اضحك مع القبائل السودانيه

[بهاء على]

ادروب طالب الشايقي قروش نكرا
ادروب مشى يشتكي لقا ليك العسكري شايقي مشلخ
ساقوهو المحكمة لقى القاضي شلوخو تلخم
ادروب عرف حقو راح
القاضي سالو اسمك منو؟
ادروب محمد طاهر
جنسك شنو؟؟
ادروب اتلفت وقال ليهو شايقي
القاضي : آ زول استهدي بالله
ادروب: والله شايقي
القاضي : طيب شغال شنو؟؟
ادروب عاين كدا وبمغصة قال نحن الشايقية غير حق الناس عندنا شنو.. اكتب حرامي



رباطابي قاعد جنب شايقي في مطعم
الشايقي بياكل في اللحم صادفو عضم من النوع الكبير المجوف داك
قعد يشفط في المخ لغاية ما عيونو حوّلن
الرباطابي قال ليهو
انت ما تريح نفسك وكفكف اضنيك وخش جواه


جعلي سألوه ... عكازك دا بضرب ؟
قال ليهم لا .... لكن ممكن أعمل ليكم بيهو مسكول فوق راس الشايقي دا



شايقي لاقا قريبو
قاليهو آموحمد احمد بتفهم في الكهربى شى
قالو اي بفهم
قاليهو كان كدي تعال علينا صلحلنا
جرس الباب الليلنا باقي عطلان
قالو سمح بجي
اها صاحبنا ما جا قام لاقاهو بعد تلاته يوم قالو
آمحومد احمد مالك ما جيتنا شان تصلح الجرس
محمد احمد قاليهو والله جيت تلاته مرات دقيتلكن
الجرس مافي زول فتحلى




شايقيه ولدها جابها من البلد .. ركبوا الأسانسير في عماره طويله ... الشايقيه قالت لي ولدا دا شنو دا يا ولدي .. قال ليها دا الأسانسير يمه ...
قالت ليهو ما بلقى لي واحد زي دا لي حش التمر




الشايقى دخل الجنة .. وفجأة اختفى
فتشوا عليهو لقوهو بكب بنزين فى ناس النار



شايقى جابوا ليهو خواجة يعلمو الانجليزي
ادوهو شهر .. ومشوا يشوفوا الحصل شنو
دقوا الباب ، فتحلهم الخواجة وقال للجماعه: اناديلكم العوض



امام شايقي واقف يصلى بالناس
شاف الجعلي جاري يحصل الصلاة
سلم وهو واقف



شايقي شاف جنازة جعلي ، بدأ يبكي بي حرقة شديدة ويتقلب في الواطة
سألوه : انت الزول ده بتعرفو ؟
قال ليهم : لا .. لكن سمعت البكا بيزيد عذاب الميت



شايقى بياكل في قراصة بي ويكي قال بسم الله
جاهو الشيطان قال ليهو اكل اكلك آزول مافى شيطان مشتهي ليهو قراصة هسه



شايقي كسلان مشى لي ناس مطبعه قال ليهم ما عِندكم لي شغل؟
قالوا ليهو داير تشتغِل شنو؟ قال ليهم اطلع اقعُدلكُم فوق ورق
الجرايد عشان الهواء ما يشيلُو


شايقي سمع بي خطف الطيارات
ركِب قطر كريمة وقال للسواق أمشي ليبيا


أول يوم في عيد الفطر إبليس لاقى واحِد شايقي
قال للشايقي أعوذ بالله خلاص رمضان انتهي فكوكم


شايقى وجعلى ماشين فى الغاية ظهر ليهم نمر
الشايقي شال نعلينو فى ايدو واستعد للجرى
الجعلى قال ليهو شلت نعليك فى ايدك
قايل نفسك بتسبق النمر
الشايقى قال للجعلى انا عارف نفسى ما بسبق
النمر.. انا داير اسبقك انت



هندى صحا من نومه بجرى ويصرخ نهي .. نهي
قالوا ليهو مالك !!
قال ليهم حلمت اني شايقى



جعلي سالوه كيف الغربة معاك قال ليهم شدة ما حارة يلقاك شايقي تسلم عليهو



شايقي أبوهو مات أهلو أكلوا قروش الكشِف
بعد فتره امو ماتت جاب ناس الهدف


شايقية صاحباتا قالوا ليها فستانك ده حلو .. تفصيل ولا جاهز قالت ليهم خلقة


شايقى قال لمرته : لما أموت إتزوجى جارنا المحسى دا .. قالت ليهو
ليــه ؟ قاليها : لأنو غشانى باع لى تلاجة بايظى وعاوز أتسدّ


جعلى مغترب ابوهو مات واهلو دفنوهو فى مقابر الشايقية
اول ما رجع حفر قبر ابوهو الناس سألوهو بتعمل فى شنو
قال ليهم اصلو المرحوم اضانو تقيلة وديل لو القيامة قامت ما بكلمو


شايقي جارو جعلي الشايقي اشترى ليهو خروف سماه الجعلي شابكو
ادو الجعلي القش اربطو الجعلي فكو الجعلي
الجعلي زهج منو يوم الخروف طلع بره لم فيهو الجعلي شلخو شايقي



شايقي كتب في وصيته لازم يدفنوهو جنب جعلي
قالوا ليهو ليه!! قال لانو يوم القيامه الجعلي
يحلف يقول حساب الجماعه ديل كلهم علي


الشايقية راكبة في القطر وقاعدة جنب الشباك . .
واحد من القاعدين في كنبة النص قال لها:
عليكي الله يا الحاجة بادليني بي محلّك، لأني قاعد أسِفْ وأبزّق
الشايقية: نان أنا قالولك قاع اسِف وابلع؟


شايقي دخل البيت زعلان شديد .. مرتو سألتو مالك يا راجِل
قال ليها الصيدليه عاملة تخفيض كبير في الدواء
وما عندنا زول عيان

[ANA]

والله بالغتهههههههههههههههه
عديييييييييييييييييييييييييييييييييييييل
كدددددددددددددددددددددددددددة
ياخي ما ممكن
ما خليت للشوايقة جنبة
وعلى فكرة
ممكن يختلفوا معاك
لكن ....................











هاهاهاهاهاهاهاهاهاهاهاهاهاها
تسلم كتيييييييييييييييييييييييييير




ولو في للجعلية
ألحقني

عندي جعلي منجضني نجاض

[waya]

ههههههههههههههههههههههههههه
هههههههههههههههههههههه
هههههههههههههه

تشايقيات ( أقصد تشكرات )

[أبعاج]

شايقي سمع بي خطف الطيارات
ركِب قطر كريمة وقال للسواق أمشي ليبيا


نكات حلوه عسل

[الرايح]

يا اخي الناس ديل ما خليت ليهم جنب يتقلبوا عليه
خايتو الا تشوف ليك منتدى تضارا فيه غير ده
ما ح يخلوك ما ح يخلوك...

[spanisheyes]

مالك مستثنينا يا حزن
؟؟؟؟؟؟؟؟؟
يعني ما يتزوجونا ولا شنو:D :D
مشكوووور

[احسان]

[grade="00008B FF6347 008000 4B0082"]بشكرك على البوست [/grade]

[sentimental]

حزن السنين
عااايزة اطلب منك طلب انا طبعا زي ما انت عارف مغتربه
ومابعرف كتير عن السودان اهو من المنتدي بنلقط
شويه
انا حمريه بتمني اسمع نكت عن الحمر وماتخاف من دووون زعل
روحنا رياضيه خالص
بالاضافه لو سمحت نبزة صغيرة عن الحمر يعني انا بسمع من ابوي
بس شهادتو مجروحه وشكرا ليك
سنتمتر اقصد لوووولا

[دحدوح المريخابى]

هههههههههههههههههههههههههه
واللة يامشرف شايفك مركز على الرباطاب كتيييييييييييييييييير
اخير ليك اختاهم عشان ما يدوك عين
ههههههههههه
يديك العافية على المشاركة

[lord of murder]

حلفاوي راكب لي في بص مليان فل والدنيا مسخنه الحلفاوي واقف في حافة باب البص . قام البص هدن في اللفه قام في واحد جا جااااري يا زول يازول ! البص ده ماشي وين الحلفاوي طبعا زهجان قال ليهو ((فردنا رايح بيتكم حتركب فيييييييييييييييييييييييييين؟؟))

[overline] ها ها ها ها [/overline]

[lord of murder]

ياااااااااااااااااااااااااااااي دي شنو المياعه دي (( صحيح انك حنكوش على قولكم اهل السودان ))

معقول من التنقل بين الأمارات وسوريا
على فكره انا البنت ما بتماااااااايع كده

:

0040:

with my love

your friend
(( lord of murder ))

[lord of murder]

هووووووووووووووووووي يا ناس
جرووو شخيط واقيفو بعيد

ده شنو ده كلكم واقعين في الرباطاب كده
اعملو حسابكم يا ناس
انا رباطابي مية المية
وما برضا زووول ينكت علينا

لوووووووووول:D
لا واللله نكات حلوة بالجد
يديكم العافية
بس براحة براحة علينا ههههه

على فكره رديت عليك في الفحه الثامنه على ما اظن

ولا بعدين حنقلب ليكم المنتدى ده كلو مساخات:p
هع هع هع


وتقبلو مروري مع الماريين

مالت عليك استرجل شويه وبطل مييياعه

[the golden boy]

نكات حلوه شديد
اسمعوا دي:
في جعلي جاهو ضيف وفي الطريق ماشين على البيت الضيف وقع في بير قام الجعلي قال ليهو:يازول ات كويس.الضيف قال:اي اي بس كلم ناس الحله يجوا يطلعوني.الجعلي قال:هيع علي الطلاق مابكلم بالشين ووقع مهاهو
ههههههههههههههههههههههه

[فيصل جعفر]

السلام عليكم
تحياتي للجميع
نكات جميلة..بس اتمني لو يتم حذف نكتة المراءة العفصا الرباطابي .. يكون اجمل مع مراعاة النكت من ذلك النوع.. يكون موقعكم اجمل .. وجزاكم الله الف خير علي الحذف....
اخوكم فيصل جعفر

[عزوز01]

تماااااااااااااااااااااااااااااااااااام
الله يديك العافيه

[اميرة بكلمتي]

السلاااااااااام
ااااااى الشايقيه بتجيهك
تدلعك
تلم قروشك
النظافه دى حقتها
ان درت لبن الطير بتجيبو ليك
بعدين هى مهتمه بنفسها
حنه كيف ودلكه كيف
وهن يصراحه كده اجمل نسوان فى السودان
نخريمه
حالتى خاطب شايقيه لسه ماعرستها

هههههههههههههههههههههه
شايف الآثار باانت من البدااايه
بيقبضو الرجاال واهلم تاااني وين ....

[اميرة بكلمتي]

الله يسعدكم على النكااات المبااااالغه دي
كلها حلوه بجد
وشكلي كنت مطوووله شديد ..
تشكراات

[ود النيل]

نكت القبائل السودانيه
ونبدا بالحبايب
الشوايقة:
شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
=========
فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو
========
شايقى قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟
=========
شايقى الحريقه قامت فى بيتو عمل مس كول للمطافى
=========
سته شايقيه غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو
==========
شايقى مغترب فى الخليج عشرين سنه رجع السودان ظابط الشماغ الخليجى وركب التاكسى واللسان خليجى تب قال لى بتاع التاكسى الله يرضى عليك أبقا الثوره وفى الطريق الونسه كلها باللهجه اسعوديه بلدكم زينه وسواليفكم حلوه وديرتكم هواها زين بتاع التاكسى إحتار معقول فى سعودى مشلخ شايقى ولما وصل الثوره قال لبتاع التاكسى الله يرضا عليك نزلى القش تبعى هذا ( العفش) ولما نزلو قال للتكاسى كم يسوى المشوار قال ليهو خمسين ألف ورد صاحبنا مزهولاً… فيييييى شنو ؟

تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه لا الدنيا راضية ارجعه ليها تاني
===========
الحلفاويون:
حلفاوى قالو ليهو بكره عيد الحب قال ليهم ده بصلوهو كم ركعه
=========
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
===========
حلفاويه راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه ملتدليها قالت ليهم سمح ياوليداتى والحاجه دخلت فى نومه عميقه واساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها لبن عشر الحاجه إستدركت قالت ليها سجمى دى أبوحمد البت قالت ليها لا دى أبوظبى
الرباطاب:
دار الحوار التالي بين الرباطابي وابنه:
الولـــــــــد : يابا يابا شوف الفار
الرباطابي : تقول لي الفار نان قايلني كديسي
الولــــــــد: نان يا يابا انا قلتا ليك اكـــــــــلو ؟
==========
رباطابي عندو جارة غنماية عايز ابيعة
بعدين في السوق دايرة تزووغ قام رفع لية ولدها
جات راجعه والرباطابي محمض الموقف كلة
قام قال لية ((اسمع ياصحبي جبتوة بي الريمووووووت)
=========


قال ليك واحد دخل قرية الرباطاب وفي طرف الحلة كده
لقي لية واحد صغير قام سألة اسمع عندكم موية
قام قال لية نان شجرنة ده قايم بي التيمم
========
رباطاب عندهم وفاة بحفروفو في قبر مر بيهم جنوبي قال ليهم ياشباب
ان شاء ماعندكم عوجة قالوا ليه لالا بنفتش لنا في صارقيل
==========
رباطاب معزومين عشاء والسمك ريحتو ضاره بي شفقتم كلهم السمك طعنهم شوكو ابوهم قال لي سيد البيت انت عازمنا عشا ولافحص ملاريا
==========
رباطابي ولدو بتعلم في المشي بمسك في السرير ويمشي من الاول لاخر السرير ويرجع ابوه شافو قال ليهو ياولد بفتش لاذاعة لندن
==========
رباطاب بحفرو في قبر مرّ بيهم الجنوبي البتعلم في العربي قال ليهم
البكاء ده هنا ولاخبر من البلد قالو ليه خبر الا جينا ندفن التلغراف
قالوا واحد رباطابي إنكشح فوقوا جاز كتير
الجماعة سألوه يا زول إن شاء الله خير
قال ليهم خير شنو إنتوا عارفين لو ركبتو لي شريط لمبة أولع للصباح
========
رباطابي لقى بنتو قاعدة سرحانة قالها :
يابت انتي عاشقة قالت لو : لا أنا 3310 عنيدة
============







الجعليون: ديل اهلي

الجعلي شايل سيجارة وما عندو ولاعة شاف ست الشاي وكانونها جمروا ملهلب قال يمشي يولع السيجارة منها :
الجعلي : ممكن اولع السيجارة
ست الشاي شالت الجمرة بيدها وهي تقول : انا من جعلية المتمة .ومدهتها الي الجعلي ،
الجعلي شال الجمرة بيده وولع السيجارة ورجع الجمرة الى ست الشاي , وبحركة سريعة شال براد الشاي (الكفتيرا) من النار وقعد في نص الجمر وقال ليها قلتي من جعلية وين .؟
===========
حدث حريق في المنزل رقم 12 مربع 15بأحد أحياء مدينة سودانية ، اتصل صاحب المنزل بالمطافئ ولشدة ارتباكه ذكر لهم العنوان منزل 15 مربع 12 ، بالطبع ذهبت المطافى إلى منزل آخر ، لم يجدوا حريقا ، قرعوا الباب ، أتاهم صاحب المنزل وكان جعليا :
مرحب حبابكم ، اتفضلوا ، عل ما في عوجة ؟
قال له رجل الاطفاء
في حريقة هنا ؟
أجاب الجعلي لا
فقال رجل المطافي : طيب نرجع و نشوف الاتصل دا منو
فقال الجعلي :
علي الحرام ماترجعو ... أدخلوا ... وصاح مناديا زوجته :يااااااامرة ............ أحرقي الراكوبة.
==========
قالو ليكم جعلي ركب مواصلات الخرطوم امدرمان ومع السخانة بتاعت الجو صاحبنا مسخن وما عاجبو ليك الحال وقاعد جنبو واحد هدندوي وشغال ليك لي الهدندوي نحنا ناس المك نمر نحن ناس الحارة ونحنا ونحنا وداير الهدندوي يتكلم باي طريقة عشان يشاكل معاهو والهدندوي ساكت ساي بس لامن البص وصل امدرمان قام الجعلي قال لسواق البص بالله محطة الدايات يازول بس اول ما الجعلي نزل والباص بقى متحرك قام الهدندوي طلع راسو بالشباك وكورك ليهو : عليك الله حسي دي محطه ينزل فيها راجل
===========
وهاكم دى عن
الحلفاوييين :
قال ليك:
حلفاوى عصروهو عصرة شديييييييييييييدة عشان يمشى
صلاة الجمعة قام زولك مشى بدررررررى لقى ليك
ناس الدعوة شارين ملابسهم فى حوش الجامع وحلتهم
تقجقج جنب المزيرة بتاعة الجامع رجع ليك لجماعتو
قال ليهم أها الحمدلله الجامع زاتو أجروهو عذابة)
جنوبييين :
جنوبى راكب فى البص
يقرأ فى جريده
جارو قال ليهو الساعة كم؟
الجنوبى مارد عليهو
تانى سألوا
وبرضو مارد عليهو
قام الراجل لكزو
قال ليهو انت مندمج ولا شنو؟
الجنوبى قال ليهو لا من واو
==========
اتنين حرامية سرقو جنريتر وهو شغال وجو جارين بيهو اها ناس الحلة بفتشو عليهم لقو اتنين مساطيل قاعدين بسطلو سالوهم ما شفتو اتنين شايلين جنريتر ؟؟ ردو ابداا والله لكن الغريبة في اتنين جو راكبين موتر وطافين النور
=======

المساطيل :

في مسطول عندو ذقن كبيرة
دخل مسجد بالغلط لقاهو واحد قايلو شيخ قال ليهو : يا شيخنا فاتتني ركعتين أعمل شنو ؟
قال ليهو : في ذول شافك
قال ليهو : لأ
قال ليهو : أعمل
نـــــــــــــــــــــايم
============
مسطول قابل مسطول ساله انا شفتك وين قبل كده رد ابدااا ما متذكرك المسطول الاول رد غرررريبة انا برضو ما متذكرك - تعرف ديل بكونو اتنين غيرنا
============
واحد مسطول مجنون بتاع بلااستيشن أبوه مات
كتب على قبره game over
============
واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح
=========
قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: " ليه .. هو مقاسك
" أد إيه ؟
=============
مسطول بيشاغل في واحدة لونها اسمر قاليها : وين يا بيبسي ؟
قامت تفت عليهو . قاليها : وكمان بتفوري ..
=============
مسطول ماشي في غابه قام لحقو اسد المسطول جاري والاسد جاري وراهو
المسطول لمن تعب قال للاسد تعال اكلني تاكل السم ..
============
قالوا مسطول سالوهو : اضانك دي الحرقا ليك شنو ؟
قال ليهم : كنت بكوي في الملابس والتلفون ضرب بدل ما اشيل السماعة شلت المكوه ..
قالوا ليهو : طيب اضانك التانية الحرقا شنو ؟؟
قال ليهم : ما الحيوان ده اتصل تاني ..
=============
قالوا مسطول ساطل سطلة شديدة سالوهو : اسمع يا ابو الشباب المسطرة الطويلة دي البشلوها ناس الجامعات دي شنو ؟
قال ليهم : اظنو دي سيف الجامعة البقولوهو ..
============
مسطول دخل يدو في موية نار طلعا لقاها مافي دخل راسو يشوفا مشت وين ..
============
ولد مشى لى سيد الدكان .. و قال ليه:" عندك
"حلاوة؟
"..سيد الدكان قال ليه:" أيوة
! "الولد قال ليه طيب أدينا ببسى
الولد مشى و جاء راجع تانى ..و قال ليه :" عندك
"طحنية ؟
".. قال ليه:" أيوة فى
! "الولد قال ليه:" طيب أدينا سكر
سيد الدكان زعل و مشى كلم أبو الولد
و قال ليه:" ولدك دة عذبنا.. يسأل من حاجة و
".. يقول داير حاجة تانية
أبو الولد زعل و قال ليه:" دة ولد قليل أدب
"و لازم يتجلد .. عندك بسطونة ؟
".. سيد الدكان قال ليه:" أيوة موجودة
"أبو الولد قال ليه:" طيب أدينا سوط عنج
================
مسطول عملوا معاه لقاء فى التلفزيون
"المذيع سأله:" ماهو أصعب موقف مرّ بيك فى حياتك ؟
المسطول قال ليه:" يوم ما كنت بحلق فى دقنى
".. و بلوك لى فى لبانة
============
قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة قالت ليهو : أسماء
قال ليها يعنى مافى اسم محدد
===============

افتراضي نكات ( رجال زوجاتم هارشاتنهم)

قالوا في مدير شركة عائز أعرف الموظفين المعاهو. هل نسوانم هارشاتنهم زيو والا لا؟
فقام أشترى عدد من البطيخ وعدد من السيارات الكامري أخر موديل. وجمع الموظفين ، وقال أي واحد مرتو هارشاهو يشيل ليهو بطيخة ، وأي راجل مرتو ما هارشاهو، يشيل ليهو مفتاح سياره كامري على Zeros.
فكان الموظفين كل واحد منهم شال ليهو بطيخة وخرج ، ماعدا واحد فشال ليهو مفتاح وركب سياره كامري ومشى البيت فرحان ... وفى البيت المره شافتو فرحان، فسألتو ، مالك الليله فرحان كده ياراجل؟ فقال ليها اليوم المدير قدم لي هديه سياره ، قومي شوفيها ، بعد ما شافته ، قالت ليهو مالقيت غير اللون الأبيض ده أرجع شيل ليك واحده لونها يكون بالأحمر ، فرجع الشركه وقال للمدير أنا عائز ابدل السياره ده بلون أحمر.
فسأله المدير مشيت البيت ؟ فأجاب نعم ...
فنهرو المدير، وقال ليهو خت المفتاح ده هنا وشيل ليك بطيخه وأخرج !!!
=================
قالوا في واحد مرتو هارشاهو، فجاء اليوم ديك شايل ليهو كديسة ،
دخل البيت وقابل زوجتو فقال عليك الله شوفى الغريلا دي !!!
فردت الزوجه انت ياراجل مانصيح دي كديسة ما غريلا ...
فرد عليها الزوج أنت البتكلم معاك منو أنا بتكلم مع دي واشار الي الكديسه!!!!
ادروبات :
ادروب لقى كرتونه مرقة ماجي...لم فيه بلع بس...ورمى الكرتونه...
مسكته قبضة من أبو كديس ديك...
مشى المستشفى
الدكتور سألوا...أكلت شنو يا ادروب...
قال ليه: (بسكويت أبو ديك أكلنا)

منوعات :
=============
غبي مسكه المرور لأن لوحة سيارته الأمامية تختلف أرقامها عن الخلفية. قال له العسكري ليه عامل كدا وانت الشارع دا بتاع ابوك؟ قال: هل وشك زى قفاك؟
============
كلب بلدي شاف كلب بوليسي مركبنو فى العربيه وأخر تسريحه للشعر ونظافه .... البلدي قام قال مشكلتنا بس ما كملنا تعليمنا .................
=============
واحد ايمانوا ضعيف وفى نفس الوقت غبى جدآ اتلموا فيهو عشره شياطين......
واحد يوسوس وتسعه يشرحو ليهو....
:079:
وإن عجبتكم النكات عليكم الله ردوا علي ولا شنو مافي زول فيكم ظريف

[بت الدوحه]

ههههههههههههههههههههههههههههههه
نكتك حلوه شديـــد
تسلم..

....

[مشـMEDOـاكل]

مشكووووووووووووووووووووور على النكت الحلوه وربي يديك العافيه