيروها ولا لا يعنى جهاز السودانين العاملين بالخارج ليه يسمونا المغتربين بعنى نحن ما مواطنين فى الغربه اسمنا وافدين فى السودانين مغتربين متين حنكون مواطنين وخصوصا مابتدونا اراضى ولا حتى بتعدونا فى التعداد وكلمة مواطن العزيزه ده مابتقال الا تجى برقية رسمية من وزارة الخارجية تفيد بوفاة المواطن فلان الفلانى الذى يعمل بالدولة الفلانية وسيصل الجثمان مطار الخرطوم فى الوقت العلانى ) ال
طبعا المذيعة حاوالت تجمل الموضوع ( لا انتو مواطنين وسحنتكم وكرمكم والاستقبال الشفناه حسع بيقول كده ونحن متاكدين الدوله مابتنساكم ........ وياليــــــــــت ,,, وعذرا [/

[queenfadwa]

يعني خلاص كمل عليهم مبهدلين الناس في التعليم و المنهج السوداني كله ضعيف و ركييك و ووووو الخ ,فيقوم لما تجي ناس من بره واخده شهاده عربيه قوية يتخصم منها انا بس عايزه اعرف هم هيستفيدوا شنو لما يضيعو مستقبل الناس و يحطمو احلامها لمجرد انهم شهاده عربيه ,الواحد في بلدو ما مرتاح ,احنا هنا في مصر الجنسية الوحيدة اللي بتعامل معاملة المصريين و في الجامعه في رسوم اسمها رسوم وافدين بتخش في حساب الجامعةالوافدين كل الجنسيات بتدفع المبلغ كامل ما عدا نحن يعني هسى انا بدفع من 10 % من الرسوم دي وكل السودانيين اللي معاي كدا سواء كانت شهادتهم مصرية او سودانية او من اي دولة عربية.: و قرار ال 10 % دا جديد ما مر على تطبيقه كتير يعني الدفعات القبلي ما كانت بتدفعها خالص
بالنسبة لمنهج الشهادة السودانية عايزة زول يوضح لي موضوع الاحياء بالتحديد لانى بعد ما شفتا الكتاب حسيت ان دى جيولوجي مش بيولوجي ,المفروض ان منهج الاحياء يهيئ الطلبة خصوصا اللي ناوين يقرو طب,صيدلة,مختبرات, لمنهج الجامعه ,لكن الناس ديل بيمشو يسمعو عن ال dna و تفاصيل كتيرة عن الحيوان في كلياتهم ,, ولا منظر الكتب و افتقادها للحياة الكتب باهتة و طباعتها تعبانه و ما ملونه كتب العلوم كلها لما تتلون بتساعد الطالب ع الفهم(زي التجارب الكيميائية) .ولا كتب الانجلش صحرااااااااااااااااااااااااااااااااء بس ,و مكونة من كتاب واحد
no homework book
الحمد لله على كل حال ,ناس لا بترحم و لا بتخلي رحمة الله تنزل